مسائكم حب 😍
#ليالي-ايار
الجزء 15
بقلم ازهار ذابله.
حاولت افتح الباب ماكدرت جان مقفول
بس ظليت احاول لحد ما انفتح شفت اغراض وملابس قديمه مااتصور اتخص الحارس واصلا اذا هو ترك الشغل ليش يعوف اشياء اتخصه " الا اذا هو هرب من البيت يعني مو ترك الشغل...
لازم اسالهم عنه ضروري بس خلي اكمل شغل بالشركه لازم اسوي برنامج جديد... باجر اجتماع بالشركه وهذا رائد شلع كلبي بس يعترض يوميه مسويله سالفه صدك هذا واحد ملعب مو مرتاحله بس المشكله مو واضح اتحسه مرات زين و مرات اهوي احسه اكبر قذر ...
ايار خلص يومي واني ضايجه ومااعرف شنو اسوي بس كل ما ماما ترزلني وتزعلني احن لـ وضاح كعدت اكبال اللابتوب وبديت اكتب خاطره ....
كتبت ...
سحقاً لك يا قلب لما تحن
لما تطرق كل الابواب بحثاً
عنهم لما تسأل كل من تراهُ
عنهم تباً لك يا قلبي ....
احرقت كل الماضي بنظرت
عطف منهُ..
انسيت كل الجروح بهمست
بوحاً منهُ...
اسامحتهُ لما لا تجيب يا بعثرت
الحروف امامهُ..
انسيت كل الذي احترق وعدت
لتضيئ بهِ..
اسكن نبضك عندما سمعت
كلاماتهُ..
اتريد ان تخذلني من جديد
تباً لك وانا التي كنت اقول
بأنك خلقت من حديد. ..
سطرت هذا الكلمات واني سابحه بخيالي ومااعرف شلون صارت عندي شجاعه لـ اول مره انشر شي من كتاباتي جنت متردده بس اتشجعت وفتحت صفحتي بالفيس ونشرت الي كتبته واتندمت ردت احذف المنشور بس الكهرباء انطفت وبعد ما كدرت احذف المنشور ....
ايار ايار ايار اياااااااار ...
نعم دا اسمع شكو سجود شنو تردون مني ..?
ايوو الكهرباء فصلت ..
اي اعرف دا اشوف وشنو اسوي مثلا ..
فدوووه شغلي المولد مال البيت ..
والله من كل عقلج لج المولد بي عطل ولازم اصلحه وتعرفين بيش الساعه هسه اكول انخمدي احسن ...
الله عليج حبابه فدوووه والله دا اتفرج
يوتيوب واتعرفين شكد صار مفاتحه نت حبابه حبابه ..
يبووو عمي هسه انزل واشوفها بس تعالي وياي شغليلي الايت ..
اي اي فديتج اني ..
نزلنا اني وسجود نشغل المولد لان السحب بي عطل وميصلحونه اليوم ولازم نبقه ننتظر الوطني هذا كل ساعتين ثلاثة يله يجي ...
فتحت الباب ورحت الحديقه الخلفيه جانت ظلمه اتخوف بس حفيف الاشجار والجو جان بارد بعد شهر الثاني يعني اتجمد ..
اني لابسه اتراك خفيف ولافه نفسي بـ شال شتوي كبير مخليته ع راسي وطالع بس خشمي واطراف اصابعي وسجود لابسه قمصله رياضيه كبيره وضايعه بيها ..
فتنا للحديقه وصلنا لغرفة البيها المولد امسويلها مثل السقيفه والمولد مو كبيره بس وسط ....
طلعت العده وبديت اصلح هاي شغلتي بعد شكو كهرباء وتصليح اختصاصي بدت سجود اتشمر بالادوات وتلعب واني اصيح عليها واردعها وهي ماكو ولا يمها عدها كله لعب .....
انوب خلصت بس اجرب تشتغل او لا بس شغلتها صار صوت قوي هاي كبل فزت وعاطت وشمرت نفسها بحظني خبلتني عابلي صار بيها شي شافت شي ..
وهي بحظني شفت شبح شخص طويل وضخم يحمل ضوه وسلطه علينا بعد ماكدرت اشوف شي بس احس رجليه جمدن مااحس بجسمي كله يرتعش من الخوف ...
بس اتشجعت وحجيت صحت منو انت ..
وسجود شافته وردت اتصيح ..
من اقترب وحجه يله اطمنه ..
وضااااح شكول عليك وكعت قلبي اوووه
وضاح : هو انتو خبلتوني شتسون اهنا وشبيها سجود اتصيح ...
ايار: مااعرف نزلنه انشغل المولد وسجود خافت مدري شنو شافت ....!
سجود : ههههه خفت من صوت المولد والخوفه الثانيه منو وضوحي ..
وضاح : ليش بويه شبيه وخفتي مني هو اني خفت منجن شايفات منظرجن جنجن عصابه بفلم هندي ...
ايار : يله هو انت غير جمدتنا من الخوف عبالي جني ....
سجود : لك لا تطلع بالليل تخلس وربي شي طويل وضخم وانوب اعيونك بالظلمه اتخوف ..
وضاح : يعني اغمض احسن ..
ايار : بطلوو نكره سجود حشغل اوك مو اتصيحين لميتي علينا الجيران ..
سجود : شغلي قلبي قلب اسد ...
وضاح : احم احم ...
شغلت من جديد وسجود هم حظنتني
هاااا شكلنا
خلص اشتغلت يله وضاح احنه نستأذن واسفين ضوجناك ....
وضاح : همزين شفتكم اريد لابتوب مهم جداا اريد اسوي( برزنتيشن ) لان باجر عدنا اجتماع بالشركه ...
ايار : سجود حبي انطي لابتوبج لـ وضاح.
سجود :لا مااكدر لان عطلان ميشتغل ...
انطي لابتوبج انتي متستخدمينه ...
ايار : يله هسه ارجع اجيبلك لابتوب ..
بعدني ممكمله كلامي ردت انطي لابتوب مرام مااحس غير سجود طارت بدقايق رجعت وبيدها لابتوبي وسلمته لـ وضاح .
هو دخل لغرفته وهي رجعت للبيت واني مثل المصدومه بقيت بمكاني ومتحركت جمدت" بس من الخارج بس داخلي انصهرت اشلون والمنشور اكيد حيقراه ويشوف التعليقات ...
جنت ضايفه كل الطلاب بقاعتي ولد وبنات ومااعرف شنو حيعلقون ...
بقيت كاعده بالحديقه اشويه واستوعبت الكارثه رحت اركض اشوف حسابي من الفون واحذف المنشور
اخ وين جانت غايبه عني هاي الفكره ...
بسرعه دخلت للغرفه وفتحت الفون واشوف الاشعارات. خمسين تعليق عاااا هاي اول مره انشر مااحب انشر والفيس كله مااحبه شوازاني ونشرت اليوم
بديت اقراه التعليقات ..
اول تعليق من زميلي كاتب رووعه وجميل مثلج ....
والثاني كاتب الحب يتنازل ويتواضع وانتي مغروره علينه ..
هذا التعليق ضوجني واكثرهم ماقريتهم بسرعه حذفت المنشور ...
يتبع ......
أنت تقرأ
ليالي ايار
Roman d'amourقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
