#ليالي-ايار
الجزء 15
بقلم ازهار ذابله..
لصبح كاعده وافكر اذا وضاح قراه المنشور واكيد شاف التعليقات ومااعرف هذوله الطلاب الوياي ليش هيج همج شنو هاي التعليقات شنو مغرور وما احب يعني تردون اي واحد يصارحني احبه واني اصلا مو خاليه كلي هموم كافي عليه جربت حظي بالحب ....
حبيت وضاح واني بالاعداديه جنت بصف رابع ...وجان هو اخر سنه اله ويتخرج مااعرف ليش حسيت بهذا الشعور اتجاهه جنت متناقضه اني ضد مشاعر الحب ولدرجه استخف واضحك ع الناس الي يحبون ومااحب الافلام والرويات الرومانسيه احسها تخنكني احب الجريمه والرعب جنت اعشق افلام الرعب ...
شلون وكعت بحب هذا الشاب البدوي شلون قلبي سلم حصونه المنيعه ورفع رايته البيضه كدام سواد اعيونه ليش نسيت كل الحكم والعبارات الي جنت احفظهم ضد الحب .... لا يقع بالحب الا احمق .... وانه اليوم حمقاء من الدرجه الاولى اقلها الي يحبون يكون حبهم متبادل بس اني حبي مختلف اني اعشق روح بعيده عني احلم بشخص يحلم بغيري ....
يمكن هاي لعنة الحب ومن عدها واني اعشق هذا الوضاح المتغطرس الطاوس
المغرور بأصله ومتعالي بطوله الفارع وعيونه التسحر احسه بطل من روايه رومانسيه بطل ماكو مثله بين البشر"
واتخرج وضاح ورجع لـ اهله واني بقيت حافظه هذا الحب .... وهاي خلصن ست سنوات واني بعدني احبه ....
وكل فتره جان يجي وضاح يشوفنه صح ماما اتضوج منه بس هو مايهتم ابد ما قطع علاقته بينا ودائما اخابره واطمن عليه
بس جان يضوجني بأخر جمله يكولها ...
يكلي محتاجه شي .... اني اسكت بس بداخلي اصرخ اي متاجتك مشتاقتلك اريدك .... بس مجان يسمعني ويسد الخط بعد مايسمح همس صوتي المخذول سلامتك ....
قصتي ويه وضاح رجعت عاشت بعد ما رجع النا من جديد .... غادر وهو عمره
اثنين وعشرين سنه وهسه هو ثمانيه وعشرين سنه .... طول هذه الست سنوات وضاح ممفارك خيالي غيرني اهوايه ومن عرفت عن طريق الصدفه انو عنده علاقه ويحب ... حزنت اهوايه وحته الاكل زاعلته واتمرضت وانتكست حالتي
ورجع مره ثانيه حته يعذبني حته يحجب قلبي عن الناس .... قلبي ميدك ولا يحب بس شخص واحد هو وضاح شكد صارحوني ورادوني ومن غير معارف ماما وسوالف الخطوبات المزعجه وخلافات ويه ماما واني كل يوم اعتذر عذر شكل مااريد ارتبط بشخص واني روحي متعلقه بأخر ...
وضاح اخذت الجهاز من سجود ودخلت الغرفه اكمل شغل وادقق بالبرنامج وانقله من الورقه ع الفلاشه حته الكل يفتهم شنو اريد ..... اول ما فتحت الجهاز اشوف اشعارات الفيس ... اني ماعندي فيس بس اعرف استخدمه ردت ماادخل لان هاي خصوصيه ... بس اكو مسج اجه ع الخاص هو دفعني اشوف شنو قصت المنشور .... رساله من صديق ايار كاتبلها شكد حبيتج وانتي ماحسيتي حل تستاهلين ذوقي نفس الطعم هذا كسر خشمج وماحبج وانتي ظلي حبي ....
ابصراحه ماعجبني اسلوبه وليش هيج يحجي مااعرف اني يمكن غرت بس مو غيره ع حب لا شعور غريب احس الدم صعد براسي وفتحت المنشور وقريت الشعر الي كاتبته ايار ... احس شكو حرف بي اني المقصود .... مااعرف واني اقراه ردت اشوف التعليقات وانخذف المنشور.
عرفتها ايار حذفته وصار عندي شك خاف صدك اتحب وهذا عايفها غير اموتها اذا صدك ...
ايار الصبح صار واني بعدني كاعده وبس ابجي ع الحظي العثر .... استوني غفيت
ودك الفون صحيت اشوف رقم وضاح ..
الووو
صباح الخير بسرعه اصحي وبدلي عدنا اجتماع بالشركه ....
ما ما اريد احظر اني مااعرف شي بالشغل شعندي رايحه ..
اني كتلج اتنزلين بسرعه يله ..
سد الخط بوجهي ومتعصب هذا شبي
اوووف بس لا قراه التعليقات ....
نزلت بسرعه اول مره اشوف وضاح هيج شكله تعبان ومبين منايم ورافع حاجبه ومتشنج منتظرني .. اني خفت منه بدون سلام فتحت السياره وانطيته السويج وصعدت يمه خليته هو يسوق مابيه حيل رزايله ....
انزلي ....
شنو ليش ..
انتي سوقي ما اسوق اني. .
اوك براحتك ...
نزلت وهو اخذ مكاني بس لهجته اتخوف احس ايريد ياكلني بعيونه .. بس ماعندي شجاعه اوضح اله الموضوع ...
وضاح مااعرف ليش هيج اتصرف وياها اخ ايار شخربطتي بمشاعري اني عايز بلوه وحب جديد كافي عليه الحب الاول وخسرته واذا خسرتج انتي همه بعد مااتحمل ..... ايار احجي شي اي شي كولي مااحب غيرك كولي احبك مثل هذيج المره .... اتمنى تسمع كلامي بس اني ما حجيت بس اريدها تبرر اتكول مااعرف شي اتكول محد مصارحني اريدها اتكول الشخص الكتلك احبه ماكو خيال وهذا الشعر الك وعليك مو اله ولا عليه. ... بس هي بقت ساكته ....
وصلنا الشركه نزلنه اني وايار ودخلنا المكتب لكينه الكل ينتظرونه بديت اشرح البرنامج الجديد والكل رحب بي ماعدا رائد مااعرف جانت اعصابي تعبانه وحركت ايار كلها وكعدت براس رائد
خلص كافي لك يا بشر شكد تعترض
نفذ ولا تناقشني وهاي اخر مره احذرك تره اكظبك الباب افتهمتني ....
ماكلت شي اني وبعدين البرنامج يحتاج مصاريف واحنه مطلوبين شلون حتدبر هذا المصاريف ....?
يااخي مالك شغل اني ادبر كل شي بس نفذ ولا تناقش وتعترض يااخي شكد اختلافي انت ....
ابراحتك استاذ وضاح هي بقت بيدك
لك شو معاجبك هااا احترم نفسك..
ايار وضاح جان متوتر ومعصب ع غير عادته وبدت عركه بينه وبين رائد والموظفين يحاجزون بينهم واني ردت بس اسحب وضاح امنعه من الخبال الي يسوي ...
اشو هذا دفعني ويصرخ كله منج وانتي اخر وحده تحجي وياي وتهديني مااريد اشوف وجهج. ...
يتبع .......
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
