ليالي ايار

البارت العاشر

مسائووو حب 😍
#ليالي-ايار
الجزء 10
بقلم ازهار ذابله.

اول ما فتحت الباب شفت رجال كاعد بالحديقه وسجود كاعده اكباله من شافتني اجت تركض وحظنتني وتبجي .
شكو شنو صاير شبيج سجود ...?

هذا .... هذا المحقق يتهم ماما وظل يصيح علينا ..

لا تخافين ولا تبجين هسه اشوف شنو السالفه ..

السلام عليكم ..
جلال : وعليم السلام ...انت اكيد وضاح ابن اخو الضحيه جنت انتظرك بفارغ الصبر ..
شنو انت محقق لو شنو يعني متعرف اتوجه اتهامك بشي من العقلانيه شلون كدرت تثبت انو زوجت عمي هي القاتله ..
جلال : بس اعصابك اشويه واستريح خلي نتفاهم ..

وضاح : مااريد افتهم شي ومو من حقك تدخل البيت وتتهم واتصيح يعني مسوي رعب للعائله واتريدني مااتعصب...

جلال : هذا شغلي وبعدين هاي شابه مو طفله ليش تعتبرونها طفله انت واختها ايار هم مقبلت استجوبها..

وضاح : نعرف سجود مو طفله بس بنفس الوقت ماتعرف اكثر من الي اتعرفه ايار و والدتهم يعني ماكو داعي اتخوفها وتوجه اتهامك الها والـ والدتها بهيج طريقه. .

جلال : عفوا اتعلمني شغلي انت هم متهم وشكو واحد جان موجود بحياة جراح متهم ..

وضاح : اي اني متهم ماعندي مشاكل اني بيوم الجريمه جنت بمحافظه ثانيه صعدت طياره من صحراء السماوه واجيت قتلت عمي ورجعت للبيت بكل بساطه ...

جلال : لو سمحت خلي اكمل شغلي ..

وضاح : كمل بس بعيد عن سجود مااسمحلك تحقق وياها اني موجود شتريد اجاوبك حته لو تريد تسجني بس سجود لا توصل يمها خليها خارج قوس ..

جلال : ماعندي شي وياها خليها تروح ..

وضاح : اتفضل اسال الي اتريده ..

جلال : تعرف بعمك جراح جان متزوج ...?

وضاح : متزوج منو يعني زوجه ثانيه ...!

اي زوجه ثانيه جنت تعرف او لا ...?

لا مااعرف وهذا شدخله بالقضيه ...?

هذا واحد من الدوافع الي يدين زوجت عمك ع ان تقوم بجريمتها ...

شنو دليلك ...?

المدعوه سحر محمد هي زوجت عمك الاولى بقوالها كالت دخلت المكتب بعد ماسمعت صوت الاغنيه العالي الي جان يصدر من مسجل بس من رجعت استجوبتها مره ثانيه رجعت القصه بشكل اخر كالت سمعت صوت وكعه قويه ع الارض .... شي ثاني جانت تعرف بزواجه ومحجت شي وبنفس الوقت اخوها رياض هم يعرف وبنفس اليوم صارت بين جراح ورياض مشكله وبالشركه كدام كل الموظفين رياض هدد جراح بالقتل ....رياض نكر ورجع يكول اني ممتعارك ويه جراح ع مود زواجه الثاني بس سحر اعترفت بالمشكله وخذلت اخوها وكالت من شافه بالمكتب هم اتعاركوا يعني مرتين رياض يهدد جراح محد اله دافع يقتل جراح غير رياض ..و سحر واحد منهم متورط بالجريمه ..