ليالي ايار

البارت الثامن

#ليالي-ايار
الجزء 8
بقلم ازهار ذابله ..

منظر مشايف نفسه بحياتي سجود لازمه الولد وتضرب بي والناس حايرين بيها وصلت يمها وسحبتها بسرعه والولد جر نفس ... ظل يهدد ويتوعد ويكول لو ما ابنيه الا يسوي هيج ويعمل كذا واني ماكدرت احجي بس هو زودها وظل يسب ردت اضربه لان حيل استفزني بس واحد وكفني لزم ايدي وسحب ايد سجود
جانت ايار ورانه وسحبتنا اثنينه ورجعت اعتذرت من الشاب ابصراحه اجت بالوقت المناسب لان لو ممدخله جان اني وسجود بالسجن ...
ايار : يعني شنو اريد احجي سجود متبطلين سوالفج وانت الثاني دزيتك ترجعها مو تهجم ع الولد فوك ماهي ضاربته انت اتريد اتكمل الليله ..

وضاح : هو مستفز ..

سجود : اني مسويتله شي هو يضحك عليه ودائما يريد ايضوجني تدرين شمر حصو عليه وع سمسم وسمسم ضاج ..

ايار : يبووو عليه هم سمسم ضاج اذا ضاج سمسم يعني ترتكبين جريمه حبي سجود احنه دخلناج نادي حته ادافعين عن نفسج مو حته اتشوفين نفسج اقوه من غيرج وتضاربين مثل الشقاوجيه ميصير هيج ..

وضاح : صح انتي كل يوم ضاربتلج واحد من وره سمسم الله ياخذه ويخلصنا منه.

سجود : هسه شنو المطلوب اتعاركت وضربت وانضربت مصار شي لا تكبرون القصه ..

ايار : مصار شي بس ماما حتعرف بكل شي اوك.

سجود : لا لا اني اسفه ايووو حب حب مالتي بس هاي المره وعد بعد مااسوي مشاكل وهذا وضوحي هو شاهد ..

وضاح : اني عندي شرط حته ما احجي لازم بعد ماطلعين وحدج ..

سجود : ايصير خير ذلوني بعد عدكم شرط اغسل مواعين ملابسكم بعد استغلوا برائتي وطفولتي يا ظلمه ...

وضاح : ام السان اني تأخرت ولج الرجال منتظرني شنو من فلك اسود انتي ..

ايار : انتظرني اروح وياك ..

يله منتظرج واخذي هاي البنيه من وجهي لا ارتكب جريمه ..

راحن سجود وايار واني اتذكر وجه سجود شلون تحجي واتسوي نفسها مسكينه الا اشويه ابجي واصدك وشلون تضرب برجلها بالارض وتصيح سمسم ضاج ..
صدك شر البليه مايضحك ...

ايار يله استاذ خلي انروح يله .. .وين رايحه غير اجيب السياره بس افتح الباب
يله منتظرج ...
صعدت ويه ايار وانطلقنه برحله قصيره للمجهول ماكو اي صوره مخليها بخيالي عن الشركه وشلون اتكون مو مشايف شركات من قبل بس مااعرف مااكدر اتكهن ذوق عمي واختياره لان ذوقه بالشكل واضح من اختياره لـ ام ايار جداا جميله بس المشكله بالمضمون اخاف مضمون الشركه مثل ام ايار .....
وصلنا بسرعه ونزلت ايار واني من بعدها ودخلنا الكل يعرف ايار وهي هم تعرفهم
مثل ما كالت ايار الشركه عباره عن مكتب واسع وبي عدت مكاتب بيها اجهزة حواسيب وخلف كل كابينه موظف مركز بشاشة الحاسوب ....واكو ممر ضيق ينتهي بغرفه بابها زجاج لونه ازرق واكو لوحه لـ حصان عربي لونه الحصان داكن يميل لـلـ الاسود .. .. المكتب جداا انيق وطرازه غربي بس الي كاسر هذا الطراز
هو اللوحات العربيه منها لـ خيول او معضمها والاخر لـ اكواخ وخيم وغيرها من لوحات بالخط العربي وعبارات وحكم جميله ....
وضاح هذا المكتب خلي ندخل ...اتفضلي
اول ما دخلنا شفت المكتب شكد مرتب ونظيف ماكو فرق عن الخارج نفس الفكره هم الاثاث غربي ونازك واللوحات كلها عربيه بأمتياز ......
هذا مكتب بابا واهنا غرفة الاجتماعات غرفة اصغيره هي جزء من المكتب وبيها داتا شو حته يعرض بيها شغل كل شخص او مشروعه او اقتراحه ويكدر الكل يشوف بوضوح تام ....
اي لاحظت جداا جميل المكتب ...
وضاح بس سؤال ليش جنت ترفض اترافق بابا لشغله هو اكثر من مره طلب منك اتساعده بس انت ترفض ..?

والله يا الاخت اني مو صاحب مكتب وخنكه اني ابن صحراء يعني هذا البناء والمكاتب والاثاث يخنكوني هسه اني مجبور اشوف شنو المشكله بالشغل
بالمناسبه شنو طبعيت شغلكم حته لا افشل كدام رائد ..

تصميم اعلانات وترويج بالانترنت للمنتجات يعني تكدر اتكول شركة اعلانات ...

زين شنو الي يخلي شركة اعلانات تخسر ..?
اهوايه اشياء هسه يجي رائد ويفهمنا ..

سلم رائد وسولف كل شي يخص الشركه وشنو المشاكل وليش هاي الازمه بس الحلول مفقوده اقترحت عليهم انغير من نوعيت العمل يعني يبقه تصميم اعلان بس بطريقه جديده ونحتاج اختصاصات جديده رائد رفض لان كل هذا يحتاج ديون جديده الشركه محتاجه بس عملاء يطلبون من الشركه اعلانات ...
استاذ رائد مو اتشوفها غريبه شركه اعلانات ومتسوي ترويج ضخم لنفسها يعني من خلال الاوراق الكدامي الشركه صار سنه ممسويه ترويج ومعتمده ع كم اسم فقط ...
لازم باجر الكل يحظر انسوي اجتماع واناقش المشكله مع بعض ..
رائد: ان شاء الله وهذا كل ماتحتاجه من ملفات اتخص الشغل والديون ايضاً ...

وضاح : يله احنه خلص شغلنا انشوفك باجر ان شاء الله ..
طلعنا اني وايار من المكتب وماكو شي يثير الشك او الغموض بس الموظفين كلهم مرتبكين وهذا الارباك باين عليهم ماعرفت السبب...
يتبع......