مساؤؤؤ
#ليالي-ايار
الجزء 28
بقلم ازهار ذابله .
ام ايار : مجنون اطلع برا يله برا ..
اي اطلع برا واني صدك مجنون بسيطه ايار ..
ماصدكت وخر وضاح من كدامي جنت مصدومه مااعرف شنو صار ولا احس بشي اتجمدت اسمع ماما اتحرك بيه وتصرخ بس اني مااكدر احجي وياهم واسمع سجود ومرام يبجن ويصرخن " اريد اكلهم لا تخافون اني اسمعكم بس ماعندي هاي القوه جنت مجرد جسد خاوي بقيت ع نفس شمرت وضاح وبعد مااعرف شنو صار وياي ...
ـ ردت اطلع لان فقدت اعصابي وخفت بعد اسبب اذى لـ ايار بس بعدني بالباب وسمعت صريخهم رجعت شفت ايار بوضع يصعب ع الكافر جانت مصدومه ومنهاره " وامها اتحرك بيها بس بدون فايده " مااعرف حرت شنو اسوي شلت ايار وصرخت عليهم يحضرون السياره بسرعه وصعدتها وامها واخواتها هم صعدوا لان اخاف اعوفهم وحدهم " طول الطريق اني الوم بروحي بس مابينت سقت بسرعه لمستشفى قريب ودخلناها الطوارئ " وبقينا ننتظر شنو يكول الدكتور.
تقريبا ربع ساعه واحنه ننتظر ومن غير الكلام السم الي سمعته من ام ايار بس ماكدر ارد ولا الوقت المناسب" عندي ايار اهم من كل هذه التفاهات ..
الدكتور كال صار عدها انهيار عصبي حاد وبي هوايه اضرار ع صحتها واحتمال من اثر الصدمه اتفوت غيبوبه اذا ما صحت خلال اربعه وعشرين ساعه القادمه ..
بعد ماكو داعي باقين والبنات خطيه متبهذلات وبس يبجن اما سحر فهي نفسها لا تبجي ولا متأثره بس اللسانها يهدر مفردات سوده مصخمه "
رجعتهن للبيت واني رجعت بقيت يم ايار وكتلهم الصبح تعالوا مااعرف شلون سحر اقتنعت ورجعت لـ البيت " بس اني خفت اذا ايار تصحه واتشوفني شنو اتكون ردت فعلها اكيد تتعب بالزايد " مااتقربت منها وهو هم الدكتور مايقبل احد يبقه وياها لان هي حالتها حرجه الليل كله صاحي وبس ادعي " خطر ابالي كلام ايار واتذكرت كل هذا بسبب سجاد الله ينتقم منه شكد حقير ويحب يسوي الي براسه وهاي غبيه ومصدكته ..
اتصلت ع سجاد ميرد بس ما بطلت حركت الفون حرك بس اريده يرد ...
بعدين رد"
الوووو شلي صاير مين مات .. !
محد مات بس قريبا انت اتموت وع ايدي يا نذل. .
صل على النبي يا شيخ وش فيك الله يهداك ..
الله ياخذك يا نذل يا واطي يا حقير بس فهمني شنو تحشي براس ايار عليه.
ههههه والله ردت اكفيك شرها وابشر يا اخوي حنا خطبنالك حرمتاً زينه ومن مكامك ..
ومنو كلكم اتزوج الي خطبتوها وبعد مااعيد سجاااااد شنو كلت لـ ايار.
خبرتها الحقيقه يا اخوي انك اتحب حور وان حور اطلكت بس من شان تعاودوا وتزوجوا وانت تركتها بس من شان خوفك ع بنات عمك شهامه منك وهم طمع بالفلوس والبيت وهذا كل الي كلته من غير الحجي الشين الي نسيته سامحني ههههههههه ..
الله لا يسامحك لو تعرف شنو صار بسبب هذا حجيك جان استحيت من نفسك مو تضحك بس بعد مااريد اسمع صوتك ودير بالك اتفكر مجرد تفكير بعد ترجع تتصل بـ ايار ..
واني اكول شبيها ايار عمي حقها اذا مطلعني مو من البشر ... اسف اسف ايار اوعدج اذا صحيتي تلكين وضاح الي يحبج ويخاف عليج وهذاك وضاح بعد مايرجع ابد ..
فاتوا اربعه وعشرين ساعه وايار ماصحت الدكتور الصبح كال دخلت غيبوبه جان مو مجرد خبر مثل الصاعقه ونزلت ع راسي بعد مااكدر اواجهم ولا اكدر اخلي عيني بعين سجود او مرام هنه جانن يعتبرني الامان واني سببت كل هذا الخراب ..
طلعت بسرعه من المستشفى مااعرف وين اروح " واني امشي اجاني اتصال من المحامي يبلغني بالتطورات و رياض اعترف وحالياً يوسف ورائد بالسجن "
واني منتظر يوسف يكشف عن علاقته بـ جلال المحقق" اكيد بعد التحقيق نلكه جلال وياهم خوش صاروا مجموعه "
احس روحي اذا كملت بحث راح احصل نتيجه وهم اهرب من الواقع المر الي اني بي " قررت اروح لـ (الدوره )واشوف مصطفى الحارس وافتهم منه عندي عنوانه واعرف اهوايه معلومات عليه " اشك بي وره كل هذا الي يصير ..
ماكدرت اروح قبل لا اطمن ع ايار خابرت لـ عابد وهمزين جان يمها وطمني كال الدكتور كالهم احتمال تستعيد وعيها لان متحركه بعد مااني طلعت .... هم خبر ريحني اشويه "
ما كلت لـ اي شخص عن روحتي لـ مصطفى حته طارق هم ماكتله "
وصلت المنطقه البيها الحارس وسالتهم عنه الكل عرفه الظاهر قديم بالمنطقه ..
وصلوني لبيته " دكيت الباب طلع طفل كتله اريد اشوف ابوك صيحه بسرعه "
ركض الطفل يصيح واني انتظر بعدها شفت رجال ضخم عمره بالخمسين ملتحي و وجهه امبين عليه الغضب مااعرف لان ماعرفني او هو هيج ذميم ويه الناس "
السلام عليكم عمي انت مصطفى ..?
السلام والرحمه اي اني خير اكو شي ..!
بس اكدر اخذ من وقتك ربع ساعه ...?
اتفضل ابني اسف بس لا صغر البيك ماعرفتك ..
اني من بغداد واسمي وضاح انت جنت تشتغل عد عمي اني هم اتذكر شايفك مره من اجيت لـ عمي بس هاي من زمان اكيد ماتذكرني ...
اني ..... اني اهوايه مشتغل بالبيوت حارس مااتذكر اي واحد تقصد وشنو مطلوب مني ...?
بيت جراح الي انقتل بعد ماتركت الشغل بـ اسبوع واحد ... والمطلوب منك تكون صريح وياي وتكلي منو الي اشتراك .
امشي اطلع برااااا بسرعه لا ادفنك بـ ارضك .
بس اريد اكلك اكو ادله ضدك واكثر من واحد شافك تطلع من بيت يوسف يعقوب المتهم بجريمة القتل وانت ماتعرف يوسف هسه بالسجن وكل واحد يعرفه و متورط وياهم تاليته السجن ..
برااا ولي من وجهي لا اذبحك اهنا ..
ماكو اي نتيجه من هذا والواضح يعرف نفسه ماعليه دليل حته مااهتم بخبر سجن يوسف اذااا مجان يلتقي بيوسف لعد شعنده يروح الهم ...?
يتبع ......
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
