مساؤؤؤ حب 😍
#ليالي-ايار
الجزء 5
بقلم ازهار ذابله.
بعد ما اتغدينه اني وطارق طلعنه نتمشه و نسولف ..
طارق شلون اجيت لبغداد وشرجعك ع الساحره الشريره ..
هههههه احبها غير شلون افارقها ..
لا والله صدك شلون متحملها هي بدراستك شبعتك قهر شنو الجديد.
ـ غير وفاة عمي والوصيه وهذا كله وابوي كل يوم يخابرني ارجع وارجع ..
ـ ادري عمي والله ابوك حقه هاي مرت عمك اتخوف دير بالك.
ـ لا يا اخي شتسوي مثلا مااكدر اعوفهم تعرف عمي امخلي ثقته بيه واني اخذله واعوف بناته وهنه بـ امس الحاجه الي.
ـ انت ابراحتك بس معرفتوا شنو سبب وفاة عمك ..?
ـ اي نعرف السبب بس منعرف المسبب وليش لان عمي جان رجل مسالم ماعنده اي اعداء ...
ـ مستحيل شلون يعني اكو بشر يكدر يقتل بدون سبب او حته دافع ..
ـ تدري ممفكر بس لازم اكو دافع هو غني بس مايخلي افلوس بالمكتب وبعدين ماكو شخص اتهجم ع البيت وكل الي دخلوا لمكتب عمي بيوم الجريمه جانوا ناس يعرفهم وشلون يكدرون يدسون اله السم.
ـ لك مو شرط السم يندس بشي ينوكل او ينشرب اكو انواع اهوايه يعني تسمم شخص بدون ماانطي اي شي يمكن بس ملامسه او بالهوه والله اعلم بعد ..
ـ طارق صاير محقق ..?
ـ لا بس هاي بديهيات يعني اي واحد بينا يعرفها انت مافكرت بهيج شي ..
ـ لا يا خوي لا فكرت ولا عندي وقت افكر بنات العم ماينطن مجال وخاصتن الصغيره خبلتني شكد مشاغبه ..
الله يكون بعونك ..
يله اني اترخص بعد مااكدر اتاخر ..
هااا وين بعد عندي سوالف وياك.
بعدين انت هم تعال عليه خوش اكو كهوه حلوه يم بيت عمي نكعد ونسولف.
ان شاء الله ..
واني راجع للبيت كلام طارق يرجع بذاكرتي مثل الصدى "
معقوله كلامه يكون صح والي ارتكب الجريمه يكون شخص قريب من عمي
او واحد من الناس الي دخلوا المكتب بهذاك اليوم ..
دفعت الباب وفتت واشوف ايار واكفه بالحديقه وامبين عليها الخوف والقلق.
خير صاير عدكم شي اخواتج بيهم شي خوفتيني ليش هيج واكفه وخايفه.
انت وين جنت ظل بالي عليك رجعت من الدوام وانت ماكو سالت عليك سجود هم كالت اخر شي من راحت لدوام شافتك ..
ليش اني طفل واضيع ليش اتخافين عليه اهتمي بنفسج لا تخافين عليه ..
اهووو والله تعبت منك يعني اتجاهلك ومااهتم بيك اتكول متغيره اهتم واسال عنك اتكول اهتمي بنفسج كافي تره هذا يسمونه تناقض فهمني هسه اهتم لو اتجاهل شنو اتريد اكون ايار لو منو هاي شنو اسمها هااا اتذكرتها ( حور) .
وين اتعرفين حور وشعليج بيها ...?
عفت كل شي ورحت بس وين اتعرفين حور مو مهم وين اعرفها المهم شنو انت شتريد مني لازم شسوي يله تقتنع اني بشر شنو اسوي يله اتحس او مو مهم والله اني مو مهم عندي شنو اتحس شنو اتفكر تعرف ليش لان تعبت وبزعت وخلص انتهيت منك ...
شنو جاي تحجين اني ماافتهمت اي شي ليش شنو صاير اني شسويتلج..?
اسألك سؤال اتجاوبني بصراحه ...?
اتفضلي.
اتحبني ...?
يعني شلون اجاوبج اكيد احبج واعزج انتي مثل اختي ..
اني..... اني احبك ومن زمان بس اعرف انت متحبني وكل محاولاتي بالابتعاد عنك فشلت ....
والله مااعرف شكلج بس انتي اتعرفين اني احب حور ..
خلص ماكو داعي تحجي شي واعتبرني ماحجيت شي وانسه القصه ..
يعني شنو انسه القصه ..
يعني بعد مااحبك اكدر انساك واكدر ابتعد عنك لان اني قويه وعندي هدف اكبر من الحب ..
ان شاء الله دائما قويه واني دائما اكون قريب منج اي شي تحتاجينه اني موجود.
اخ شكد صعب هذا الشعور محد يكدر يوصفه شي صعب من اتخلي قلبك بين ادين شخص اتحبه ويرجع قلبك بس ميرجعه مثل ماقدمته اله لا يرجعه مكسور
شعور خانق اقوي نفسي ماابين كدامهم ضعفي بس احس كلشي اتحطم بداخلي احلامي الورديه وخيالي انو بيوم من الايام اصعد وره وضاح بالحصان ويركض بينا سوه واخاف واخلي راسي بظهره واي شي يخوفني اركض اله واختل بصدره "هو مصدر الامان بس هسه هو الي سبب هذا الوجع بروحي
احس نفسي مسلوبة الاراده ماعندي اي هدف او حلم ...
اعتراف ايار الي جان مثل الحجر الثكيل ونزل ع راسي مااعرف ليش حسيت بالذنب يمكن اني خليتها اتحبني بدون قصد وليش ارفضها بهاي الطريقه البنيه كامله والكمال لله اخلاق ومال وجمال
بس اني احب وهي تعرف ليش تحرجني وتحرج روحه هيج .
ايار لصبح اني مكدرت انام وبس افكر شلون اتخلص من هذا الحب الي يخنكني كل لحظه وكل دقيقه حب مو من حقي مثل الشخص الي نزل بيت واتورط وجاب كل شي يملكه وياه وبعدين يطلع البيت مستاجر " اني نفس الشي حايره شلون اخلي وضاح ينسه اعترافي ونرجع مثل قبل بس اخوان ...
نزلت اريد اروح لدوام هذا اخر يوم امتحانات وبعده عندي عطله اجت بوقتها هم اخذ استراحه واغير جو واطلع ويه صديقاتي " هسه اذا شفت وضاح شسوي يارب يارب مااشوفه يارب الهمني القوه والصبر.
وضاح اني ماعرفت انام ومنتظر بس يصير الصبح " ايار وين عرفت اسم حور وليش جانت خايفه عليه واذا تدري اني احب ليش اتكلي احبك هاي اكيد تضحك عليه وتلعب بمشاعري. .
اول ماطلعت ايار بعدهي ماواصله لـ باب وكفتها ..
صباح الخير ..
صباحوو.
اسف مااريد اعطلج عن الدوام بس ضروري احجي وياج.
اني هم اريد احجي وياك واريد اعتذر منك البارحه المزحه جانت مزعجه.
ـ شنو يا مزحه هاي بله.!
ـ مزحت الحب والاعجاب كله كذب جنت اشاقه اني اصلا مرتبطه وعندي حبيب.
ـ لا والله جنتي تحجين صدك زين و حور وين تعرفينها . ?
ـ هااا هي المشكله حور وين اعرفها لو عندك مشكله ثانيه ...?
ـ هسه بس جاوبي وين تعرفينها ..?
ـ البارحه اخوك سجاد خابرني وكلي واني عبالي عرفت بقصتها ورجعت لـ هلك او سويت شي بنفسك " بس من شفتك حبيت استفزك ومااكلك بالموضوع ..
ـ هو شنو الموضوع غير تحجين شبيها حور .
ـ حور اتزوجت.
كلت اخر كلمه الي واختفيت من كدام وضاح بعد مااريد اشوفه كافي عليه كل هذا الهم همزين كدرت انكر حبي اله .
مستحيل حور تزوج وليش سجاد ماكلي ليشـ يكول لـ ايار " لازم ارجع لـ اهلي واشوف شنو السالفه .
اخذت جنطتي وبدلت اريد ارجع
وشفت واحد واكف بالباب شخص
غريب طويل وراسه عريض وخشمه
منحوت احسه طالع من فلم وشكله
كله فضول ..
يتبع ......
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
