مسائووووو حب ..
#ليالي-ايار
الجزء 16
بقلم ازهار ذابله.
ايار اني بسببي ليش شنو سويت شنو الجرم الي اقترفته حته احصل كل هذا الوجع ... ابتعدت بهدوء ومرجعت اهدي ولا ادخلت الموظفين اتدخلوا وخلصت المشكله ...طلعت من الشركه وبلكوه متماسكه مااريد ابجي مااريد ابين ضعفي كدامه ليش كل هذا شنو الي صار ليش وضاح اتحول وحش بوجهي ...
وضاح مااعرف شنو صار وياي ومااتذكر شخبصت وحجيت هاي مشكلتي من اتعصب اكلب الدنيه ع الناس بدون تفاهم صار فتره تركت هاي العصبيه وكل ظني اتعالجت منها وصرت شخص ثاني بس ايار حيل اتجاوزت كسرت كل الحدود احقد عليها لان هي السبب رجعتني للماضي رجعتني لـ حاله اتعالجت منها ومااريد ارجع الها ... كافي عليه كل الحزن وكل المعتقدات والتقاليد والعادات كلها توكف بوجهي ومتخليني اكمل حياتي مثل مااريد..
يله شعندج واكفه اهنا خلي نرجع للبيت.
ايار محجيت شي وياه ولا اريد اسمع صوته صعدت لـ سياره وانتظرته يصعد حته ارجع للبيت واختفي من وجهه بعد مااخلي يشوفني.
ليش .... ليش خليتني اوصل لهاي الحاله ..?
نعم وياي جاي تحجي ...!
اي وياج ليش اكو شخص ثالث ..
اني شنو سويت ليش انت متسأل نفسك هذا السؤال ليش وصلتني لطريق مسدود وحته منعتني من الرجعه واختيار طريق جديد..
اني ماافتهم اي شي من فلسفتج وكلامج المصفط احجي من الاخير منو حبيبج...?
ما عندي حبيب..
لا تنكرين احجي الحقيقه والمن كتبتي هذا الشعر وليش وشنو حدود علاقتكم ..?
احجيلك كل شي بس بدون اسماء..
ميخالف بس احجي و ريحي بالي ..
اني ..معرف منين ابدي بس حبدي من الاخير افضل لان هي قصه متسوه والشخص الاحبه طلع مو مثل ممتخيلته طلع شاب عادي نفس البقيه الي يردون بس رضاي واني ارفضهم طلع نفس الشاب الي اتجيبه صديقت امي كل نهاية فصل دراسي واتظل اتعدد بصفاته طلع شي عادي لا بل ابسط واقل من العادي ... حبيته بعمر اصغير جنت مراهقه وحسيته هو فارس احلامي بس نسيت الاحلام تختفي بأول من نفتح عينه ونصحه من النوم مجنت اتخيل اصحه من النوم واكتشف نفسي جنت عايشه بحلم اني رسمته واني خليت كل تفاصيله بدون ماافكر شنو وجهة نظر الطرف الثاني بيه شنو يشوفني يمكن ميحبني يمكن يكرهني ولا خليت شي بحسباني جنت احلم واتخيل واكتب واستمر بحب اشياء مو ملكي ولا حتصير بيوم من الايام الي جنت احب شخص قريب جداا من روحي بس هو مجان يحبني بنفس الطريقه ماكدرت اتحمل فراقه دعيت ربي يرجعه لحياتي ....رجع بعد غياب بس ثمن رجوعه غالي جدا غالي خسرت اهواي برجعته اول خساره وضحيه مني جانت كرامتي الي سلمتهه اله وداس بكل غرور عليها "ثاني خساره هي ثقتي بنفسي وحبي لذاتي واستمراري بعد كل هذا بحب شخص اناني ميحب احد لا مو بس ميحب ويحرم عليه احب غيره حته بالخيال حته من اكتب لشخص خيالي حته من ارثي احلامي الي اليوم صحيت واكتشفت نفسي جنت احلم ما يردني اعيش "عاجبته فكرت وئد البنات ويريد يؤد شكو حلم حلوو بداخلي ..... انت متحبني ..?
ولا تريد احب غيرك ولا تريد اكتب عن شي احس بي بس اني مو ملك الك و اوعدك من هاي اللحظه بعد ماافكر بيك ولا ارسمك بخيالي و حتبره منك مثل ما اتبريت مني واعتبرتني سبب بكل شي سيء صار وياك ..
يعني انتي اتحبيني مو مثل مكلتي اتحبين شخص وياج بالدوام ...?
لاتنسه"
جنت احبك "بس خلص بعد انتهيت منك ومااحب احد ولا احب بعد كافي عليه عذاب والحب الكتلك عليه كله كذب ردت بس انقذ نفسي من الموقف الي خليت نفسي بي وهذا كله من سجاد اخوك هو كال اوصلك خبر زواج حبيبتك مااعرف احس صار عندي امل فرصه ثانيه " بكل غباء ظنيت شخص مثلك يكدر يحب ..
ايار وكفي السياره اوكفي ....
ما اوكف ولا تحجي اي شي مااريد اسمع الي تريده صار بعد مااحب وعرفت غلطي ...
ولج وكفي اتردين تنتحرين موتي وحدج اني مااريد اموت وراي مصايب ...?
هاي اتخبلت البنيه طلعت بالشارع كبل وسياقه مجنونه السياره طارت واعيونها متروسه دموع اني متاكد مغوشات متشوف طبيعي لان كل اشويه تمسحن بس شكد اتكابر متقبل توكف حته لا اعتبرها ضعيفه او اتنازلت ....
جنت اسوق بدون اي تفكير صح متهوره مافكرت بـ وضاح واخواتي وامي ليش اذيهم شنو غلطو بحقي ......وكفت السياره بعد ماصدمت بشي ماجنت اشوف واضح مااعرف بشني صدمت السياره ...
ايااااااار اياااااار ...
اخر شي سمعته من انصدنت السياره هو صراخ وضاح بأسمي بعدها فتحت عيني ماكدرت اشوف شي بس اشويه يله استوعبت مااتذكر شنو صار شجابني اهنا
اني وين ....?
انتي بالمستشفى ردتي اتموتيني ..
الحمد لله مصارلك شي وكعت براسي ..
ليش اتأذين نفسج بس اريد افتهم ...!
شصار وشلون اجيت اهنا ...?
دعمتي الرصيف وتأذه راسج وايدج صبوها لان طلع بيها رض من الصدمه ....
ههههههه ....لا تكمل خلص.
ليش اتضحكين ولج انتي بيا حال ..
ههههههه اضحك ع حظي تعرف جاي يصدمني لان سيارتي بيهه كيس امان من تنصدم ينفتح لازم "بس شوف حظي حته كيس الامان مايريد ينقذني ...
كافي لا تحجين يله هسه نرجع للبيت لان خابرتهم ظل بالهم علينا ...
ليش ممعالج راسك ...?
مابي شي بسيطه ..
لا شنو بسيطه يروح يلتهب خلي .....
اشو سكتي كملي ..
مالي شغل براحتك تتعالج لا انت حر.
اسف جداا اسف ارجوج سامحيني ..
لا تعتذر اني سبب كل شي واعرف كل شي سيء اني السبب بي.
يعني متكدرين تسامحيني ...?
اريد وقت حته انساك بس اوعدك وداعتك اذا نسياني الك يريحك انساك ...
اوووووه انتي مفتهمه القصه غلط لا توعديني بشي بس كوني بخير
طلعنا من المستشفى وسيارتي ماخذينها لتصليح اجر وضاح تكسي ومكدرت اصعد ايدي ورجلي تأذيني ساعدني وضاح .....شكد كرهت نفسي شكد اتمنيت اختفي اكون شي غير ملموس شي خفي او جماد اتمنيت اتحول رمل بشاطئ او حجاره بمكان مهجور او حته شجره يابسه بصحراء تنتظر المطر ينزل وترجع تخضر وتثمر اتمنيت وضاح يحس بطعم الوجع الي احس بي بس جنت اشوف نظرت العطف " بعيون وضاح جانت تذبحني شكد كرهت عيونه خلاني احس نفسي فعلا يتيمه وماعندي سند بهاي الحياة بعد ماكان كل شي ...
يتبع ..
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
