ليالي ايار

البارت الرابع والعشرون

مساؤؤو

#ليالي-ايار
الجزء 24
بقلم ازهار ذابله.

شكرااا ع هذا الثقه اوعدج متخسرون  المشروع الجديد افضل..

لا تشكرني انت تستحق ثقتي واني متأكده حتثبت الـ ماما جدارتك ..

ان شاء الله خير ..

ايار راحت لدوامها واني رحت لشركه كملت كل المتعلقات وشفت هم كم واحد عارضين عليه يشترون وبديت اتفاوض وياهم مااريد ابين نفسي مستعجل ع البيع...
اكو عرضين بيهم عجبوني سعرهم مناسب اكدر اسدد الديون واكمل المشروع الي اريده ... رائد جان موجود ومنزعج من الفكره "
لان بعد وين يشتغل والمصنع سلمت حساباته لمحاسب جديد خوش ولد وثقه احسن من رائد ..
بعد عندي بس ابيع وافض هاي الشغله حيل تعبتني ...

خابرت ايار كملت محاضراتها واني هم ماعندي شغل بالشركه .... اتفقنا نلتقي يم بيت رياض هي سبقتني واني رحت لبيت رياض ايار مستأذنه من زوجت خالها حته تسمحنا نشوف الكامرات والمراه ممقصره بالعكس مرحبه بالفكره "
وصلت وشفت ايار منتطره بسيارتها
ضربت الجامه وهي صافنه ولا حست مدري وين جانت شارده هنيال الي شاغل بالج ..
ايار ايار ...
نعم وضاح وصلت يله ينتظرونه ..
ليش مدخلتي....?
مو كلت ندخل سوه وعابد موجود خفت متقبل ...
وين جنتي صافنه ...?
وين صافنه مجنت صافنه بس افكر اشويه بالي مشغول ..
بشنو اتفكرين ...?
هسه خلي انشوف الناس ينتظرونه من نرجع اكلك ..
اي بس مو تغلسين اتكليلي بيمن اتفكرين ..
ان شاء الله ..
دخلنا لبيت رياض اني شايفه قبل من اجيت الـ فاتحة عمي "
بس احس البيت متغيير اهوايه الديكور كله متغيير ... سلمت عليهم وانتظرتهم ايجبون الاشرطه مال الكاميرات حته نشوف منو دخل للبيت بدون محد يشوفه " بديت اتابع تصوير الكامرا توصل لـ دقيقه معينه وتوكف وكل الاشرطه البقيه هيج يعني ماكو فايده من داخل الفاعل امعطلهم مثل متوقعت هذا واحد يعرف شكو مكان بيت رياض مو شخص عادي لازم يكون من معارفهم او صديق ..

وضاح : قبل لا يجون الشرطه للبيت منو دخل البيت ع شكل زياره او حته موظف او انتو متعودين تستقبلون مثلا حدقجي او وحده اتساعدج بشغل البيت .... المهم اي واحد غريب او حته قريب ..

ام عابد : محد دخل البيت بس تعرف رياض عنده شغل ويه ناس كثير وكلهم يحضرون للبيت  واكثر شغله بالبيت ..

وضاح : شنو طبيعت شغل رياض ...?
عابد : مدقق قانوني ..

وضاح : هاااا واضح ... منو من الي يتعامل وياهم زاره بهاي الفتره ..
ام عابد : اهوايه ناس ..
وضاح : اتكدرين تذكرينهم او حته اتوصفينهم اذا ميحضرج الاسم.

ام عابد : همه كلهم اعرفهم بس اكو واحد اول مره اشوفه ومجان جاي يشتغل او يريد شي بس اتعارك ويه رياض وطلع بسرعه ..
وضاح : اتكدرين اتوصفينه ..!

ام عابد : شاب بالتلاثين من عمره او اكبر طويل وراسه مدور شكله مقيت اتحسه مثل الي يطلعون بـ الافلام شكله جامد..

وضاح : عرفته هذا بعد غيره ماكو واحد لفت انتباهج ..
ام عابد : لا هذا بس لان صار بينهم اصياح وصوت طلعت وشفت هذا الوصفته الك.
عابد: منو هذا وين اتعرفه...?
ايار : منو هذا.....?

وضاح : يعني معرفتوا معقوله ...!

عابد : غير تكول منو.
وضاح : استاذ رائد ابو المصايب والبلاوي اكو غيره.
ايار : معقوله ...!
عابد : اي صح رائد اني هم اكثر من مره اشوفه يتردد ع بابا للمكتب ..
وضاح : لازم نخلي المحامي يسأل رياض ونعرف شنو بينهم حته نكدر انشوف حل.

ام عابد : شكراا وضاح تعبانك ويانه ..

لا شكرا ع واجب يله احنه نستأذن ..

رجعنا لنفس النقطه شنو علاقت رائد برياض همه ثلاث اشخاص صاروا اربعه رائد" يوسف" جلال" رياض ..
يعني اتشك اكو بينهم علاقه ..
اي اكيد ..
وضاح انت تفكيرك عجيب منين اتجيب هيج افكار ..?
من البحر ...
ههههههههه لا جد ..
جد وعم وخال ..
يبوووو صار بيها تحشيش بايخ.
لج ايااااااار.
شكووووو لا تصيح لك ..
والله تحترميني اشو جنتي عاقله من حبيتج اتخبلتي ..
هو الجنون عدوه .. والحب جنون.. ولا يقع بالحب سوى احمق.
هذا كله ....
اي وبعد جنت حافظه غيرهم.
يله مو تنسيني شنو جنتي اتفكرين وثانياً وين رايحه اشو اتسوقين بتجاه بيتكم ..

اولاً جنت افكر بـ ماما اذا عرفت بعلاقتنا ..ثانياً لازم انواجه مخاوفنا واني لازم اكولها وانت تكون وياي ..

انتي مقتنعه بالي اتسوينه ...!

لا ممقتنعه واعرف مو وقته كلش بس مجبوره اريد اعرفها شنو اخرتها ليش اعلق نفسي اكثر.

يعني اذا ترفضني ينتهي كل شي ..
اشبيج مجاوبين وبعدين وكفي هاي سياقتج المجنونه اوكفي لا تسوين حادث .

وكفت وهاي السياره وطفيتها شنو الحل شسوي وين اروح المن اشتكي اذا امي متكدر تفهمني منو يفهمني بعد ..

اني افهمج بس مو هيج تنحل الامور هسه اتعرفين اذا حجينه يصير رفض خلي هاي الفتره اتعدي وبعدها نكولها ....
اوك واهلك مو رفضوني وزعلوا عليك مو ابوك حته سلام ماسلم عليك ...

وانتي شمدريج بهذا كله ....!

يتبع ...