#ليالي-ايار
الجزء21
بقلم ازهار ذابله.
بعد ما خلصت واطمنت ع ايار وع البنات و وصيت عابد ماركه عليهم ولو اشك بي يكدر يدير باله عليهم بس اسمه رجال ..
طلعت تقريباً الساعه بالوحده الظهر ومتأكد من اوصل لـ محافظتي ماكو سياره اتوصلني لـ ديرتي لان مكطوعه محد يدخلها بالليل بس احاول اوصل قبل الليل
نفس كل مره السياره الي صعدت بيها بيها ناس متشابهين احسهم مثل اهلي غير عن الناس الي بغداد ناس اتحسهم متعوبين من كلشي بس ميشكون من شي ناس عايشه ع الضحكه والامل المفقود ..ناس اتحب بدون مقابل وعدهم الغريب ضيف الرحمان ... ناس عدهم الي يدخل بيوتهم قبلها يلمس كلوبهم ويدخلها ويستأنس بيها ...ناس من كد النقاء التجاعيد ممخليه شي بملامحهم ...جنت طول الطريق شارد وافكر شلون اوجهه اهلي وشنو اكلهم وشلون اقنع روحي مااحاول اروح اشوف حور ولا اسال عليها " واذا شفتها شنو اكلها واذا كلبي رجع دك الها هم اعتبر خنت ايار الي تعتبرني كل عالمها ...واذا كلت لـ اهلي ع ايار وحبي الها يقتنعون لو كلهم يعترضون ويتبرون مني مثل ماسوه جدي وطرد عمي وحرمه من كل حقوقه وحته من مات مات غريب بين ناس غربه محد يعرفه ولا عنده اخ استقبل الناس المعزين ولا ولد وكف بوجه الظروف وكدر يحمي اخواته من كل الي يواجهم ... معقوله يصير وياي نفس الشي ... واذا اقتنعوا اهلي ايار تكدر تجي وياي وتعيش نفس حياتي " لو اني اكدر اعوف مرام وسجود شلون اخليهم وحدهم ومنو الهم ....
وسط الضجه الي بداخلي وكل الذكريات الي اتخليني اكره نفسي واعتبر نفسي خاين بحق ايار " مااعرف ليش اريد ارجع لـ حور الي نستني وراحت اتزوجت ليش اتذكرها ?..
وصلنا المركز المحافظه بعد تعب وضجه بالسياره اكو مراة هي وابنها ابد ماسكتو طول الطريق الطفل يصرخ وهي تحجي ويه الكاعده يمها" وهذا الرجال العجوز كاعد يمي ويدخن ويسولف ساعه يحجي وساعه يسكت ويرجع يتذكر شبابه ومغامراته والدخان ترس رئتي "
لو هذا الشاب الثلاثيني الي بس يحجي بالتلفون طول الطريق هو يحجي ومره يضحك ومره يصيح ويتعارك ..
من غير بعض الشخصيات الي مااكدر اوصفهم لان ماشفتهم بس اسمع همهمت اصواتهم وهمه يتهامسون "
نزلت من السياره واني راسي بلكوه شايله دايخ واحس الدنيه تفتر بيه و وراي بعد طريق طويل "
كل العاده بهيج وقت محد يقبل يروح لمنطقتي يخافون من اهوايه اشياء يجي بالصداره الحرامه وثاني شي الخرافات والقصص الي يحجونه ع الصحاري المهجوره وبهيج وقت يطلعون الجن والناس اهنا تؤمن بهيج قصص " وعدهم كم قصه عن شاب فقد عقله اثناء عودته من بيت خاله الي يسكنون الصحراء وظل هذا الشاب حديث الناس بهاي المناطق والى هاي اللحظه محد يعرف مصداقيت هاي الاخبار " اهوايه اكو قصص مرعبه اتخليهم يخافون من هاي المنطقه "
بس اني جنت مجبور لازم اوصل اهلي اليوم ولازم ارجع لـ بغداد بأسرع وقت لان البنات وحدهم وخالهم بالسجن " والشركه بقت ع وضعها وهذا هم مشكله بس اكون يكدرون يقنعون الناس يصبرون علينا منا الى ان انبيع ونسدد لكل واحد حقه ...
ايار / جنت عايشه بحلم لا مو حلم واقع اتذكر كل كلمه كالها وضاح والبسمه ابد ما فاركتني مرام وسجود انتبهوا وظلن يلحن ويردن يعرفن شنو كالي وضاح " بس ماكدرت اكلهن مااعرف بعدني ممصدكه اخاف يشوف حور ويرجع بكلامه اخاف اهله يرفضون اخاف واخاف واخاف " وكل شي حلو يصير وياي يختفي بعد ماارجع افكر بالعواقب " لو ماما وشكد اتحب وضاح وخاصتن بعد ما انسجن خالو اكيد ترفض واذا رفضت اني شنو اكول " اريد اخابر وضاح بس استحي منه اخاف يكول هاي مصدكت وبعدين ليش هو ميذكرني ليش هو ميخابرني اني منتظرته ومنتظره منه اي شي ...
بعدني اعتب ع وضاح ودك فوني وجان وضاح ..
الووو ايار شلونج
الوووووو تسمعيني ردي شبيج ..
هـ هـ هلوو دا اسمعك ..
ههههه غير اتجاوبين اشبيج هـ هـ هلوو وتاتتاين ...
اممممم الحمد لله ع سلامتك وين وصلت. الله يسلمج وصلت بس بعد وراي رحله ثانيه ماكو سيارات لازم انتظر لصبح ..
هااا لعد وين اتنام ..?
يا نوم ابقه انتظر للفجر واتوكل ع الله ..البنات شلونهم انتو زينين وهذا عابد راح بعده يمكم ....?
الحمد لله زينين وعابد يروح شتحجي انت كاعد يسولف ومخلينه بس هو وماما وخطيه سجود مجبوره تكعد يمه حته لا ماما تزعل بس هي تصنف عليه هو مصدكها.
شكد ماعنده ذوق شعنده باقي لحد هيج ساعه ذووق سز.
لا وضاح شبيك هو متربي ويانه مثل اخونه .
اي لا تنزلين انتي ولا تحجين وياه ولا تضحكين ع سوالفه.
اي حاضر هو اني شارده منه وهسه سمعته ستأذن من ماما راح ...
اي الحمد لله " قفلوا الباب ولا طلعون بعد حته اذا اندك الباب لا طلعون ..
اي هو منو يطلع بالليل ..
اي منو غيرج انتي و سجود جنجن جنيات ولا تكعدن ..
شنو وضااااح شبيك بس تجحي علينا ..
اشو اتصيحين ...!
اسفه...
ههههههه صدكتي اتشاقه شبيج بس غير صدك بس تطفه الكهرباء اطلعون اتشغلون المولد مو متعيشون بدون نت"
اي اذا طفت اكيد اطلع اشغل المولد ...
اطلعي حته اكسر رجليج ..
يله روح اتعشه اكل شي احسن متكسر رجليه صاير اتحب المشاكل مثل سجود ..
من يوم يومي واني احب المشاكل مو احبج ...
ليش اني مشكله خلف الله عليك روح يا شيخ الله يسامحك ..
هههههههه غير مشكله وسويتي مشكله بكلبي وتحجين بدوي عود لا يا شيخه ...
ههههههه اذا اني مشكله ومتعبه كلبك عسى الله لا يخليني.
شنو هذا الحجي يله كافي سوالفج اني استأذن .... احبج مشكلتي.
واني هم احبك يا وجع قلبي .
سديت الخط واطمنت ع ايار وانتظر بلكي اكو واحد شجاع ويطلع ....
صدفه وشفت جيرانه بسيارته( البي كيم)
صح محملها خرفان بس عادي اشكل يمه هو وياه رجال ضخم كاعد يمه ...
سلمت عليهم ورحبوا بيه وكال هسه اني راجع تعال ويانه بس تكدر ادبرها ويه الخرفان .
يتبع .....
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
