ليالي ايار

البارت الثالث والعشرون

#ليالي-ايار
الجزء 23
بقلم ازهار ذابله.

طلعت المغرب من البيت واني مقرر بعد ماارجع ولا اطخ رجلي هاي الارض ...
جان قرار صعب افارك اهلي بس القسوه ما تولد غير القسوه شكد ما يقسون عليه اني اصير اقسى منهم تركت كلشي عفت امي من جديد وهاي المره عفتها واني ابوي متبري مني يعني بعد تعرف مايقبل يخليهم يتواصلون وياي ...
جانت تعبانه وتبجي وتحاول توكفني بس اني حسيت كرامتي انداست حسيت روحي طفل مو رجال لازم اسوي شنو يكول عليه ابوي وحته بدراستي هم اعترض واني بلكوه كملت وهاي المره هم يوكف بطريق سعادتي ...

ايار/ شكد اشتاقيت لـ وضاح ..
مو بس اشتياق وهم غيره اكيد اذا شاف حور حينساني واكيد اهله يرفضوني " بس الي مطمني حور اتزوجت وهو كال احبج ليش حته يكذب ...
ماما بعدهي معصبه و لحد الان تكول وضاح هو السبب لان محد اله مصلحه غيره " مااعرف مرات اتخليني اكره نفسي ومرات اكول حقها مجروحه اخوها وزوجها وهي جانت متأكده القضيه حتنسد وتوكع براس واحد ثاني غير القاتل الحقيقي " وهذا توقعها صار صح ...
مااعرف شكد وضاح حيغيب ولا اعرف شوكت يرجع بس اخر مره خابرني من وصل بعد مارجع خابر ..

وصلت الكراج ولكيت سياره وصعدت ومااحس بشي اريد بس اوصل يم ايار ونسيت اني بعد ماعندي مكان لازم اخابر لـ طارق يدبرني بس يوم يومين منا الى ان اشوفلي بيت ايجار ..
بعد ساعات من التعب واخيراا وصلت وطارق ماقصر استقبلني ورحب بيه هو واهله ناس جداا طيبين. ..
بس طارق وسوالفه ماخلاني ارتاح ولا انطاني مجال اخابر لـ ايار جنت قلق عليهم ...
بعد ما نعس طارق استأذن وتركني اخيراا
جانت الساعه بـ الوحده ردت اخابر واترددت انوب اتشجعت وخابرت ...
بس دك الفون ردت ايار ..
الووو هلوو وضاح وين ماوين ..
هلا والله مشتاقلج ..
امممم تشتاقلك العافيه ..
يعني اجي اشوفج هسه..
شنو شلون تجي شيجيبك ..
ليش تعرفين اني وين ...?
وين ...?
اني يمج قريب جداا اني بغداد باجر من الصبح تلكيني بالباب ..
لا دا تتشاقه ..
والله شبيج رجعت ..
شعجب رجعت بسرعه ..!
مااتحمل افراك اشتاقيت ..
امممم لا اكو سبب ثاني ..
بعدين اسولفلج كل السالفه هسه روحي نامي احلامج انا ..
انت حلمي الي اتحقق احبك ..
امووووت عليج ..

يمه شنو هذا الوضاح هذا صدك الامير خاصتي فارس احلامي العربي الي من اشوفه احبس انفاسي وتجمد نظراتي روحي تستأذن مني وتفاركني اطوفه واطوف جفونه وتبقه يمه وشوكت مااحتاجها ترفض ترجع اني صح موجوده بس هو كل شي بحياتي لو ما وجوده اني بدون روح مجرد شبح يمشي ع الارض بدون ظل ...

وضاح/ نمت واني فرحان وقررت بعد مااتاخر اكثر ولازم اتزوج ايار بسرعه ..
هم اكدر احميهم اكثر وبعد امها متكدر تحجي شي بس قبلها خلي انشوف شلون نخلص قضية رياض وهم مشكله هذا الدليل الي لكوه عده منين اجه لازم اروح لبيت رياض ونشوف الكاميرات هذا عابد مطفي مخلصها بس ماركات وسفر ...
صار الصبح طلعت من بيت طارق حته لا ازعجهم خطيه عائله ومياخذون راحتهم ..
رحت انتظر ايار باب بيتهم واني بالباب خابرتها .....
واني انتظرها طلعوا سجود ومرام ومصدكن شافني سجود حركاتها الطفوليه تضرب برجليها وتضحك ورادت تحضني بس طلعت ايار ومنعتها هي خطيه استحت مني اني سلمت عليهم ومرام ممصدكه رادت تبجي ...
بس ايار جانت اتحاول متخليني احجي وياهم حسيتها اتريد اتظم شي بس ماعرفته شنو .....
سجود : وضوحي تعال اريد احجي وياك.
مرام : اي واني همه.
ايار : اتاخرتوا ع المدرسه.
سجود : اول يوم دوام مو مهم ..
وضاح : احجوا شنو صاير ...?
ايار : ماكو شي .
سجود : تعال خلي نسولف الك .
اخذني ع جهه وسالني شنو اخر مره حجيت ويه ايار ...? اهنا فهمت خوف ايار متريد تحجي اتخاف من السان سجود واني ابد مو خبيث كلتلهم خطبتها ...
سجود: وااااووو شي حلوو لعد وين الورد والخاتم ولازم تكعد ع ركبتك وترفع الخاتم وبعدين تلبسها وتقبل ايدها. ..
مرام : ع كيفج هاي بس بالافلام ..
وضاح : انتي متأثره بالافلام الهنديه ههههه.
سجود : لا شبيكم ولو اني زعليت ع ايار بس هي اتحب هيج مواقف .
وضاح : يعني شلون ..?
مرام : يعني اتحب ايكون يوم خطوبتها شي مفأجه ومحد مسوي من قبل مثل الافلام ...
وضاح : سهله غاليه ايار انفكرلها بشي بس مو هسه خلي انأجل ...
ايار : شتحجون صار ساعه تاخرتن ع المدرسه ..
وضاح : ماكو شي بس لازم اروح لبيت خالج اتكدرين تجين وياي ..
سجود : عاااا رايحين لـ عابد برجليكم .
مرام : احنا اتخرنه اخاف اتفكر تاخذنه وياك لـ عابد نعتذر باااااي ..

ايار : اي ماعندي شي بعد المحاضره الاخيره اطلع وانتظرك يم بيتهم. .

ان شاء الله من تخلصين كليلي واني هسه اروح لـ شركه وشنو قراركم ...

بيعها سوي الي اتشوفه صح...

شكرااا ع هذا الثقه اوعدج متخسرون بالعكس المشروع الجديد افضل. .

يتبع ...