مساؤؤؤ
#ليالي-ايار
الجزء 18
بقلم ازهار ذابله.
شنوووو دا تحجي شنو تبيع الشركه ومنو انت اصلا هو مو صوجك صوجي اني لان وثقت بيك يا .......
رجاءً بدون تجاوز غير افهمج وضع الشركه شلون صاير ومحد يكدر يخلصكم من هذا الوضع غير التخلص من الشركه وتسديد دوينها .
شنو اتريد بالتحديد مااريد اتفاهم وياك شفتنا بس نسوان وتستغل الوضع يجون اخوي وابنه ويتفاهمون وياك. .
والله بعد احسن لان مليت من التعامل وياجن ولا افتهم منجن شي خلي يجون واشرحلهم الوضع اكيد يفتهمون.
تقصد اني ماافتهم مو .. ?
لا مااقصد هيج ولا اريد ادخل وياج بنقاش اعرف نتيجته ..
اني تعبت منك اصيح ايار اتشوفك بعينها لان بس ادافعلك خلي تعرفك ع حقيقتك...
ايار ايارررر
نعم ماما شنو ...?
تعالي اتفاهمي مع هذا الي جبتي علينا كله منج ..
خير ماما غير افتهم القصه ليش بس تتعاركون ...
وضاح : هو منو متعارك وياكم بس اريد افتهم الي يريد مصلحتكم ليش اتعادونه.
ايار : اني اسفه وضاح احسبها عليه " ماما فدووه بس افتهمي من وضاح وبعدين احكمي ..
ام ايار : يله انتي احكمي يريد يبيع الشركه.
ايار : ليش انبيع الشركه شنو صار...!
وضاح : الشركه غركانه ديون بس لحد الان محد يعرف يعني اذا بعناها نكدر انسدد الديون ويبقه مبلغ انسوي بي مشروع هم يبقه بأسمكم بس اذا بقينه ساكتين ع هذا الوضع حته البيت ينباع لان بعد الناس اتقدم شكاوي والناس كلها تعرف بالخساره وينزل سعر الشركه بعد محد يشتريها ..
ايار : زين منو يشتريها اذا هي هيج وضعها ..!
وضاح : اكو حيله نكدر انكول عليها شرعيه هي نتلاعب بسجلات الشركه وانخليها بحالة ربح سنوي وبهيج حاله الكل يرغب يشتريها واحنا نخلص ونسدد ديونه ..
ام ايار : هذا الغش والتلاعب حقيقتك اطلع ع اصلك الحقيقي ..
وضاح : قسماً بالله العلي العظم مو قصت تلاعب ولا اريد شي منكم بس اريد اخلصكم من الديون بأسرع فتره ..
ايار : شلون انبيع الشركه اذا عدنا اثنين قصر"
وضاح : استخدم التوكيل العام الي خلاه عمي وابيع الشركه وبعدين انسوي مشروع يرجع خاص الكم يعني انتي واخواتج وبهذا الطريقه ننقذ البيت والمصنع من التصدير لان بس واحد يشتكي ع الشركه يحجوزن الاملاك ويصفونهم ومنا لمن يخلصون ويرجعون افلوس الناس انتو ميبقالكم شي واني بلغتكم بعد انتو بكيفكم وحته اذا بقيتوا بدون بيت اني مااتركم بس اتقبلون تجون وياي عدنا بيت اصغير بالمدينه اذا تردون انعيش كلنا بي واني ابقه وياكم منا الى ان تخلص المشكله انتو اختاروا وبكل الاحوال اني مااتركم ابداا..
ايار : مااعرف شنو اكول بس خلينا انفكر.
ام ايار : مالك شغل بينا وانت مو وصي علينا افتهم اذا اخذوا بيتنا بيت اخوي موجود وين اروح وياك شنو مخبله رايحه لـ ...
وضاح : رجعنا ع الغلط هذه اخلاقج وشكراا التفهمج ايار ان شاء الله اخذ الجواب منج بأسرع وقت ....
ايار : ان شاء الله ...
طلعت من يمهم بعد مااخذت كلمه من ايار اتفكر وترجع الي خبر حته نخلص من هاي المشكله ...
ايار مشاكلنا متخلص كل يوم اكو مصيبه شكل واني المبتليه والله لو مو وضاح اني مااعرف شسي مااعرف اخلي يبيع الشركه ونخلص او لا اني اكمل الشغل واستمر بتسديد الديون من الارباح الي تدخل كل شهر من الاعلانات اذا فرغت وقتي للشغل دراستي شلون وبعدين اني مو خبره بهيج شغل ويني وين الشغل ...
اخ يا وضاح تعبتني ومحتاره وياك مااعرف ازعل منك لو اسامحك وارجع مثل قبل " مااكدر اخذ هيج قرار صعب اكدر اقرر مصيري بس مااكدر اقرر بدل عن سجود ومرام واني لازم احسم الوضع ....
خلي اخابر خالوو رياض هو يعرف بهيج امور بلكي يكدر يساعدني ..
دكيت ع خالو بس ميرد وظل بالي عليه مو عوايده بس اتصل يرد بسرعه شعجب اليوم ميرد رجعت اخابر عابد رد بعد فتره
الووو عابد شلونك ..
هلووو ايوو ..
اسفه ع ازعاجك بس خالووو ميرد عليه ليش.. ?
بابا بالسجن ...!
شنو شنو شدا تكول عابد الووووو رد شنو صار ....
سد عابد الخط واني ظليت حايره وين اروح والساعه تقريبا بالعشره بالليل نزلت ركض خفت اكول لـ ماما رحت لوضاح وكتله .....
وضاح اتصل بالمحامي وعرف منه ليش رياض بالسجن ....
ايار بدون توتر بس اسمعي مني "
احجي وضاح وكعت كلبي ..
رياض يكولون هو الي قتل عمي ولكو دليل بالمكتب لكو السم الي مستخدمه ...
يتبع ....
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
