#ليالي ايار
الجزء 4
بقلم ازهار ذابله.
فتحت الباب بسرعه شفت شرطي واكف سلم وطلب مني استدعي سجود جراح "
بسرعه عليها شكوه ..
كتله شنو ليش "كال ضاربه شاب واهله مشتكين الولد بالمستشفى " كتله لا اني ضربته غير مودي بس هي وياي ما ضربت احد اني الي ضربته ..
سحبني واخذني للمركز بس مااقتنعوا ويحققون عبالك ضاربه (ترامب) خبلوني وبالاخير اجه رياض خالهم وطلعني من السجن هاي بيش الساعه بـ العشره ونص واني من الصبح مماكل شي احس روحي دايخ من الجوع بس اتحملت رجعني رياض وراح لبيته اتلكني البنات واحس سجود ندمانه ع الي سوته بس مااعتذرت وبعدهي ادور ع سمسم الله ياخذه هذا شكد محظوظ هاي البنيه الحلوه رادت تدخل سجن من وراه.
ايار : الحمد لله ع سلامتك ..
وضاح : الله يسلمج اكلج اريد بس اطلب منج طلب اني جوعان اريد اي شي اكله اذا اتكدرين ...
اي اكيد هسه ثواني احظرلك الاكل ..
سجود : ههههه السجن لـ رجال.
وضاح : اي خويه واني من وراج راح اتعود ع السجون.
مرام : يعني حتكون رد سجون ههههه
وضاح : شنو الي يضحك بالسالفه وصدك شلون اتنازل مودي وليش ما حجه الحقيقه
سجود : ههههه مو مودي هسه افتخر يم اهله واقاربه لان كلهم طلع ولد ضاربني مو سجود ..
وضاح : شنو الفرق ...?
مرام : مو هو مسوي نفسه شقي المنطقه ويتفاخر وشايف نفسه .
وضاح : هاااا هسه فهمت " وشلون اتنازل ...?
مرام : خابرت ايار ع خالو وجانت تبجي واجه خالوو وفهمنا القصه وراح حجه ويه ابو مودي وقنعه يتنازل واعتذر منهم وخلص.
وضاح : ليش جانت ايار تبجي ...?
ايار : يله بنات وراكم دوام والوقت اتأخر
اتفضل هذا العشه جاهز يله تصبح ع خير.
وانتي من اهل الخير...
بسرعه وبلمح البصر بقيت وحدي والبنات راحن وكدامي صينيه بيها اشكال كيمر وجبن وبيض ومربه وصمون وشاي حار
نسيت كل شي وبديت اكل بسرعه شبعت ونمت من التعب مااحس بجسمي ..
طلعت الصبح بالباب واشوف واحد راسه مربوط بشاش ويسحب بـ كلب اصغير ايريد يدخله وجان خايف ..
عرفتهم اثنينهم هذوله مودي وسمسم
هذوله البارحه دخلت السجن من وراهم
بسرعه صحت بصوت بدوي يدوي "
مودي جمد بمكانه بعد مااتحرك ..
اوكف لك هذا منين اخذته ..
شنو عمو اشبيك خوفتني انت شلون تحجي هيج وياي اوووي ..
ههههههه تدجيب العوو لا يسويلك اواه.
لا هذا اني اشتريته البارحه ..
زين شنو اسمه. .?
اسمه سمسم.
بعد ماحجيت وياه هذا مايع و ورطه اخاف ادفعه وابتلي اخذت الغضب سمسم ورجعت لـ البيت ..
سجود سجود تعالي شوفي منو اجه يسال عليج ..
مادري شلون سمعتني بس اني صوتي عالي يعني اذا اريد شي منهن ماادخل اوكف بالكراج واصيح كلهن يطلعن يركضن ماادري يخترعن من صوتي مدري يحترمني ..
ايار اني جنت احظر نفسي اروح لدوام واسمع وضاح يصيح "
صوته جدااا عالي وهاي سجود اخيرا لكت واحد مخبل ويشيل بلاويها فرحانه بوضاح بس اتسمعه تنزل اتشوفه شيريد وغيرت فكرتها عنه ..
نزلت وراها اريد اشوف شنو المصيبه الجديده.
وضاح ضميت سمسم بالغرفه بس هو ماينضم ظل ينبح "
سجود : هااا منو اجه ..?
ماتسمعين صوته ...!
اي هذا صوت سمسم فدوووه وين مخلي اريد اشوفه ...
هذا بالغرفه روحي اخذي وديري بالج عليه بعد مابينه حيل سجن ..
صباح الخير وضاح.
هلا والله ايار شلونج.
تمام اني رايحه لدوام والبنات هم وراي يطلعن لدوام تكدر تدخل لـ بيت واي شي تحتاجه قبل لا اروح تكدر اتكلي ..
لا ممحتاج شي سلامتج بس اكدر اسألج سؤال ..?
اتفضل بس بسرعه لان متاخره.
ليش متغيره هيج جنتي تحجين وياي ونسولف عادي بس هسه احسج مبتعده عني ولا تحبين اتشوفيني.
لا ماكو شي من الي ابالك بس عندي امتحانات واشويه مشغوله ماكو شي ..
اكيد.
اكيد يله اشوفك بخير. .
راحت ايار واني ممصدك كلامها واحس بيها ضامه شي عليه ليش هيج اتغيرت مااتذكر زعلتها بشي ..
سجود اخذت سمسم وخلصتني
طلعن هي ومرام لـ دوامهن
سجود صف ثالث متوسط ومرام خامس علمي ..
واني بقيت ويه ام ايار
بدلت وكعدت بالباب ادور بالتلفون وشفت رقم طارق هذا صديقي من ايام الدراسه كلت اروح اشوفه وهم اغير جو لان اختنكت ممتعود ع الكعده ...
خابرته وفرح من سمع بيه بغداد ودزلي عنوانهم الجديد لان اهله تاركين بيتهم وهو متزوج وعنده اطفال ..
اصدقائي كلهم اتزوجوا بس اني بعدني عاجبني ابقه هيج لو اتزوج الي عاشت بعقلي قبل لا تدخل قلبي لو مااتزوج اصلا .....
طارق بيتهم بحي شعبي بس خليت رجلي بالمنطقه شفت الجهال بالشارع ويلعبون حرب اول ضحيه بالحرب مالتهم اني شمروني بالحصو ..
بلكوه خلصت روحي منهم
انوب ادك ع طارق واني خايف يرجعون يهجمون مره ثانيه
طلع طارق واستقبلني ورحبوا اهله بيه
احس روحي بين اهلي لمتهم حلوه شكد اكو بساطه وحالهم متوسط بس روحهم احسن من الف واحد جيبه مليان فلوس وكلبه هم مليان بس مليان حقد وغرور وتكبر ..
يتبع ...
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
