للحب وجه آخر

الحلقة التاسعة عشر

الحلقة التاسعة عشر

ظلت (فتنة) تنظر له بترقب حتى بدء (بكر) إن ينظر لها وهو مبتسم
-هو ٠٠ هو العصير ده كان فيه ايه ؟
ارتبكت (فتنة) وهى تقول
-ها !! ماله يا سى (بكر) هيكون فيه اييه غير البرتجان
تحدث بنبرة ضاحكة
-يعنى مفهوش سكر مع البرتجان
وظل يضحك بشدة ابتلعت (فتنة) ريقها واقتربت منه لتسحب يده بيدها
-جوم جوم معايا يا سى (بكر) ٠٠
قال بثبات ولم يتحرك معها
-مش عاوز اجوم انا عاوز افضل جاعد اهنييه الچو اهنيه حلو جوى
ثم قام بجذبها لتجلس بجانبه فقالت (فتنة) بشهقة
-ايه دى يا سى(بكر) !!
نظر لها بخبث
-هو انتى مش خطيبتى ولا اييه جربى جربى
فتحت فمها وهى مصدومة
-اجرب فين جوم يا سى (بكر)
نظر لها مستنكرا
-ايه چو سى السيد ده محدش جالك ان كلمة سى دى تجيلة اوووى متجفلهاش اكده
ثم اقترب منها قليلا فوقفت (فتنة) مسرعة وهى تقول
-لاه ات لازمن ترتاح شوي جوم وياي
كانت فى ذلك الوقت (وعد) تنظر فى الشرفة من منزلها ووجدت إن (بكر) يضحك بشدة عقدت حاجبيها بينما مسكت (فتنة) ذراع (بكر)
-جوم معاى اومال
وقف (بكر) وهو مهتز قليلا قائلا
-عاوزة اييه منى يا (فتنة) جولتلك المكان اهنييه چميل جوى انا رايد اجعد اهنييه
وظل يضحك بشدة كانت (فتنة) تشعر بالضيق وتحدث نفسها
-ياخوفى يا سى (بكر) اما تفوج تفتاكر كل اللى حوصل ديه هتبجى وجعتى مربربة كان لازمن احطلك حبيتين مش حباية واحدة مشان اضمن انك متفتكرش ٠٠ وانت يا سى (فارس) لما اشوفك بس مجولتليش انه ممكن يبجى جليل الحيا اكده
ثم نظرت له وسحبته وهى تقول
-جولتلك تعالى معاى
سار خلفها (بكر) مستسلم وهو يضحك شعرت (وعد) بإن (بكر) يضحك اكثر من اللازم يبدو وكأنه ليس بوعيه خرجت من المنزل ودخلت داخل القصر ببطئ شديد بحيث لا احد يراها وسمعت صوت احد ما فى المكتب الخاص ب (بكر) نظرت من الخارج وجدت ان (فتنة) تجلس مع (بكر) اخرجت (فتنة) ورقة من حقيبتها الصغيرة ثم قالت إلى (بكر) بدلال
-سى (بكر)
ابتسم (بكر) وهو يقول
-عيون سى (بكر)
ابتسمت (فتنة) قليلا وهى تقول
-هو انا لو جولتلك تكتب ليا اسمك اهنيه فى الورجة دى هترفض
نظر لها (بكر) وهو ليس بوعيه
-ورجة ايييه دى يا (فتنة) ؟!
توترت (فتنة) ثم قالت
-هو انا كل ما اطلب منيك حاچة يا سى (بكر) هتجادلنى اكده
ضحك (بكر) وهو يقول
-طب هاتيها وتعالى اجعدى چنبى هنا
اتسعت عينان (فتنة) وهى تقول
-چنبك فين يا سى (بكر) ؟ ده انت جاعد ع كرسى
ظل يضحك بشدة
-خلاص اجعدى ع رچلى
فتحت (فتنة) فمها ثم قربت منه الورقة
-الله يخليك يا سى (بكر) امضى اهنيه وخلصنى
فى تلك اللحظة دخلت (وعد) وهى تقول
-انتى بتهببى ايه هنا وعاوزه يمضى ع ايه ؟
اتسعت عينان (فتنة) فإخذت منها (وعد) الورقة بقوة وظلت تقرأ فيها ثم نظرت لها بإندهاش بعد إن انتهت من قرائتها
-انتى ٠٠ انتى اتجننتى انتى عاوزه يمضى ع انه يلغى الاتفاقية دى ليه ؟!
توترت (فتنة) ثم ركضت مسرعة وخرجت خارج القصر بينما (بكر) ظل ينظر إلى (وعد) بهيام ثم وقف امامها
-(وعد) اخيراا انتى جدام عينى
نظرت له مستفهمة
-هى شربتك اييه ولا اديتك ايه يا (بكر)
فمسك (بكر) يد (وعد) وهو يقول
-(وعد) اتوحشتينى جوى جوى متبعديش عنى تانى
حاولت ان تتملص من يده فجذبها هو لصدره فشعرت بصدمة قليلا واتسعت عيناها ثم حاولت صده بكل قوتها وهى تقول
-ابعد ابعد عنى يا (بكر) انت مجنون
وابعدته بعنف فقاال معاتبا إياها
-انتى ليه بتعملى معاى اكده انا بحبك يا (وعد) مش جادر ع بعدك واصل انتى لازمن تحبينى انتى جولتى انك بتخافى علي
نظرت له بحدة
-انت مش فى وعيك
نظر لها بهيام وهو يقول
-لا انا ببجى بوعي لما بشوفك متبعديش عنى تانى يا (وعد)
حاول ان يقربها مرة اخرى إليه فى تلك اللحظة حاولت (وعد) ابعاده مرار ثم وجدت مزهرية صغيرة ع مكتبه فضربته بها ع رأسه ترنح (بكر) قليلا ثم سقط ع الأرض مغشيا عليه ظلت تنظر إليه ثم قالت
-اعملك ايه انتى اللى اضطرتنى لكده كل ما اشوفك ياما قاتل ياما متحرش ٠٠ بس ايه الوقعة دى و(فارس) رجع القاهرة
ثم قررت الخروج للغفر وطلبت منهم مساعدته ليصعد إلى فوق وبعد إن صعدوا للأعلى قال الغفير
-مين اللى عمل اكده فى سى (بكر) محدش غريب دخل او خرچ من الجصر
قالت (وعد) بثبات
-انا اللى ضربته
فتح الغفير فمه بدهشة فقالت (وعد) بنفاذ صبر
-يووووه اطلب دكتور دلوقتى ولما (بكر) يفوق هبقى افهمه
هز الغفير رأسه وذهب مسرعا لأحضار الطبيب
******************
فى تلك الاثناء كانت (وردة) تبكى فى غرفتها بسبب حديث (باسل) لها ثم حدثت نفسها قائلة
-معقول يكون معاه حق ٠٠ بس لااا انا (سليم) ده ميهمنيش فى حاجة ايووووة انا مش وحشة مش وحشة خاالص انا خفت ع (وعد) خفت متصدقنيش او (سليم) يقولها عنى كلام مش كويس بس وقت ما (وعد) عرفت خلاص انه خاين كان لازم افوقها بالحقيقة انا بحبها اووووى وبخاف عليها اوووى بس ٠٠
ظلت تبكى وتنهمر الدموع ع وجنتها وتمسح دموعها بيدها
-ماهو يعنى مكنش سهل عليا ارتبط بإنسان 3 سنين بحالهم وفجاءة الاقيه يتقدم لاختى واختى فرحانة مكنتش عاوزة اكسر فرحتها كفاية انا فرحتى اللى اتكسرت ٠٠ انا عينى مش هتطلع ع (سليم) يا استاذ (باسل) ولو عينى هتطلع عليه  كنت ادته اى فرصة يقرب منى ٠٠ انا هوريك يا صايع يا (باسل) يا بتاع البنات والسهرات  مش انت اللى هتعلمنى الادب
ثم خرجت من غرفتها بعد إن احست بالجوع لأنها لم تتناول طعام الغداء ذهبت إلى المطبخ لتحضر إلى نفسها (سندوتشات) وهى تخرج وجدت (باسل) يشاهد التلفاز ويبدو عليه الغضب نظرت له ثم عوجت فمها واتجهت نحو غرفتها فإسرع (باسل) نحوها
-انتى رايحة فين ؟
فقالت بضيق
-وانت مالك ؟
نظر لها بلوم
-متغدتيش معانا ليه ؟
تحدثت بسخرية
-اخدت بالك ولا ايه ؟
قال غاضبا
-متنرفزنيش يا (وردة)
نظرت بنفاذ صبر
-بقولك ايه !! اللى عندك اعمله انا هاكل دلوقتى فسبنى فى حالى احسن عشان متعصبش عليك
نظر لها غاضبا
-انتى كمان اللى عاوزة تتعصبى عليا انا المفروض اكسر رقبتك من اصله
فوضعت (وردة) طبق السندوتشات ع المنضدة جانبا ووضعت يدها فى خسرها
-وده من ايه بقى ؟!
تحدث بجدية وعتاب
-ازاى ترتبطى اصلا براجل غريب احنا من امتى وحد عندنا بيرتبط فى الدرى يا هانم لا وكمان لما الزفت اتقدم لاختك مقولتيش اى حاجة
تحدثت مبررة
-انا مقولتش عشان خفت ع (وعد) قالتلى بتحبه
ضم (باسل) قبضة يده وعضها بإسنانه
-متخلنيش اتنرفز عليكى انتى غلط و 60 غلط كمان
نظرت له بضيق
-انت ليه بتزعقلى كده ٠٠ انت معشتش حياتى انت مش متخيل يعنى ايه تحب حد وفجاءة تلاقيه بيخطب اقرب الناس ليك من غير حتى ما ينهى اللى كان بينا كنت متلغبطة متلغبطة جدااا كمان ومش عارفة افكر حسيت ان روحى اتسحبت منى انت متعرفش انا كنت بحب (سليم) اد ايه انا لو وحشة فعلا كان كل ما يحاول يكلمنى وهو خاطب اختى كنت اضعف واكلمه لكن انا لا فضلت انها تبقى سعيدة معاه ومخونهاش وقلبى يتجرح بس هى لأ فاهم يعنى ايه اشوف حبيبى مع اختى
كان (باسل) يستمع إلى ذلك الكلام وهو يشعر بإلم فى قلبه قاطعها قائلا بغضب
-بس بقى كفااااية كفاااية  انتى غبية ٠٠ غبية جدااا امشى من قدامى دلوقتى يا (وردة) امشى حالااااا
بكت (وردة) وركضت إلى غرفتها بينما هو قال محدثا نفسه
-غبييييية وانتى عمرك ما هتحسى يعنى ايه حبيبك يجى يقولك انه كان بيحب غيرك عمرك ما حسيتى بيا (وردة) ولا بحبى بس انا ٠٠ انا اللى غلطت انا اللى انشغلت فى انى اكون زى مانتى عاوزة وسبتك تضيعى من ايدى ٠٠
*****************
فى المساء استيقظ (بكر) وجد بجانبه احد الغفر وتحسس رأسه شعر بضمادة عليها فنظر إلى الغفير وهو يقول
-هو ايه اللى حوصل ؟
كان الغفير نائم فشعر (بكر) بالغضب وهو يقول
-انت يا زفت البرك ٠٠
انتفض الغفير ووقف وهو يقول
-ايوة يا سعادة البيه
-ايه اللى حوصل يا غبى انت ؟!
تحدث الغفير متلعثما
-مش خابر يا بيه انا لاجيت البشمهندسة (وعد) بتجولى انها بطحتك بالزهرية  ع راسك وجالتلى اچيب حكيم ليك
رفع (بكر) احدى حاجبيه
-بطحتنى !!
تحدث مؤكدا
-ايوة وجالتلى انها هتفهم سيادتك باكر إن شاء الله
-طب غور غور من وشى السعادى
خرج الغفير بينما تحسس (بكر) مكان الجرح وهو يقول
-انا مش فاكر اى حاجة هو انا هببت ايه ٠٠ داهية لاكون كنت هقتلها تانى انا تعبت من نفسى
*****************
فى صباح اليوم التالى دخل (هيثم) ع مكتب (فارس) فى المصنع وهو يقول
-جبتلك رقمها يا باشا
-طب كويس
اعطى له (هيثم) الكارت الخاص برقم (سلمى) اخذ (فارس) الكارت وظل ينظر فيه ثم نظر إلى ساعته
-شوية كده واتصل بيها
******************
بعد إن استيقظ (بكر) من نومه كانت الساعة العاشرة ارتدى ملابسه مسرعا وقرر إن يذهب حيث (وعد) ذهب مسرعا تجاه الأرض وجدها تعمل مع العمال وترشدهم فجاء من خلفها وهو يقول بقلق
-ايه اللى حصل يا (وعد) انا منمتش طول الليل من التفكير وكنت هنزلك بس لولا الوقت كان متأخر ولما عينى غفلت مدرتش بنفسى غير دلوقتى وجتلك جرى
تحدثت (وعد) بهدوء
-اهدى بس
قال بضجر
-اهدى اييه بس بقولك هتجنن انا مش فاكر اى حاجة هو حصل ايه انا حاولت اموتك تانى قوليلى انه محصلش انا مش هسامح نفسى
-طب مش هنكلم ع الواقف تعالى نقعد هناك كده
واشارت بعيدا ليجلسوا سويا فإجاب (بكر)
-تعالى
ذهبت خلفه ثم جلسوا سويا فقالت (وعد) مترددة
-خطيبتك
تحدث مستفهما
-مالها ؟ ٠٠ ايوة صح انا اخر حاجة فاكرها كانت جبتلى كوباية عصير
-بالظبط واضح انها كانت حاطة ليك حبوب هلوسة او حاجة متبقاش فى وعيك
نظر لها مدهوشا
-ايه ؟!
ثم قامت (وعد) بإخراج ورقة من جيب الچيب التى ترتديها ثم قالت
-وكانت عاوزة تمضيك ع الورقة دى ده عقد بإلغاء اتفاقية بينك وبين شركة بتستورد محصول الأرض مش فاهمة ليه ؟! ده انت لو كنت مضيت كنت هتدفع شرط جزائى كبير جدااا ده غير ان الشركة دى عالمية خسارة فض الاتفاقية معاها
نظر لها غير مصدقا
-ايه ؟ (فتنة) ازاى تعمل كده
-معرفش بقى
فتحسس مكان الجرح
-طب وضربتينى ع راسى ليه ؟ متقوليش انى حاولت اقتلك حتى بعد ما انقذتينى
احمر وجه (وعد) قليلا وقالت وهى تنظر لأسفل
-لا مش كده
تحدث بنفاذ صبر
-امال ايه ما تتكلمى عاد
توترت (وعد) قليلا ثم قالت
-اصلك ٠٠ اصلك حاولت تحضنى بالعافية ومهما ازقك مش بتتزق روحت اديتك فوق دماغك
شعر (بكر) بالأحراج واحمر وجهه خجلا وتحدث مندهشا
-انا عملت اكده ؟!!
قالت بنبرة مؤكدة
-اه والله وكمان كنت عاوز تقعد (فتنة) ع رجلك
فتح (بكر) فمه وهو لايصدق ما فعله ثم ابتلع ريقه قائلا
-بقولك اييه جفلى ع الموضوع ده انا مكنتش فى وعى
-مانا عارفة عشان كده متكلمتش اهو
ابتلع (بكر) ريقه وشعر بالأحراج وادار وجهه الجهة الاخرى ثم قال لتغير مسار الموضوع
-انا حاسس ان (فارس) هو السبب ماهو التخطيط ده ميجيش غير من متخلف زيه
رفعت (وعد) حاجبها ثم قالت وهى تدافع عن (فارس)
-بجد حرام عليك (فارس) ده غلبان جدااا ده حتى ساعة ما تعبت متحركش من جنبك وسهر معاك مستحيل يعمل كده وبعدين دى خسارة ليه هو كمان
قال مبررا
-اسكتى انتى ٠٠ انتى مش فاهمة حاجة
-لا مش هسكت بقى عشان بجد انت ناكر للجميل و (فارس) ده انسان جميل بجد
رفع (بكر) حاجبه وتحدث بغضب
-انتى مالك محموقة عليه كده ليه ؟
-عشان هو معملش فيك حاجة وحشة بجد (فارس) انسان محترم و ٠٠
قاطعها بحدة
-(فارس) (فارس) (فارس) بجولك ايييه انتى متنطجيش اسمه ع لسانك واصل مفهوم ولا لاه ممنوع عليكى تنطجى أى اسم راچل غيرى
ثم تركها وذهب بعيدا وهى ظلت تنظر له وهى لا تفهم ما يحدث وحدثت نفسها بضي
-حتى كلمة شكرا مقالهاش وبيتحكم فيا كمان فاكر نفسه مين ده !!
******************
فى الظهيرة اتصل (فارس) ب (سلمى) اجابت ع الهاتف وهى تقول
-مين معايا ؟
تحدث بهدوء
-انا (فارس) يا (سلمى)
توترت (سلمى) ثم قالت
-عاوز ايه يا (فارس) ما خلاص بقى ارجوك سبنى فى حالى
تحدث بسخرية
-بلاش الشويتين دول انا لا دايب فى هواكى ولا متصل احب فيكى
-امال عاوز ايه طيب انا دلوقتى متجوزة
تحدث بجدية
-اللى حصل من 7 سنين يا (سلمى) عاوز اعرفه
-ما خلاص بقى يا (فارس)
-مفيش حاجة اسمها خلاص انا عاوز اقابلك ضرورى
-مش هينفع قولتلك انا متجوزة وبحب جوزى كمان مينفعش كده
تحدث بتهكم
-انا مش بقولك خونيه انا بس عاوز اعرف (بكر) مظلوم ولا لأ
-قولتلك انسى الماضى
تحدث بنبرة حادة
-ردى عليا يا (سلمى) (بكر) مظلوم ولا لأ ؟
اجابت بإستسلام
-مظلوم
-طب انا لازم اقابلك تشرحيلى اللى حصل  والا يا (سلمى) ما هيهمنى عليا وع اعدائى وهقول لجوزك وهخليكى تقولى الحقيقة مجبورة
ظلت (سلمى) تبكى ثم قالت
-طب خلاص هشوف يوم احاول اقابلك فيه وهبلغك
-تمام كده
*****************
فى المساء كان (بكر) يجلس فى بيت عمه يتحدث معه
-كل  شئ جسمة ونصيب يا عمى وخلاص موضوعنا انفض
تحدث عمه مستفهما
-لو تفهمنى ايه بس اللى حوصل ؟
جز (بكر) ع اسنانه
-اللى حوصل يا عمى ان بتك بت الاصول بتتفج مع اخوى علي انى اللى المفروض كت هبجى چوزها
شعر (كامل) بالغضب
-ايه اللى بتجوله ده يا (بكر) نسيت نفسك ولا اييه ؟
اخرج (بكر) ورقة الغاء الاتفاقية من جيبه
-بتك حطتلى حبوب هلوسة عشان امضى ع الورجة دى
اخذ (كامل) الورقة وظل يتفحصها
-وهتعمل ليه اكده من اصله ولو كلامك صوح فده خراب ع (فارس) كمان مش لوحديك انت
تحدث (بكر) بثقة
-اولا عندى شهود بإنها كانت عاوزنى امضى ع الورجة دى ثانيا بجى يا عمى صوح هيبجى خراب ع (فارس) كمان بس مصلحة فى انه يزحنى من طريجه فى المصنع
-مش فاهم
تحدث موضحا
-ماهو انا فعليا يا عمى نصيبى اكبر من نصيبه ولو درت انا المصنع الرأى الاول والاخير ليا عشان انا وارث نصيبى ونصيب امى كمان فالكلمة الاولى والاخيرة ليا انا مش ليا حد تانى ولما يخلينى امضى ع ورجة زى دى يبجى انا لا اصلح للأدارة وبالبلدى اكده عاوز يفجعنى اسفين عند چدى عشان يبعد يدى عن المصنع وياخد هو الادارة والله اعلم (فارس) ممكن يعمل ايه ده ممكن يحچر عليا ويطلعنى مچنون عشان بس كلمته تبجى الاولى والاخيرة فى المصنع
-و (فتنة) هتجابل خوك بس فين
-اسئلها يا عمى وهى (فتنة) هتچيب الورجة دى منين وهى مبتخرچش من الدار ٠٠ بت مبتسمعش الكلام نهااائى وخلاص انا ما بجيتش عاوز اتچوزها بس بما انى ابن عمها قسما بالله لاربيها وماهتشوفش عتبة باب الدار لمدة شهريين وانا جولتها كلمة ٠٠
ثم تركه وغادر وهو غاضب ٠٠
*****************
كان (فارس) نائم فى شقته ثم اتاه اتصال فإخذ الهاتف ووضعه ع اذنه وهو نائم
-الووو
-ايوة يا استاذ (فارس) البنت اللى حضرتك مبلغنا نراقبها
كان صوته نائما
-بنت مين ؟
-(سارة عبد التواب) يافندم
بدء (فارس) يستعب قليلا
-ايوة ايوة مالها
ثم اعتدل فجاءة ع فراشه منتفضا وقال
-(نادر) الكلب قربلها ؟
-لا يا باشا
-اومال متصل بيا ليه ؟
-ماهو يا باشا انت قولتلنا ان لو (نادر) قرب نكلمك
-طب مانت يا غبى قلت مقربش
-ايوة بس فى حرامى عندها فى الشقة فوق
-اييييه ؟!
-ايوة احنا ماخدنش منك امر لو حد تانى غير (نادر) نتصرف ازاى
-انت غبى يا (كماال) غبى شوفها حالاااا وبلغنى
-ح٠٠ حاضر يا باشا
واغلق الهاتف معه وقف (فارس) ظل يذهب ويجئ فى الغرفة متوترا حتى مر عشر دقائق ثم قام (كمال) بالأتصال به فإلتقط (فارس) الهاتف
-ايوة يا غبى هى عاملة ايه ؟
-احنا مسكناه يا باشا بس كان ضربها ع دماغها ودماغها مفتوحة وسايحة بدمها واحنا طلبنا الاسعاف ٠٠

#للحب_وجه_آخر

#علا_السعدني