#دارت الايام
البارت الاول
ل وردالعامري
حب ام. ثقه
ايهما الافضل ان تحب
ام ان تثق
لكن ممكن ان يتواجد الاثنين حب وثقه!
وهل كل شخص يهتف بشعار الحب يستاهل الثقه!
والى اي مدى يجب ان نثق!
في بعض الاحيان نحب حب اعمى
نسير معه في اي اتجاه نعطل العقل نوقفه
نسير بقلوبنا فقط
لان اذا كان الحب بقلب وعقل في ذلك الوقت سنعرف اتجاهاتنه
لانسير خلف العواطف
وحته اذا وثقنه بااحد لازم نخلي حدود لهاي لثقه متكون ثقه لدرجه ان تعمى عيوننا وننفذ مايقال
الحب موجود وليس خطأ او عيب
لكن العيب فينا في الاختيار الخاطئ
ولا الخطأ في الناس الذين وصفو لنا الحب ببدايه جميله ونهايه سعيده
لان الحب لاذنب له في نهاياتكم
النهايات تصنعوها انتم
قصه جريئه بعض الشي لكن حبيتها لان حسيت با العبره الي بيها حسيتها رساله مبعوثه للبعض للتنبيه
قصه حقيقيه 100%
بعض ابطالها متابعين ويانه
لكن الاسماء ستكون مستعاره
المناطق ستذكر برموز
اما الاحداث فحقيقيه 100%
لكن خفينه الاسماء ولمناطق للخصوصيه اتمنالكم متابعه ممتعه
ورد العامري 😘
السلام عليكم ورحمه الله وبركاته ..
اسمي زينب مواليد 89 من محافضه ص………
من عائله متكونه من
الاب: حميد عمله حداد
الام: بسمه موضفه بمصرف
والدي ووالدتي ولد عم
اني اكبر اخوتي وبعدي اخويه
سدير م91
وعمادم93
واخر العنقود اختي لصغير هدير م 96
امي حنونه جدا علينه عكس والدي الي جان عصبي جدا غير متفهم معيشنه بتوتر دائمي حته ويه امنه علاقته موزينه تعلمنه ع تحجج ع اقل شي وامي تسكت حته لايصير تجاوز اكثر رغم امي موضفه لكن مايوم حسستنه بقصور لابالبيت ولابتربيه ولابدراستنه كانت صديقه النه وقريبه اكثر من ابويه الي اذا كان يطب لبيت كل واحد يختل بمكان الي بغرفته يصعد والي يسوي روحه يدرس والي ينهزم من لبيت كله
كنه حتى اذا نسوي غلط لمعاقبه تتعاقبها امي بحجت معرفتي تربين
رغم جنه ناجحين بدراسه واذا طلعنه فالكل يحمد بتربيتنه
جنه منختلط ويه احد نهائيا حته بيت اجدادي بالمناسبات اروح
ماعدنه اختلاط بالعالم الخارج كل الي نعرفه درسو نجحو امتحانات عيب اطلعون عيب تحجون عيب عيب عيب
قصتي بدت واني عمري19سنه اول مرحله كليه ب 2008
كاي طالبه متحمسه لمجتمع جديد اختلاط بيه لكن كنت حذره من اي شي بعيده كل البعد عن لكروبات اوماشابه بااول الاشهر جان كل يوم ويايه تحقيق شلون لكليه منو شفتي ويه منو حجيتي واسمع كلمت ابويه لمعتاده امشي عدل لاموبس كليه متشوفين باب لشارع متوصليه
