#دارت الايام
البارت الواحد والعشرون
ل وردالعامري
اني واسراء كاعدين وزوج خالتي راح ايجيب صمون للعشه اندكت لباب طلعت خالتي احنه متوقعين زوج خالتي رجع بس صوت اكو وهلابيكم وتعالي فوتي شبيج
ركضنه اني واسراءمنو جاينه تفاجئت باامي واخوتي بس امي عيونها طالعه من البجي ركضت ع امي مشتاقتلها شمرت نفسي بحضنها هيه هم حضنتني وتبجي بس لوضع موطبيعي اخوتي واختي وامي وحيدها جايه ومغربيه امي بهل فتره جانت تكدر تمشي بس بعرجه يعني تعرج لكن حجيها تحسن رجع حلكلها وايدها افضل كلنه متعجبين من لوضع اخوتي يحضنون بيه واختي بس وضعهم مومال جايين علمودي مثلا لا اكو شي
ام شيماء: وحيدكم جيتو
ام زينب: ايي
ام شيماء: لعد ابو زينب وين
زينب: اخوتي واحد ايباوع ع الاخ وبعدين تحولت انضارهم. عله امي الي سكتت وتمسح بدموعها
ابويه وين شبيكم شصاير سدير شكو
سدير: امي تكولكم
ام شيماء: شبيكم ولج رجلج وين احجي
ام زينب: ماعندي رجال بعد
ام شيماء: اشصاير غير نفهم تعاركتو شبيكم
ام زينب: لاعفتله لبيت اله ولسنيوره مالته
زينب: سنيوره شنو
ام زينب: اي عيني سنيوره ابوج ماخذها واليوم جابلياها
الجميع: شنو وشلون وشوكت
ام زينب: والله اليوم الصبح كالي اني مزوج عبالي يشاقه اخذتها بضحك كتله دروح منو لتاخذك موزين اني متحملتك كال اني حجيبها اسكنها هنا مااكدر ادفع اجار بعد كتله اي ليش لا عبالي يشاقه شو هذا وره كم ساعه اجه ووحده وياه شعدج من الخبر هاي مرتي
ام شيماء: صدك كذب رجال شكبرك شوكت ازوجت
ام زينب: عيني متعرف عليها بالسنه الفاتت بشهر ال11رايح مسويلهم شبابيك. ماعرف شنو متعرف عليها عيني وحابها وحابته بس علاقه بينهم وطبه وطلعه وبالفتره الي اني يمج مزوجها بعد ما كاضين هاي الفتره كل يوم ايروحلها ويجي منها بعدها مزوجهاا اني حاسه لرجال موطبيعي بس كلت رجال عمره 53سنه مفكرت بهل شغلات
اسراء: عزه وشلون اخذته
ام زينب: تحبه عيني لج لوتشوفيها شويه اكبر منجن تطلع بالثلاثينيات طبتلي شعرها منفوش اسود وعلج بحلكها اني الي طابه عليها موهيه
ام شيماء: زين هاي لفتره كلها محسيتي بي
ام زينب: ولج اشوفه ايضمضم بتلفونه بس رجال الشيب تارس راسه متوقعت عدها هل شغله
ام شيماء: وعفتيها ولج هيج امردها مرد بيدي
ام زينب: هوه اني حجيت صيحت بس شالني وشمرني
زينب: شلون يعني
ام زينب: مقبل عيني يكولي مرتي مااسمحلج تجاوزين عليها والي ميعجبه لباب ايفوت جمل جرني من ايدي وطلعني لملمت غراضي واجيت لان خفت عله اخوتج تكاتلو وياه لجيران كوه فكوهم
زينب: صدك تحجون
سدير: اي والله يكولي مرتي حامل عبالك اني ابوه يكولي حامل ماعوفها
ام شيماء: ياااا حامليش لمخبل هذا والله واحد شيحجي اعوذبالله
زينب: حجي هواي هذا اهمه جانت امي مفرفحه تفرفح عشره عمر واولاد البيت الي بنته ع ضهرها راتبها وتعبها كله بيه تالي تنطرد منه لولد يتهددون ع ابويه وامي تحجي كذا تسوي وكذا بس اني بعالم ثاني صرت عالم انتي السبب لوما انتي ميصير هيج باامي اني دمرت اهلي كلهم رجعت انتكست انعزلت اطب للغرفه اكابل الحياطين واكعد مااحجي ويه احد حته ويه اخوتي مااحجي الي يطب يمي يحاجيني اجاوب مره و10مرات اصلامااسمعه
طبعا بقينه كلنه ابيت خالتي
خالتي من بعد متوفت بيبيتي ام امي صار بيتها بيت العائله لزعلان يمها الاعياد يمها البيت الجبير عدي خوالي 3بس اصغر من امي وخالتي وخالتي اكبرهم كلهم فلامتهم كلهم وزوجها انسان محترم فكلنه يمهم
عده اسبوع تقريبا اني اتهزم من امي مالي عين اشوفها اسراء حاولت ويايه ان الشغله قبلج من شهر ال11بذيج السنه وهسه احنه شهر السادس لكن اني قافله جنت ع موضوع ان اني السبب كملت تنضيف ويه اسراءودخلت للغرفه تمددت هستوها غفت عيوني وسمعت امي تصيح زينب رفعت راسي واكفه يم رجلي اول مرفعت راسي جرت الغطه بسرعه
ام زينب: كومي كومي لج
زينب: خير امي صاير شي
ام زينب: سمعيني زين هذا لحال ميعجبني اني افتهمتي لولا مواني الي ينكسر ضهري
زينب: شبيج امي بس ع كيفج لاتتخربطين
ام زينب: معليج بيه الكلام الج ولذولاك البره غصبا ماعليك تكملون دراستكم هذا موتعبكم وحيدكم هذا تعبي وجهدي وسهري وياكم وانتي بذات باجر طالعه اني ال……. اجيب قيدج واداومين ورجلج ع راسج
زينب: تحجي بعصبيه وبصياح اخوتي جوي وخالتي واسراء منتضره زوج خالتي يطلع حته تنفجر بينه ونفجرت اني نسيت شغله كليتي اصلا وليوم تحاجيني بالكليه
امي نقلي لولد اني
ام زينب: انتي بذات يازنيبه تنطمين وتسكتين كلمه زايد مااسمع كليه اداومين وتخلصين واجيبيلي شهاده ولج اني امكم وابوكم مايوم احتاجيته ولاخليتكم تحتاجوه من باجر انقلكم واشوفلي بيت
