#دارت الايام
البارت الثالث
ل وردالعامري
رجعت للبيت ضليت افكر بشغله كريم يله هسه شخسرانه اني خل اجرب موهاي كلها كبلات وهوه نيته مولعب
قررت ان اتعرف عليه اكثر ثاني يوم بالكليه اول مطبيت شفت كريم واكف اجه بتجاهي شايله ورده
-صباح الخير
-صباح النور هههه شكرا
-لورده لبيدج تغار منج
-ههه تغار
-اي تكول عطرج غطه ع عطرها
-هههه شكرا
-شعندج هسه
-بعد نص ساعه محاضره
-زينب اني ضارب محاضره علمودج ممكن تعوفين هل محاضره ونروح للكافتريا نحجي
-هاااا مو…
-زنوبه الف واحد يكتب لمحاضره ومراح اتأثر عليج وحده تفوتين
-ههه اوكي رحنه للكافتريا كعدنه راح طلب جاي ورجع
-اييي زنوبه خل ابدي اني احم اسمي كريم م 88 راسب سنه بسادس وتعرفين هسه هم عدت لمرحله
عندي 3خوات واني لولد الوحيد ثنين مزوجات ووحده اصغر مني بعدها تدرس صف خامس اعدادي
والدتي ربه بيت
ووالدي عنده محل ملابس رجاليه ببغداد بشورجه
بيتنه بال……….
بعد شتردين تعرفين عني
زينب: لاهذا هوه كافي ههههه
كريم: هسه انتي ابدي
اسمي زينب ههههه عندي اخوه ثنين واخت وحده والدي حداد وامي تشتغل بمصرف
كريم: هااا شتشتغل
زينب: مديره لمصرف هيه هههه
كريم: هههه حلو لكل بالكل يعني
زينب /ههههه اي مو صار هواي تشتغل وقبل كم سنه صارت مديره
كريم: جيد جيد
زينب :ضلينه نسوولف انت شتحب وانتي شتفضلين محسيت بالوقت خلص ومفايته ولامحاضره اني طلعنه اني وياه شافوني صديقاتي كتلهم بالكافتريا اخذتنه لسوالف شفت سيف شافنه وطلع هوه من يشوف كريم ميجي وكريم كذلك رجعت للبيت وثاني يوم داومت دخلت لمحاضره حضرتها واريد احصل محاضرات لبارحه
سيف: صباح الخير
زينب: صباح النور هلوسيف
سيف: لبارحه مافتي محاضرات
زينب: اي والله ده انتضر احد كاتبهن بلكن لبنات
سيف: ذني لمسودات نقلتهن اني اخذيهن
زينب :شكرا اووف خلصتني جان يحجي ويايه بس مبين ضايج
سيف بيك شي
سيف: لاشويه تعبان منايم من رخصتج
زينب: اخذراحتك كعدت ع مدرج وهوه راح
سيف: زينب اريد اكولج شغله
زينب: هستوني كعدت رجع هوه اي كول
سيف; كريم ميفيدج
زينب: مفهمت
سيف: لاتضربين محاضرات علمود احد وكريم بذات ميفيدج كريم ملعب
زينب: طبعا شكرا ع تنبيه سيف بس اعذرني هذا موضوع خاص وبعدين كريم صديقك وانت عرفتنه عليه عيب بعد من يصير زعل يكون حجي مثل هذا
سيف: كلامج صح اعتذر ع تدخل
زينب: باوعلي بغضب وراح شكد عيب واحد من يزعل ينسه حته الصداقه ذاك اليوم تكول صديقي وابن منطقتي تؤتؤ صدك ناس يامكبرها يامصغرها عقل جهال من يتزاعلون ناس تكلب ع ناس
ضليت مستمره بعلاقتي بكريم واخذ رقمي اخابره من اغافل اهلي ومتفقه وياه ميدك ولايدز شي لان مرات بابا ياخذ تلفوني
من يومها سيف حته سلام ميسلم وميتقرب لكروبنه ابد معتكف هوه وابن عمه وصديقتي تقى هم توكف شويه يمنه وبعدها تروح يم خطيبها
بيوم اجه كريم ضايج
-شبيك حبي
-اووووف زينب مخنوك
-ليش،شبيك
-متمني اسافر واخلص من لعيشه كلها هنا
-هههه وين تروح
-لااي دوله بس اطفر منا بس اخ ابويه ميقبل
-يمعود شيحمل لغربه
-شوف هاي ام لغربه بابا حياة حلوه ومتعه وجو موهنا بهل خنكه ضالين
زينب :شفته تعصب سكتت بس جان كل مره يجيب طاري لسفر ويحجي بشغف ويخطط شيسوي كنما هوه سافر وده يحجي عن حياته شلون هناك تمشي
اطورت علاقتنه ولكليه كلها عرفت احنه كبلز وهوه كلامه جان ايخليني اصعد للغيم حبيته صار يومي ميمشي اذا مااسمع صوته واشوفه لدرجه بمره كال ماعندي ومتعارك ويه ابويه نزعت زنجيلي وجبرته ياخذه مقبل بس لحيت عليه اني
امي جانت دائما تشتريلنه ذهب وهيه تشتري واضمه تكول للزمن كانت متكول لاابويه تكول بس يعرف يطلع الف حجه حته ابيعهن وياخذفلوسهن وبالفعل جان من يسمع شي عد امي يضل وراها وراها ينك ويتحجج لحد ماتطيهياه فه جان من يشوف بركبتنه شي نكوله ذهب برازيلي وهوه يعرف دائما نشتري اكسسورارت من محل صديقه وبالفعل جنه مرات يعجبنه شي برازيلي ناخذه بوقتها كتلها لاامي ضيعته ضلت تحجي عليه بس مكدرت اتكبرها تخاف ابويه لايسمع ويضل ايدقق شكو سكتت عدت فتره امتحانات كورس نصف لسنه وعطلنه ضلينه ع اتصالات جنت دائما اني اتصل اكثر شي مرات ايرمشلي واني ادك صرت مدمنه صوته كلماته اذا زعل اتخبل ماانام ولااكل بعد لعطله بده طلبات بوسيني وهل سوالف جنت ارفض واحاول اخليه ايأجل هل موضوع صار يزعل وتفوت ايام ميحاجيني ومن امانع يكولي كل حبيبين تصير بينهم هل شغله انتي متحبيني من غير مااحس صرت انفذ بس بحدود معينه قربنه ع نهايه السنه
كريم: اوف والله راح اموت شلون اكضي هل عطله من غير مااشوفج
زينب: اني هم والله
كريم: تصدكين لو جوه ايدي فلوس اجي اخطبج بس هسه شكول لااهلج ماعندي كلشي حته حلقه مااكدر اجيب
زينب: حبي هسه قابل من اول متجي راح يكولولك شجايب بعدين اني اعرف ضروفك وافهم امي ع كلشي
كريم: اييي واذا اريد انيشنج ابيش شتحجين انتي انعل ابو لفلوس اخ كون عندي يازنوبه جان من باجر نزوج
زينب/هههه حبي نتساعد شويه شويه وبعد كدامنه دراسه
كريم: ابيش نساعد متكوليلي
زينب: اي نساعد شويه شويه الم نفسنه
كريم: اييي واخذ من مرتي لان مو رجال كدامج
زينب: اوو لاتزعل حبيبي شكو بيهه متكولي كل ثنين ايساعدون بعض يعني هسه امك متساعدابوك
كريم: لاطبعا اساعده
زينب: شفت هيه لحياة هيج شكو بيها وكتلك اني افهمهم ع ضروفك
كريم: يعني تكدرين صدك اساعديني
زينب: اكيييدد
كريم:اذا تردين تساعديني خلي امج اطلعلي قرض واسدده شهري
زينب: حبي بس هذا لازم ضمانات
كريم: :هههههه هيه ادبرهن بعد ام مرتي مديره لمصرف
زينب: زين شكولها كريم حبيبي بالكليه ماكدر احجي
كريم: لاساعدتيني صارلج ساعه تبيعيهن براسي اولي للمحاضره افضلي
