#دارت الايام
البارت الرابع والعشرون
ل وردالعامري
امي ضلت تقلد عليه وجتي خالتي كالتلها وضلن يحجن عليه اصلا هنه يسمني العجوز اجي من دوامي اطب بعد مااطلع غير ثاني يوم لدوام بيوت خوالي بصفنه مااروحلهم
يوم الاثنين خابرتني تقى تاكد ع لموعد
اهلها بالحله ولبنيه لماخذها تصير بت خال زوجها صهيب فا الحنه كل واحد مسويها وحده وهيه رايحه للحله يسون الحنه مال اخوه ويخلون يومين استراحه لان حيجون درب وراه العرس ماعرف يعني شلون فكرو بيها بس هيج سسو لحفلات
تقى: زنوبه كلت لهاله ولصهيب مفاجئه عندي متتوقعهوها تشوفوها يوم العرس موتضربيني بوري
زينب: لالا والله خلص اجي ان شاءالله
تقى: ماشي عيني الحفله ساعه 3تبدي تردين اطيج العنوان مال بيتي وتجين ومناك نطلع لان زفت اخويه من بيتي تطلع
زينب: بيتج عامر حبي لا بالقاعه نلتقي اذا ع 3هم بين مدخلون العرسان وهاي اني بال4يمكم
تقى: اكييييد
زينب: اكيد واالله شبيج
تقى: هذا هوه اتفقنه
زينب: رحت الثلاثاء بعد ماامي وكفت ع راسي كومي ولازم تاخذيلج شي معدل مجلبتي باللوان العجايز رصاصي وجوزي واسود كومي اشتري شي اخذتني للسوك شختار تكولي اي مو كركمه عندي اني اختارت كوستم تنوره وستره حلوات جان لونهن تشيرت ابيض وبي خيط سمائي والكوستم سمائي حلو لون نازك مو صارخ لا فاتح جلبت بيه اله هذا خلتني اخذه واخذت اكسسورار واشارب حلو واتفقت وياها اختي تجي ويايه ويوصلنه سدير ونخابره يرجع ياخذنه
يوم الخميس اخذت اجازه وواكفه ع راسي امي حطي شويه كحله حطي ماعرف شنو مكابلتني وكاعده ب3:30خابرتني تقى
تقى: كلبي ممطمن وهاله خبصتني شنو لمفاجئه لتنكتين بيه
زينب: ولج جايه والله راح اطلع من البيت
تقى: خوش من توصلين خابريني
زينب: اوكي
بال 4:05دكيت عليها كتله وصلت كالت فوتي اني انتضرج صعدت درج وبعدها القاعه لكيتها واكفه سلمت عليها هوسه واغاني وناس تركص امشي وراها اكو ميز اخر القاعه معزول كاعدين عليه ولد ثنين وجهال وبنيه عرفتها هاله ممتغير بيها شي ابد
تقى: وهاي لمفاجئه هاله عرفتي منو
هاله: والله مشبهه اني
زينب: هههههه
هاله: لج زنوبه عااا تعالي لج وين لكيتيها تقى خرب ولج والله دائما اذكرج يابذاته غبتي وماكلتي اشوف صديقاتي وين وشصار بيهن الدهر اندك عليج. مغلق
زينب: والله اني هم مشتاقتلكم صدكت فرحت من شفتكم والله
تقى: ههههه صهيب ميحتاج اعرفك اكيد تذكر زينب
صهيب: اي اي اهلا وسهلا اهلاوسهلا
زينب: صهيب اعرفه وحاجيه وياه بس من شافني مثل الي انصدم ضل ايباوع ع تقى وحته بسلام متردد وبينت ملامح وجهه ضايج عبالك وتقى مستمره اصيح شلون مفاجئه وشلون مفاجئه وهوه حسيته اتغيرت كل ملامحه من شافني
عرفوني ع زوج هاله جان انسان محترم كلش وجهالهم فدوه يخبلون كعدت ع ميز مالتهم بس حاسه بتوتر تقى وهاله حده صارت ع يمنه وحده ع يسره واني بنص فرحانه بشوفتهن ايامي حلوه جانت وياهن شقه وضحك وسوالف جانت بينه مخلينه احد بالكليه نكعد ونقلد ع الي يروح ويجي جنه
صهيب كبالي جان ايطكطك بااصابيعه وماعرف شبي
تقى: واخيرا اجه الي دومه متأخر
زينب: ع ديرت راسها باوعت ولد ده يسلم ع ميز كدامنه بينه وبيته تقريبا 4ميوزه
