#دارت الايام
البارت ثلاثون
ل وردالعامري
تلفوني دك رقم غريب تقريبا ساعه 6مجاوبت ولااطيته لااحد يجاوب عفته لان كلش واجعني كلبي ماالي حيل احد تمددت اريد انام البنات راسلني مفتحت الرسائل حته لايشوفني شفتهن ع فايبر اتصلن مجاوبت
اجاني مسج مكتوب بيه
&السلام عليكم زينب اني سيف ضل بالي عليج اتمنه اطمنيني عنج واكرر اعتذاري عله الي صار واسف اضطريت اخذ رقمج لان انشغل بالي عليج&
صار شهرين اداوم. سيف لاطلب رقمي ولااتصل بيه بيوم
رديت
&ماكو. شي ومصار شي ليضل بالك عادي ماكوشي&
اول ماوصل لمسج. دك
الو
:الو السلام. عليكم
-وعليكم السلام هلو سيف
-ضل بالي حبيت. اطمن عليج
-لالاماكو شي شكرا لهتمامك
-زينب اعتذر نيابه عنه
-سيف صدكني مصار شي لاتخليها ابالك عادي
-اوك اااا اسف اخذت رقمج واتصلت بس انشغل بالي من مجيتي لصيدليه
-عادي سيف انت مثل اخويه وكسلت اليوم كلت ارتاح
-ماشي اخذي راحتج واكرر اعتذاري عله ازعاجج واخذ الرقم بدون اذنج
-سيف انت اخويه شبيك شهل حجي
-شكرا مع السلامه
-مع السلامه
ضليت افكر بشغله صهيب اني ماعندي موقف وياه موزين ولا اذكر بيوم ضار شي بس ما الها اله منطق واحد كريم هوه جان نفس قسم كريم يعني موبعيده يكون سامع شي بس هم مومن حقه الي ايسويه
يااما يكون شغله طائفه
لامااضن لان هوه جان ويانه ومايوم سمعته حجه بهل مبدء
لاكريم يمكن حاجي شي ولهل سبب مستثقل وجودي يااما حبا بصاحبه مستثقل وجودي
ثاني يوم رحت للصيدليه عادي وسيف كرر كلامه باان مسحيها بوجهي اني كنت صاحب العزيمه اتمنه مزعلين
اكدت اله ان لموضوع عادي عده
لموضوع مومهم كل واحد ورئيه
كملت شغلي بالصيدليه بس اكذب اذا اكول لموضوع مااخذ حيز من تفكيري بس مبينت شي نهائيا
بااستراحه الضهر رجعت للبيت شفت هواب رسائل ع فايبر من لبنات اول مافتت دكت عليه هاله
-ليش مجاوبين
-هلو هاله لاوالله بس التهيت
-كذابه بله ضجتي من صهيب احنه شعلينه
-ههههه جنت ضايجه شويه محبيت افتح الموضوع بعد
هاله: حقج مومتدرين بالصار
زينب: شصار ليش
هاله: اوووف وراج كبت بين سيف وصهيب ووبينه والله حته تقى مراضيه عل سواه كامت تبجي خطيه تكول كلش خجلانه منها وسيف تعارك وياه كله محطيت احترام الي اني ابوالعزيمه واني العازم زينب لازم تحترم وجودي
تصدكين تفاجئت بشغله هم
زينب :شنو
هاله: طلع سيف منتبه عله صهيب كله تره اني مغلس واعرف الي اسويه كله شنو وليش فكاافي
زينب: اهااااا
هاله: اي والله وصهيب كله خوش مادامك تعرف لهنا واكطعها كافي
زينب: ع شنو يكطعها
هاله: لج والله مادري حته تقى متعرف بس سيف سكته كله ميخصك ولهنا وسويلك حد اوكف عليه لان اجاوزت هواي ومحترمت وجودي لان كلش ضاج كله هذا كلامك. موجهه الي لان اني جايبها اني لحيت ع عزيمتها غلطت بحقي انت
زينب: ااااوووف والله ماعرف ليش لمشاكل لاحكتني
هاله: معليج بي خيولي هذا خرف تالي عمره شوكت جان بينه هل سوالف
زينب: يله شسويله خلي براحته
هاله: ولج تقى خطيه والله قهرتني كلش مستحيه من شغلته وياج
زينب :لا يمعوده شكو هسه اراسلها عادي ياكثر ماشفنه وسمعنه
سديته ويه هاله واني مقتنعه كل الاقتناع صهيب شغلته ويايه سببها كريم واكدلي هذا الشي ردت فعل سيف لان ثنينهم اصدقاء لكريم جانو بس علاقه صهيب تعتبر اكثر من سيف بكريم
بس ضل السؤال المحير هوه ليش يعني شنو الي يعرفه صهيب
ياترى يعرف شي او كايله شي كريم
لو لمجرد حبه بصاحبه واعتبر اني طليقته
بس هم مولهل درجه اذا كان كريم اصلا محد يعرف عنه شي لايجوز بس اني ماعرف يجوز اكو تواصل بس معقوله جان كالت تقى بس هيه اصلا تفاجئت من عرفت اطلكت اني كانت مبينه انها متعرف شي اصلا
ضليت بهاي الدوامه يومين بعدت شغله الطائفيه من خابرتني هاله وكالت ع الكلام الصاير بين سيف وصهيب
بعدها سمعت من هاله انها سامعه من تقى سيف زعلان من صهيب وحته ميجاوب ع اتصاله تذكرت صح هوه ايدك تلفونه ينزل مستوى الصوت ماله وكل مره ايطلعه من جيبه وينصي ويرجعه
اليوم من داومت عرفت ان سيف مااخذ اليوم اجازه عنده شغله تحويل سياره ماعرف شنو المهم غايب
الصبح ماعدنه شغل هواي نكضي اغلب الوقت كاعدين لو ارتب ادويه
تفاجئت طب صهيب للصيدليه وراح ع دكتور فوزي سلم. عليه وسئله عله سيف كاله اليوم اخذ اذن مااجه سلم وطلع اني مثل كل بشر من عدنه شي محيره ايريد يعرفه شنو اريد اتخلص من هل تفكير صحته
صهيب من رخصتك وكف طلعنه خارج الصيدليه
-نعم
-ممكن سؤال
-اي تفضلي
-مشكلتك ويايه شنو
-هههههههه والله احيج اني ع براعتج بالي تقومين بي
-وشنو الي اقوم بيه ع كولتك صهيب مشكلتك ويايه شنو ياريت تكولي
-انتي شلون كادره تنسين او تعدين ليش مستغله طيبه كلبه انتي اختاريتي شرجعج راجعه وكأن شئ لم يحدث
-شختاريت صهيب ممكن تحجي بوضوح اكثر مده افهمك وشنو الي لم يحدث اذا عله كريم فهذا شي ميخصك تره
