#دارت الايام.
البارت السادس والثلاثون
ل وردالعامري
اتفقنه كلشي يتأجل هسه ثاني يوم رحت للصيدليه باركلنه دكتور فوزي ومن صارت استراحه الضهر اخذني سيف وين
سيف: مولمكان بعيد
زينب: اي وين مقبل يكولي شفته وكف يم صايغ
ليش جينه لهنا مواتفقنه ا…
سيف: اتفقنه وحد واريد احط حلقه بيدج وحد
زينب: هههههههه
سيف: لضحكين عدنه اذا مره لبست حلقه يعني محجوزه فحته الكل يعرف انج محجوزه الي نزلي يله
زينب: شترينه حلقات ورحنه للمطعم تغدينه وقبل منطلع من المطعم لبسني الحلقه ولبس حلقته
يمكن لو احد بيوم كايلي بعد كل الي عشته راح افرح هيج وانسه كلشي فات مااصدك
24ساعه ويايه اذا مكان بالصيدليه فبتلفون
وره يومين عزمتنه امه ع غده وقنعت امي انها لازم تشوف مكانهم المهم اقتنعت امي ورحنه تغدينه يمهم وشوفتني ام محمد البيت هوه جان كاعد اخوه الجبير موجود تعرفت عليه وعله زوجته
عرفت ان الغرفه الفوك لسيف وغرفه مقابيلها لااولاد ام محمد بس ميصعدولها بس للهدوم هههه
والطابق الجوه لاام محمد وام سيف البيت حلو جبير مرتب رجعت امي مقتنعه كل الاقتناع بكل شي واني عجبتني لمتهم واحترامهم لبعض
كل يوم نتغده سوه وتصدف كل واحد يتغده ابيته هوه كل يوم يجي ياخذني من لبيت لصيدليه وهوه ايرجعني والاحله مااجاوز اي حد ماانكر عندي مخاوف بس هوه حته مخلاني افكر بمخاوفي كل الي بينه يلزم ايدي من نمشي بمكان اكثر مصار كل يوم احترمه اكثر وصاربينه تناغم ثنينه نتفق ع رائي واحد
وره تقريبا اسبوعين خابرت ام سيف عزمت امي صادفت الاربعين وهيه تطبخ بثواب الحسين فعزمت امي
وامي وعدتها اروح اجه سيف اخذنه اني وامي واختي وجلب بسدير يجي ويانه مقبل رحنه العصر بس ممخططين انبات رحنه فقط حته انلبي العزيمه مال ام سيف
بس من رحنه مخلونه نرجع بعد وان اريدكم تساعدونه بطبخ وقنعو امي وسيف خابر سدير قنعه يجي فااجه هوه وهدير الولد نصبو جداري بشارع احنه جوه نحضر وهمه ايطبخون بره نصبو سماعه بيها اناشيد حسينيه وكلها تشتغل وذبحو ذبايح طب كله دم هدومه صعد حمام فوك سبح جنت بالمطبخ ملتهيه وياهم نزل لابس دشداشه سوده ولاف راسه مثل العمامه بغتره سوده بس لافها لفه يمكن يسموها خليجيه ماعرف يمنيه بس جانت حلوه عليه شفته من جابنه ومن بدل بعدها كام الي يدخل ابن اخوه حر اسمه حسين
وابن اخته محمد مطب ولاواحد منهم بعد شيحتاجون يدزون علينه نحضره وناخذه حسيت بالراحه بتعامل وياهم واخته اول مبدت كالت هذا بيتج تعلمي عليه اني اخت ماعندي انتي اختي ان شاءالله عاملوني كأنهم يعرفوني من سنين واني مرتاحه بكلشي حته بالحديث وياهم لصبح كاعدين احنه من الصبح صارت هوسه كالو ايوزعون هريسه جانت حدود ساعه 8الصبح
وبعدها حدود ال11بدت هوسه الطبخ تمن وقيمه وناس كومه بس نسمع الصوت مال لجدوره صعدنه نشوف من الشباك شفناهم شلون مخبوصين ويه العالم
ام سيف حسب مكالت من زمان تطبخ متفوت سنه ابد وكل سنه عدها اتزيذ عله الي قبلها صارت ساعه ب2الضهر فاتو الولد دخل سيف فاتح تك عين هههه
سيف: نعساااان
زينب: اسبح ونام
سيف: هيه هم هيج نمتي انتي
زينب: اي شويه
سيف: شكو عليج ع قليل كولي ادزله شويه من نومي
زينب: هههههههه نسيت جان دزيتلك بالبلوتوث
سيف: ههههههه اسبح واوصلكم
زينب: لاسدير ويانه روح نام
سيف: لابابا
زينب: لتعاند يله للنوم بسرعه
سيف: والله بعد وكت شعدكم
زينب: تره من لبارحه هنا احنه
سيف: وشفت منج من لبارحه مسويه فضل عليه لو باقين بصيدليه احسن هم نسولف اشوفج
زينب: هههههه يله باي
سيف: الله وياكم حبي مبقه شي ويصير ممنوع
زينب: شنو الممنوع
سيف: ممنوع اطلعين من هاي لباب وممنوع تكوليلي باي لان راح تكون رجلي ع رجلج
زينب: ههههههه روح نام روح باي
سيف: باي
