#دارت الايام
البارت اربعون
ل وردالعامري
اول معزلنه لصيدليه خابرت اسرء
وين انتي
-بالبيت ليش
-اني راجعه لبيت اهلي هسه عزلنه الصيدليه اريدج تعاليلي
-ماشي ماشي هسه اجي
رجعت بين متغديت وبدلت جاي اسراء
طببتها للغرفه
اسراء: خير توزيع ابتسامات اليوم
زينب: متدرين الصار ويايه
اسراء: شكو
زينب: اول مطلعت سيف صاحني و............
اسراء: خرب حضي اي والله
زينب: حيرني والله ماعرف شبي
اسراء: حيرج ولج هوه حاير بنفسه اصلا
زينب: اسراء شتكولين ليش هيج ديسوي اذا يحبني ليش مفتهمني واذا يريدني ليش عافني وهسه ليش هيج ديسوي والله دخت
اسراء: ههههه حبيبتي ايحبج ويريدج بس اسم الله عنده عرك الرجال الشرقي شويه واجعه شلون وميصير وماعرف شنو هذا ايضل يوجعه خطيه وبحيل الله كصت هل عرك عله ايدي
زينب: لابالله
اسراء: اي والله لتباعين بتك عين شوفي شلون بس وصله خبر اشتغلتي شلون ركض لج بابا لمثل سيف اذا يحب يبووو ايحب حد لموت واذا تردين الصراحه اني عاذرته
زينب: بشنوبله عاذرته بله زحمه
اسراء: زينب احنه مجتمع شرقي زلمنه يصير تفكيرهم صعب هذا هسه مستثقل الوضع لان طبيعته هيج نشأ هيج عقليته ترفض اشياء وتتقبل اشياء صحيح مومن حقه لان جان زوجج هوه بس بعده اول الصدمه مثل منكول اطي فتره هذا يفكر يصفن لنفسه وشوفي شلون يترتب الوضع عنده وينفتح دماغه السميك شويه
زينب: حته اذا انفتح هذا هوه بعد
اسراء: لابله اسم الله عليمن ولج موبس شويه حسيتيه غار استفزيتيه حته تبين الغيره ومكيفه بعد شويه تركصين
زينب: ااااوف سكتي اسراء وشنو لفايده بهذا كله لهنا وانتهينه بعد
اسراء: لاهسه شكو هل تشائم بلكن الله تعود لمي لمجاريها
زينب: ميفيد بعد خلص
اسراء: ليش ميفيد اذا اجه وصلح موقفه شكوبعد
زينب: لا لموضوع كله بعد ميرهم
اسراء: شوفي لج تره ضوجتيني
زينب: هههه ليش
اسراء: والله شنو حضه هل مسكين من يمه شلتي خشمج ولا بعد ميرهم لموضوع شبيج ولج شايفه نفسج ع ولد شكو اتنازلي شويه لو وصلت لسيف ونسدها بوجها عابت هل سنون تتمضحك والله يالله لولد دره مال الله بس عيبه مصبوب بصيغه الرجل الشرقي لكلشي لا
زينب: كتلتيني تره برجل الشرقي انتي
اسراء: لج والله موكذب كلامي شبيج
هذا خصوصا سيف تلكيه قافل عله شغلات معينه شكد لان عايش قريب كلش عله العشائر يعني تلكيه عنده انتماء كلش قوي
فمثل الهندي من عقله يقفل اطيه مجال شويه يصيح نهي نهي بعدها هوه يتبرجم شويه من ايفكر
زينب: شهل تحليل بكيفج اصفطين انتي
اسراء: خبله والله ده احجي صدك هذا اول محاجيتيه اخذ القسم الي بيه تزمت وانثار بعدها يكوم ايحلل الامور ثقي بالله يتندم
زينب: ع كولت هيثم شيفيد الندم
اسراء: انجبي عاد ايفيد لامن سيف نلزم سيوف ونوكف ع غلطه مااكولج اول مايجي رجعيله لا شلعي كلبه شويه وحذري من ذكر لموضوع وخلص ع كولت امه سيرو المراكب لاتوكفوها
