#دارت الايام
البارت السادس والعشرون
ل وردالعامري
فاتن يومين وراسلتني هاله ع خاص مو بكروب الي بي تقى
-شلونج حبي
-تمام حياتي انتي شلونج
-لكيتي شغل
-والله لكيت بس ده اشوف لوضع
هاله: زنوبه. اريد اكولج شغله بينه بس
زينب: كولي حبي
هاله زنوبه متطلع ابد علييج الله
زينب: لاكولي والله مااحجي شبيج
هاله :تقى كايله لسيف ع صيدليه وموصيه صهيب ايشوف الصيدليات القريبه عله المختبر اليمه
زينب: اييي
هاله: سيف كايلله تجي ويانه احنه اريد بنيه بصيدليه لان مرات نسوان اطب تريد دوه اواستشراه يشوفون بس ولد ميكدرن مو مثل بنيه اذا موجوده
زينب: هاااا هوه وياه زوج دكتوره سمعت
هاله: اي فوك الصيدليه عماره بيها اطباء وفوكاهم عياده دكتوره اسنان مرت الصيدلاني شريك سيف
زينب: هااا يعني شركه الصيدليه مو يشتغل عنده
هاله: لالاشريكه رجال جبير موصغير
زينب: هااا والله اشوف شلون بس هيه مكلتلي
هاله: هسه تسولفلج بس مراح تكولج. ع صار كله اكيد تستحي
زينب: ليش شكو
هاله: بينه زينب لان. كالتلي وحلفتني مااكولج
زينب: يااا شكو ولج والله مااحجي دكولي عاد
هاله: صهيب مقابل ع شغله تشتغلين ويه سيف
زينب: ليش عود
هاله: ايكولها يجوز ماتلتزم بعدين سيف يكول شغلتها لان صديقه تقى
زينب: شنو هل حجي
هاله: اي والله خطيه خابرتني مقهوره كتلها لاكوليلها لزينب بس نكولها يعني ذوله ثنينهم عقد هم سيف وهم دكتور فوزي الي وياه فلازم تلتزمين بااوقات الدوام مابيها شي زنوبه هذا وقت لازم واحد ينبهج عليه
زينب: كلامج صحيح ولازم ايصير اتفاق ع اوقات الدوام ولازم ميصير تأخير بس هوه صهيب احسه مطايقني
هاله: لالا لج والله. هوه هيج اسلوبه من. زمان متذكريه كلت اطيج خبر اخاف تراسلج تقى
زينب: حبي شكرا بس حته اذا كلتلي ماريدها
هاله: ليش ولج شبيج
زينب: حبي كل شغله من لبدايه بيها عرضه متصير وثانيا شنو قصده لاتتورطين
هاله: لج والله ع مواعيد شبيج يكولها اخاف تكوم تغيب مثلا لو ماتجي بوقت الدوام مابيها شي تره زنوبه
زينب: اشوف شلون تصير والله كريم
ضجت اشايف عليه صهيب حته يكولها لاتتورطين موعذر شغله التأخير هوه مرتين شافني عبالك كاعده عله كلبه الانسان ايحس بالي كدامه من خلال تصرفاته وتعامله عفت لموضوع اصلا ماريد شغل بمنيه اصلا
ثاني يوم لعصر خابرتني تقى سويت روحي كلشي مادري
هلو حبي
تقى: هلووو زنوبه حبي لكيتلج خوش مكان ايفيدج وقريب عليج
زينب :وين
تقى: بصيدليه الي يشتغل بيها سيف موكتلج بال……
زينب: هااااا
تقى: اي والله يردون بنيه وياهم لان همه ثنين بصيدليه ماوياهم بنيه فكتله بلكن تشوفلها من يمكم كال احنه اريد احد ويانه فلو تروحين تشوفيها وتشوفين لوضع
زينب: لاحبي تسلمين متفيدني والله
تقى: ليش ولج
زينب: بعيده عليه ماكدر
تقى: من كتلج. كلتي قريبه ياريت وهيه ال…… يمكم شنو القصه بعد وممعقوله تردين صيدليه بصف بيتكم مباشرتا يعني
زينب: حبي والله مشكوره بس متفيدني تسلمين تعبتج وياي
تقى: سامعه شي زينب
زينب: لالا ليش صاير شي
تقى: هااا كلتيلي لامصاير شي حبي الصيدليه قريبه عليكم والي بيها سيف وتعرفي انتي ودكتور ثاني رجال جبير يطلع بال 40عمره وصيدليه جبيره كلش وموقعها حلو حواليهم دكاتره والمنطقه تعتبر منطقتكم لان قريبه كلش عليكم يعني تكسي خمس دقايق انتي هناك فكري بالموضوع ورديلي خبر حته تشوفين شغله الراتب ولمكان
زينب: الله كريم حبي
