#دارت الايام
البارت الثامن عشر
ل وردالعامري
جنت اتواصل ويه اسراء وتعرف كلشي يصير ويايه ومن رحت حته هدوم كانت محضرتلي من عدها لان مبقه عندي شي كتلها ع فكره ضحكت عليه
اسراء: لج صدك تحجين انتي لمثل هذا مابي امل حته ينعدل
زينب: اجرب بلكن عسه وعل
اسراء: جربي شراح تخسرين اكثر من لخسرتيه
زينب: اجه وكالعاده من دفعته ضرب
انت ماتتعب من هل اسلوب
كريم: لان مو ادميه
زينب: لاتشكك مابقه عندي حته شي يلبس
كريم: موكتلج لوادميه تحترمين نفسج واجوزين من هل اسلوب
زينب: كريم والله موحيات هاي الي دنعيشها بعد كل الي سويته وبعدك تعذب بيه شويه شويه ليش شمسويتلك عدك عداوه ويايه انت
كريم: زينب انتي ده اجيبين الاهانه لنفسج اني شعليه يعني اكو رجال ياخذ حقه من مرته بالكوه
زينب: كريم معقوله نسيت الي سويته هيج كانما مصارشي
كريم: اهووووو بابا الصار راح شلحيتي هسه شو ضاميهن ع كلبكم لفلوس شخبصتونه
زينب: قرتت ارضه بالامر الواقع عسه وعل اكدر اسوي شي
كمت اغصب ع نفسي واعامله زين وانفذله فات ع زواجنه شهر ونص بعدنه مصايرين شهرين
كريم ممكن سؤال
كريم: اي جواب
زينب: ليش سويت كل هذا اني امنت بيك وحبيتك
كريم: مجبور
زينب: شجبرك كريم
كريم: اريد فلوس ومكدرت ادبر غير بهل طريقه كم مره كتلج دبريلي قرض انتي مساعدتيني اني شكو انتي خليتيني اضطر ع هل شي
زينب: زين بما ان لفلوس جتك اعتبرهن قرض واطيهن شهريا مثل البنك
كريم: هههههههههههههه لابله
زينب: كريم يعني متريد حياتنه تتعدل انت موجنت تكول انك تحبني لوكذب بحياتك محبيتني
كريم: لالااكيد حبيتج
زينب: خلص اذا تحبني خل نعدل حياتنه وهوه لمبلغ عندك افتح بي مشروع وسوي شهريا تسديد والله حته الله يبارك بيهن وبنفس لوكت حياتنه تتعدل وتتحسن ليش هييج هسه احنه
كريم: خوش فكره ليش لا
زينب: والله يعني صدك حتسويها
كريم: اي بس الكالي مشروع اسوي ونسددهن قابل شكو بيها
زينب: الله الحمدلله يارب الله يفرحك مثل مفرحتني نمت بيومها فرحانه ومرتاحه راح احاجي امي اكولها ضطر واشرحلها موقفه صح لو مساعدته بالقرض جان مصار هذا كله ثاني يوم كملت شغلي وصعدت اتصلت بااسراء وكتلها
اسراء: هههه والله ماصدك لمثله ايسويها
زينب: لج لاوالله هوه كال بس يشوفله مشروع وحته هوه عايف لكليه هسه ده يشوفله مشروع بي خير
اسراء: يله يارب بلكن صدك
زينب: جنت محتاجه كذبه اكذبها ع نفسي ماانكر هل شي بس حابه اصدك
مرن كم يوم وصار شهرين ع زواجنه واني من اصعد ومن انزل تسئلني امه ع شغله لحمل طبعا جان يطلع كل يوم من الصبح كريم ياخذ اوراق ومن يرجع ياخذهن من تبارك وتبارك ضامتهن بكنتورها ومقفول 24ساعه مره سئلته كال اوراق محل رجل اختي تماره عنده شغله ده امشيله بيهن من سئلته شنو الشغله كالي جناسي جهاله وماعرف شنو فوتني بالف مكان وسدها بوجهي بطاقه تمونيه ده يطلعلهم المهم دوخني وسكتت
طبعا لفلوس اختفن ومادري بيهن وين وكال ع اساس ده يسوي بيهن مشروع
واني مستبشره بلكن يصير لمشروع حته ينفذ الي حجاه
امه كامت اضايقني بشغله الحمل وحجيبلج مدري شنو سبحي بي واكلي ماعرف ايش
بيوم كتله كريم امك كل متشوفني وصاحت العاكر عبالك صار 20سنه مو يادوب شهرين
كريم: عوفيها معليج بيها
زينب: كريم ليش هيج ده تسوي بعدك معقوله متريد يصير عدنه طفل
كريم: هههههههههههه وليش اسوي طفل
زينب: مفهمت
كريم: زينب كلها فتره ويتنهي كلشي اتوقع متفقين وخالتج تعرف بس اخلص اجرائات سفري نفضها
زينب: سفرك انت موكتلي راح تفتح مشروع وراح نسدد الفلوس وحنعيش حياتنه سوه وننسه اغلاطنه انت نفسك كتلي غلطت وتريد حياتنه تكمل مثل العالم براحه
كريم: ههههههه ليش انتي صدكتي اني الي نيه ارجع فلس هههه بابا بزايد اسبوع اطييرررر اني اصعد طياره وخلص اخلص من كلشي
زينب: والي كلته الي شنو
كريم: هممممم زنوبه اجازه حلوه ثنينه كضينه وقت حلو بيها وخلص مصار شي
زينب: وقت حلو ليش شكنت حاسبني اصلا اذا جنت بالحسبان
كريم: اهووووووو تره مناقصني دوخه
زينب: ياحقير ياكلب للمره الثانيه اصدكك وامشي وره كلامك
كريم: وشسوي للحمير اني يعني
زينب: بيومها غلطت وحته ضرب ضربته ملخت وجهه بااضافري كل ميضرب اردله الضربه مااحس باالم الضرب الي ضربنياه بكثر مااكو نار بداخلي مشتعله انهجمت الباب اهله فتحهه امه واخته اخته اول مطبت غلطت ك…… ه صوتج ايلعلع فضحتينه
احترمي نفسج ولاتغلطين
تبارك: امشي لج ام الشوارع تعلميني ع احترام انتي
زينب: واعلم عشره مثلج هم لوبيج خير مو تتختلين تحجين بتلفونات واضمي حته اهلج ميشوفوه
هجمت عليه ضربتني جنت دائما اشوفها من فوك خاتله بترك وتحجي ومحد يعرف عدها تلفون بس مره لكفته بصدرها اتضمه
هجمت عليه ضربتني واني طلعت مرار الفتره الي لعبت ع راسي لعب بيها وحركه اخوها بيها بس تكاثرو عليه هيه وامها وكريم واني وحدي ورغم كل الضرب مجلبه بشعرها جنت كوه فتحوه من ايدي بضربه من ضربات كريم صارت بخشمي اذتني فهديتها وهوه مستمر يضرب بيه وايدي تضربه باي مكان ممكن توصله ايدي
تبارك: ام لشوارع تضربيني فوك مااخويه ستر عليج لو ما انتي………… وخلفله عليه اخذج
زينب: لكلمه رنت رن بااذني انداريت عليها كريم غلط عليها وهيه ترده ليش كذب لوما اطوك حته تسكت امهم جانت مصدومه تسئل كريم ولك صدك اندار كريم هوه واخته ناس اترد لناس اكو كلاص شرب بيه ببسي قبل شويه ع ميز تواليت شلت لكلاص وضربته بي ع راسه توقعن مني ان من اضربه ايموت واخلص منه كلشي مصار بي انوب زاد بضربه سحلني من شعري من فوك ليجوه التمو العالم ع صياحنه طلعت بدشداشه البيت جانت الدنيه بعدها عصر جيرانهم مره جبيره طلعت لاحجاب ولاشي حته نعال ماكو برجلي
جيرانهم اطتني عباه حطيتها ع راسي لعبايه كصيره ونعال نزعته هيه من رجلها وتدعي عليهم وتحجي لبست وتعديت مسافه هوه لكلب شمرني بره لبيت وسد لباب ويغلط عليه روحي لهلج وحده كذا وكذا
صرت بركن سيارات تروح وتجي اشرت لتكسي والله ولد بعده شاب وكف
-محتاجه شي اختي
-خويه دخيلك بس وصلني لحي القادسيه
صعدني لولد اطاني كلينكس وبطل مي سئلني احد متعرضلي اوشي عباله احد يعني مسويلي شي
اكتله لا خويه بس وصلني رحمه لهلك
-شجابج لهل منطقه انتي تعرفين احد لو بايكيج كولي خيتي اساعدج بشي
-رحم الله والديك لا بيت زوج هنا
-يعني زوجج الي مسوي هيج بيج اعذريني خيتي شكد ناقص لعد الي مد ايده ع مره وطلعها بهل شكل بشارع الله يستر عليج اختي
-وصفتله وين بضبط
بس لحضه اجيبلك كروه
-روحي خيتي محالله وماهوبه المهم ذوله اهلج اذا محتاجه مساعده كوليلي خيتي اني بالخدمه
-رحم الله والديك شكرا
مقبل حته ينتضر لكروه دكيت الباب طلعتلي اسراء
اسراء: لج هاي شنو عزه يمه لحكي
