#دارت الايام
البارت الثاني والعشرون
ل وردالعامري
راشدين صحني صدك وامي تستاهل كلشي نسوي علمودها موبس شهايدنه تستاهل عيونه لان هواي تحملت علمودنه وعلمودي اني بذات بعدتني عن موت محقق اذا ابويه ع طلاك هذا رد فعله لو عارف االصار شلون يعني من بعد ستر الله امي وبعدها خالتي بعدوني من عار وموت قررت اني كافي اني مالي خير لنفسي بعد لكن ه قليل خل اسوي شي لاامي التهينه بترتيب لبيت جابت امي اثاث بسيط وبدت اجهزنه لدوامنه وهيه داومت بمصرف ببغداد عله سيرتها لذاتيه وعرف عد خالي بسهوله صار نقلها بهاي الفتره ايدها كانت تمام بس رجله الحركه موقويه عدها بس العجيب امي رغم كل الي صار من ابويه ولشافته قوت مضعفت كلنه جنه خايفين ع صحتها
بس بموضوعي اول شي خسرته صحتها جانت دائما تكول ماكو احد يوصل لمكانتكم عندي وبالفعل علينه تتعب وتتمرض وع ابويه جان عادي لموضوع
بده الدوام ورحت اول يوم خطوه طابه وخطوه طالعه غاصبه نفسي عله كلشي طبعا هاي سنه ثالثه الي بس بالنسبه للي ويايه هاي سنه رابعه الهم ضاعت عليه سنه
بده الدوام. ومحاضرات بس جنت معزوله لااعرف احد ولااحد يعرفني اكتب محاضراتي بنفسي حته مااطلبها من. احد حاولو ويايه كم مره شافوني مااختلط عافوني يعني حته بنات ويايه مااحتك بااحد معزوله صار الي يكول مغروره والي يكول متكبره محد يعرف اني خايفه من كلشي خايفه حته من نفسي محصلت شي جنت اجتماعيه واحب اسولف واضحك واختلط بس محصلت شي غير وجع وخيبه
مشت ايامنه بسرعه ماعرف هيه تركض لواحنه تغيرت صرت اصلب اقوه كدام العالم لكن بداخلي ماكوشي داخل فارغ نفسي حاسه روحي بلافائده حته دراستي صح تمام واانجح لكن مثل الي ده ايئدي شغله وميريد يغلط بيها
نجحت وصرت سنه رابعه بنهايه السنه اجانه ابويه طول ذيج لفتره مسائل علينه اجانه وراد ان ترجع امي وهوه ندمان ومرته طلبت الطلاك وماخذه غايب وحاضر ومخليته يدفع خوش دفع زين مكاتبلها البيت امي رفضت رفض،قاطع كان جوابها عرفنه معنه الراحه ولعيشه من بعدنه عنك وبالفعل جنه نتهزم. من ايطب هسه لولد شقاهم وضحكهم ويانه وخوالي معايفينه وكلنه ندرس سدير دخل كليه علوم سياسيه بس مو بكليتي انتسابه جنه خايفين يطلع محافضات لاطلع بغداد بس مو نفس كليتي
بهل فتره هم اسراءبنت خالتي ازوجت معلم وياها ولد محترم بعده ممزوج الله سهل الهم وازوجو فرحت الها لان تستاهل كل خير صح الي اخذها ابن عمتها بس هواي تعبت وياهم الله عوضها بهذا لولد كان جدا محترم
حياتي اني فارغه مابيها غير لبيت ولكليه اي اختلاط ماعندي وحته طلعه مااطلع ع كد لكليه ربي سهلي كلشي وتخرجت لحمدلله طبعا متأخره عن دفعتي سنه بس الحمدلله ع كل حال
صار لازم اطبق سنتين حته يكون عندي شهاده صيدلانيه واكدر ااشتغل بمهنتي
بكل الفتره الي راحت مكان اكو جديد بحياتي غير تردد ابويه علينه حته ترجع ورفض امي نهائي
رغم. ادخلت ناس وصارت مشاكل ابويه كام يجي للبيت ايصيح ويعيط بس ماكو شي خلاها تغير رئيها بيوم كعدتنه كلنه كدامها كالت محد ايهمني اذا انتو هيج حواليه وويايه شيصير ماريده ايأثر عليكم انتو مالكم دخل يبقه ابوكم. تحترموه وتخافون الله بمعاملته لان ربكم ايحاسبكم مثل ما اني امكم هوه ابوكم لاتدخلون بمشاكلنه وخصوصا سدير وهدير ممنوع لوتشوفوه لازم طبل ويدك بالباب ممنوع تكولوله شسوي لوتدخلون بمشاكلنه وهل وضع ماريده يأثر ع دراستكم الي يجيبلي شهاده مقصر بيها راح يشوف الي بوجلي كدامه لان ممقصره وياكم بشي ف اي اهمال اوتقصير راح اشوفه تقصير بحقي وها لحد يشوف نفسه جبير منكم وشلون مااشوفكم كباراني بعدكم عندي ذوله الجهال فكلش طبيعي استعمل الي برجلي وياكم وامشيكم عدل بيه
