#دارت. الايام
البارت التاسع والثلاثون
ل وردالعامري
كعدت. شويه. وطلعت ضليت امشي تعبت واني اندب حضي
كل يوم طالعلي شي جديد شنو هل ذنب الي لايغتفر ولاينسي
يمكن لو ذابحني ابويه بوقتها جان ارحم من الي ده اعيشه تعبت شلت ذنب اني السبب بمرض امي وكلت اني السبب بكل شي وعاقبت نفسي الف مره اعتزلت عن الناس كلها ومستفاديت شي وسمعت كلام امي ولحواليه وطلعت ورجعت صرت اجتماعيه مره ثانيه بس الغلط مو بهذا كله الغلط بكلبي الي رجع مره ثانيه وعاد تجربه سيف من دخل لكلبي كان كااول حب حاسه بيه باامان كرهي لكريم محه اي حب بداخلي وليحب ميكره اني صرت احس الكره ع كريم كلمه كلش قليله
سيف كمل عليه اخذ اخر امل عندي يعني مثلا لو كايله اي وهوه تهمني جان هسه اموري تمام هههههه والله دنيه الي يحجي الصدك ويكون واضح يتعب وينوجع واليكذب اوو اوو حياته كلها عدله تمشي وياه
رجعت للبيت احس راسي راح ينفجر الف قصه والف تحليل بدماغي محد موجود كلها دوام رجعت لبست وطلعت خابرت امي
الو
-هازوزه هاماما شخبارج
-زينه امي راح اطلع
-وين ماما
-ادورلي شغل امي
-عفيه عفيه يمه روحي حبيبتي الله يسهلج
طلعت محابه اي مكان مغلق اكون بيه ضليت امشي كارها اي سياره واي شي يكون مغلق اوهوه ايسيرني ضليت امشي مسافه مشيت حدود ربع ساعه واكثر وين وشريد ماعرف اكو اسواق طبيت اشتريت مي شربت مي وتمشيت شويه صارت كدامي صيدليه دخلت سئلت ولد شاب موجود كال ام الصيدليه الصبح عدها دوم وبس العصر تتواجد تعاي وشوفيها رجعت رجوع للبيت كضيت وقت امشي من رجعت اهلي كلهم موجودين جانو
-ها زوزه ماما اشسويتي
-لكيت صيدليه العصر اشوفها
-ماشي دروحي بدلي تعالي تغدي
تلفوني مسكت اسراء الف مره دكت بس مالي حيل لاارد ولااحجي
العصر رحت كالت اريد احد بمكاني الصبح لان الولد وحده يبقه فتكونين وياه واذا تحبين العصر هم تتواجدين ويانه
اتفقت وياها رغم راتب مونفس الراتب الي جنت اخذه اقل بس اني موبحاله افكر شكد ولا واشوف غيرها خلص المهم وقت ايعدي من غير تفكير وشويه هل عقل يلتهي بشغلات ثانيه اتفقت وياها اباشر من باجر
رجعت للبيت لكيت اسراء بوجهي
-وينج خاتون ليش متردين
-هلو اسراء
-امممم كأبه فول وعيون مدمعه عزيزتي طزززز الهوه بيد الله موبيد البشر عليمن اختنك واضم بكلبي وانقهر عادي بابا
-كلامها خنكني اكثر طز وعادي كلمه نكولها سهله بس كلوبنه شلون وشيقنعها دخلت لغرفتي لحكتني اسراء فدوه عوفيني
-رجعنه للبجي والحسره زنوبه انتي ذهب والي ميقدر الذهب خسران لاتحملين نفسج اكثر من طاقتها
زينب: اسراء ضلت تحجي واني جاريتها حته تسكت لان ذكر لموضوع ميريحني بالعكس ايعذبني اكثر
ثاني يوم من الصبح داومت بصيدليه مومثل الراحه الي حاسه بيها من داومت ويه دكتور فوزي وسيف هم نفس لقانون استراحه الضهر والعصر نفتح لليل
رجعت بالليل رسائل هواي ع فايبر البنات ميدرن بشي اني محجيت واضاهر سيف محاجي اني هم غلست مرديت صار يومين منايمه تعشيت ودخلت بعد تفكير وقهر انهديت شويه ونمت
دك تلفوني سحبته فاتحه تك عين اسم سيف فوك تنبيه الاتصال الساعه 4:10الفجر ياساتر
الو الوو فتحت خط اصيح الو اسم صوت تنفسه بس ميرد جريت حسره كل قوتي من غير ماحس حسيت تبلل خدي بدمعي اوووف ياهل دمع مناوي تنشف
راح اضل فاتح الخط ومتحجي خير سيف ليش دكيت
وبعدين
اذا متحجي راح اسده
اوك براحتك با…
-لاتسديه دخيل الله بس عوفي
زينب: شتريد سيف
سيف: كلشي ماريد بس عوفي الخط مفتوح
زينب: شبي صوتك صاير شي
سيف: لا ماكوشي
زينب: ماشي يله باي
سيف: زينب لاتسديه رجاء
زينب: ااااااوووف سيف شتريد غير افتهم
سيف :مادري شريد والله مادري
زينب: ليش دكيت لعد
سيف: مخنوك ورب العزه مخنوك صاريومين مشايف النوم كلشي تخربط حته الصيدليه مده اطيقها عيوني تركض لمكانج تعلمت اشوفج بيه نفسج تحركاتج كولها ادوره عليها ماكو
زينب; سيف شنو اله داعي هل حجي هسه
سيف: زينب مااحجي ولاتسمعين صوتي بس عوفي الخط مفتوح تعلمت كل يوم نايم بصف الشاحنه حته لايقطع الاتصال حته تلفوني صارله يومين بله فايده
زينب: اي زين هاي فائده الك ميخلص الشحن وتضطر تنام يم الشاحن
سيف: زينب
زينب: نعم
سيف: كارهتني
زينب :لا
سيف: تحبيني
زينب: لا
سيف: لا لهل درجه
زينب: سيف الي بينه انتهه احبك اواكرهك بعد مومهم حته نحجي بي تصبح ع خير
سيف: لاتسديه سمعيني
زينب: سديته وشمرت التلفون دك مره ثانيه قفلته شهل عذاب ياربي يسئلني اكرهه ههههههه اكره روحي وحياتي الي ده اعيشها اااااخ ياسيف رضيت وسكتت وبدت حياتي تمشي عدل ليش دخلت لحياتي حته هم نص الطريق وتعوفني ياربي شنو الي مسويته اني حته يكون هذا عقابي ياربي والله تعبت من لوجع كلبي ميتحمل بعد ارحمني
