#دارت الايام
البارت الرابع عشر
ل وردالعامري
مرات كثر الالم يحسسك ان كل ميزيد ايزيد وياه الوجع صح بس كل مره يكولك لاتتوقع نهايه لهل وجع اصعب شي من فجأه يتلاشي حلمك من بين عيونك ماطلبت هواي حب وزواج واطفال من الي حبيته حلم صعب لو اني صعبته
اني صعبته وثقت وعمت عيوني مشفت غير حلم وردي بكلام يتردد ع اذن احبج وماشفت من حبه شي
غير صرت صديقه لثنين دموع بوجع
وكلمه لو
لو مصاير هذا كله لومحابته لو. ولو ولو بس شيفيد ال لو
طلعو امي الصبح ساعه 9الصبح بس طلعت نص جسمها فقط يتحرك ايدها وقدمها اليسرى كانت متوقفه عن الحركه تحجي بصعوبه منضرها جان عذاب الي يساوي اضعاف الالم الي بيه
خالتي اقترحت ع ابويه اروح لبغداد لان دكاتره هناك احسن ابويه وافق ان امي تروح بس قنعوه اني لازم اكون وياهم حته دكتور يشوفني ويشوف شنو قصه السكر وافق ابويه وراح للمحل بعد طلعته مباشرتا طلعت خالتي منعرف وين راحت واول مطلع ابويه اشرتلي امي روحي
ماما فدوه بس سمعيني
-امممم
جانت تحرك بيدها ودايره وجهه عني ويطلع منها بس امم امم ولفضت بصعوبه كومي
اسراء: تعالي زينب
ماعرف شكولج بس عوفيها هسه الله يعينها ع الي بيه هيه ويعينج ضليت بغرفتي مرات من نبجي نرتاح ومرات انخفف من المنه ومرات نبجي ا شي اريده اني اليوم ابجي بس لا المي خف ولاارتاحيت
فاتت حدود ساعتين بده ايأذن الضهر طبت اسراء كالت امي جتي
زينب: وين جانت هيه
اسراء: راحت سحبت فلوس وشافت النذل
زينب: يعني اطته قصدج
اسراء: لاخالتي ضامه مبلغ بالبنك راحت سحبته امي واخذت اجازه لاامج وشافته حته ببغداد ياخذ لفلوس بعد ميتفقون وياه ع الي يصير
زينب: الذبح بيه قليل صح
اسراء: مو وكت هل حجي حمدي ربج ع حالج عدج ام مثل خالتي غيرها وحده ميحتاج احجي شي اكوم اروح يمهم
زينب: من بعد متكون مدلل تحس انك مستحقر محد يريدك بس مجبورين عليك كلام خالتي الي كالتلي سكتي لان اذا ع اذيتج وبس فطبج مرض كتلج حلال بس علمود اخوتج واختج وابوج شذنبهم يصير بيهم لعار بسببج حطي ابالج متسوين شي بعد عدنه وكلنه ماريد شوفتج بس لخاطرهم ده نركض
كلامها جان بمعنى لاشئ اصبحتي
ثاني يوم طلعنه لبغداد والي فهمته امي عدها 7ملايين واخذت كل الذهب اصغر شي موجود اخذته وصلنه لبغداد ابويه ذبنه وراح بس اختي لصغيره ويانه خالتي كان زوجها متقاعد رجال جبير واهسه بالحديقه لوتنكلب لدنيه هوه يزرع ويرش ويكصكص
بنفس اليوم الي وصلنه بي بغداد راحت خالتي باعت الذهب كله مال امي جاب 3200
صارن 10ملايين
سمعت من اسراء خالتي راح تروح تحاجيه هوه ببغداد ومتفقين يلتقون بمكان امي متكدر تروح
سمعت اسراء توصي خالتي تكولها معليج بي تره ايسوه رجال براسنه اريد الم الفضيحه لاتسويلنه شغله انتي
ثاني يوم راحت خالتي وره فتره حدود ساعه واكثر يله اجتي جانت عصبيه كلش مطايقه روحها
مكدرنه نحجي لان جان زوجها كاعد بس كام نام اجتمعنه بغرفه اسراء طبعا امي اسراء تسندلها وممنوع اتقربلها اني واذا كعدت كأني مموجوده
ام زينب: ااسس وو يتي
ام شيماء: اووف الناقص والله لازمه روحي كوه امنيتي اشرب من دمه يتمعلج ويحجي مترهي الكلب فور دمي
اسراء: يمه اختصري فدوه شصار
ام شيماء: كتله ماعدنه 15وانت تتحمل لمسؤليه وياها
يكولي ليش خايف مثلا انفضح لو اهلي ينفضحون
كتله لاتنسه الصار هم الك ايد بيه
يكولي ثبتي الحقير
المهم كتله ماعدنه 15
يكولي انتو مضطرين توفرولي الي اريده لانكم بحاجتي
والله نرفزني كتله 10غيرهن ماكو يعجبك كان بها ميعجبك كفيلك الله مستبيعين شيصير خل ايصير
يكوولي نتشاوف يم ابوها
اسراء: عزه شلون يمه اخاف ايسويها
ام شيماء: لا النذل ضربت روحي الف نعال وكمت اتوسل بيه ودخيلك وماعدنه غيرهن
النذل يكولي اي من لبدايه استعدلي تره بحاجتي انتو يعني مال تحاجيني من وره خشمج بطليهه
ام زينب: حح قق يير
اسراء: حسبي الله ونعم لوكيل وتالي
ام شيماء: تالي12مليون وهوسه العرس احنه نشيلها
اسراء: شلون يعني العرس يعني كأنما مصارشي
ام شيماء: اي اي عادي زفه وكنما ماكوشي بس احنه نصرف ع كلشي هوه عليه بس يحضر
اسراء: سافل
ام شيماء :ركبتنه بيده الحجي هيج مو مثل الشوف هذا اختصار سولفت لوتشوفيه شلون يحاجيني والله كرهت روحي عساها بحضه وبخته
ام زينب: ب س للف لوس
ام شيماء: لتشيلين هم دكافي هل دموع بياحال انتي تدبر اني شايله كم فلس سهله
ام زينب: ما. ا نسس الج هل و وكف
ام شيماء: ولج خيتي انتي شعدي العشره غيرج
زينب: جنت مسمتمعه فقط منعزله بزاويه اسمع حجيهم فقط كل الصار كوم وموقف امي هدني كوم ثاني جرت ايدخالتي تريد تبوسها لان حتساعدنه وتبجي حسيت اني ذليت امي ونضراته جانت مبينه الذل عليها امي ام نفس لعزيزه جانت تركض وتتفوق بعملها وبيتها حته لاتحتاج ابويه ولاتسمع كلمه منه بيوم واليوم تتوسل وتبوس ايادي
فهمت بعدها ان خالتي طالبه يومين بعد حته يحضر لمبلغ وهوه متنرفز لان ده نتأخر طبعا موهوه سيافنه ميصير كل يوم ايحد سيفه وميكطع ركابنه بيه
ثاني يوم الصبح زوج خالتي طلع ماعرف وين راح بس كل الي اعرفه خالتي دزته لمكان لان متريد اشوفه لكريم اتكول كوه لازمه نفسها ومقاتلته خلاص
اتصلت بيه وسبيكر مفتوح حته امي تسمع وكفت بالمطبخ لان قريب عله لصاله الكاعدين بيها حته اسمع بااذني الي جنت شايفته كلشي شلون ده ايحطمني
الوو
-كون هل اتصال بفايده لأن ملييت
-دبرت لمبلغ
-حلو واني جاهز
-غير افتهم الي حيصير
-شحيصير يعني حستر ع بتكم يعني اني صاحب فضل عليكم حطم عاركم واستره ههههه
-اي خلفله عليك ماكولك غير حسبي الله ونعم لوكيل عساك تتلكاها
-اهوووو هسه خلصوني شوكت استلم
-وره ميتم كلشي
-هههه لابله ويتم كلشي وتكلبون عليه
-كل واحد يشوف الناس مثله
-مثلي مثلكم لفلوس عيوني
-اتم الشغله وبعدها
-وشنو ضماني
-واحنه شنو الي يضمن النه انك متسوي دكه ناقصه مثلك
-لتغلطين تره محترمج لان مره جبيره ماريد اهينج ضمانج انج مجبوره تنفذين الي اريده واني كتلج خلص امثل لدور كعريس ياخذ بتكم لمصون صاحبت الشرف والعفاف ههعع
-احترم نفسك عاد تره طوختها
-واذا ماحترمتها شسوين بله حجي
زايد ماريد لفلوس يمي اريدها
-اطيك نص وبعد مايخلص كلشي نص الثاني وهذا احسن حل انت تضمن واني اضمن
-بس وره ماتم ليله العرس استلم مو وره لطلاك
-ماشي شكد وطلك
-ثاني يوم ماعندي مانع ماتوقع كاتل روحي ع سليله الشرف
-رجاء احترم نفسك وكافي نفذنه الي تريده فرجاء لاتغلط
والطلاك وره فتره شيكولون العالم ليش من ثاني يوم
-خلص تمام المهم فضوني شوكت استلم
-بيوم الزفه
-اهووو رجعنه
-تستلم بيوم العرس واذا مسلمناك عود فركش واتوقع تكدر تفركش ومثل مكتلك نص لمبلغ بس شيضمن الي متاخذهن وتسوي شي
-الي يضملج المبلغ الباقي عدج وهاا لاعبالج تكدرون تلعبوها عليه اذا مستلمت الباقي بليله العرس اطلع اكول مو ب… ..
استلم حته تتدلون بذاك الوكت احل الكم الي تردوه
-ماشي
-شوكت العرس
-الاسبوع الجاي
-خوش حجي وهاا حطي ابالج تره ماكو شي يلزمني بنص العرس افضحكم
-كتلك خلص بيوم العرس تاخذ نص لمبلغ
احنه كد كلمتنه بس انت ياريت تكون كدها
-هههههه لتخافين لكلشي ثمن مادام. الثمن عندج اني مستعد
