#دارت الايام
البارت عشرون
ل وردالعامري
اتأكد لسيد اني بالغه سن الرشد والعقد موجود مال الزواج واحنه متفقين ع طلاك تم الطلاك بينه بس بوقتها يمكن اتأكدت اني موطبيعيه كل مره ممكن تزعل اني بوقتها من غير مااحس ابتسمت من حسيت اني خلصت منه شلون حبي اله تحول لهل شي والي فرحني اكثر جان شاد راسه من وره اضاهر جاره الكلاص لان اكو شداد داير مداير راسه بس من وره اكو قطن ومبين المكان يعني كلش فرحت عبالك مطيره راسه مو ضاربته بس طلعنه من مكتب لسيد مشينه مسافه اني طبيعيه اجرنه تكسي صعدنه بالدرب فات من يم حديقه وبيها بنوتات وحده لابسه ثوب ولثانيه لابسه تراك ويلعبن اكو مراجيح وزحليكانات اختنكت حسيت روحي هناك محتاجه لهاي الايام الي جنت شايله لعابتي بيه كل الي اخاف عليه لاتنشلع ايدها لولاينهلس شعرها
لقبل ميصير هذا كله اني اكبر همومي اريد اشتري كذا اريد انجح اريد اسوي شي
فجاءه تحولت الى بير هموم هموم بحياتي ممفكره بيهن ولاجنت اتصور حعيش هيج اوقات صعبه
ولامتوقعه حياتي حتنكلب هيج من غير ماحس انهزمت امام نفسي وبجيت خالتي يمي بسياره سمعتها جرت حسره وكملتها ب استغفرالله
اذيت كل لحواليه واذيت نفسي من وصلنه اول مطبينه اسراء جانت بطرمه خطيه تنتضرنه تلكتني بس سدت لباب خالتي كالت ولمثله ينبجي عليه
لاخاله لااول مره اليوم منزلت دموعي عله شي نزلت ع نفسي هووواي اذيت نفسي وهواي ضغطت ع روحي اليوم كل دمعه مني تنزل ع روحي الي وصلتها باايدي لهل مكان
اسراء: حسبي الله ونعم الوكيل حسبي الله ونعم الوكيل
عساها ماتفوتله عساها بحضه وبخته مااريد اكول بعرضه لان حرام اعراض الناس الله يستر ع امه محمد بس عساها بيه
ام شيماء: كافي زينب اليوم احنه خلصنه اني فرحانه اليوم خلصنه كلشي والحمدلله محفوظ ماي وجوهنه كدام العالم
زينب: كل الي عشتوه اني سببه لوجان بيه خير ماسويت هل كارثه وصلت نفسي لهل مكان
ام شيماء: لج لا المثل هذا نحمدلله فاتت ع كد هيج هذا يجوز حته اذا ازوجج مثل العالم وعادي وكلشي حسب الاصول موبعيد يدخل عليج احد ويبليج حته يحصل شي هذا طماع طمعه كاتله من فات هل فوته مخطط لكلشي مااتوقع كلشي صار بصدفه لا مخطط ومدروس هم تدرين اليوم من كل كلبي اكولج مبروك لان اليوم فرحانه اني صدك حته اذا حجه هسه منو يصدكه بعد ثبتنه كلشي وبتنه اطلكت حالها حال نص بنات لمجتمع وخل ابوج شيسوي ايسوي
زينب: بالفعل استاهل هسه كلمه مبروك لان وصلنه لبر الامان بس منو الوصل الوصل سمعه اهل الوصل كرامه منادست بااقدام العالم
بس اني وين
اني بعدني بضلام ببير كل مجالي اغرك وحته اذا صحت محد راح يسمعني مدمره بمعنى الدمار ليس كاكلمه لا فعلا مدمره حاسه بكسران بداخلي انكسرت نفسي عن كلشي فاتت عليه ايام نسيت طعم الفرح شلون
بيومها وصل خبر لاامي طبعا عقد السيد متفقين انه يتصدق بالمحكمه وهوه الي فهمته مباقي كم يوم وراح يسافر
عدت 5ايام تقريبا وراحت خالتي جابت العقد مصدق من لمحكمه وخابرت ع ابويه كالتله دزلنه ورقه طلاك
بعدها فهمت ان خالتي عارفه انه سافر فااكيد مراح ايحصله ابويه بعد وبهل حاله اني معليه اني كنت منتضره قرار ابويه بس هوه الي سوه ونفذ اجه ابويه اعصابه نار من شاف ورقه الطلاك هجم عليه يغلط ويصيح وشيكولون العالم اطلكت اني تصير بتي مطلكه كتلني كتله بيومها محد كدر ايخلصني منه كوه دفعوه دفع واني ركضت لغرفه اسراء والله سني انثلم من الضرب وكعت قطعه من سني صار مثلوم من الجانب
