#دارت الايام
البارت الواحد والثلاثون
ل وردالعامري
صهيب: حلو تعرفين يعني القصه كلها والله اهنيج ع قوتج ووكاحه عينج
زينب: مااسمحلك صهيب والقصه مثلنه مثل اي ثنين ازوجو ومتفاهمو نفصلو انت شنو دخلك
صهيب: وطبكم مرض ثنينكم علاقتي شنو بيكم اصلا اني
زينب: عجيب امرك شنو طبنه مرض ومالك دخل وشنو تصرفاتك هاي كأني عندي عداوه وياك
صهيب: اي عندي عداوه اذا جان لموضوع يضر اخويه لا عداوتي وياج وويه عشره غيرج
زينب: هسه كلت مالك دخل وشعليك شلون اندار الحجي وصار اخوك انت نفسك معارف تفهم نفسك
صهيب: كافي رجاء تعرفين ع شنو احجي وياريت لوتستحين ع دمج وبعد كل الي سويتيه تبتعدين
زينب: ابتعد ومنو كلك اني قريبه موضوعي ويه كريم انتهه صهيب
صهيب: ومادام انتهه كريم لازم ترجعين للي عفتيه لان ع كد الايد استغل طيبه كلبه كافي تستغلين سيف لاتتوقعين بيوم اذا هوه جان سامحلج وساكت اني هم اسكتلج
زينب: لحضه لحضه اوكف شنو سيف شدخل سيف شتحجي انت
صهيب: اوووف دورج تمثليه ع غيري اني كاشفج من شفتي كريم ضروفه جانت افضل من سيف عفتي سيف واليوم بعد ما انتهه عله كولتج البينج وبين كريم وضروف سيف اتحسنت كلتي يله استغل حبه اله وطيبته وارجع بس انسي اول مره عفته كدام عيوني يتألم بس هل مره لا
زينب: جوابه صدمني افترت الدنيه بيه سيف و لالا مستحيل ضليت واكفه بمكاني عافني وراح واني ع وكفتي احاول اجمع الحجي الي كاله بس مايوم اجه سيف وكال انه يحبني ولااذكر فتح موضوع ولو فقط اعجاب اوجاب طاري شي دخلت للصيدليه اتصفن ماعرف شلون عده اليوم الف مره غلطت بدوه وانتبه اخر لحضه اني لاغلط مو هذا لمكتوب بوصفه الطبيب
رجعت للبيت كالولي عشه كتلهم اريد بس انام دخلت للغرفه معقوله الي حجاه صهيب صحيح بس شوكت شوكت حاجاني سيف بحب لا اكيد اكو غلط اذكرت من اجه وكلي كريم ميفيدج وذكرت الكلام الي كاله سيف حب من طرف واحد معقوله اني هوه كال ان محجه ولاكال انه يحبها
يعني الموضوع يمي اني الي جان قاصدها سيف
اي اي صح من صارت خطوبتنه. هوه انقل
ياريت لو سامعه كلامه من كالي ميفيدج ياريته ياريته حجه اوكال ياريته مبين الي هوه ايحب…
لا لا لاتعيشين بهل عالم مره ثانيه ويجوز يكون صهيب فاهم غلط لموضوع ميكون يمج اصلا
وحته اذا كان يمي خلص كل واحد اختار طريقه وممستعده لااي تجربه
ضليت الليل كله احاول اربط كلشي صار جانو اصدقاء وفجاءه ثنينهم من يشوفون بعض ماكو اي سلام بينهم وسيف من اجه ونصحني بشغله كريم جان يحاول ايوصل شي بس ااااووووف
خلص زينب خلص انسي لاتخططين بكيفج وبعدين يطلع اصلا لموضوع مو يمج اني وسيف سوه بنفس مكان العمل لاهوه الي قنعني بيه لوجان كلامه صح مستحيل ايقدملي شغل لا والي يخليني متأكده تصرفه ويايه صار 3شهور نشتغل سوه ما يوم شفت شي ايدل عله كلام صهيب
