#دارت الايام
البارت السادس عشر
ل وردالعامري
رجعنه للبيت دخلت للغرفه حته تعدلي وجهي اسراء مالي نفس اباوع عله روحي جنت احلم باليوم الي راح اوكف كدام لمرايا بالبدله البيضه واشوف نفسي
دخلو خالتي وامي ركضت لاامي الي كعدت من غير ماتباوع عليه
ام شيماء: زينب سمعيني زين الي علينه احنه سويناه وكملناه لاتضيعين كل تعبنه وتفرفحنه وتحملنه ذيج الفتره للناقص الي انتي خليتيه يركب ع روسنه هذا البجي تره كلها ده تسئل ليش وده انذبها براس امج ولان امها مريضه بس خففي شويه دوسي ع نفسج مثل مادسنه عله روحنه وراح نتحمل بعد وبعد ابوج هنا واخوتج كافي الي خسرتيه حاولي متخسرين بعد احد هيه فتره وتعدي تلزمين نفسج كدام العالم وتتحملين مثل متحملنه
زينب: خاله والله مطايقه روحي ولاطايقه شوفته
ام شيماء: مالج حق مثل ما وكعتينه لازم غصبا ماعليج تحمليت واطلعينه
ام زينب: ع دي بببنت مااتت ماا ار يد ايم وتون البقيه
زينب: ماما فدوه لتحجين هيج سامحيني
ام زينب: ممس امحه ولا رااضيه عليج
بس اذا جن ت ام ج وتخ افين علي ه
زينب :والله اخاف عليج اكثر من كلشي بس موبيدي الصار والله ضح
ام زينب: اشش
ام. شيماء: خيتي كتبي افضل ده اجهدين نفسج ومده نفهم عيوني انتي كتبي
زينب: اخذت امي لورقه ولقلم واقره شتكتب
-اذا جنتي تخافين ع امج وعله اخوتج تحملي وسكتي لحد مانخلص انتي الي سلبتي روحج حق الكلام والاعتراض مومن حقج بعد تحجين اني ماريد اخسر ولدي بسبب وحده ماتت تذكري هل كلام زين
زينب: يمه
ام شيماء: عديها اليوم خيتي شسوي بعد شيفيد الحجي لوفات الفوت ماينفع الصوت
اسراء: خاله تره الزن عل اذن امر من السحر الله لايوفقه لعب لعبته صح وهيه وكعت هم ع كيفج ياخاله
-كل واحد يشيل مسؤليه افعاله
زينب: يمه عيني انتي مالي غيرج لاسوين هيج اشرت لخالتي وطلعتها ياربي اخذني بعد مااتحمل والله
زينب: كافي هل بجي
ام شيماء: كومي وسمعيني زين منا العالم اذا ترديها ترضه عليج تحملي وسدي حلوك العالم زينب اذل صار شي ابوج ايطك ويموت وامج هيه نص نفس ضاله سكتي كافي وين جنطتها
اسراء: هياتها ليش
ام شيماء: ده احط لفلوس بيها
اسراء: ليش موانتي تطيهياه
ام شيماء: خابر النذل يكولي متفقين نصهن يوصلن وينهن
كتله اطيكياهن كلهن وره متكمل اتفاقك مقبل اخر شي كتله اطيك 4ع قليل اضمن بال8العندي
اتفقنه ايدز احد بحجه ياخذ غراضها قبل ميجون الزفافه واني اروح وياهم ابات هناك لان ابيتهم الزفه مالتهم اسلمه ال 8
اسراء: تفكير اجرامي شنو هل سفاله
ام شيماء: هيج انسان لازم تكونين قويه كدامه حته متوكعين اهلج تتحملين غصبا عنج مفهوم
زينب: مفهوم خسرت نفسي وكافي ماريد اعرض احد للاذيه بعد
ام شيماء: وهذا الي اريده خلي ابوج واخوتج وامج بين عينج قبل متخطين اي خطوه
زينب: طلعت طبعا جنت جوه بحجه اسراء تلبسني وتعدلني وعود ارتاح شويه قبل متصيرالهوسه طلعت كعدوني يم امي كدام العالم تعاملني طبيعي كانما ماكو شي بس احسها مطايقتني وراح تنفجر
كعدت شويه وسمعت خابرو حيجون بلحضتها حسيت اني داخله لمكان اسمع الهوسه واشوف بس ماحس بشي كأني طيف كاعد بس ماله وجود ولا اله اي شي اتمسكت باايد امي كل قوتي حسيت جسمي كله ينتفض وكأني مغيبه اريد اغمض وافتح واشوف كلشي ماكو عافت ايدي امي وكامت من يمي شفتها توجت وكامت تسحل رجلها كوه بس ابتعدت عني
فات ابويه ووياه كريم شحجه ابويه شصار مادري ابويه تقدم عليه باسني من راسي اشوف ابويه صورته تروح وترجع مواضحه وكعت واني يم ابويه اسمع صوتهم وصوت اسم الله وعين الي ماصلت ع النبي صوت ابويه يكولي شربي مي بابا
وكريم يكولي حبيبتي بيج شي
حبيبتك بعد كل هذا وحبيبتك اريد اصرخ مااكدر اباوع عله ابويه وكريم واكف يمه امي الي كاعده يمي دموعها تنزل اختي الي لابسه فستان وردي وتفرش ببدلتي تحطها ع حضنها لاتحلمين بيها مثلي ان شاءالله مااكون سبب بتعاستج بيوم اخوتي الي كبالي سدير الي واكف يم ابويه وهدير لاول مره اشوفهم كبار واني صغيره كلش كدامهم مواني جبيرتهم لاهمه اكبر مني بكلشي حطو جوه الساني شكر ليش ماعرف بس عود لان تخربطت ايخافون انجبس ههههه عالم تشوف الضاهر متعرف بالباطن طلعت بعد هوسه جنت بنصهه اني بس كأني بغير عالم وبغير مكان عالم يضج بلدمار بداخلي ومكان اسود كأني ده اوكع شويه شويه ده اوكع بس من غير مااوكع ع شي لابعدني طايفه بجو بمكان اضلم دامس مابي اي نور صعدت بسياره وطبعا جان كريم ايجرني جر رجلي تتحرك واسراء ويايه لازمتني صعدت وهوه صعد يمي اسراء هم يمي صارت جنت اني بنص كلمه كالتها اسراء لخاطر ذوله شوفيهم لازم تتحملين
جان ابويه واكف واخوتي لاول مره اشوف ابويه يبجي جان يمسح عيونه قبل متنزل دموعه اخوتي عيوني مدمعه استاهل دموعكم اني انتو تشوفوني صافيه ونقيه بس اني موهيج اني بصمه عار عليكم تحركت السياره واني عيني عليهم
اسراء: لخاطرهم زينب كافي
زينب: شاورتها شفت بعيونهم حب ونقاء الي واني مااستاهل شي منهم
اسراء: بس هم يستاهلون ان يضلون يحسون ان اختهم نقيه وابوج يضل يحس بدموع هل فرحه ببنته الي صانته وازوجت
زينب: منزلين كب ع وجهي جان بس صوت لمسجل مغطي ع صوت انفاسي بالبجي وكفو السيارع ونزلوه رفعت راسي اشوفه شلون يركص وياهم وفرحان اكيد فرحان راح ايحقق حلمه بسفر بكسران حلمي وبالكابوس الي عيشني بيه
ابوه جان كاعد بصدر وواحد ايسوق اي كلام بسياره مصار جان حديث بين السايق والاب عله الولد الوياهم وسياقتهم ودير بالك منهم جنت اسمع كلشي واشوف بس كاني ده اشوف فلم لااكثر جنت بمكان بعيد عنهم كلهم مكان هناك يم امي من لبستني بدله بيضه بحتفال لمدرسه ببدلتي الي جنت شكد حابتها فرحانه بيها افتر حته تنفش اكثر ذيج بدلتي جانت حلوه وبيها فرحه هذي نفس اللون واحله منها بس مابيها شي كأن بياضها سواد كأن مااشوف البياض الي بيها من نزلوه نزل ابوه ولسايق رفعت لطرحه عن وجهي اسراء كانت تحاول تصبرني واني جنت متمسكه باايدها كل قوتي اريد احد يلزمني لان حاسه روحي واكفه بين. السمه ولكاع ماكو شي لازمني ده انزل بسسرعه قويه بس رياح تدفعني تتلاعب بيه من مكان لمكان
