#دارت الايام
البارت الثامن
ل وردالعامري
ماعرف شكد فات من لوقت واني عله كعدتي بالحديقه الخلفيه للكليه وكاعده ع ركبي. حسسني صوت لتلفون كان لمتصل امي فتحت خط لكن حاسه اني لساني معكود ملتوي مااكدر احجي شي فتحت خط وخليت لتلفون ع اذني
زنوبه ماما وينج شو اتأخرتي
الووو زنوبه
-جايه امي
-بيج شي ماما شنو رجعتي تخربطتي
-جايه هسه بيه ياامي بيه الم اقوه من ضربه السيف بس ماعرف شكول لو المن التجئ رجعت للبيت كنت متأخره حوالي لساعه عن موعدي كتلهم ويه زميلاتي اخذنه الحجي ع محاضرات دخلت للغرفه اختي لصغيره ده اترجع دفتر من طبيت تلكتني
-زوزو شوفي اخذت 10من10 باعي امي اطتني الف هههههه
-عفيه عليج ياريت اكبر همومي اخذ العشره واحصل الف ليش راحت هاي الايام بسرعه لامراحت اني روحتها اني روحت نفسي بس كريم ميسويها راد يخوفني صح اني غلطت جان لازم مااخلي يجي بس اني امنت بيه اني حبيته
ام زينب: زنوبه بيج شي يمه شوطبيتي موعله بعضج وبوجهج للغرفه مطلعتي شبيج يمه اوديج دكتور
زينب: لالالا مابيه شي لا ليش دكتور مابيه شي اني اني نعسانه واريد انام بس
ام زينب: بكيفج نامي بس لااله الا الله نامي يمه نامي
زينب: من كالت دكتور خفت متوقعه نفسي وحامل وحصير مثل الافلام من يكشف عليها لدكتور ويكول حامل ضليت بتردد وخوف بين احجي وبين لا اتصلت بكريم
-هااا لازم دبرتيهن
-كريم عفيه انت ده تشاقه مو انت متسويها
-هااااا كلتيلي زينب ولسماج زينب اذا دكيتي مره ثانيه عليه وانتي ممحضره الي طلبته والله ثم والله اله اجيب دنبك وادك اباب بيتكم وافضحج فضيحه فتهمتي ولي يله
-سده بوجهي يارب شسوي ضليت اضرب بنفسي كل قوتي ماعرف الي اسويه شنو غير فكره اني اموت نامو اهلي وجمعت شكو حبوب موجوده بالبيت وشربتهن كلهن فضلت اني اموت ولااينكشف الي سويته لكن حته بمحاوله انتحاري فاشله مصار غير دوران عندي وتقيئت جسمي نحل حته لموت بعيد عني ثاني يوم مكدرت اروح للكليه جنت تعبانه كلش بس طلعو اهلي كمت اضرب روحي كل قوتي واغلط عله نفسي واعيط بكل صوتي شلون احلها وشسوي ماكو غير حل رحت ثاني يوم للكليه دورت عليه من شافني ضاج
كريم اخر مره والله بس احجي وياك فدوه بس كلمه وحده الله يخليك
رحنه لقاعه جانت فارغه بقسمه
-خيررررر زينب
-كريم اني منين اجيب انت واعدتني وكتلي انتي زوجتي و
-اهووووو رجعت زينب لج بابا شتغير بحجيج هسه شستفاديت اني ثانيا منين اجيبين موشغلي اجدين تاخذين من امج تبوكين تبيعين نفسج مو مسؤليتي
-كريم كريم انت موكتلي احنه مزوجين وانت متعوفني
-كتلج بس بعدين فكرت وحده رخيصه متفيدني
-رخيصه كريم حرام عليك انت شنو متخاف الله
-والله الي عندي كلته ولي
-كعدت بالكاع جلبت برجله ابوس رجلك كريم لاتسوي هيج كريم
-دولي ولاتشوفيني خلقتج بعد
-دفرني وطلع شسوي منين اجيب منين منين ياربي اخذني وخلصني ياربي
رجعت للبيت واني الف حيره بيه تفاجأت خالتي الي ساكنه ببغداد يمنه هيه وبنتها ماذكر حته شلون سلمت بس لكل منتبه عليه موطبيعيه
ابوزينب: اكولج هذا كريم مو كال سنه شو عدت لسنه صار شهر شمنتضر
زينب: هااا هاا اي هوه شسمه هل ايام هل ايام
ام زينب: اني كلت افوت فتره واخابر امه
زينب: لالالا لاتخابرين لاتخابرين هيه كلها كم يوم كم يوم
عفتهم وركضت للغرفه ابويه كل ميشوفني نفس لسؤال يسئل
ام زينب: ولج شبيج صار يومين موطبيعيه
زينب: مابيه شي مابيه بس شسمه دايخه من المحاضرات
عدن كم يوم وباجر لموعدادك عليه مااحصله وبالكليه مموجود واني افتر حوالين نفسي وبعدني عندي امل اني هوه يشاقه وميسويها وهسه يكولي جنت اضحك عليج
دك تلفوني رقم كريم
-الو الو كريم
-باجر اخر يوم حدي وياج لحد انتهاء دوام الكليه باجر انتضرهن يااجيبين لفلوس يا يكون تلفون لاامج المحترمه يبلغها اني ماريد هل زواجه لان بتها ملعوب بيها موشريفه
-كريم لا عفيه
-وهاا قبل ماانسه هيه اعترفتلي كالت استر عليه واني ماارضاها ع نفسي وجيبي دليل عود ثبتي عليه هههههعههع
-الوووو كررررريييممم الووووو
اااااه شسوي شسوي ياربي خلصني ييياااارب اي احسن حل اخذ اخذ فلوس من امي واطيهياه بلكن يرضه انتضرت الكل تنام جانت اكو غرفه مسويها مخزن بس يعني مخزن للفراش وللهدوم الشتويه امي جانت اضم بجنط لهدوم الشتويه رحت طلعت كل لمبلغ لموجود جان مليون و300
ضميتهن وانتضر الصبح يطلع كعدنه واني مستعجله اريد بس اطلع امي كاعده مو عله بعضها ده اطلع وصاحتني
ام زينب: زينب لااداومين ليوم اريدج
زينب: لا ماما عندي امتحان لازم اروح
ام زينب: كلت ماكو دوام كعدي اريدج اليوم
ابوزينب: شكووو متعوفيها اداوم
ام زينب: لا اريدها والله بشغله اني وخالتها خليها ليوم ع واهسنه
زينب: بس خزرتني وسكتتني شسوي لازم اطلع لازم طلعو اخوتي وابويه شرب جاي وسولف هوه وخالتي شويه وطلع اول مطلع ابويه سدت لباب امي وجتي ركض ضربتني بركضتها وكعت بالكاع نامت عليه حسيت حته الدنبوس مال شالي طب بخدي من الضرب خالتي توخر بيها تكولها موهيج خل نفهم عزززه عرفت امي اكيد سواها وخابر كريم
ام زينب: لج تبوكين امج
زينب: فرحت انها معرفت فضلت انها تعرف اني بكتها ولاتعرف هل شي
ام زينب: ابيش مقصره وياكم اول تالي ولج زينب تمدين ايدج وتبوكيني
زينب: لا اني ماا مااا
ام شيماء( خالت زينب):اششش سكتي اني شفتج بعيني ومحجيت لاان ابوج موجود واخوتج الصبح كتلها لامج لتخليها تطلع لان شفتها طلعت فلوس وطلعت ركض للغرفه لتكذبين
زينب: لا اني جرت امي لجنطه فتحتها جان بيها لفلوس
ام زينب: الله واكبر عليج الله لايوفقج لج ليش هاي تربايتي وكسران ضهري تبوكيني جنتي تردين تطيهن للمجدي مالج خلاج تبوكين امج امداج ليش اني مكادره اطيج فلوس حته يشتريلج غرفه وله غيرها بس اريده يجيبلج شي بصعوبه حته تكونين غاليه لج درب لرخيص ينمل ينعاف
زينب: كومتني خالتي خلصتني كوه من ايد امي طببتني بالغرفه واسمع صياح امي ودعاها عليه ياربي اخذني يارب تنفتح هل كاع واختفي بيها يارب طبت خالتي جايبه غراضي تلفوني وجنطتي
-ليش هيج سويتي بروحج اكو وحده تبوك امها اني شفتج بس اضطريت اكول لاامج لان مااكدر
احجي وياج وبنفس لوكت مدرت اتهمج تمنيت امج تكولي اي ادري
شطببج انتي يمعوده دعوفيها
ام زينب: اريد اعرف ليش هيج سوت لج حقيررره
ام شيماء: دطلعي واني افهم منها دتعالي
زينب: طلعت خالتي امي كوه تلفوني صار ساعه ايدك شلته كريم
ااالللوو
-شعبالج لج مداومين راح اسكت واغلس جنيتي ع روحج
-كريم بس اسمعني والله امي الوو كرريم
