#دارت الايام
البارت الثاني عشر
ل وردالعامري
طبيت لغرفتي وامي كارهه شوفتي من يجي ابويه يكولوله عدها امتحانات عوفها ووصت اخواني ميكولون لاابويه ع وضع لشافوه بحجه لتكولوله راسبه صدكو لموضوع اخوتي
دخلت عليه خالتي سئلتني اذا كان عندي اختلاف اوماشابه تريد تعرف اذا كنت حامل اولا اكدت انها ان لا وكلشي طبيعي
سمعت صوت خالتي وامي بعدها
امي :تكول لاابنتي ولااعرفها يجي ابوها يذبحها بسكوت بسكوت وفضت راحت
ام شيماء: كولي يالله بلكن نكدر انحلها
ام زينب: شحل احل عارها عارها لموت يمحيه ويخلصنه
ام شيماء: اني مو علمودها طبها مرض هيه بس ياخيتي عدج ولد لخاطرهم ذوله اضل السيره تلحك وتستلحك وراهم عدج بنيه باجر عكبه تكبر شذنبها تشيل سالفتها وابوهم صح ماينطاق ولاعب بيج طوبه بس هم شذنبه يطمس راسه بطين ويصير حجايه بحلوك العالم وانتي اذا بسمع وانتي ام وهيج انهاريتي وصار عدج عادي هدر دمها ذوله كلهم شلون وبعدين انتي ام كذب تحجين بس اعرف كلبج مشتعل نار
ام زينب: ام معرفت تربي
ام شيماء :لا حشاج ونعم لتربيه مربيه بس حسبي الله ع ابليس الي لبس لباس لملاك وضحك عليها وهيه لوما فقيره ومدمغه مينضحك عليها لوجانت عدها لواته لو شويه صلافه جان فهمت وقاوحت وياه بس هوه لكاها ع كد ايده فقيره وينضحك عليها هذا الفقير بهل زمن يختي ينوكل
ام زينب: ااااخ ياريت سامعه بخبر موتها هم اكعدلي كم يوم انحب عليها وبعدها ع قليل اضل اذكر عدي بنيه هسه احسها ماتت بنضري وماتت من روحي انزعت نزع من كلبي
ياريت ماشالتها بطني ياريت ماشافتها عيوني ومانتضرتها تكبر يوم يوم وافرح من تطول واتباها بيها اكول كبرت باجر تشيل كبرتي طلعت هيه كسران ضهري وذلتي
جبتها ويه ابوهم اتصده تصدي حته لايعرف اذا غلطو وله رسبو وله حجو ادافع اخاف عليهم من ابوهم واخاف عليهم من لدنيه واركض حته اوفر كلشي الهم وماخليهم يحتاجون وبين ليله ويوم اعرف اني ماربحت شي خسرت خسرت كلشي لو ضاله اعرف انها باكتني وممسويه هل شغله اهون الف مره ياريتها ماخذه عيوني مني ولاهل لسوايه هااي
ام شيماء: حقج شتكولين حقج بس
ام زينب: ماتعرفين لبكلبي شنو ااااااخ يمه ريت الله مايشوف هل الم ولاوجع لكلب هذا لااحد ولج احس مقسومه نصاص نصاص كل نص شامريه مني بمكان دليني خيتي شسوي حاسه روحي بنص بير اضلم لاكادره اطلع ولاكادره اضل بيه شسوي اسلمها لاابوها واشوفها تنذبح كدام عيوني واكتل روحي وراها لو اروح ابوس رجله للنذل حته يستر عليها شسوي ولكم شسوي حرت باامري حرت
ام شيماء: وداعتج تنحل هيه سايبه نلعب طوبه بيه
ام زينب: ونفضح روحنه لعد انسلمها لاابوها افضل اي افضل خلي ابوها يجازه بيها
ام شيماء: ولج ابوها شيجازه بيها هل مسودن هذا هوع يتحاجه حته اروح نكوله
احنه نسدها انتي امها هاي الام جبل تسد عن اولادها وتهد الدنيه عله الي يأذيهم مثل ما يهددنه انهدده شعباله الدنيه سايبه
زينب: جنت اتصنط ع حجيهم واتمنه تنزل لعنه تحركني اوتموتني
امي كاره موبس شوفتي كارها اليوم الي جابتني بيه امي الي جانت بذكرى ميلادي تبوسني وتكولي اول رزق من الله الف الحمدلله نبض كلبي انتي يمه
هسه كارهه حته بطنها لشالتني
رجعت للغرفه واني اندب حضي وقسمتي والي سويته بروحي
وره شويه فاتت اسراء كالت خابر ع كريم
