#دارت الايام
البارت الخامس والثلاثون
ل وردالعامري
بلغت امي بكل شي امي جانت حذره كالت خل يتفضلون وان شاءالله خير
الفايبر من يومها مسكت المجموعه بيها اني واسراء وتقى وهاله
الكه بال100رساله افتحهن الي تهلهل بتسجيل صوت والي تكتب وينج ياعروس وتصجيم وتقليد عليه جنت فرحانه بكل شي بالفتره الي راحت مجان بينه كلامات كحب كانت سوالف عاديه وهوه يحجيلي عله نفسه بس من يوم. الي كال يجون اهلي صار اول مافتح الخط يكول هاحبي شلونج اووينج هذا الاسبوع كان ابطئ اسبوع حسيته ميمشي كأن اليوم طويل كلش بي
بهل ايام صار بينه تواصل اكثر ويوم الاثنين طلعنه تغدينه ويه تقى وصهيب وهاله واحمد انجمعه بوقت استراحه الصيدليه تغدينه بمطعم كنت متوتره من صهيب بس كان تعامله عادي ومحاول لايحجي شي سئ ولايذب بسامير مثل كل مره البنات عرفن القصه كلها والي فهمته سيف موضح لصهيب كل شي جان جمعت غده حلوه قلدو علينه شويه وضحكو بس جان وقت حلو خلصنه غده وكمنه كل واحد راح لسيارته واني وسيف نتمشى للصيدليه بعدنه ماتحركنه خطوتين وسمعت صوت ورايه زينب من رخصتج
انداريت صهيب واكف
سيف: خير صهيب محتاج شي
صهيب: ماكوشي بس اذا ممكن كلمه زينب
زينب: تقى واكفه يم السياره وسيف يمي اي تفضل
صهيب: اذا ممكن من رخصتك سيف يعني
سيف: غير افتهم شكو صهيب
زينب: سيف مثل الي رد باانزعاج اوعصبيه ااااا سيف من رخصتك
سيف: يله ماشي
زينب :تعديت خطوتين عن سيف بس موترني صهيب هدوئه وبعدها يريد يحجي ويايه وتوتر سيف
تفضل صهيب
صهيب: اول شي اريد اكولج انتي جنتي زميلتي واحترمج بس مرات سوء لتفاهم اوسوءالفهم حته يكون واضح كلامي ايخلي لمقابل يتصرف تصرفات من غضبه من شي اوضوجته اني مااكن الج اله كل احترام لكن كنت متألم شويه ع ابن عمي واخويه لاني جنت ممقتنع انه ممصارحج او مكايلج ع شعوره بوقتها رغم. هوه كال انه محجه ولابين الج شي بس حسبتها بمفهوم انه يستحي او ميريد ينزل من نفسه ويكول كتلها واختارت غيري وانتي عندج اخ اكيد اذا زعل اوشفتيه انقهر انتي تتألمين عليه واني عاصرته بذيج الفتره انقل من كليه لكليه وجان يعني مبين عليه ان ممرتاح المهم الي راح راح واحنه ولد اليوم عله كولتهم
زينب: صحيح واني هم اأكد الك اني مجنت اعرف نهائيا
صهيب: عله العموم احنه بطبيعتنه وهسه ان شاءالله تتعرفين عنه وعن سيف اكثر واكثر وراح تشوفين هل شي بينه احنه منحب انزعل احد اوانخليه يشيل بكلبه علينه
زينب: ههههه لامولهل درجه
صهيب: ههه يكولون الاعتراف بالخطأ فضيله اني غلطت بحقج واعتذر منج
زينب: لا يمعود ممستاهل لموضوع والله وانت مجانت الرؤيا واضحه كدامك فاانسه لموضوع كله
صهيب: بس اسمحيلي اكمل كلامي
حبيت اني اوصلج فكره اني لاعندي وياج شي ولا بحياتي فكرت بطائفيه اني درست بمحافضتكم وماعرفتج اليوم حته اهاجمج بس كتلج جان غضب واعتذر عليه اني احترمج واحترم طائفتج وهيه مجرد القاب كلنه عباد لله سبحانه وانتي كنتي زميلتي وبمثابه اختي واليوم انتي مو بمثابه اختي لاانتي اختي وان شاءالله مرت اخويه واتمنه ميضل بخاطرج شي
زينب: الي الشرف واتشرف اني الي اخ مثلك و والله ابد مبخاطري شي وانسه لموضوع اصلا
صهيب: شكرا رحم الله والديج سيف كوه لازم نفسه ومااجه هههه روحي خيتي الله وياكم
