#دارت الايام
البارت التاسع عشر
ل وردالعامري
اول ما فتحت لباب اسراء جفلت صاحت ع خالتي طبيت للطرمه طلعت خالتي تركض من شافتني لطمت ع خدها بس اني جنت واكفه وكأني منتصره مسويه شي حته من طبيت حسيت اني امشي كأني مسويه انجاز طبيت جوه للصاله خالتج تدعي عليه وليش هيج سوالج بس اني رغم الضرب و وجهي مشوه مجروحه من يم حاجبي خدودي مخرمشه مال اضافر تبارك واكو الم مال ضرب بس مرتاحه مبجيت كل هل كتل ومبجيت
ام شيماء: هل ناقص النذل انكسرت ايده الله لايوفقه
اسراء: لحقير شلون املخ وجهه زنوبه حبي بيج شي ولج شبيج احجي اكوشي يوجعج
زينب: مابيه شي اصلا مرتاحه كلش
ام شيماء: ياااا ع شنو مرتاحه ع لدمايه لوحالتج شبيج ولج لتخوفيني
زينب: لاخاله لتخافين بس مرتاحه لان ضربتهم
اسراء: عزه المن ضربتي ولج
زينب: لكريم ولتبارك
ام شيماء: هاااااا صدك
زينب: اي والله كثر مضربني رجعتله الضرب لحقير بس حرامات مامات ضربته بالكلاص حيل ع راسه بس ممات
اسراء: ياالله لبنيه صار بدماغها شي
ام شيماء: ولج لكلاص ميموت سجينه وشكي بطنه لاولج كذب تالي يسوه رجال ع راسنه بس بينه الحجي خوش ضرب ضربتي ههه
زينب: اي والله خاله اوووف برد كلبي
كعدت سولفتلهم كلشي زوجها جان طالع
وامي اصلا قبل يومين رجعت لبيتنه
بس من ارتاحيت حسيت بال الم وكان جان بعده صوابي حار من هديت سبحت وبدلت عبالك استرجعت لصار وشلون ضغطت ع نفسي ورجعت مره ثانيه صدكت بيه انفجرت بالبجي وصلت لدرجه كمت الطم بقوه واضرب بنفسي اسراء جانت يمي بالغرفه تحاول تهديني وخالتي خطيه جتي تركض
كل الي اذكره اني جنت اصيح واغلط ع نفسي زماله غبيه هم صدكت بيه خليته يلعب عليه مره ثانيه
وبنيت حلم ان راح تتصلح كل حياتي نسيت كل الالم الي سببه اليه وتعلقت باامل وكمت اتخيل شلون راح احاجي امي وقنعها انه ندمان وتطيه فرصه ثانيه حسيت للمره الثانيه اني انهدم شي ع راسي بس كانت هل مره الضربه اقوه لان صح بالمره الاولى كانت توجع بس هل مره وجعها اكثر لان. كان لازم اكون متعلمه الدرس وعارفه هل انسان شنو لكن مع كل الاسف ضهرت امام نفسي بكل الغباء لان ثقيت مرتين بنفس الشخص وبنيت عليه احلام وعشت بوهم اني خططت اله بكيفي بمجرد كلمه
طبعا من يومها وصل الخبر لاامي كانت هل فتره فترة امتحانات نص السنه فراجعه حته يكونون كدامها اخوتي وهيه اصلا تروح وتجي علمود فترات العلاج الطبيعي الي بفضله رجع جزاء من حلكها بس كامت تكدر تحجي افضل موبشكل قوي لكن افضل بس قدمها وايدها كانن يحتاجن علاج بعد
ثاني يوم من الصبح سمعت صوت ابويه طبعا عدم النوم صار عاده بالنسبه الي كأن عيوني زاعلت النوم وتعلمت ع بجي بليل مع العلم ابجي بنهار بس ماارتاح مثل ماابجي بليل وكأن طقوس الليل تختلف تبجي بهدوء تام محد يمك تخنك حسك حته ليسمعه احد وتطلع كل الاهات الي بكلبك
فزت اسراء كالت شكو كتلها يمكن صوت ابويه طلعت جان يصيح وينها تردون تخزوني انتو
ام شيماء: اي دكعد شبيك جاي من لباب حامي شدعوه هل عصبيه
زينب: طلعت للهول هوه كاعد ويمه امي اول مشافني اجه بتجاهي ويصيح
-تردين تخزيني انتي شنو طلاك شنو هل لغوه
زينب: خالتي كايله لاامي انه ضاربني ومطردني بلا عباه وجيران ناطيني حته النعال واني اني طالبه اطلك بعد هل موقف ف ابويه هذا كله مشاه باانو يتحاسب عليه يعني يكعدوه ويحجون. عليه وكذا بس ان مااطلك
