#دارت الايام
البارت التاسع
ل وردالعامري
سديته وجسمي صار ينتفض دخلت بنت خالتي اسمها اسراء كانت اكبر مني 3سنين خريجه كليه علوم اجتماعيه ازوجت بعمر ال19سنه ابن عمتها وصارت مشاكل هواي ع خلفه لان تأخرو سنتين فنفصلت عنه بسبب لمشاكل
اسراء: زوزو كل الصار اني ممصدكه شي منه مو زينب الي تسوي هيج شغله
وبين قوسين كلج ع بعضج ممريحتني تحركاتج نحجي وياج بغير عالم قصتج شنو بنت خالتي
زينب: اني لا ماكو ماكو شي كلشي ماكو بهل اثناء فاتت امي بيدها لتلفون اسمعها تكول
-زين شنو السبب ياابني اذا ماالك نيه لعد ليش خطبت وعقدت وراح يصيرلكم فوك السنه
……………… ..
شنوووووو
………… ..
عيب عليك هل كلام شنو خفيفه انت متستحي عيب عليك
……………
لاالزم حدك لهنا ومااسمحلك بعد اصلا هل قسمه كلها اني مارايدتها بس مع الاسف جنت امثل كدام بنتي دور لملاك
………………
احترم نفسك انت واحد ممتربي الوووو لاياكلب
زينب: ماعرف شكال بس اسمع رد امي بس بعدها امي صفنت وتسمعه شيحجي وردت بعصبيه
ام شيماء: شبي هذا ليش هيج عصبيه
زينب: خالتي تحجي ويه امي وامي منتجيه ع باب وعيونها مفتوحه عليه فجأه هجمت عليه
لج اشايف عليج هل نذل وهيج حجه فهميني
ام شيماء: يااااا شبيج يولي تخبلتي شكالج هذا دعوفي لبنيه
ام زينب: يكولي لهنا وكلمن يمشي بدربه مثل مطبينه بالمعروف نطلع بالمعروف
ام شيماء: عشتو وطبه عرج لا وراها لخلفه ولاصار شي عليش هل عصبيه
ام زينب: شعندج وياه زينب اشايف عليج.
ام شيماء: اكولج شبيج واذا راد يفركش طبه مرض شجاج مومن لبدايه تصيحين مااريده
ام زينب: اشتعل بنار هوه واهله طز بيه بس اكو شي كلامه مو خالي
ام شيماء: ولج دكعدي بيه حيل كل شويه اجرج كعدي فهمينه
اسراء: خاله شبيج شكالج هذا غير نفهم شبيج تخوزرين وكل شويه ساحلتها للبنيه احنه غربه دحجي فهمينه
ام زينب: ليش يكول عليج خفيفه زينب اشايف عليج
ام شيماء: ياكل……. يروحلها فدوه ليش اكو مثل تربيتها خيولي هل ناقص
ام زينب: ااااه سكتي مني خيتي ولج شششعندج اشايف عليج
ام شيماء: وعليمن هل لطم تخبلتي شبيج
ام زينب: لج خيتي اني يكولي جيكي بتج اذا جانت بنت اصلا جيكيها وعود خل يطلعلج السان واحجي شوف ع ياحبال ملعبه وتريدون تلزكوها براسي شقصده بهل حجايه ولكم فهموني ولج زنيبه فهميني شيقصد
ام شيماء: يمه يمه لاعيني شنو منعرف بتنه مويمه زينب
زينب: امي جانت منتجيه ع باب كل شويه تهجم عليه تملخني من شعري بحيث يجروها مني واني شعري مجلب بيدها اخر شي كعدت كعود بالكاع شكت دشداشتها وكامت الطم وتملخ بروحها وتكول الي كاله الها كريم حسيت بوقتها نفسي انحبس ببلعومي لاكادره ابلع ريكي ولاكادره اتنفس معقوله صدك سواها وحجه معقوله كل الي حجاه صح واني كان عندي امل ولحد اخر لحضه ادورله اعذار خالتي تهزبيه تصيح ولج احجي الصمتي كذاب مو اي يمه بنيتنه شنو منعرفها امي ع كعدتها تضرب راسها بالباب وعيونها عليه كانها تكول ميحتاج تحجين منضرج مبين
ام زينب: هااا يابجرررري يااول فرحتي يمممممه ياجبيرت بيتي يل مناطره الفرحه منج يمه كسرتي ضهري ولج احجي احججججيي ياصبري احجي يالمتحمله ضيم ابوكم وضيم الدنيه كلها كوليلي يمه يبعد عيون امج انتي كذاب مو كوليلي عيونج الي ده اشوف حجيها حجيها كذب مصار لبالي مسودتي وجهي يمه مووو
زينب: امي كانت تضرب بكل قوتها بنفسها وتحجي بصوت عالي حالتي يرثا لها منهاره ماكو غير دموعي وجسمي يرجف كله ندمانه خايفه متمنيه يرجع لوقت متمنيه لكاع تنشك وتبلعني واختفي ومااشوف امي بهل حاله اسراء جانت تلزم ايدها تضرب راسها بالباب توخر راسها تملخ روحها وخالتي تضرب بيه احجي ولج احجي الله ياخذج شصاير ليش جمدتي بمكانج احد باكج واعتده عليج وخفتي تحجين متعوره ومكلتيلنه شايف شي عليج حته يكول تلزكوها الي ولج بردي كلوبنه احجي
اسراء: كافي خاله شبيج يمه لحكيلي خالتي تخربطت
زينب: فجاءه امي هيه وكاعده ركبتها وراسها نزل لحضنها وايدها خيوط صارت ركضو ع امي واني مكادره اتحرك اريد اكوم من لكاع رجلي عبالك ملفوفه حوالين بعضها طلعوا امي زحفت زحوف وراهم مكادره اكوم رجلي ترجف مااكدر اوكف عليها ضليت كاعده وره باب الصاله حته لتشوفني امي خاتله بزاويه الحايط الخارجي مال الصاله واسمعهم جابو عطر وذبو عليها مي صحت وتصيح سود وجهي يمه انهد حيييلي انكسر ضهري
ام شيماء: ولج حتموتين بس
اسراء: خاله والله كلبتو لدنيه ع فاضي خل نسمع زينب ايجوز مفتهمين غل…
ام زينب: شمفتهمين يمه ليش ممبينه متصنمه كبالي تضربها امي تروح وتجي بين ايدها شيحتاج افهم بعد
ام شيماء: ميخالف خل نكطع لشك من اليقين كومي اسراء انتي حاجيها بلكن يمه صدك والحظ يكعد ونطلع فاهمين غلط وهل كلب يتهمها عباله محتاجين حاضره وغايبه لو ذهباته الطكطوكيات
زينب :لحد الان واحس دماغي يخلق اعذرا اغمض واكول اكيد ده احلم اني هذا كابوس مزعج يله كعدي زينب
وافتح عيني واكول لااني كاعده بس كريم يحبني ميسويها طلعت اسراء شافتني كاعده اشررتلي اششش واطتني ايدها كومتني تسندت عليها احس كاني ده اتعلم المشي هستوني كعدتني ع جربايتي وطلعت رجعت بيدها بطل مي صبت بكلاص لمي جانت ايدها ترتعش
اسراء: زينب اني لاامج ولاامي راح اكولج شغله وحده اني كتلج حالتج ممطمنتني
لا الانكار ايفيدج لان اله هل شغله اتبين سنه والف سنه تبين اذا جان صاير شي احجي يمكن نلكه حل بس سكوتج راح يوكعج بدوامه الها اول مالها اخر واذا تردين تنكرين فلاتتوقعين امج لوامي راح يعوفني وداعت ياخذنج سحل يودنج فحص والي يطلع من لسانج اهون من الي يطلع من لسان غيرج دموعج ورجيفج ميفيدني بشي اشصاير احد معتدي عليج لاتهزين راسج احجي لاتخليني اتخبل عليج ده احاجيج بهدوء والله اعوفج بين ايديهن والقران اينامن ع خوانيكج احجي يمكن اكدر اساعدج شبيج
زينب: شششلللون تساعديني
اسراء: هسه دحجي خل افهم يجوز خبصه ع فاضي احجي فضيني
زينب: اسراء والله غصبني والله تقاويت وياه وحاولت بس مكدرت واالله
اسراء: منو لغصبج ولج فهميني الصار شنو
زينب: كككررريمم
اسرء: كريم خطيبج
زينب: اييي
اسراء: شنوو اي اشسوالج
اشسوالج ولج
ام زينب: هاااا زنيبه
اسراء: خاله رحمه لاابوج طلعي يمه شجابجن طلعن هسه
ام زينب: ولج شطلع نار محتركه بيه حرك شطلع
اسراء: خاله ابوس ايدج روحي
زينب: سدت لباب ورجعت اني من شفت امي كمزت من مكاني
اسراء: تعالي كعدي لتخافين كوليلي الصار واني اساعدج والله معليج بيهم احجي
زينب :ببييوم ججنت ممريضه وهوه خابرني واجه و……………………
زينب: صخام ولطام ولج الله ياخذج الله ياخذ روحج الله لايشوفج الخير ولج شلون اطببيه شلون تخليه يسوي هل سوايه
اسراء: هوه هوه غصبني والله
ام زينب: ع شنو غصبج ولج منو لغصبج يمعزايه
