#دارت الايام
البارت التاسع والعشرون
ل وردالعامري
ثاني يوم رجعت للبيت بدلت وطلعت رجعت وكت الغده عرفت ان صديق سدير معتذر منه وكايله احنه اصدقاء نبقه بس لبنيه ابن عمي ايريدها همه كالولنه اطونه كم يوم بس ثاني يوم ردولنه واحنه جنه متوقعين هل شي
الله يعوضك بالاحسن عادي كلشي قسمه
سدير: الله يسعدهه اني والله لان هوه الولد يعني عله حبي اله ردت اخته لان. كلش احترمه لبنيه مره شفتها ماانكر حلوه وعجبني شكلها
زينب: اهم شي لضوج
سدير: يمعوده عليمن شنو القصه الي خلقها مخلق غيرها
زينب: والله خلق وهواي بس احنه بطبعنه نباوع ع بعيد منباوع عله اليمنه
سدير: مفهمت
زينب: ههههه تصبح ع خير
سدير :تعالي شنو قصدج
زينب: ماقصدي شي هيج حجيت
عفتهم وطبيت للغرفه لحكتني امي وهذا الي اريده سدير مجان مفكر بشغله حب وامي هي الاساس اذا كالت اريد فلانه مراح ايمانع ذبيت الحجايه لان اعرف امي. راح ادقق
ام زينب: اكول الذيب ميهرول عبث شقصدتي بالحجايه
زينب: ههههههه عرفت راح تلحكيني
ام زينب: هاااا شوراج زنيبه
زينب: شبيج جفلانه يمعوده شحجيت اني
ام زينب :محجيتي فضيني لازم حاطه عينج عله وحده لسدير
زينب: بصراحه اي
ام زينب: منو يولي شجايبتلي بلوه
زينب: هههههه لالا لتخافين موبلوه عيني عله وحده من بنات اخوج جمال
ام زينب: هاا اي والله اني هم عاجبتني ضحى
زينب: لالا يمه عوفي ضحى ركزيلي ويه فرح
ام زينب: لاصغيره ضحى احسن هل سنه تتخرج وجبيره واعيه
زينب: يمه ناويه تسوين حرب اهليه انتي عوفي ضحى ركزيلي بفرح فدوه لهل عيون
ام زينب: ولج ليش شبيها ضحى
زينب: يمه يمه شلون بيج يمه اله اكولج فرح تحب سدير
ام. زينب: ياداده صدك
زينب: هههههه شبيج يمه كتلج تحبه مكلت شي ايخرع
ام زينب: لاولج صدك منو كلج
زينب; لبارحه متخربطه علموده عيني من سامعه يخطب
ام زينب: ياداده عله هل سالفه
زينب: اي والله داده سالفه تحير ياداده يمه شبيج ههههه سمعي مني حاجي سدير واخطبيها ع قليل بت اخوج لاتتعنفص هااا مو ابوه ولااخته
ام زينب: وعليمن هل حسره شبيها اخته دكتوره ومثقفه وحلوه وموعيب اذا اطلكت مااقبل تجرين هيج حسره ولا ارضه تنكسرلج عين كدام احد لاتفكرين هيج بعد
زينب: الله يخليج النه هسه عوفيني اني شوفي ابنج وقنعيه تره لبنيه حلوه ونادره وتحبه شيريدبعد
طلعت امي وراسلت لبنات باجر العزيمه اكدت الهم اني اجي ونمت
الصبح طلعت للصيدليه كملنه كم شغله وعزلنه دكتور فوزي راح وقفلنه ده اروح للمطعم
سيف: اليوم اروح بسياره لان موماا مشي هه
زينب: ليش هياته قريب
سيف: وين القرب زينب صعدي عيني صعدي هههه
زينب: فتح لباب صعدت بس متوتره ممرتاحه ولاكأنو هسه جنه بالصيدليه عبالك اختلف الوضع بسياره طبك نزلت صارو بوجهي تقى وصهيب
صهيب من نزلت خزرني محطيته ابالي سلمت ع تقى ودخلنه وره شويه جتي هاله واحمد اول مابده الحجي صهيب شفتو فلان طائفه اسوو
سيف: صهيب دخيلك لااحب احجي ولااحب اشارك ولااسمع دين ولاسياسه غير لموضوع
صهيب: لا مو ذوله ال….. ا ل… .. وكذا وهيج منهم
زينب: نزل غلط عله طائفه معينه واني متأكده كلش زين انه يعرف انها طائفتي صح تعلمت اني ماافرق بس كلامه جان جارح والوحيده جنت بينهم اني من هل طائفه ومن يحجي حته مكال يعني حشه السامع اوحشه الزين
هاله: صهيب يمعود هيه بكل طائفه اكو لزين واكو لموزين
صهيب: لاوالله كلهم ذواله… .🤬🤬
