#دارت الايام
البارت الثالث والثلاثون
ل وردالعامري
صار تواصل بينه عبر رسائل اومكالمه ومرات نسولف بصيدليه
خوف تردد حذر وبنفس الوكت فرح خلاني احس ان العتمه الي جانت تسكن داخلي بدت تتلاشى شويه شويه رغم خوفي بس تعامله ويايه كان يبعث طمئنينه الي
الو
الو هلو
سيف: ياهلا و1000هلا هههه كعدتج
زينب: لا بعدني منايمه اصلا
سيف: نعسانه
زينب: لا
سيف: واني مجايني نوم بيج حيل تسمعين واحد مزعج مثلي
زينب: ههههه حشاك واكيد اسمعك
سيف: هههه ااا زينب من حجينه بالمطعم لليوم مصار حديث جدي بينه يعني جان حديث عادي موضح اي شي لا الج ولاالي وبصراحه اني فاشل بالحجي او بتعبير ماعرف موبيدي اكو ناس من خلال كلامها وتعبيرها توصل فكره او تحسس المقابل بشي معين اني عيبي موشاطر بالكلام مثل منكول يعني الكلام المعسول
زينب: بس الكلام هوه كلام فقط لمهم الفعل مولكلام
سيف: حلو متفقين بهاي النقطه اني وياج واني راح ابدي الفعل اني اقدم شي من حقج تعرفيه عني وعن عائلتي
زينب مثل مكتلج بعد وفاة جدي وهوه كان يملك ولله الحمد محلات وبيوت ف الله يرحمه من مات الورث نقلنه من مكان لمكان ماديا او معنويا وحته من المنطقه انتقلنه لمنطقه ثانيه اخويه ازوج واختار ان يستقل بحياته وهذا حقه لان هواي تعب ويانه ضلينه اني وامي واختي اختي ازوجت وصار البيت الي ولاامي جنت اخر سنه كليه وقربت السنه تخلص يعني مبقه شي ع امتحاناتنه بدت اني بموضوع اني وحدي اريد احد ويايه اريد وحده تساعدني ف ازوج ماجنت مركز بوحده اوحاط وحده ابالي جنت صراحه ماخذ حصتي من الي صار وان خلص سديت هل موضوع واقتنعت اني مالي قسمه وخلص ف محاولت اني احب او اعيد تجربه فعفت موضوع الزواج ع امي بس مؤجل كتلها اوكي بس اجليه هسه امي اخذت من الكلام الي تريده وعافت الي متريده هههه مفاتن يومين اله وجتي كالت بنيه واني اريدها وبت جيرانه وامها صديقتي طبعا جيرانها بالمنطقه الجديده الي انقلنه الها وصديقتها اقل من سنتين صارت تعرفها ومقتنعه كل الاقتناع بالبنيه واني ك اي شاب خلص لازم استقر وملحه امي ازوج واني تعبانه فصار يتوجه الي الحجي من اخوتي ازوج لخاطر امك ازوج علمود امك جيب وحده ع قليل اداري امك تكعد وياها انت مموجود بشغلك ايضل ونيس وياها اوك تمام
راحو امي واختي خطبو لبنيه وبعدها شفتها لبنيه حلوه بس حلوه لدرجه الغرور بجمالها يعني خطبتها وان وره فتره الامتحانات والتخرج وان ع عطله نتزوج بهل فتره صار اكثر من سوء تفاهم ووصلت لمعلومه لاامي انهي الموضوع مراح نتفاهم وكتلهم اني احسها متكبره مغروره يعني حته بمعاملتها ويايه احس اكو نوع من التكبر فخلص بعدنه ع بر انهو لموضوع
كالو لا بعدها عروس وتحب تددلل عليك ومن حقها تشوف اهتمام اوكي ماشي بديت اني احاول رغم جنت بمرحله لازم اشد حيلي امتحانات وهوسه لكن كمت اتصل اسئل احاول اروح اطلعها لمكان بس بالعكس حسيت زاد شعور غرورها بداخلي بدت العطله وتجهيزات للعرس كنت هستوني متخرج وبعدني مااعرف شنو حيصير باجر كادر اوفر لكن اوفر الى الحد لمعقول ك اي شاب يكدر ايوفره ماعندي اكثر من طاقتي واهلهه وهيه تعرف لموضوع فبدينه بمرحله التذمر والمقارنه فلانه بنت خالتي هيج اخذلها هيج جابلها اخذت وياها ان حقج بس صبريلي شويه اني بعدني باجر تتعدل اموري وبيج خير وادللي لكيت رد عكسي ان حضي اني وليش اني مو مثل الناس وووو بيوم متحملت كتلها هذا الي اكدر اوفره اني مااكولج جنت مقصر ولااكول جنت قادر اجيب كلشي يعني مجنت اكدر اجيب مثلا ست بتوت وتخم لاكنت اذا اكدر فااجيب تخم نازك حسبه مليون اوثنين ولااكدر اجيب غرفه ب4ملاين كنت اكدر اجيب بمليونين يعني اكدر اوفر النص حالي حال اي شاب
