#دارت الايام
البارت الثامن والعشرون
ل وردالعامري
بهاي الفتره كل مااحجي لاامي ع ان طلعت. او عزموني تشجعني اطلع ماانكر اكو شي تغير بداخلي صرت التهي من اجي ع مخدتي بليل ماترجع عليه لمواجع لا استسلم للنوم الي كنت محرومه منه سولفت لاامي وكتلها ع عزيمه
-اي روحي شكو بيها ماما
-هههههه ماما شبيج عبالك بس ترديني اطلع تخلصين مني
-لازنوبه اريدج تشوفين العالم الحواليج لان بسبب غلطي حطيتج بقمقم هذا لا وهذا ميصير ولااطلعين وابوج ايدور وراج ويفتش تلفونج هذا كله خلاج صيده سهله ماريد ارجع لمواجع يمه بس الانسان لازم يتعلم من اخطائه واني عندي كل الثقه بيج مستحيل يكون عندج خطأ وبنفس الوقت ماريدج ترجعين للقمقم اني ناطيتج ثقتي بنتي روحي وطلعي وياهم لمكان عام مابيها شي وغيري جو وغيري من نفسيتج كافي هل الانطواء
زينب: ااااه
ام زينب: رجعنه ولج شدنحجي كومي نامي كومي
زينب: ههههه تصبحين ع خير
ام زينب: الله يجعل ايامج كلها خير ويفرج عنج فرج الصابرين
زينب: امين
انطوائي صار اطلع والتقي ويه ناس بس اتحفظ بالكلام عكس لمقابل يعني هاله وتقى كاابسط مثال كانو منطلقين بالكلام مع سيف من باب الصداقه والميانه واني وياه نفس لمكان انداوم ومتحفظه بالكلام وياه ع كد الشغل صرت اخاف من الكلمه قبل التصرف
مستمره بدوام عادي ومرتاحه بتعامل وياهم صرت اعرف كلشي بصيدليه مااحتاج اسئل احد
سيف: زينب ع اتفاق باجر ان شاءالله ع غده
زينب: الله كريم ان شااءالله وين قررتو
سيف: مطعم…… هم هنا قريب علينه بس تعدين المكوى وراه
زينب: اوك عرفته ان شاءالله
سيف: اه تحبين اخلي تقى اتمرلج
زينب: لالا اني اجي ميحتاج
سيف: هاا اااه ردت اسئلج سؤال ولو مومن حقي
زينب: لاكول
سيف: ااااا صار كم مره اشوف ولد يجي ياخذج واشوفج اصعدين ليوره لهل سبب سئلت يعني لو من اهلج. او تعرفيه جان كعدتي ليكدام
زينب: لاصحيح هذا لولد ابو الخط مال اختي اتفقت وياه ايوديني ويجيبني اأمن من التكسي لان سدير مرات ممتواجد
سيف: هاا صحيح اااا اعتذر ع سؤال بس حبيت اطمئن لااكثر يعني كلت اذا محتاجه مساعده اوممكن اذا تحبين اوصلج بدري لهل سبب
زينب: لاعادي سيف انت هم مثل اخويه ولايهمك
سيف: شكرا
التقينه الجمعه ع غده بمطعم
انجمعنه كلنه بس كالعاده احس صهيب ممرتاح لوجودي لان علاقته ويه هاله عادي يصير سوالف بينهم بس اني حته سلامه ثكيل ايرده وره الغده استئذنت همه كاعدين ايسولفون وطلبو شاي وقهوه يعني مطولين بالكعده
بس اني اضايقت مااعرف اجامل وبنفس الوقت ماعرف اعدي واكول عادي لاحته اذا شي ممكن موعليه اخذه ع نفسي حاولو اني اضل كتلهم لا متواعده ويه الاهل عدهم شغله واروح وياهم
سيف: تحبين اوصلج
زينب: لاشكرا خابرت السايق
اجه لولد استئذنت وطلعت بس حايره بتصرفاا صهيب ليش كل ميشوفني ايحسسني اني ثقيله عليه او محاب تواجدي كلت يجوز اني حسيت هيج مزوده لموضوع الي اكد كلامي رساله هاله بعدني مواصله للبيت
دزتلي مسج
ليش رحتي جان بقيتي شعليج بصهيب هوه اسلوبه هيج
&لاهاله ماكو شي ليضل بالج &
&حسيتج ضجتي من اول مكعدنه بس هوه اسلوبه هيج اني مرات اتحمله لخاطر تقى واحمد هوه متقلب لمزاج مرات ياكلني بسلام ومرات كوه ايرد لاتخليه ابالج&
&لا حياتي عادي &
يعني موبس اني منتبه ان صهيب مستثقل وجودي
طبعا بعدين عرفت ان احمد من اقرباء ام صهيب والي مرشحيها لااحمد يعني جان يدور بنيه بت حلال فتقى مرشحه هاله وشايفين بعض وناس عاجبه ناس وتام الزواج الله يسعدهم
حزت بخاطري تصرفاته لكن مهتميت مشيت الامور عاديه بس قررت بعد مااكون متواجده لان مو من طبيعتي اغلس او مااهتم
