#دارت الايام
البارت الحادي عشر
ل وردالعامري
دخلت خالتي للمطبخ
-اسراء هاي وديها للغرفه لتخلين امها تشوفها
كمت اروح لغرفتي من المطبخ ادخل ع ممر صغير وبعده الهول امي كانت بالهول ده اروح لاامي لزمتني خالتي كالت روحي لاتسويلنه مصيبه بهل ليل خليها بحالها هسه اذكرتي امج اخذتني اسراء للغرفه كانت اختي الصغيره بعد ماحاسه رايحه يم امي بالهول
نهاريت واسراء اسكتني
والله صح طببته للبيت بس غصبا عني الصار والله ليش محد ايصدكني ليش
اسراء: اششش صوتج اذا صدكناج اولا شحيفرق هسه وبكل الاحوال انتي غلطانه شلون تفتحيله لباب وطببيه
زينب: اسراء خطيبي لالاموخطيبي زوجي عقدين بيني وبينه ووقبلها سنه ونص اعرفه وكالي انه يحبني وخطبني و
اسراء: بسسس كافي مو وكت هل حجي اني مرعوبه لايكولن ل ابوج بسياره لافت لموضوع امي انوب لاهوه هسه ايسمعج ستري عله روحج وسكتي هسه
تمددت واني افكر بطريقي للموت جانت ساعه 5الصبح فاتت ساعه وصار هدوء كمت ع كيفي صار بوجهي ابويه
-هاا شمكعدج لااداومين اليوم امج مريضه خليج يمها اني طالع تعاي سدي باب الصاله ورايه عبالي اكعد واحد من اخوتج
جان يحجي ويايه واني اهز راسي بس امي وخالتي نايمات بالهول واخواني بصاله طلع ابويه وسديت الباب ع كيفي الدرج نازل ع هول تسللت ع كيفي صعدت باب السطح جان سركيها بيه صوت من ينفتح حاولت مااخلي الصوت يضهر بس طلع منه اصوات قليله طلعت للسطح اكو درج ثاني للطابق الثاني للسطح الثاني يعني بنص الدرج اني وسمعت صوت خالتي
-وووين شعدج بسطح نزلي
ماانزل خاله مانزل اني وحده غبيه بس والله غصبني صح اني طببته من هل باب بس والله لان مأمنه بيه والله لان كالي انتي زوجتي وفوته من هل باب خاله والله مجنت راضيه وحاولت بس مكدرتله
خاله كولي لاامي اتسامحني خاله
ام شيماء: ايي وشتردين اتسوين تنحرين مثلا تموتين كافره
زينب :احسن حل اموت ومحد يعرف بالصار
ام شيماء: ولج نزلي تردين تموتيها لاامج انتي
زينب: صعدت خالتي جرتني جر من لدرج لوكانت الدموع تغسل ذنبي كان انغسل بكثر دموعي الي اصبحت رفيقتي نزلتني لازمه ايدي واجرني وراها جانت صوت بكائي عالي لدرجه مااكدر اسكت رغم هيه تكولي نصي صوتج اسكتي مكدرت امي جانت كاعده ع قنفه هديت ايد خالتي وركضت ع امي من شافتني دارت وجهه نزلت لرجلها لزمتها بقوه تحاول اجر رجلها واني متمسكها بيها
يمه سامحيني يمه الله يخليج يمه ضحك عليه والله اني غبيه اني زماله اني كلشي بدنيه بس سامحيني يمه لااديرين وجهج عني يمه فدوه اروحلج يمه
جنت ابوس بقدم امي واريدها بس تباوع عليه محتاجه لنضرتها الي وكأني قوتي انهارت وانمحيت من بعدت عيونها عني ع صوتي الي كان عالي من انهياري كعدت اختي واخوتي طلعو من الصاله يصيحون شكو
مستمره اصيح سامحيني
خالتي تكول لااخوتي ماكو شي وهمه يكولولها لعد شبيها زينب قطع صوتي صوت امي الي كان صوتها تغير موهذا صوت امي
امي صوتها بي حنيه ومن تحجي ويانه حته بعصبيتها نحس بحنيتها علينه اليوم كان صوتها بيه حده وتعب
-ماكو شي كل واحد لدوامه يله
سدير: يمه شبيج غير اريد نعرف شبيها هاي من الصبح
-مابيها راسبه معرفت تنجح رسبت
سدير: يله ميخالف بعدكدامها سنه شطوله تعدل
ام شيماء: صعدو بدلو يمه هم يله راح اسويلكم ريوك
زينب: جاوبت امي من غير متباوع عليه صعدو اخوتي وجرت رجلها من ايدي خالتي كالتلي سكتي خل ايطلعون اخوتج كومي لغرفتج طبيت للغرفه حاسه الدنيه ضيقه عليه كأن حيطان لبيت انطبكت ع صدري لدرجه مخنوكه من الدنيه كلها متمنيه الموت واحسه بعيد
طبت اختي بدلت هدوم لمدرسه واجتي باستني تكولي ميخالف درسي وتنجحين وماما تصالحج
ياريت راسبه ياريت كلشي صاير بيه ولاهل صار هذا طبت اسراء كالت تعالي يردوج
كمت جانو اخوتي كلهم طالعين بس اسراء وخالتي وامي بالهول ده اتقدم عله امي عاطت بيه ضلي بمكانج ولاتصيرين بوجهي
اسراء شاورتني عوفيها هسه لتلحين وياها
كعدت خالتي كاعده يم امي
ام شيماء: هذا لنذل من يعرف ان هوه لمسوي لمصايب شلون يكول تلزكوها بيه
ام زينب: لا سئليها شيقصد برساله
زينب: يارساله
ام شيماء: دز لاامج رساله كاتبلها الكم 3ايام بس برابع اروح للمحل وابلغ ابوها
اسراء: لايانذل
ام شيماء: بس نذل بس الصوج موصوجه صوج بتنه دكيت عليه الكلب يكولي هيه تعرف شريد ياتنفذون ياادرب ابوها اندله شرايد منج احجي مو وكت بجيج
ام زينب: قصدج كم مليون رايد منها
اسراء: معقوله
ام زينب: من لبدايه ممستنضفته بس ااااااخ
ام شيماء: رجعنه ولج حتموتين طبها مرض هيه ولج روحج العزيزه رحمي نفسج شويه
وانتي لج مو مال تفتين بينه احجي اذكرتي الرجيف والبجي هسه مفكرتي بسوايتج من سويايتيها اذكرتي تنتحرين وتتبحبجين
اسراء: عزه انتحاريش انوب
ام شيماء: خالتج كعدتني كالت زنيبه صعدت فوك شوفي شعدها من كمت الكاها ده تصعد الافنديه اكولها نزلي تحجيلي اتسامحني امي اذكرت امها هسه مذكرت من سلمت نفسها لواحد ناقص غيره وشرف
احجي عاد شرايد منج مو عليتي كلوبنه
زينب: راد راد
ام زينب: شررراد فضيها مالي اعصاب تمتمت كارهه حته صوتج ساعه سوده يوم الي جبتج ياريتج ميته من ليلتها وخلصانه منج
ام شيماء: فضيها شراد منج
زينب: راد فلوس
ام زينب; شكتلج مومن الليل كتلج فلوس
ام شيماء: دخلي ايولي والله العب لعب بيه شعباله نسكتله لهل نذل والله لا اكل…..
ام زينب: شتسوين خيتي تكولين بتنه فتحتله لباب واعدته واهلها ماموجودين شتكولين
زينب: والله ماواعدته وللله هوه
ام زينب: لج يمه ماريد اسمع صوتها دخيل الله
ام شيماء: فضيها شراد منج شكد راد
زينب :15مليون
ام شيماء: ششششكد
ام زينب : طلع بيج القرض يعني
زينب: يمه
ام زينب: وغمه وعمه ماتت امج ان شااءالله وماشافت هل يوم ربي اخذني ولاهل عار الله ياخذج
ام شيماء: دكافي هل لطم ولج بعدج مكمتي البارحه ع فراش لموت انتي وخايفه لاابوها يسمع وهسه انتي حتموتين نفسج دكافي ياخيتي غصبا ماعليه يزوجها شعباله لدنيه تايهه
ام زينب: كومي كومي ولج حته نفسج مااطيقه كومي الله ياخذج عساج بموت يازنيبه يابت بطني عساني ادفنج بيدي واخلص
والله لاالبس دشداشه حمره واهوس بموتج والله لهلهل واكول خلصت
ام شيماء: اسراء كوميها لهاي طببيها جوه عيوني حبيبتي يولي كافي حتموتين
ام زينب: ياريت وينه لموت ياريت ياخذني ويخلصني
