#دارت الايام
البارت الخامس عشر
ل وردالعامري
مساومه والي يساوم عليك الانسان الحبيته الي اطيته كلبك ومشاعرك يتساوم عليك وتسمع بااذنك الرخص الي انت بيه معقوله لفلوس اهم من كلشي اهم من البشر مجرد اوراق ممكن تبيعك بثانيه وتشتريك بثانيه
اليوم حياتي وكياني وسمعتي وسمعت اهلي متوقف ع اوراق بس قيمتها صارت احسن من البشر اوراق خلتني اوصل لمرحله الدمار واليوم نفسهن راح يمحن كلشي ويخلنه يمثل الدور مثل ميكول ليش لفلوس تبيع وتشتري بينه هيه السبب لواحنه بس هيه مواكثر من ورقه لكن الها قيمه معقوله هيه تتحكم بينه مواحنه
اسمع خالتي تواسي امي ع مصيبتها مصيبتها بنتها اكبر وحده بااولادها هيه سبب مصيبتها وتعبها مكانت قدوه لااخوتها ولاعرفت تفرح امها بالعكس خيبت كل الضنون
ماما اسفه
ام شيماء: روحي هسه زينب
زينب: كعدت يم رجل امي
يمه والله اتمنه اموت ولااشوفج بهل حاله امي سامحيني
ام زينب: ااان تي متي بن ضري
مو مه م المو ت بعد
زينب: امي بكل قوتها وتقطيع كلامها جان جوابها انتي متي بنضري مومهم الموت بعد المهم موتج بعيوني وبداخلي
وتأشر باايدها روحي
كومتني اسراء لغرفتها مكان اكو اي كلام ممكن ينكال او وصف يوصف الي احسه لان ماكو وصف يوصف لدمار والخيبه والالم الي بداخلي خسرت كلشي واهم شي امي امي اهم من نفسي خسرتها
بهل فتره كامو يطون لاامي ورقه وقلم تكتب اسهل من الحجي لان الكلام ايضا بجهد يكون
الي فهمته اول شي طالبته انها متشوفني نهائيا
كمت اسمع بالي يصير من اسراء عرفت ان كريم راح يتصل باابويه علمود موضوع الزواج
وان والدي مأجله بسب حالت امي كل يوم يتصل يطمن عله. امي خالتي تبلغه بحالتها اويتصل بيه امثل دور ان كلشي تمام واجاوبه
سمعت خالتي كالتله تعال تريدك ام زينب اطوني خبر ان ابويه حيجي اليوم. طلعي وكأنما ماكو شي بنفس البيت اني وامي بس امي تضطر اتشوفني بالحكم القوي ورغم هذا تمثل ان ماكوشي بس عيونها متصير عليه نهائيا طلعت مع تحذير ممنوع 🚫 اوصل يمها ابويه ميبقه كلها كم ساعه تتحملني امي بيهن
اجه ابويه وكالوله خليها تمشي ولاتوكف قسمتها مادام الله سهلها ولولد يريدها قبل امتحانات نص السنه حته بلكن ينقلون اوراقهم لبغداد جان رافض بسبب حاله امي
قنعوه ان ماكو شي وهيه فتره وترجع تكوم والي فهمته امي طالبه ان يتم الزواج بحجه انها محتاجه تفرح ببنتها
وخالتي كايلتله يمكن تتحسن من تشوف فرحه بنتها قنعوه بالف طريقه والف عذر وحجه وافق بس مكان العرس شلون كالوله ميصير زفه من…….. لبغداد طريق خطر وموامان اخاف يصير شي شو الاعراس مصايب ده اصير بيها طلبو العرس يكون الزفه من بيت خالتي بعد محاولاتهم قبل بس لحنه تكون ابيتنه حته العالم كلها تعرف حاولو وياه ان ميصير وامي متكدر اتروح وتجي وهنا حته خالتي اتحضر اضطر انه يرضه بكل شي اتفقو بعد اسبوع العرس
خالتي حضرت كلشي وكأنو كلشي طبيعي هيه جابت اجرت لبدلات ع ذوقها اني بالبيت ممنوع اطلع او اتحرك راحت جابت لبدلات واكو صالون ببيت يمهم جيرانهم ترجتها تجيني للبيت كالتلها متكدر لان غراضها كلها ببيتها هيه جانت مطلعه غرفه صالون من البيت اضطرو اني اروح لبيتها بيوم الحنه رحت اني واسراء طبعا عزمو الكل وجني بنات خالتي عدها 3بنات شيماء وعذراء واسراء كلهن مزوجات بس اسراء منفصله
جني وطبعا الاوضاع كلها ماشيه طبيعيه واجاني تحذير ممنوع اي تصرف غلط تمشي الامور طبيعي وكالو للعالم الي سئلت متغيره وليش هيج لان مكنت كادره امثل الدور مثل مطلبو كالولهم علمود امها مقهوره رحنه بيوم الحنه الي جنت بيها اني اللعبه الي تحركت مثل مرادها الكل والسبب اني لان مخليت قيمه لنفسي اني رخصت روحي ولازم اسكت لاني اني لمسؤله عن كلشي صرت مالوم كريم ولاالوم اليوم الحبيته بيه ولاالومه لان خدعني صرت الوم نفسي بس لان غيبت عقلي ومشيت وره كلبي كلشي جان واضح بس غبائي وكلامه غيبني عن عقلي
جانت كل متحط مكياج يخرب اخر شي رزلتني وعدلت مكياجي اسراء جانت تواسيني رجعنه للبيت بين مبدلت وكعدت مبقه مكياج اصلا ورايه البنات ايعدلون بمكياجي موهذا الي جنت اتمناه ولاهذا الي ردته امي كاعده كأنو ماكو شي من بوستها نفجرت متحملت اسكت كثر ماموجود عدي بجي كان اقواه هوه من تقربت لاامي سكتوني بحجه ميصير ولااضوجين امج تقهريها عدللو بنات خالتي لمكياج حته يبين طبيعي للعالم بعد عروس
لاول مره اعرف ان ممكن ان نكون مثل لعاباتنه العروس الي جنه نلعب بيها انصبغها ونحمرها ونمشط شعرها ونحركها مثل مريد بس فرقها عنه هيه ساكته لان مستحيل تحجي واني اليوم ممنوع 🚫 احجي ولااتصرف اي شي غلط ماعرف شلون خلصت الحفله اوشصار جان اكو فرح وركص وهوسه بس ماكو شي بداخلي نهائيا لبداخلي مدينه يسودها الدمار جنت محطمه خلصت وكل واحد راح لبيته
ورجعت لمكاني غرفه اسراء لبنات نضفن وراحن بيوتهن قريبه كالن من الصبح نجي
اسراء: اوووف كافي زينب شتستفادين من البجي لاراح ايرجع شي ولاايداوي شي هذا هوه حمدي ربج مشت هيج
زينب: ليش اكو اسوء من هذا
اسراء: اي اكو الفضيحه وتسود اوجوه اهلج كدام اليسوه ولميسوه وخسارتج لروحج
زينب: ليش بقت روح ياريتني خاسرتها لهل روح قبل هذا كله
اسراء: هذا الحجي لايقدم ولايأخر عدي الامور مثل ماعدت مبقه شي وكلنه نخلص مجرد هل نذل ايتم الزواج كدام العالم بذاك الوكت انتي واهلج تكونون وصلتو بر الامان بعد حته اذا حجه محد ايصدكه لان ثبت كلشي
زينب: طلع الصبح واني عيوني لاشافت النوم ولانشف دمعها سؤال واحد بداخلي ليش اني مأذيته ليش اذاني طبعا كلشي اندفع مقابيله اخذ فلوس لحفلته لا حته القاط الي حيلبسه اخذ فلوسه كل هل فتره اني مشايفته جانت خالتي تتواصل وياه وبالحنه مااجه
دخلت خالتي الصبح توصيني ممنوع الغلط واسراء تكولي من حتشوفيه عديها لخاطر اهلج ولازم تسكتين لان ماعندج حل ثاني
طلعت حته تاخذني اسراء للصالون رحت لاامي ماعندي كلمات اكولها غير اني اتقربلها وابجي دفعتني خالتي كالتلها ميخالف حتمشي اليوم والله لطف بينه عديها هم يعتبر عرسها اليوم جان يمها دفتر صغير وقلم حطت ايدها تكتب جان المكتوب
اليوم هوه
اعلان موتها الله يرحمها جانت عندي بنيه وماتت من فتره واليوم تشيع جنازتها
ام شيماء: كولي يالله بنيتج هاي اذا غلطت وتوجعت وجعج قبل وجعها
الرد بكتابه
مااعندي بنيه قريت لفاتحه ع روحها وانتهه
اخذتني اسراء واني اناشغ بالبجي امي بالفعل اني متت بنضرها
عيونها جانت تضهر شكد هيه مشمئزه مني
اتهون عليه اسراء وتصبرني وتوصيني لازم اتحمل قطعنه لهواي ضل القليل
ملت مني ام لصالون محد ايحس بالي بي اني بيوم واحد انقلبت حياتي رأسا على عقب خسرت نفسي وطلع الحب تمثيليه كنت عايشه بيها خسرت امي الي ده اشوف صحتها تنهار كدامي وفوك كل هذا ماتريد تشوفني ولامتحمله مجرد النضر الي
وفوك كل هذا الانسان الي ثقيت بيه يتفق عليه مقابل ماده واليوم ده امثل تمثيليه العروس لابسه فستان كل وحده تحلم بيه لابسه الثوب الابيض الي جنت احلم بي واحلم بعرسنه اليوم كنت امثل دور لعبه جاهزه لتسير مثل مايريد الكل محد غصبها هيه نزلت نفسها وصارت بعداد الموتا بس حته ذكر ما الها والحيره لااول مره يكون ميت يتحرك بين الناس يمكن كلام امي صح اني متت بس موبس من نضر امي لا داخلي مات اي مشاعر ماعندي صرت جزء فااااااارغ لاغير
