#دارت الايام
البارت العاشر
ل وردالعامري
دخلت امي علينه واسراء مستمره تلطم ع خدها وتصيح عزه العزاج عزه العزاج
وامي عيونها مثبته عليه وع حركه اسراء ضلت واكفه بالباب وكانها اثبتت بمكانها خالتي طبت ركض
-ليش تلطمين ولج احجي
يااا شبيج بس عيونجن مبحلقه ولج زنيبه
اسراء: عوفيها يمه ميفيد الضرب
ام شيماء: فهمني شصاير
اسراء: دعوفيها اني اسولفلج عوفيها
زينب: خالتي تضرب بيه كل قوتها بس مااحس بالم المي هوه وكفت امي بمكانها متسنده ع حايط وتباوع عليه عيونها بيهن الم نضارتها حركتني عيونها كانها ماتتحرك مثبته عليه بس ودموع تنزل منها بسرعه وكان دموعها تتسابق بالنزول ع خدها
اسراء حجت كلشي الصار بيني وبين كريم خالتي تضرب ع صدرها وامي مثبته بمكانها فجأه وكعت بالكاع ركضنه عليها امي جانت متمدده بالكاع وحلكها مفتوح واطلع اصوات مثل الغرغره وكانها اكوشي بحلكها تغرغر بيه بس مبين الم بوجهه رفعتها خالتي وردنه نكعدها ماكو لزمت رجلها وابوس بيه واصيح يمه سامحيني فدوه يمه كومي يمه لاتعوفيني يمه كل الوجع ايهون اله ان اشوف امي بهل حاله طلعت خالتي ورجعت بسرعه شلنه امي اني واسراء وخالتي وكفناها حطت شال عله راسها اسراء وطلعناها جانت تكسي بالباب اخذناها لاامي كانت فاقده ترجع تفتح عيونها وتسدهن كأنها متسمعنه بس حطت ايدها ع صدرها بسرعه دخلناها للطوارئ ركضو بيها حطولها جهاز تنفس وقاسو الضغط مرتفع سولها تخطيط قلب ويتراكضون حواليها كانت فاقده بعد فتره من الفحوصات وضغط وسكر وتخطيط طلع عدها ذبحه صدريه غير مستقره امي ماعدها لاضغط ولاسكر بس بيومها ثنينهن مرتفعات خالتي جرتني من ايدي وطلعتني خارج ردهه الطوارئ صرنه بالباب مال الطوارئ دفعتني
ام شيماء: روحي لاتشوفينه خلقتج بعد الله ياخذج جان راحت امج حسبي الله ونعم لوكيل عليج روحي للبعتي اهلج وسودتي وجوهم علموده
زينب: من دفعتها وكعت بالكاع طلعت اسراء سكتتها كالتلها منا لعالم هسه بياحال احنه روحي يم اختج كومتني اسراء اكو كراسي بساحه مال المستشفى كعدتني اريد احجي ماكدر ليش هيج صار اني كل ذنبي اني حبيته وصدكته معقوله حبي اله اجازه بهل وجع صدكته وهوه تهمني كتله لا كالي زوجتي انتي والله مجنت راضيه والله غصبني ليش نكر كل هذا ليش ماعرف شكد فات وقت بس شفت ابويه طب من باب لمستشفى يركض
-وين امج
اسراء: جوه عمي امي يمها
زينب: طب يركض من شفته ارعبت اكثر جمدت بمكاني جان جسمي ينتفض بقوه ضلينه للليل
وطلعنه حدود الفجر كل الوقت لفات اني مكادره ادخل كاعدين اني واسراء بره طلعو امي مكعديها ع كرسي دفع خالتي تدفعها تعبانه ايدها بيها كانونه اول مطلعت عيونها صارت عليه كانها تكولي ماريد اشوفج دارت عيونها بسرعه طلعناها كعدتها خالتي بصدر يم ابويه ورجعت كرسيها حته تنام
واحنه وره هدوء موطبيعي بالسياره كسره سؤال ابويه
-شصارلج يامره طلعت مابيج شي
ام شيماء: شسوي الحمدلله ع كل حال وكعت وراك هيه تتعب دوام وبيت ومسؤليه
ابوزينب: شنو جديده صارلها عمر هاي حياتها
ام شيماء: والله ياخويه هذا الي ربك كاتبه الحمدلله كامت لوشايفها اول ما جبناها كلت ماتت
بعد ادير بالها ع ضغطها وسكرها وان شاءالله ماكو شي
ابوزينب: اول تالي يامره شوكت صار هل حجي ضغط وسكر وذبحه ويردون اروح دكتور مختص قلبيه شجاج والله حتخبل هذا عمرج كله ماصحتي شي بيج يوجعج ولااحتاجينه دكاتره شجاج بين ليله ويوم
زينب: امي من الناس الي متحب لدكتور نهائيا وتعالج نفسها بنفسها اذا حست عدها فلاونزه تروح اجيبلها كبسول التهابات وجع راس وتاخذ وتسويلها شغلات دافيه هيه تعالج نفسها تكول ماانام حته لاتتكاثر عليه
اليوم طلعت كأنها مهدوده هد لدرجه خالتي جانت تجاوب هيه ساكته وراسها بتجاه الجامه مال السياره جنت اتابع كل حركاتها لكن امي بله حركه اليوم كانها مربوطه بكرسي السياره لااتتحرك ولاتحجي شي
نزلتها خالتي جانت تتحرك ببطئ
دخلتها خالتي اشرتلها امي ع صاله
ام شيماء: امشي انيمج وين هنا
ام زينب: خليني هنا
زينب: امي جان صوتها كانه مبحوح وكوه تحجي ابويه كال راح اناملي ساعه اذن الفجر 🌆 كومي نامي انتي تعبانه
ام زينب: لالا روح نام اني بغرفه البنات حته ام شيماء يمي اخذ راحتك انت
زينب: اخوتي جانو جايين وابويه ناطيهم خبر من طبينه جانو نايمين اصلا طب ابويه اني من اول مفتنه كعدت بالمطبخ مالي عين اواجه امي وبنفس لوقت مثل الي ينتضر حكمه انتضر ابويه يعرف حته يتنفذ بيه حكمي
حكم ع وهم عشته بااسم الحب مصدكته اله بعد مشفت حاله امي الي كان خسرتها بدقايق كان راحت من ايدي احس حته تفكيري توقف فكرت ان بس ينامون اصعد لسطح بيتنه واشمر روحي اكيد راح اموت واخلص اهلي من عاري
مرات الموت يكون علاج للي مثلي موتي يعني اخذ عاري ويايه ونندفن اثنينه نتغطه بتراب تراب يمحي كل شي ويبلع كلشي
