#دارت الايام
البارت الخامس
ل وردالعامري
ضلت علاقتي بكريم يوم اطير لسمه ويوم انزل لسابع ارض بالعطله سافر ويه ابوه لسوريا لمده 10ايام اتوقعت حيجي مرتاح لان هوه يريد لسفر لكن ضهر العكس من رجع جان ضايج اكثر
شبيك توقعت حترجع فرحان انك سافرت
كريم: سفرتيش هوه اني اشفت ماخدني وياه ايجيب ملابس ويوديني جوامع لان ماكو هنا عوفي بحالي زينب تره روحي طالعه
زينب: ليش عمي كال فتريتو ورحتو…
كريم: رحمه لربج اسكتي اني وين احجي وهيه وين روحي زينب اريد انام
زينب: سده بوجهي وراح دروح والله بعد ولااخابرك شنو تحجج هيه حلفت اني مااخابره بس مكدرت دكيت عليه بحجه بالي يمك جنت انسه روحي وافضله هوه استمر حالنه يوم زين ويوم عراك وحجج وكالعاده فلوس وامج وسفر بدت لمرحله الدراسيه قبلها بيوم موعد استلام النتائج شفت لطلاب مجتمعين حوالين سيف رحت شكو كالو سيف حينقل
لاصدك ليش
سيف: احسن نقلت اوراقي لبغداد هناك اقربلي
زينب: ان شاءالله نشوفك بخير واتمنالك لنجاح ولتوفيق هوه كان تقديره جيد جدا وناجح بالمرحلتين من الكورس الاول فسهلت شغله نقله نجحت اني ثالث وهوه ثاني واحنه متفقين زواجنه يكون بهل فتره بس احنه بالعكس زادت مشاكلنه طبعا بالعطله سوينه حفله نيشان جابلي حلقه وتراجي وزنجيل مداليه ماشاءالله مكتوب بيهه طبعا جان لنيشان هم بمشاركه مبلغ مني كمت اتابع امي وين تحط فلوسها واخذ منهن جانت دائما تحط مبلغ جوه ايدهاتحسبا لاي شي من سوينه لحفله ورادت تسحب منهن اكتشفت النقص وهاي ثاني مره يكون اكو نقص بفلوسها حققت ويانه وكلنه كنالها مندري وكنت اولهم وكلام اخوتي ان مانعرف اصلافلوسج وين خلاها تشكك باانو ممكن تكون غلطت بالحساب او يمكن ساحبه من غير متحسب لان جانت تشتريلنه وتطينه بله علم ابويه لان جان محددالنه مصروف معين يكفينه ع حسب مصروفنه بس امي كانت لا تريدنه يكون عدنه الي يكون مغطينه واكثر اذا نحتاج نشتري شي جانت تكول لااخوتي اعزم صديقك قبل ميعزمك تريدنه انكون دائما موبحاجه احدكان لبسنه راقي ونصرف وبذات ويايه جنت اسمعها تكول لخالتي خل تدلل قبل متشوف ضيم لزواج وتقصيرلرجال حته من تزوج تكون شبعانه من كلشي موبحاجته امي كانت ممقتنعه بنيشان حجت جان بوجهه اني وابويه
ابويه كلها خذوهم فقراء يغنيهم الله خل نخلص بنيه مسؤليه
جنت مسانده ابويه حته امي متحجي شي
النه مداومين وصارت عركه بينه طلب مني مبلغ
منين اجيبلك كريم
كريم: اهووو لج كل مااحاجيج وكلتي منين اجيبلك وابوج يسئل شوكت نزوج وانتي حته مده تساعديني
زينب: شساعدك بعد كريم موحته لنيشان ساعدتك بيه
كريم: تعيريني باجر الله يفرجها اشمرلجياهن ع قندره
زينب: مااعيرك وعيب هل كلام بس منين اجيب 750اني كل الي عندي مصرفي وباقي اقل من ال 100عندي بعده مخلصان الشهر حته تطينه امي
كريم: زنوبه اني المن قابل احطهن بجيبي اريد اجيب غرفه عندي مبلغ ومنقص 750بالعدله صدكي مزيدت دينار اني هم منين اجيب ابويه حيساعدنه واني وانتي شويه شويه لحد مااتفرج واعوضج بكل شي
زينب: بس منين اجيب كريم
كريم: اهوو هم كالت منين خلي امج شويه تساعدنه شكوبيه يعني اذا تحبج راح تساعدج تاخذين الي تحبيه كل الاهل تساعد بناتها شدعوه قابل المن مولبتهم
زينب: قررت احجي ويه امي تساعدنه لكن كان ردها ان اطي فوك بنتي ليش بايره ومحد ماخذج وخلفله عليه راح ياخذج لو بيج شي وراح يستر علينه لو داخل عله شغله طمع اشايفنه مليارديريه شو ابوج حداد واني ان طلعت وله نزلت موضفه هذا اختيارج اصحي لولد نيته مونضيفه
زينب: ضلت تحجي عليه وطلعت وره شويه دك كريم الو
كريم: انتي متستحين لاانتي ولااهلج وانتو……… .
زينب: مااسمحلك كريم لتغلط
كريم: يامااغلط امج تخابر ابويه منو هيه اشايفه نفسها
زينب: امي خابرت ابوك
كريم: اي مخابرته تكوله يطلب من لبنيه انعل……… .. امج…… ..كله من وراج
زينب: لاتغلط وماادري امي راح تخابر ابوك
كريم: طاح حضكم ضموهن لكبوركم لويحبوج ميسون هيج اني شكلت كلت احنه اهل نتساعد وانتي صبريلي شويه ممحتاجكم اني واصلا هل زواج ماريده بعد
زينب: كريم
كريم :انعل ابو كريم اني موخوش ادمي شجابني شورطني هل ورطه الف وحده تتمنه بس احاجيها جيت عليكم شكو عبالي اوادم روحي ولي كوليلها لاامج موانتي تكولين لاابويه احنه بالبدايه اني اكولج مادام احنه بالبدايه لااريدج ولااريد بتج وانعل ابو هل نسب
زينب: الووو كريم سده بوجهي رحت لاامي ليش خابرتي ابوه ابوه شعليه
ام زينب: حمدي ربج مكلت لاابوج عله هل طايح الحظ
زينب: ليش هيج اسوين ترتاحين من تخربين قسمتي
ام زينب: ليش شحجيت غلط كتله احنه نساعد بالي يكفي بتنه بس ان تكون لغرفه نشتريها احنه لبتنه عيب ميصير هل شي هذا هم من مسؤليه لولد
زينب: وليش ليش تخابريه اسوين مشاكل ليش انتي لوتحبيني مسوين هيج جان وكفتي ويانه
ام زينب: لج ماما اوكف وياج اشتريله لغرفه لج لازم يتعب ويوفرلج لشي اذا شاف كلشي اجاه ع حاضر حته قدر ميبقه عندج يمه
زينب: عوفيني بس خلصيني كلشي مريد منج بس عوفينه بحالنه
حاولت تقنعني مفاد وعله صوتي عليها ضربتني
ام زينب: بلكن هل راشدين ايصحنج شبيج كاتله روحج عليه شناقصج اشششش مااسمع حسج وطلعي منا لاتشوفيني وجهج بعد
زينب: طلعت رحت لغرفتي قهرتني فوك ماخابرت ابوه تضربني حاولت اتصل بيه ميجاوب لو يطيني رفض وبالاخير قفله ثاني يوم داومت دورت عليه ماكو ممداوم وضليت اليوم كله احاول احصله
وباليوم الثاني داومت شفته حاولت احجي وياه مطاني مجال رغم اني حاولت بكل طريقه لكن عافني وراح وهوه يكولي خلي امج اتفيدج
فاتن 3ايام اني بدوامه امي متحجي ويايه وكريم ميطيني فرصه احجي وياه ابد رغم ان اضل بشمس بالقسم ماله انتضره ويطلع يرزلني ويعوفني ويروح
تعبت واعصابي انهارت وكعت اول موصلت لباب بيتنه تخربطت ركضت بيه امي واخويه كان عندي تيفو ونسبه عاليه واني مالي نفس للاكل فصايره مضاعفات عندي كتبلي ابر وادويه ورجعنه للبيت رغم دايخه وصخونه بس بالي يمه اتصلت مجاوب دزيت مسج
&كريم جاوب اني كلش تعبانه ومريضه لاتسوي هيج وياي انت تعرف شكد احبك اني&
فات وقت واتصل
بكل مابيه من قوه جاوبته ونفجرت بالبجي كال راح اجي اشوفج
اجانه العصر شافني تعبانه كعد شويه وطلع
اخذولي اجازه وضليت بالبيت واغلب وقتي نايمه جسمي احسه مكسر مالي قدره لااي شي
رابع يوم من مرضي خابرني كريم الو
كريم: شوكت مادك نايمه
زينب: مابيه حيل اكوم والله وغصبا عني انام عيوني تنسد وحدهن
كريم: منو يمج
زينب: محد
كريم: هاا شعجب
زينب: ماما غابت يومين بعد متكدر داومت من لبارحه ولولد بمدارسهم وبابا بمحله
كريم: وانتي شلون عايفيج
زينب: ماعليه شي تريكت واخذت دوايه وامي حطت يمي فواكه ولفات وعصير اخاف اجوع بس امد ايدي حطتهن قريب عليه
كريم: لالاشلون يعوفوج وحدج شبيهم ذوله اني جايج
زينب: لالتجي كريم هسه بابا يكوم يحجي لان محد موجود
كريم: شنو غريب اني رجلج عاقد عقدسيد عليج ومصار كم شهرمن عقدت محكمه
زينب: بالعطله من سوينه حفله لنيشان بعدها رحنه عقدنه محكمه
ميخالف كريم والله يحجي
كريم: هسه بعدها ب9وهمه ناس ل1اليوم ثنين وناس لل3دوامهم راح اجي وقبل ميجون اطلع هيه ساعه اجي اشوفج بيهه ماكدر كلبي ميطيني اضلين وحدج بس اأمن ممحتاجه شي واطلع يله جاي مااتأخر
