#سمرائي_عذرا
الفصل 16
زين ..بالنسبة لجنة انا ظلمت روحي باللي كنت اندير فيه قبلها
احمد..معقولة
زين ..والله ندمت اني عرفت اي بنت قبلها مفروض كملت عصم نفسي عشان يقعد صافي يليق بيها
احمد..لهدرجة يا زين امنا كملت زواجك رسمي معاها
زين ..تصدق رغم انها تحرك فيا وفي رجولتي وماسك روحي بالغصب عليها ورغم انها محتشمة قدامي طول الوقت لكن مسيطر على روحي بالغصب لكن عقلها يستاهل انك تتحمل نين هيا تطمن ليا ومانيش لايمها
احمد..حبيتها يازين
زين بهيام ..حبيتها بس لا انا عشقتها وكل يوم يمر تكبر في عيني وقلبي
احمد..ياااه يازين هذا كله في اسبوعين تجهيزات عرس وعشرة ايام زواج
زين بثقة ..تعرف يا احمد انا واثق طول عمري مستحيل حتحرك فيا وحدة حاجة بعد جنة خلاص جنة كانت احلى هدية من ربي وان شاءالله مانفرط فيها
احمد..ربي يهنيك يارب
زين ..امين
على فكرة بكرة في الليل طيارتنا ونوصلو الصبح
احمد..بالانتظار ان شاءالله توصلو طيبين
زين ..ان شاءالله
*جنة سمعت الكلام وفرحت بيه واجد ورجعت للسرير وردت رقدت وقررت في نفسها قرار لازم اتنفذه اول ماتروح
وخش زين تفاجأ بي جنة راقدة وجاء قرب منها لما ما فطنتش بيه اطمن انها راقدة وماسمعتش كلامه هو واحمد
وبعدها نوضها وقضو اليوم الاخير في جو حلو وجهزو روحهم وروحو وبعد السلام على يوسف رقدو من تعب السفر وجنة في داخلها فرحة كبيرة وبعد ماناضو عدو لخوها زياد مفاجأة لانه مايعلمش بيهم انهن بيرجعو
زياد وهو يحضن في جنة ..ياحبيبة وخيك حمدلله على السلامة
جنة بحب..الله يسلمك اشتقت ليك واجد
مارية ..حمدلله على السلامة ياوخيي
زين .. الله يسلمك
*وبعد الاحضان والسلامات*
زياد..ماشاءالله جنة وجهك ناير ووزنك زاد
جنة ..من الراحة ياقلب جنة والسعادة
زياد..ان شاءالله دوم يارب
زين وجنة ..امين يارب
*خذت جنة مارية بروحها*
جنة ..ها جهزتي ليا اللي قلت ليك عليه
مارية ..اه عديت جبت ليك الدبلة اللي حجزتيها من صفحة المحل وجبت ليك الشوكلا وبمجرد ماقلت ليهم جنة جمال عطوها ليا طول وماخذوش فلوس راه
جنة ..تمام
مارية ..شنو غير رايك بسرعة توقعتك حتشحوريه وراك
جنة ..ماقدرتش وكل لمسة منه اذوب فيا غير ذلك اتصاله باحمد والكلام اللي سمعته وصدقيني لو ماحسيتش بصدق كلامه كنت مستحيل نتغير
لكن تو فكري معاي كيف نباعد زين على الحوش نين نجهز حاجتي
مارية ..ساهلة
جنة ..كيف
مارية ..اتصلي تو بعمي يوسف وقوليله انك بتجهزي مفاجأة لزين ولما تجو يحاول يشغله لساعة على الاقل معاه
جنة ..تمام وعمي يوسف اكيد حيساعدني
*واتصلت جنة بعمها يوسف اللي فرح واجد ان كنته تهتم بولده وبعدها طلعو من عند زياد مشت لحوش بوها سلمت عليه ولقت ملك عندهم اللي فرحت برجعت اختها واجد وطبعا مرت بوها لاحياة لمن تنادي وروحو للحوش وشد يوسف زين مابين جهزت جنة نفسها والطباخ ركب ليهم العشاء وبعدها ركب زين ولقى الشقة اضاءتها خفيفة الاضاءة المخفيه بس فتوقع ان جنة تكون راجاته ولما عطل مع بوه رقدت فخش للمطبخ مالقاش العشاء استغرب طلع من المطبخ بدون ماينتبه للصالة وخش للدار النوم اللي اول ماخش ليها فتح فمه*
زين
مش عارف اللي نشوف فيه علم والله حلم غمضت عيوني وفتحت اكثر من مرة بس قاعد اللي نشوف فيه ماتغيرش سمرائي واقفة قدامي لابسة فستان احمر داكن قصير للركبة بالزبط بين جمال رجليها وكان بلا اكمام ورقبته واسعة بشكل دائري نازل لبداية الصدر مبين جزء منه زمطت ريقي وكان الفستان لاصق على جسمها كانهم واحد اللي بين تفاصيل جسمها المتناسق في كل شئ وبعدين رفعت عيني وشفت اللي ديمة كان خاطري نشوفه لا مش خاطري تي نموت بيش نشوفه شعرها اللي ربي مابخلش عليه من صفات الجمال ناعم بلمعة تهبل واسود من سواد الليل هو طويل بس طويل واجد اطول من الفستان كأنه كاب اطول من الفستان ياربي هذي مش سمرائي اللي كنت نقول عليها شينة معقولة الجمال هذا كله وانا شفته شين والشفايف اللي حاطة عليهن روج باللون الاحمر اللي زادهن اثارة اكثر ماهن مثيرات وبرغم خجلها اللي واضح في لمعة في عيونها تهبل ونظرة حب لا لالا اكيد انتخيل شكلي
جنة ..احم احم
عرفت زين خش وعطيت لروحي اخر نظرة في المرايا نتأكد من كل شئ صح ورغم اني متوترة واجد بس مش خايفة من الخطوة هذي اني نخطيها مع زين حبيبي اه حبيبي صح الوقت قصير بس خلاني نحبه ونسلم قلبي وعقلي ليه وقديش حلو لما يكون الحب بالحلال
زين ..اقسم بالله اللي قال الجمال لاصحاب البشرة البيضاء هذا مايفهم لو نعرفه بس
نمشي نفهمه انه ماشافش الجمال لما يكون لسمرائي ايش الجمال هذا ياسمرائي الغالية وجنتي الحلوة
جنة بخجل وتوتر ..تسلم يارب
زين ..هذا كله لي انا
*جنة هزت راسها وزين قرب منها وضمها وقعد ينزل في ايده ويرقي فيها على شعرها وباعد شعرها شوي من على رقبتها وباسها عليها وحس برعشة جسمها *
جنة بصوت واطي ..زين هي نتعشو
زين ..انا نبي نتعشى بحاجة اخرى
جنة ..زززززين
زين ..امري لله
*وباعد زين على حضن جنة وقعد ماسك ايدها وعدو للصالة الصغيرة ولقى سفرة عليها شمع بس مش والع والعشاء جاهز ولما قمعز وهو مازال ماسك ايد جنة والايد الثانية ولعت الشمع
جنة بهدوء ..اطلق ايدي والله ماني طايرة
زين بحب ..انا نبي ايدك في ايدي طول الوقت
جنة ..به اطلق بس انتعشو وبعدين دير اللي تبيه
زين بغمزة ..متاكدة
جنة بخجل ..اه
*وطلق زين ايد جنة اللي تفاجأ بيها وهي تشد في ايده اليسار وتحول في الدبلة *
زين..عليش تحولي فيها
جنة ..عشان نلبسك دبلتي
زين بصدمة ..قصدك
جنة ..اه قصدي اني نبيك زي ماتبيني
زين بهمس ..نحبك
جنة ..شنو
زين ..نـ حـ بـ ك
جنة بخجل ..حتى انا
زين ..حتى انتي شنو
جنة بخجل ..نحبك
*صبا وخذا جنة لحضنه وضمها بقوة وباسها بوسة طويلة عشان يوصل ليها شوقه وعشقه وحبه ليها وبوسة تبعتها بوسات وبعدها رفعها ومشى للدار وبهدوء حطها على السرير وبدو في رحلتهم الجميلة والسعيدة وبعد فترة من الوقت اللي مش قصير *
زين بحنان .. ليش الدموع وجعتك انا
جنة هزت راسها بلا
زين ..به ليش تبكي
جنة عطاته بظهرها..خايفة
زين وهو يلف فيها جهته ومستغرب ..من شنو خايفة ياسمرائي
جنة بدموع ..خايفة تمل مني لاني مانعرفش حاجة زي اللي كنت تعرفــ....
زين حط صبعه على فمها ..انتي ياجنتي عمري ماحنمل منك ولاعمري نسيبك وعمرك ماتقارني روحك بيهن انتي مش زيهن انتي انظف منهن
وكمل زين كلامه وهو يمسح في دموعها وخذاها لحضنه
زين ..وبعدين احلى حاجة اني نعلمك كل حاجة على ايديا انتي هدية ربي لي انتي عمري اللي كنت اندور فيه وانتي نبض قلبي اللي تاه مني ورجع ليا بوجودك في حياتي
حضناته جنة بقوة كأنها تقوله اني ليك على طول العمر
جنة ..يعني مش حتقارن بيني وبينهن
زين ..يا حبي مستحيل انقارن بينك وبينهن عارفة ليش
جنة ..ليش
زين..عشان كانن هنا مجرد وسيلة لتفريغ رغبة مش اكثر بدون مشاعر ولا احاسيس لكن انتي تختلفي انتي اختيار عن قناعة في البداية كان وبعدين احاسيس غريبة ماعرفتش نفهمن وانا انتوتر وحاجات واجد تتحرك فيا رغم ان لبسك كله محتشم قدامي ومع ذلك تضربي على احاسيس رجولتي بشكل كبير وكنت نقول غير عشان مانعة روحها عليا وبعدها قدرت انتحكم في مشاعري عشان ماناخذش منك حقي غصب ومانخلفش وعدي معاك لاني نحبك وتو لما تميتي لي عرفت الفرق بينك وبينهن واني عمري ماحنقارن بينك وبينهن لان اللي صار بيني وبينك مليان مشاعر وحب ولهفة احساس مانقدرش نوصفه ليك بكلمات ياسمرائي ياعشقي
جنة ..نحبك يازيني
زين ..نحبك ياشنو
جنة ..يازيني
زين ..محلاها ياء الملكية
جنة ..عشان انت لي وبس
زين ..بحب وانا عمري ماحنكون لغيرك طول عمري ياعمري
*وزاد حضن جنة وشوي حس بيها انها ارتخت بين ايده عرف انها تعبت ورغم انها رقدت من غير عشاء لكن مباش ينوضها لان كاول مرة ليها لازم تحس بالتعب وحتى هو شوي ورقد بعد ماقعد يراقب فيها وملامحها البريئة والطفولية وناض زين على منبه جنة للفجر حول جنة بهدوء اللي كانت متوسدة صدره وخش دوش وصلى الفجر ايه زين اللي كان مايعرفش الصلاة غير في رمضان بس تما بعد عشرة ايام قضاهن مع جنته يصلي في الفجر حاضر وماباش ينوض جنة عشان حاس بتعبها بعد كمل صلاته قعد يدعي
زين .. يارب ديمها عليا نعمة واحفظها لي من زوال يارب سامحني على اخطائي وزلاتي يارب وماتاخذ حقك مني في جنة يارب خوذه في اي حاجة فيا الا جنة وباتي يارب
*وصبى زين بعد الصلاة اختار روب حلو حطه بحذا جنة وحول دبشه وقعد بشورت بس لانه مايعرفش يرقد الا هكي اللي كان جنة تضايق منه وهما في سفرتهم وكانت تخلي فيه يحول في دبشه تحت الغطاء
وخذا جنة لحضنه ورجع رقد وفي الصبح فتحت جنة عيونها لقت روحها بين احضان زين واذكرت احداث ليلة امس فابتسمت وشعور جواها حلو واذكرت انها ماصلتش الفجر واستغربت كيف ماسمعتش صوت المنبه وتمت اتحرك بالشوي عشان ماتنوضش زين لكن زين فتح عيونه *
زين بحب..صباح الحب ياسمرائي
جنة ..صباح الورد
زين ..كيف حالك بعد امس مازالتي تتوجعي
جنة بخجل..كويسة بس نحس في شوي وجع
زين ..تو بعد دوش دافي وتقعدي شوي في البانيو حيخف كل وجع
جنة ..غريبة ماسمعتش صوت المنبه
زين ..انا طفيته وقلت حرام انتي تاعبة
جنة ..وانت صليته
زين ..ايه ياجنتي دوشت وصليته
تو نصبي نعبيلك البانيو ونحطلك فيه زيت اللافندر بيش تقعدي فيه شوي مابين مالبستي روبك
*جنة زادت غطت روحها بالغطاء بعد ما اذكرت انها مش لابسة شئ ووجهها تما احمر قرب منها زين وباسها بوسة على خدها اليمين وبوسة على خدها اليسار بكل حب *
زين ..في شنو تغطي وانا شفته كله امبارح
جنة ..زززززين
هي عدي للحمام بيش نصبي نلبس حاجة بعد القفطان اللي مزقته
زين ..حقك عليا يا جنتي عقدني ماباش يفتح بسهولة وبعدين اهو روب حطيته احذاك قبل مانرقد البسيه مابين جهزتلك البانيو
*وخش زين للحمام ولبست جنة الروب وفعلا حست بروحها تاعبة شوي واستغربت ان كيف زين عرف انها تحب في دوشها تحط زيت اللافندر وشوي وطلع زين اللي لما شافها في الروب جاها وخذاها في حضنه وضمها بقوة ليه*
زين ..هي ياحبي دوشي مابين نزلت لتحت لعمي حسن اكيد مجهزلنا الفطور نركبه وبعدها نقررو وين نطلعو
جنة باستغراب ..نطلعو
زين ..اه نطلعو كنه في حاجة
جنة بخجل..ماهو ديمة نسمع من البنات ونقرا في الروايات ان بعد ليلة الدخلة يبدا الراجل مايبيش يطلع من الحوش
*كملت كلمتها هذي ووجها انقلب على اللون الاحمر*
زين بحب .. صح كلامك ياقلبي لكن انتي قاعدة تحسي في وجع ويعلم الله قديش ماسك روحي عليك وحتى امبارح كيف حاولت اني نخليها ليلة من العمر ليك ليلة كلها حب وحنان لاني لو طلقت روحي راه كانت ليلة مليانة بالوجع ومش بعيد كملناها في المصحة فهذا ليش لازم نطلعو عشان نخفف من ضغطك عليا بالذات بعد اللي شفته منك امبارح
جنة بصوت من الخجل يدوب طالع..شكرا يا احلى حاجة صارتلي
زين بحب ..انتي اللي احلى هدية ربي عطاها لي
*وخشت جنة دوشت وطلعت لافة منشف عليها وغيرت دبشها ولبست فستان قصير مخصر وواسع من تحت وجففت شعرها وطلعت لقت زين كيف راكب بالفطور وفطرت هيا وياه وكانو جواعة واجد خصوصا في الليل ماتعشوش وبعد الفطور غيرت لبست لبسة طلعة اختارها زين ليها ونزلت سلمت على عمها يوسف وهدرزو معاه شوي وشربو القهوة معاه واستئدنو منه وطلعو وادهورو ومشو جيهة البحر
جنة ..تعرف رغم اني مانعرفش انعوم لكن نعشق حاجة اسمها بحر تصدق ايام واجد كنت لما خلاص الضيق يوصل حده نجي نوقف حذاه ونشاكيه ونبكي نين نحس بروحي ارتحت ونروح
زين ..تو انعلمك العوامة غير يدفى الجو مازال الجو فيه تصقيعة لان قاعدين في الربيع
جنة بلهفة ..عند وعدك راه
زين ..اكيد عند وعدي وقلتها لك ونحن في جزر المالديف
جنة ..بس ممكن نطلب طلب
زين ..انتي تأمري امر
جنة ..ما يأمر عليك ظالم يارب طلبي اني نمشي نشوف بحر طبرق
زين ..طبرق ليش تحديدا
جنة ..يقولو احلى بحر فيها وديمة نسمع في خواتي كيف يحكن على بحرها
زين ..فعلا بحرها يهبل من طبيرق لسان جورج وراس بياض وبعد ماتطلعي من طبرق في بحر البردي مش عادي وجنزور حاجة من الاخير وشواطئ واجد
جنة بلهفة ..انت ماشي ليهن هذين كلهن
زين ..واه واكثر منهن غير يدفئ الجو نكلم صاحبي اللي ديمة انأجر منه في الشقة بيش يواتيها لنا ومأيجرهاش لحد اخر
جنة بعصبية ..لا
زين باستغراب..شنو اللي لا حبيبتي
جنة .. الشقة اللي ديمة تأجر فيها لا كلمه يدورلنا شقة ثانية
*زين فهم جنة ليش ماتبيش الشقة ولفها جيهته ومسك ايديها الاثنين بين ايديه *
زين بجدية ..سمرائي في حاجة لازم تعرفيها رغم انها موجعة شوي لكن لازم تعرفيها وهذي مافيش حد يعرفها غير احمد وباتي عرفها يوم جيت خطبتك
جنة بتوتر ..شنو يا زين
زين .. انا ياسمرائي صح كنت زاني وان شاءالله ربي يسامحني ويغفرلي لكن مش زي انتي مافاهمة كل مرة مع بنت بالنسبة للعلاقات العادية ايه مانقدرش حتى نحدد عدد واكثرهن هنا اللي يكلمن فيا الاول وآخاري معاهن بوسة ضمه لكن كنوم معاهن مافيش الا اثنين بس وحدة اكتشفت من اول مرة وقبل مانقربها انها عاهرة ودايرة عليا رهان والثانية كانت علاقة عادية زيها زي غيرها ورغم انها بنت ناس انصدمت بيها وخصوصا لما الاغراءات خذتني ومافطنتش بروحي ووقتها كنت مقرر اني حنصلح غلطي ونتزوجها حتى بدون حب ولو لفترة ونطلقها لكن في نفس اللحظة اللي فكرت هكي اكتشفت اني مش اول واحد قربها وتسحاب روحها انها مشتها عليا ولما قلتها ليها لما جيت ننهي كل شئ بينا مانكرتش ولما الاشاعات مشت عليا اني نتقل من بنت لبنت محاولتش اني نوضحها لان ديمة الناس تصدق السيئة اكثر من الحق فمحاولتش اني نصحح
جنة باستغراب ونار الغيرة تاكل فيها ..معقولة اثنين بس
زين ..والله ياجنتي لو تبي نحلفك على المصحف نحلفلك وانا مادسيت عليك شئ ياقلبي حتى اخر مرة قلت ليك عليها
جنة ..ماتلومنيش يازينو الغيرة واعرة
زين ..عارف ياقلبي وماتخيلت روحي نجربها وجربتها معاك والله هذاك اليوم يوم ميلاد شد ايدك كان لقيت قطعتها ليه
جنة بحب ..تعرف يازين انا اكتشفت اني ماحبيتش ميلاد لان اللي حاسة بيه معاك عمري ماحسيته معاه
زين .. شنو حسيتي معاي
..........
*وفي مكان ثاني كان في مكالمة هاتفية*
زيزي .. والله قصدك روح
هناء ..اه انتي امتى بتروحي
زيزي ..مازال شوي خليها تنعم بحضنه هالشهرين وبعدين لي مخطط ثاني
هناء..مش شهرين واجد مرات مايصدقوش
زيزي ..بالعكس بعد شهرين هو اللي يتصدق
هناء ..يستر الله انتي ومخطاطتك انتي عمرك ماحبيتي ليش حبيتي زين
زيزي..في البداية كانت علاقتي معاه عادي والوقت اللي قررت بنسيبه هو اللي سيبني وعلى خاطر منو هالشينة هذي
هناء..شينة ها شكلك ماشفتيهاش تو لما زاد وزنها والراحة بانت عليها
زيزي..مايهمنيش ومهما كانت حلوة اكيد مش زيي
هناء ..اكيد
زيزي ..هي سلام تو ومتنسيش تابعي اخبارهم من بعيد لبعيد وكل حاجة بحقها
هناء..تمام هي سلام
.......................
جنة ..اللي حسيته معاك اني ملكة متوجة على عرش قلبك نظرة الحب اللي نشوف فيها في عيونك تخلي فيا طايرة في السماء معاك حسيت ان ربي عطاني على صبري وعلى قد حزني عطاني سعادة
زين ..كل هذا ياسمرائي امنا كان تشوفيني انا
جنة .. وانت شنو
زين ..انا
#حياة
أنت تقرأ
سمرائي عذرا
Fanfictionعندما يكون اختلاف بشرتنا سبب لنظرة مؤلمة او كلام جارح نسمعه ولكن الله لاينسى احد رواية باللهجة الليبية لصديقتي حياة احمد (مكتملة)
