سمرائي عذرا

الفصل الرابع عشر

#سمرائي_عذرا
الفصل 14
جنة بهمس .. بس انا مجبتش ليك دبلة مش المفروض انا نجيبلك دبلة 
زين ..مع اني قبل بناخذ بس طلع زياد موصي مارو لما طلعت معاي تختار الدبلة لي وهو اللي خلص حقها
جنة بحب ..قلب جنة
زين ..قريب مافيش حد حيكون في قلبك الا انا
على فكرة انا ماهمتنيش الدبلة هذي لان نبي لما تحبيني وتصدقي اني فعلا تغيرت حتشري ليا دبلة غيرها بيش هي اللي حتكون في ايدي طول العمر
جنة ..ان شاءالله
*لبس زين الدبلة لجنة ولبست جنة الدبلة لزين واهدها ساعة حلوة وزين ماحبش انه يجيب حاجات غالية ومكلفة عشان جنة مايمشيش معاها هكي وغير ذلك زين وعد روحه انه لما يتزوجو حيجبلها حاجتها احلى واغلى مايكون ومشت التلبيسة حلوة وبسيطة كبساطة جنة ونظافة قلبها وماخلاش الامر من غزل زين لجنة ومرة مرة يقوللها في معلومة عليها تصدم فيها وبعد العشاء روح زين ويوسف ومارية وجنة وزياد روحو حتى هما بعد السلام
وجاء يوم جديد مليان بالفرح والسعادة بالنسبة لجنة ومشت لڤيلا يوسف عشان تشوف الدور الثاني وكيف بتفرشه ولقت انه كبير مكون من 3 غرف وصالة كبيرة وصالة صغيرة ومربوعة خارجية بحمامها ومطبخ مفتوح على الصالة الصغيرة وحمام ووحدة من الديار فيها حمام وهي اكبرهن فعرفت انها دار النوم
زين ..ها عجبك ياجنة والله تحبي تغيري حاجة فيه
جنة ..لاتمام غير كبير واجد ماتوقعتاش هكي
زين ..ان شاءالله نملوه بالصغار
جنة بخجل ..ان شاءالله
زين ..ها شنو قررتي كيف بتفرشيه
جنة باحراج ..نقسمو التفريش بيش نلحقو خصوصا ان مارو مش حتطلع معاي
زين.. امنا منو بيطلع معاك
جنة..اليومين هذين حتطلع معاي ملك واميرة ومارو لما يكون مكان مافيشي دوران واجد حتطلع معاي ومرات حيطلع معاي زياد
زين ..اه به تمام بس كيف نقسمو بينا التفريش
جنة ..طبعا دار النوم جيبها على ذوقك
والصالة الكبيرة والمربوعة وانا المطبخ والصالة الصغيرة والدار الثانية ام الدار الثالثة خليها فاضية حاليا لبعدين نعرفو لشنو نبوها
زين ..به الصالة الكبيرة نفرشها عربي او افرنجي
جنة ..لانها كبيرة فرشها الصالون اللي بالطريقة الاسلامية حلو ويجي فيها مش عادي
زين ..واللون شنو
جنة ..انت شنو تقترح
زين ..انا نقول بما انها بتكون استقبال نساء ليش مايكونش لونها حاجة فاتحة مثلا سكري او بيج لان النقش الاسلامي بيكون خشبي في الداكن وفي الفاتح
جنة ..حلو الالوان والاحلى لو لون الخشب فاتح يكون لون القماش بيج ولو لون الخشب داكن دير القماش فاتح
زين ..تمام وبه انتي شنو كيف بتفرشي الصالة
جنة..الصالة الصغيرة بنديرها دار المعيشة انا وياك ولما يجينا حد من اهلنا نقعدو فيها
زين ..تمام بس ياجنة كل حاجة انا بندفع حقها
جنة ..لا يا زين انا زيي زي البنات بنجيب البتات زيي زي غيري
زين ..عارف ياجنة والله انك زيك زي البنات وافضل منهن عندي لكن انا مانحبش نقعد على حاجة مش شاريها بفلوسي وعشان ياستي ماتزعليش جيبي المطبخ كله من عندك لكن حاجة اخرى لا ياجنة لا صالون ولافرشة ولاستارة امشي اختاري واحجزي وانا انجي ندفع
جنة ..به يازين
زين ..تمام متفقين والمربوعة شنو انديروها
جنة ..عادي نختار انا
زين ..اكيد عادي والله ياجنة لو مش حيكون ضغط عليك كنهدا راه قلت ليك اختاري اللفرش كله لكن عارف ان وراك حاجات واجد
جنة ..تمام انا حنجز ونقولك
زين ..تمام هيا تعالي ننزلو اكيد مارو نفختها لباتي وبالمرة نكتبلك مقاسات الصالة والمربوعة
جنة ..تمام التمام
*ومشن الايام للتجهيز بين شراء الفرش واجهزة ومستلزمات المطبخ والدبش وفرحة جنة بوجود ملك معاها وعماد اللي ماسك الصغار على خاطر ملك تتفرغ لجنة وليلى اللي جتها واعتذرت منها وطلبت منها انها تفتح صفحة جديدة ولو احتجتها في اي حاجة تدلل
وطبعا روحت جنة اليوم لحوش زياد لانها بتطلع منه عروس فدبشها كله هي تشري وتجهز وترتب فيه مارية عشان ماتقدرش تطلع معاها للسوق بسبب حملها ولما وصلت للحوش لقت قدامها *
ميلاد ..السلام عليكم
جنة ببرود..وعليكم السلام
ميلاد..معليش ممكن نتكلم معاك
جنة وهي تشوف لزياد ..تفضل شنو تبي
زياد..نسيبكم مع بعض
جنة ..ماتخلينيش بروحي
زياد ..انا عارف ميلاد فيش يبيك ماتخفيش ياحبيبة وخيك انا ديمة معاك
جنة بتنهيدة ..به
*وعدى زياد وقمعزت جنة وخلت مسافة بينها وبين ميلاد على الكراسي اللي في الجنان*
جنة ..تفضل شنو تبي
ميلاد..بتتزوجي ياجنة زين الدين بتاع البنات
جنة ..اه يا ميلاد بنتزوج زين الدين بتاع البنات اللي فضلني عليهن برغم انهن كل وحدة اجمل من الاخرى وفضلني عليهن واختارني شريكة لحياته
ميلاد ..حيخونك وحيغدر بيك اللي فيه طبع زي هذا مستحيل يتخلى عليه
جنة ..حتى لو دارها على الاقل هو فيه الطبع هذا لكن مش داير روحه هو الطاهر والشريف وبعدين يخون ويغدر
ميلاد..آسف ياجنة والله نادم ندم عمري
جنة بتنهيدة ..تعرف يا ميلاد كان قبل مانعرف زين ونكتشف فيه حاجات واجدة كنت مستحيل انسامحك لكن تو مسامحاتك ياميلاد بس بشرط واحد
ميلاد..اللي تبيه انديره
جنة ..تنساني ياميلاد وطلعني من بالك وخلي المعاملة معاي رسمي لان العلاقة اللي بيني وبين اختي بدت تتحسن  ومانبيش شئ يعكرها وعلى فكرة هي عارفة انك مازالت تحبني لكن ساكتة لانها تحبك ياميلاد فاعطي لنفسك فرصة وحبها عشان حياتكم تبقى كويسة على الاقل خيانتكم لي ماتكونش على الفاضي
ميلاد باستفهام .. ليلى اكيد تحبني
جنة ..اه ياميلاد لانك ديمة تشوف فيها وحدة خذت خطيب اختها منها لكن عمرك ماركزت عليها وعلى عيونها وهي تحكي عليك او معاك انتبه ليها وحتشوف حبها ليك وانساني لان بنبدا حياتي وان شاءالله حنكون فيها سعيدة سادكم سنتين وانتم تقولو في حرب
ميلاد ومازال على نفس الاستفهام ..والله ليلى تحبني انا مش مصدق مع ان ديمة تقولي فيها لكن نقول غير خايفة انسيبها ونجيك
جنة ..تحبك وتحبك واجد اخرى
ميلاد..شكرا ياجنة شكرا والله ماعاد امضايقك ويكفيني انك تصالحتي انتي وليلى وكوني هانية اني مش حنأثر على العلاقة اللي بينكم بعد ماتصلحت
جنة ..العفو وربي يهنيكم
ميلاد..بالسلامة والف مبارك ليك ياجنة
جنة ..الله يسلمك والله يبارك فيك
*وعدن الايام بسرعة واليوم فاتحة جنة على زين وبكرة بتروح معاه بعد حفلة العشاء البسيطة وبعد قراية الفاتحة جتها رسالة من زين
ملك ..الضحكة هذي معناها الرسالة من زين
جنة بضحكة ..اه
ملك ..شنو كاتب
جنة ..(الف مبارك لي وجودك بحياتي الف مبارك لي بدخولي جنتك الف مبارك لي حياتي الجديدة بوجودك مبارك عليا انتِ)
ملك ..الله الله ياعيني ياعيني
ياهكي الرسائل يا بلاش لكن ليش كاتبها بالفصحى
جنة بفرح..لانه يحبها ومستحيل يبعث رسالة الا بالعربية الفصحى
ملك ..زيك حتى انتي تحبي الفصحى واجد
جنة باستغراب ..كيف عرفتي
ملك ..صح ياجنة نحن ماكناش نهتمو بيك لكن والله كلنا نعرفو شنو تحبي او تكرهي
جنة ..ربي يخليك ليا وبلاش تذكري اللي فات خلينا في الجاي
ملك ..اه على فكرة حجزتلك بكرة عند كوافيرة تهبل حطلع لون بشرتك بطبيعته مش تلسون عليك طبقات من كريم الاساس عشان تطلعي بيضاء بالغصب
اتفقت معاها انها حتطلعك تهبلي بلون بشرتك
جنة بضحكة ..يعطيك الهنا طبقات اساس
ملك ..والله صح ماهو عقدت البشرة البيضا كارثة راه مع ان حتى السمار حلو ويهبل زيك هكي لكن نحن الله يسامحنا عندنا هالعنصرية لدرجة تلقي وحدة ياروحي من كثر ماحاطة كريم اساس عشان تبيض روحها تلقي لونها تما رصاصي وناسين كلنا اننا خلق الله زي الابيض زي الاسمر زي الجميل زي الشين 
جنة ..ربي يحفظك يارب بس عليش الكوافيرة
ملك ..اسمعي عرس مابيتيش عادي لان اسبابك مقنعة لكن كوافيرة اكيد لازم على الاقل العريس يشوفك وانتي واعطية نفسك حقها بالذات مع زيادة وزنك شوي
جنة وهي تحضن في ملك ..ربي يخليك لي يا اختي ويحفظلك عماد وادهم وادم ملك ..ويخليك لي ويعطيك ماتتمني
مارية وهي خاشة للحوش ..خيانة من وراي
جنة ..تعالي يا غالية
ومارية حضنتهن الاثنين..الف مبارك ياجنة الف مبارك يامرت خوي 
جنة ..الله يبارك فيك يارب كملت حوسة الفاتحة
مارية .. مهناك حوسة ياجنة الحوسة كلها في الصالة والحوش عندنا مافيش غير شوي من اقارب بعاد علينا واهل احمد بس واميرة
ملك ..به احسن وكلمتيهم ان بكرة يجو هنا
مارية ..اه كلمتهم واكدت عليهم على العشاء هنا
ملك ..انا في حاجة محيرتني
جنة ومارية ..شنو
ملك ..كيف زين اقتنع انه يخليك تلبسي فيلو محجب
جنة بتوتر..قدرت نقنعه بالصور
ملك ..كيف
مارية بتنقذ الموقف  ..قالت ليه ان اللي بيصور صح بنت لكن مش معروف من اللي يطبع فيهن بنت او شاب
ملك ..بس برضو كيف اقتنع وانتي مش ملتزمة
جنة ..ماهو قلت ليه اني حتى لو كنت مش ملتزمة السترة كويسة وفي نفس الوقت نبي صورنا مع مرور الوقت ولما يتفرجو عليها صغارنا تكون بحجاب عشان نكون قدوة لصغارنا غير ذلك اني نفكر في الالتزام التام ان شاءالله غير ناخذ فيه بالشوي 
ملك ..صح عندك حق وكلام مزبوط لانك لما بتجي تنصحي بنتك ان شاءالله بالحجاب وهي تشوف حتى صور عرسك بالحجاب حتقتنع بيه بسهولة
جنة ..ايوه وعلى الاقل الواحد كان التزم مايبقاش كوارث يبدا يبي يدسهم
مارية ..صح وربنا يهدينا جميعا
ملك ..هي اهو عماد يرن عليا بنروح وبكرة باذن الله من الصبح انجيك
جنة ..تعالي الظهر ياملك لان الصبح بنطلع
ملك باستغراب ..بتطلعي وين
جنة ..بنمشي لقبر امي وجدتي
ملك ..الله يرحمهم
خلاص ان شاءالله حنجيك على الظهر
مارية ..وجيبي ادم وادهم ماتحطيهمش عند اهل عماد طالما ان عماد اكيد بكرة جاي
ملك ..ان شاءالله وحتى اسماء وليلى كلموني وقالولي بكرة بيجو بدري
مارية ..احلام مازالت ماهيش مروحة
ملك .. راجلها مازاله بالك سنة اخرى بيش يكمل رسالته ويناقش الدكتوراء
جنة ..ربي يوفقه ان شاءالله ويرزقها بالذرية
ملك ومارية ..ان شاءالله
*طبعا احلام متزوجة ليها اكثر من خمس سنوات وماعندهاش صغار وليها برا ليبيا ثلاث سنوات تجي زيارات وتمشي عشان راجلها يحضر في الدكتوراء واسماء متزوجة من ولد عمها عبدالله  وعندها بنوتة  وولد سوسن و سائد وملك متزوجة عماد ولد خالتها وعندها ولدين ادم وادهم وليلى متزوجة ميلاد وعندها مالك *
ملك ..امين يارب ويعطيك ماتتمني هي سلام 
جنة ..امين سلام 
مارية ..هيا يا جنة انديرلك حمام بخاري عشان بكرة تكوني رايقة وترقدي بدري
جنة ..على اساس انه بيصير حاجة
مارية بضحك ..ههههه ماهو عارفة انه مش حيصير شئ ولا معاها بتقعدي بحجابك معاه بتحرميه يتنعم في شعرك ولونه واللي محيرني ان زين موافق
جنة ..ليش محيرك
مارية ..زينو معاندي واجد ومستغربة كيف متنازال معاك هكي
جنة ..وليش تقولي تنازل ليش مش يكون تفاهم
مارية ..يمكن لكن تعرفي خفت لما ملك سئلت على الفيلو المحجب
جنة ..حتى انا وقعدت نفكر في رد لكن خطر عليا الرد من كلامي مع زياد
مارية ..كلام شنو
جنة..لما جابلي زين الكتالوجات وشافهن زياد واستغرب فيلوات للمحجبات واستغرب اكثر ان زين عادي فسئلني ورديت عليه اني نبي بداية حياتي تكون بحاجة مستورة وفي نفس الوقت انا مانكشفش في شعري لاي رجل غيرك انت وباتي حتى رجالت خواتي عمرهم ما واحد فيهم شاف شعري فمفيش ضمان من يطبع الصور مايكونش راجل او بنت فزياد كمل على كلامي وقالي حتى لقدام لما تلتزمي ماتبديش تبي تقطيعهن عشان مش مستورات خصوصا فيلوات تو عريانات واجد لان زياد عارفني اني نفكر في الالتزام التام باذن الله
مارية ..به اللي قعدتي مذكرتيه
بس ياجنة ما اطوليش واجد عليه زين تغير واجد وواضح التغيير للجميع
جنة ..ان شاءالله
مارية ..على فكرة اليوم ركبت لدور الثاني يهبل بعد ماتفرش وانحطن الديكورات ولمسات زين واضحة فيه مش عادي
جنة ..ودار النوم شفتيها لانها الوحيدة اللي ماصورهاش ليا
مارية ..ههه حتى انا مخلانيش نشوفها مسكرها بالمفتاح وحتى دبشك قالي حطيه قدام الباب تو نرتبه انا وعلى فكرة زين مجهز ليك مفاجأة حلوة وان شاءالله تعجبك
جنة بلهفة ..شنو
مارية..كان قلتها ليك بنحرق مفاجاته حرام عليا
جنة ..خزي عليك
مارية ..حبيتيه ياجنة
جنة .. مش عارفة الاسبوعين اللي فاتن وحطي معاهن الاسبوع اللي قبل مانوافق عليه خلني انتعلق بيه خلى لمسة حلوة في حياتي حسيت حياتي ان ليها معنى حلو من رسائله لزيارته اليومية اللي ماتفوتش عشر دقايق بس ناقصني اني نثق فيه وانه فعلا يبي يتغير
مارية ..والله تغير فعلا وربي يهنيكم ان شاءالله
جنة ..ان شاءالله
*وجاء الصبح ومشت جنة لقبر امها وجدتها وبعدها جتها ملك وعدت للكوافيرة بينما في ڤيلا خوها التجهيزات على اتمها وبمعاونة اسماء وليلى ومارية وجابو طبعا عاملات كانت كل حاجة جاهزة لعشاء عائلي بسيط وحلو وتجهزت جنة وطلعت زي ماوعدتها ملك تهبل خصوصا بعد وزنها اللي زاد شوي لانها اخيرا لقت الفرحة اللي كانت تتمناها مع ان مازال قلبها خايف شوي من زين يرجع للكان فيه لكن هي تدعي لربها ان يثبت زين على الهدايا وجاء زين هو اللي خذاها لكن ماشافش وجهها لان مغطيه الكاب  وملك ركبت مع زياد
جنة
وقف قدامي زين وركبني للسيارة بكل اهتمام وود اللي عمري ماشفته من حد الا من زياد وبعدها ركب وهو اللي يسوق وانا ساكتة نشم في ريحة عطره اللي طاغية في السيارة
زين ..........
#حياة