سمرائي عذرا

الفصل الرابع والعشرين

#سمرائي_عذرا
طبعا هذا الفصل اللي ماقبل الاخير
الفصل24
زين بعصبية ..فايزة كانت عند جنة الصبح ليش وعليش وكيف
احمد..اهدء يازينو اهدء بالرواق بيش نعرفو الخرا هذي شنو قالت لجنة خلتها تطفش بين يوم وليلة
زين ..هديت ها شور عليا انا الدماغ اللي عندي مايفكر في شئ الا اذا جنتي كويسة او لا راقدة او مش قادرة ترقد زيي مهمومة او مرتاحة بعد ماسيبتني هذا هو دماغي
احمد..اول حاجة تتصل بيها وتعتذر على بكرة وتقوللها ان جنة مريضة
زين ..تمام
احمد..تو اتصل بيها
زين ..حاضر
واتصل زين بزيزي وزي ماقال احمد دار بالزبط
زين ..وبعدين
احمد ..تخلي بكرة يفوت وبعد بكرة تتصل بيها وتاخذ منها موعد وتتلاقى انت وياها
وتتكلم معاها زعميتك انك حنيت للايام اللي قبل وقوللها انك بتسافر انت وياها لتركيا تجددو جو وتشرو دبش للفرح من تركيا وان جنة حرجانة عند هلها وانها غيرت رايها وخيراتك بينها وبين زيزي وانت ماتقدرش تسيب ولدك فمشت لحوش اهلها هكي حتعرف انها نجحت في خطتها وبعدين تحجز وتسافر معاها وادير التحليل ونحن هنا نعروفو لك جنة وين وممكن بعد سفرك جنة تطلع
زين..كيف تبيني نسافر وانا مش عارف جنتي وين وكيف تبيني نتعامل معاها عادي وانا مش ضايق نشوف خلقتها 
احمد..ماهو لما تسافر اكيد جنة حتعرف انها مش مهمة عندك  وتتخيلك انك معاش مدورها وهكي حتطلع
زين ..بس مش قادر يا احمد
احمد..غير تبعني انت اول يوم توصل فيه لتركيا دير التحليل طول وعلى حسب ماقريت ياخذ 24 ساعة بس وتطلع النتيجة ولما تتاكد واحساسي يقولي انه مش ولدك حتجز طول وتروح ولو ولدك ادير كل حاجة زي المخطط ليها لان في الحالتين جنة حتكون طلعت ونفهمو منها ليش اختفت وتصلح اللي بينكم
.............
هناء..ها شنو قالك
زيزي..اعتذر على جيت هله بكرة لان مرته مريضة
هناء..والله اللي يقدرك
زيزي..هه يكذب عليا ويقولي مريضة ومايسحابش اني شفتها لما جتها مرا وطلعت هي وياها ومعاها شنطة
هناء..وانتي كيف عقلك قالك استني شوفي شنو ادير
زيزي..من وجهها لما تغير ومعاش ركزت مع كلامي عرفت ان كلمتي اللي قلتها مش حتمشي بالساهل عليها
هناء..اللي يقدرك يجي يحاسبني
زيزي..كل شئ الا حاجاتي انا انسيبه اه لكن هو يسيبني لا وبعدين هذا زين مني اللي تتعرف عليه وتسيبه وتقريبا انتي اكثر وحدة عارفة وتقدري تميزي من بين الرجالة اللي عرفتيهم
هناء بمكر ..طبعا اني مرو عليا رجالة اشكال والوان لكن زي زين مافيش
* يحكن بكل وقاحة ناسيت ان هناك رقيب وعتيد يسجل كل شئ متباعدات على ربي وعقابه
وجنة بمجرد ماسيبت اختها وراجلها مشت لحوشها اللي عاشت فيه امها لما تزوجت جمال جمال اللي كان عادل في كل شئ بين هنية وعبير ام جنة حتى لما شرى حوش كانت ڤيلا صغيرة زي ڤيلا هنية ولما ماتت عبير وهي تولد في جنة سجل الڤيلا باسم جنة بيع وشراء وقعدت فترة طويلة مسكرة وبعد ماكبرت جنة وبلغت اجرتها لولد خالها واسمه مروان بمبلغ لايكاد يذكر لكن عشان هو الوحيد اللي كان يزور فيها عند جدتها وحتى بعد ماتت جدتها وجت لحوش بوها يجيها بس مش ديمة بسبب تلقيح كلام هنية عليهم اللي خلى خوالها كلهم ينسوها ومعاش يجوها بسبب مرت بوها لكن هو مروان ماقطعهاش بكل يجي بين وقت و وقت وديمة على اتصال بيها لكن لما اجرت ليه الڤيلا بعد ماسمعت على المشاكل بين امه وخواته ومرته لانهم مايبوهاش وهو ساكن فوق منهم فكان اقتراح جنة زي الرحمة ليه خصوصا انه هذاك الوقت كان حاط فلوسه كلهن في مشروع ومايقدرش يتحمل كلفة ايجار او شراء حوش لكن جنة قالت ليه انها مايهمنهاش الفلوس لكن هو اصر فاجرتها له مقابل مبلغ شوي عشان ترضيه في نفس الوقت خلاته يفتح جناح نوم امها ومعاها دار ضمتها ليه على الجنان باب خاص والحفاظ على الباب الداخلي بحيث لو استحقت ليه تقعد فيه عشان ماتكونش قاعدة بروحها وفي نفس الوقت منعزلة عليهم وهي نفس المكان هذا دايرة في مطبخها لشغل الشوكلا
جنة وهي ممدة بتعب على السرير وتحس في روحها كانها بتطلع منها
جنة
معقولة زيني حبيبي خاني ولو صح شهر ونص معناها اول مارجعنا لبنغازي معقولة كنت غبية لهدرجة لدرجة ماعرفتش انه خاني بس قلبي يقولي ماتصدقيش لكن عقلي يقولي ليش بتكذب شنو مصلحتها وهي عارفة ان زين بيتزوجها يارب وين الخلاص يارب *وطولت وهي تتقلب ومن التعب رقدت وناضت ثاني يوم وقررت انها تشغل وقتها بصنع الشوكلا ولما توصل للنوع اللي يحبه زين تبدا تبكي بحرقة لكن شكت في حاجة هي ليها اسبوع وتحس بدوخة غريبة فطلعت من جناحها ومشت لمرت ولد خالها اللي شددت عليه ووصاته انه ماحد يعلم بيها انها هنا خصوصا تعديل الجناح وفتح بابه لبرا ماحد يعرفه ولما يسئلهم حد ليش مسكر الباب هذا يقولوله ان جنة ماتبيش من يقرب جناح نوم امها
جنة ..السلام عليكم
نرجس ..وعليكم السلام
تعرفي كنت بنبعت ليك عبير عشان تقولك تعالي ضحي معانا
جنة ..صحيتي والله لكن والله ماعندي نية لكن فنجان قهوة يبدا تمام التمام
نرجس ..ادللي ياسلام
جنة ..بنسئلك ليش مروان سمى بنته عبير على ماما الله يرحمها
نرجس بابتسامة ..عشان مروان كان يحب عمته واجد وكان ديمة يحكيلي عليها ومع وقفتك معاه ومشاركتك ليه في مشروعه وتأجير الڤيلا لينا بمبلغ اقل حتى من تأجير استوديو كان يقول ديمة عمتي عبير وجنة بنتها اصلا مستحيل ماتطلعش هكي 
جنة بدموع ..تصدقي عمره ماحكالي على حبه لماما وحتى لما كان يزور فيا عند جدتي او عند بابا ديمة يقولي عشان اني من دمه
نرجس بحب..هذا مروان حبيبي مايحبش يحكي على حبه او يعبر عليه الا بعد وين وين تصدقي الكلام اللي قاله ليا على عمته عبير بعد اصرار وطلب مني اني نعرف ليش سمى بنتنا البكر عليها بيش حكالي
جنة بتردد ..نرجس نقدر نطلب منك طلب
نرجس ..ادللي جنة
جنة ..انا شاكة اني حامل مرضتي متأخرة عليا ليها اكثر من عشرة ايام واسبوع ليا نحس بدوخة
نرجس بفرحة ..ان شاءالله يارب ان شاءالله
استني عندي اختبار حمل لاني في حملي هذا بيش تأكدت جبت خمس طروف عشان نتأكد فقاعدات اثنين تقريبا
جنة ..اصلا هذا هو طلبي قبل نبيك تطلعي للصيدلية تجيبي لي لكن طالما عندك ياسلام بس ليش شارية خمسة
نرجس ..ماهو حملي هذا صار بعد اربع سنين من تحويل المنع اللي كنا مدايرينه بعد ولادة عبير وتعبت واجد وخفت ان ربي بيعاقبني على المنع لكن الحمدلله ربي رحمته واسعة واهو حامل في الثالث تو
جنة ..ربي كريم حبيبة وربي يكمل حملك على خير وتفرحي بيه يارب
نرجس ..يارب يارب هيا انوض نجيبلك وان شاءالله ربي يفرح قلبك وترجعي لراجلك
جنة بصدمة ..كيف عرفتي
نرجس ..ماعرفتش شئ ياجنة لانك ماحكيتي شئ لكن وجهك كان واضح وتوصياتك لمروان انه مهما يسئله حد مايقولش انك هنا واضحة ياجنو
جنة ..نبي فترة نبعد فيها نعيد حساباتي
نرجس ..مش حساباتك انتي بس ياجنو مرات في حمل معناها بتعيدي حسابات حتى البيبي وهل بترضي يتربى بين اب وام منفصلين
جنة بألم  ..تعرفي مافكرتش في الانفصال عليه نحس في قلبي ينقبض من ذكر الكلمة بس عمري ماتخيلت اني نكون بعيدة عليه مش ننفصل مرة وحدة
نرجس ..تحبيه
جنة..لا نعشقه نموت فيه يكفي هو الوحيد اللي ردلي اعتباري وحسسني بقيمتي هو اللي خلى الكل ينظرلي باحترام بعد ماكانو يتهزو عليا هو اللي باهتمامه بيا وانه يوقف لكل واحد يفكر يتهزاء عليا حتى خالتي هنية ردت فيا الروح ونفسيتي راقت وقدر حتى وزني يزيد بيش تكمل انوتثي بحبه واهتمامه وعمي يوسف بروحه قصة
نرجس ..امنا ليش بتبعدي عليه
جنة ..حاليا مانقدرش نحكي لما نلقى وقت نحكي تو نحكي
وخذت جنة اختبار الحمل وروحت لجناحها وبعد تفكير طويل قررت انها اديره وبعد وقت طلعت النتيجة واتاكدت انها حامل وفرحت واجد بيه رغم فرحتها ناقصة وحطت ايدها على بطنها كانها تحكي معاه 
جنة
انا حامل يا زيني حامل بي بيبي منك حامل بقطعة مني ومنك قديش تمنيت تكون احذاي وانا نعرف النتيجة ونشوف فرحتك بعيوني ونحس بيها بقلبي آه يا زيني شنو درت فيا وفيك كيف اطبطب عليا بايد وتطعني بايد ثانية حسبي الله ونعم الوكيل في اللي كان السبب في خراب حياتي
*توضت جنة وصلت الظهر ودعت لربي واجد ان يهدي بالها ويهون همها
..................
زين ..الو
زيزي ..اهلين
زين ..كيف حالك ياجنة
زيزي بحمق..زيزي يا زين زيزي
زين ..معليش بحكم التعود
زيزي..ولايهمك كيف حالها اليوم مرتك
زين..كويسة نبي نقولك
زيزي..نعم شنو
زين..فاضية نتلاقى انا وياك في كافيه*****
زيزي..حتى مش فاضية نفضيلك روحي
زين ..تمام الساعة 5 العصر
زيزي..متفقين
زين ..هي سلام
زيزي ..سلام
زين
وانا نحكي معاها نحس في قلبي يتقطع خصوصا ان جنة مش حذاي كأني نخون فيها ومتمني من كل قلبي ان البيبي يطلع مش ولدي عشان ترجع حياتي بسلام مليانة حب وحنان جنتي وانا في كل صلاة ندعي ان ربي يحقق امنيتي ويطلع التحليل زي مانبي بدون ماجنة تحس بوجع الضرة يارب والله انعدل حالي معاها عمري ماتخيلت انها تخلي مكان في حياتي هكي او تكون حياتي من غيرها
*على خشت احمد على زين
احمد..ها يا زين كلمتها
زين ..اه تصدق كان نقولك قديش منقرف منها ومن روحي كيف كنت مصاحبها
احمد..هيا بس يازين انت مافي بنت سلمت منك
زين ..بس انت عارف يا احمد ان اخري معاهن نتغزل فيهن كلمات حب ببلاش انقولها هدية بعد وين وين او بوسة او ضمه هذا كان اخرى معاهن وانت عارف لكن هيا وهناء اللي تماديت معاهن هناء كانت متراهنة عليا وزيزي هي من حاولت معاي في البداية وحتى لما كنت نجيها عشان نفرغ شحنات ونطلع ماكانتش تتكلم تصدق نحكي معاك وانا فعلا منقرف من حالي
احمد..ان شاءالله يطلع حملها مش منك وتكون غمة وانزاحت عليك وعلى جنة
انت ماكليت شئ صح
زين ..منين بنجيب نية ناكل وجنتي بعيدة عليا
احمد..حرام عليك روحك يا راجل انت من امس ما كليت شئ
زين ..والله ماخاطري هيا ننزلو لباتي تحت ونشرب فنجان قهوة هذا اللي نبيه تو نعدل بيه دماغي عشان نقدر نقعد  مركز معاها بعدين
احمد..الساعة كم بتتلاقى معاها
زين ..الساعة 5 نصلي العصر في الجامع اللي قريب من كافيه***** ونمشيلها طول
احمد..ان شاءالله ربي يسهل وانت توبتك لربي صافية وان شاءالله يفرجها من عنده
زين ..ان شاءالله يارب ان شاءالله
*ونزلو وقعدو يهدرزو عادي يبو ينسو شوي وهما يشربو في القهوة رن فون يوسف
يوسف ..رقم جنة يتصل
زين بلهفة..عطيني نرد عليها ياباتي بالله عليك
يوسف ..لا لو تبيك كانت اتصلت بيك خليني نكلمها نفهم منها
*فتح يوسف الفون وفتحه على السبيكر يوسف..السلام عليكم بنتي
جنة ..وعليكم السلام عمي كيف حالك
يوسف ..مش كويس كيف تبيني كويس وبنتي مش حذاي
جنة ..حقك عليا عمي لكن والله محتاجة للبعد شوي
يوسف..به انتي وين ومش حنقول لحد
جنة ..معليش عمي انا اتصلت بيك عشان نطمنك عليا لاني عارفاتك حتنشغل عليا
يوسف ..مش انا يا جنة بس اللي منشغل عليك زين ضايع بلاك شنو اللي صار بس كان تقوليلي
جنة متاجاهلة الكلام على زين.. اللي صار صعب نقوله تو ياعمي لكن حنتصل بيك بين وقت ووقت نطمن عليك وتطمن عليا وياريت تكلم زياد لاني حاليا مش حنقدر نتصل بيه
يوسف..حاضر يابنتي طمنيني عليك ديمة وما اطوليش
جنة ..مع السلامة ياعمي
*وسكرت جنة الفون وزين كان بينجن وفي نفس الوقت ارتاح واطمن انها كويسة
زين ..غير شنو اللي صاير معاها حتى الكلام عليا فاتته مش عارف شنو درت بس
يوسف..المهم  تواطمنا عليها بالشوي حنفهم منها خلوني نكلم زياد
احمد..نوض يا زين غير دبشك وامشي لموعدك يادوب توصل العصر يآذن
زين ..هيا راكب
*اتصل يوسف بزياد وطمنه على جنة ورغم زعل زياد انها ما اتصلتش بيه لكن فرح انها بخير رغم ان زياد مابطلش عليها سؤال ماخلاش  حد من معارفهم وسئله عليها حتى خوالها بطريقة غير مباشرة لكن دون نتيجة وغير زين دبشه وطلع للجامع اللي بحذا الكافيه وصلى العصر ودعا لربه من قلبه لدرجة بكا وهو ساجد ان ربي يساعده على المخرج وانه نادم من قلبه وطلع للكافيه وكانت زيزي مقمعزة معطية الباب بتاع الكافيه بظهرها وتحكي بالفون وما انتبهتش للي واقف وراها
زيزي ..لا يا خالتو انا مدبرة كل شئ
خالتها ................
زيزي.. اصلا بعد ما افتكيت من مرته كله ساهل
خالتها.............
زيزي..بعد مانتزوج نمشي ليك او لماما نقعد فترة اسبوع ونقول اني طحت من عالدروج واني اجهضت
خالتها................
زيزي ..هذي ساهلة عندي صديقة لي في مصحة******* نقوللها اديرلي تقرير في حالة كذبني نوريه له لكن هذا كله بعد الزواج ولما ميلقاش الا انا احذاه بالذات بعد ماسيباته (بنبرة استهزاء) جنته مش حيسيبني 
خالته ..............
زيزي..هيا سلام خالتو اكيد هو على جية
*والتفت زيزي لانها حست بحد وراها
زيزي بتوتر وخوف..ز   زي   زين
زين بعصبية وبركان شوي وينفجر ..ايه زين يا كذابة يا مخادعة يا نذلة
زيزي وهي تشد في ايديه ..غير اسمعني
زين وهو ينفض في ايديها..ماتحطيش ايديك عليا ياقذرة تعرفي في عمري ماندمت في حياتي زي ماندمت على معرفتك
زيزي بعصبية ..يعني مرتك العبدة احسن مني في شنو انا اللي كنت نعطي فيك من غير حساب اللي تبيه
زين ..تعطي فيا لانك وحدة رخيصة رخصتي روحك ليا وياريت انا اول واحد
اقسم بالله لو ماكنتي بنت كنت دفنتك هنا وانا حاليا قاعد نحكي معاك بصوت واطي عشان بس نحافظ على صورتي راه مش صورتك انتي لانك وحدة واطية ماتعني لي شئ وتو تقوليلي شنو قلتي لجنة خلاها تطلع وتسيب الحوش يا نمشي لباتك وامك ونفضحك عندهم واختبار بسيط عند دكتورة نساء تثبت كلامي انك مش بنت شنو رايك ولو امك مش حتعدل باتك مستحيل انطقي صح هو مايعدلش عليك لكن حاجة زي هذي مش حتمشي ببساطة ويكفي بس انه حيحبسك في الحوش لاطلعة ولاخشة  بسرعة انطقي 
زيزي بخوف ..انقول بس ماتمشيش لباتي انا قلت لجنة انا قلت لجنة اني حامل في شهر ونص
زين بصدمة ..نعم ياحيوانة ماسدش انك كذبتي في موضوع حملك اصلا وبعدها تفرقي بيني وبين مرتي لكن تعرفي حاجة وحدة نقولها لك حسبي الله ونعم الوكيل ولو تصير حاجة لجنة حتشوفي ايام مني عمرك ماشفتيها امشي من حذا وجهي قبل مانرتكب فيك جريمة
*زين على قد حمقه من اللي دارته فيه زيزي على قد فرحته انها طلعت كذابة وروح للحوش بكل فرحة اللي كان احمد يستنى فيه بفارغ الصبر
احمد ..ها طمني مشت كل حاجة تمام
زين ..........
#حياة