سمرائي عذرا

الفصل الثامن عشر

#سمرائي_عذرا
الفصل18
زين ..ياربي شنو داير في عمري انا
جنة بخوف ..شنو يازين
زين
فتحت الباب لقيتها واقفة قدامي مرا بما تحمله الكلمة من معنى وهي لابسة العربي والمكياج رغم انه ثقيل لكن ماحسيتاش شين عليها بكل بالعكس زايدها حلاوة طالعة حاجة ماتفهم شئ وخطر عليا لما قلت عليها شينة وماتكسبت السماحة مش عارف شكلي اعمى  هذاك الوقت او نظري ضعف
جنة وزاد خوفها ..زين تكلم ماتسكتش هكي
زين ..لا اله الا الله واستغفر الله العظيم واتوب اليه قوليلي شنو اندير تو
جنة بتوتر ..بدير في شنو
زين بتنهيدة ..منك لله ياجنة شنو بيمشي اليوم هذا لو مش عيب واهلك عابين بيك ماكنت خليتك تطلعي بالمنظر هذا
جنة بحزن ..مش حلوة
زين بحب ..مش حلوة تي انا كان نلقى صندوق نحطك فيه كان نلقى نفتح ضلوعي ونحطك بينهن ونسكر عليك طالعة تجنني ياقلبي ربي يحفظك من العين
جنة بتنهيدة ..طيحت قلبي من الخوف
زين ..سلامة قلبك ياربي
جنة ..حتى انت ماشاءالله ولاقوة الا بالله عليك ماتخيلتش الزبون يطلع عليك هكي ولونه الكحلي طالع حاجة من الاخير
زين ..عيونك اللي حلوات يشوفو في كل شئ حلو
هي ياسمرائي نمشو اكيد يستنو فينا
جنة ..عمي بيمشي معانا
زين بضحكة ..باتي من بدري جاه زياد رفعه هو وعزالدين
جنة ..هي ساعدني نلبس كابي مانعرفش انتحرك بالذهب هذا
زين وهو يساعد فيها وبعد ماكمل باسها على جبينها وبنتهيدة
زين ..ربي يصبرني لعند مانروحو الليلة ليلتك
جنة بخجل .. زززيني
زين ..ومعاها زيني لا خلينا احسن عليش ماشيين
جنة ..هي يا حبيبي
زين بجدية.. جنة
جنة ..نعم
زين ..ممكن لما بتطلعي تسملي على عدلاتي تطلعي هكي
جنة باستغراب ..عدلاتك
زين ..عبدالله وعماد وميلاد
جنة ..اه عدلات جمع عديل صح مافهمتهاش كويس
زيني كون هاني ومطمن انا عمري ماقابلتهم وعيني مكحلة مش لابال تو بالمكياج هذا وبعدين انا اصلا من هنا مستحيل بنطلع بشكلي هذا بنلبس خمار
زين ..خمار
جنة بثقة ..اه خمار يازيني مستحيل نطلع بمكياجي هذا ونطلع بيه هكي حتى ولو راكبة في سيارة
زين وهو يبوس في راسها مرة اخرى ..انا لساني معاش عارف شنو يقول غير نحبك بس
جنة ..ربي يخليك لي هي بيش مانعطلوش
زين ..استني شوي نسيت حاجة
*خش زين للدار وفتح الدرج وطلع منه علبة وجاء مدها لجنة
جنة ..شنو هذي حبيبي
زين..هذي هدية شريتها لك يوم عرسنا وكنت حنعطيها لك ونحن مسافرين لكن لقيت روحي ناسيها وكل مرة بنعطيها ننساها شوفيها ان شاءالله تعجبك
جنة ..اي حاجة منك اكيد حتعجبني
*وفتحت جنة العلبة ولقاتها سلسلة وخاتم وخراص واسوارة بعلامة
انفنتي ذهبيات مرصعات بفصوص الماس وعجبت جنة واجد لانها تحب العلامة هذي
جنة .. تهبل يازيني سلمك جياب احلى هدية والله
زين بحب ..تستاهلي احلى واحسن منها بس حسيت انها تليق بيك
جنة ..انا نحبها العلامة هذي والفترة اللي فاتت حجزت فيها ومعاش ردو عليا زين ..واهو جبتها لك
جنة وباساته على خده ..بـ حـبـ ك
زين .. انا نقول بلاها المشية خير
جنة ..هي هي ياقلبي
*ولبست جنة الخمار بدون ماتنزله على وجهها نين يوصلو السيارة وساعدها زين في النزول من على الدروج وبعدها وصلو لحوش هلها اللي لفت انتباهها الضوايا اللي معلقة عليه ودايرين خيمة متنقلة ماتوقعتش انهم بيدرولها اسبوع كبير هكي واول ماخشت تلقنها خواتها ومارية بالزغاريد ونسواين عمها اللي نصدمو من شكل زين وهو يدخل فيها وعلى طول دخلتها ملك لدارها بيش تحول خمارها وكابها وفتحت ملك فمها من شكل جنة وفرحت واجد ان جنة طلعت تهبل وطلعتها بالزغاريد وقمعزوها مكانها وشوي الخيمة تعبت واجد وقدمو الضيافة اللي كانت احسن مايكون واللي ضحك جنة ان الشوكلا اللي ضيفوها هي من خدمة جنة  واستئذنو من العيلة عشان زين يخش بيش يصورو مع بعض وفعلا خش زين تحت نظرات بنات العيلة الحاسدة والحاقدة والغيرانة وخصوصا ان زين واضح عليه واجد حب جنة وهما يصورو وخواتها الفرحانات بيها وبعدها دخلوها وزين طلع وحولولها ذهبها وسلحوها العربي
جنة ..بس انا ماجبتش دبش معاي ماوقضتونيش
مارية خاشة وفي ايدها كيس بتاع فستان .. انا درت حسابي وكلمت زين اول ماوصلتو وعدى جابلي فستان من دولابك قلت ليه عليه
جنة ..كيف عرف واكيد من غير الحذاء والشنطة
مارية بضحك ..انتي تحكي على زين ياجنة زين مايفوتش عليه تفاصيل زي هذي زمان لما كنت نوصي فيه وهو مسافر على حاجة مثلا حذاء مستحيل يجيبه لي من غير شنطة واذا فستان مثلا لازم يجيب معاه حذاء وشنطة ومرات حتى طاقم حلو يمشي معاه زين ذويق ويحب يهتم بالتفاصيل وديمة نقوله ياسعد المرا اللي بتجيك وماتوقعتش اني ندعي لقطعة من قلبي
جنة ..ربي يحفظك يارب ويفتح عويناتك على خير
ملك ..هي نلبسك
ليلى ..اطلعي ياملك جهزي الضيافة اللي بعد العشاء وانا تو نساعدها
ملك ..تمام
*وساعدت ليلى ومارية جنة في تغيير دبشها وكان الفستان طوله محير  ومنفوخ  من تحت ومخصر وعلى العريان ورسمة الصدر بشكل قلب مفتوح لفوق السرة بس مغطي بشيفون ولونه ازرق ملكي وليلى طلقت شعر جنة اللي كان كثيف وناعم ونزل طرف واحد اللي طوله اقصر من الفستان بشوي وحطتلها عليه طوق من الورد الصغير ونزلتلها خصلات عشوائية على وجهها زادتها اناقة ونعومة ولبستها طقم انفنتي معاه مع كندرة ذهبية وشنطة ذهبية
مارية ..والله زين عقله حيطير لما يشوفك هكي
جنة ..اصلا خلوه يجي يصور معاي في الجنان مانبيش نصور معاه في الخيمة
ليلى بغمزة ..غيرانة الاخت
جنة ..اه غيرانة ماشفتيش يابنتي البنات كيف كانو يتفرجو عليه
مارية ..هي تو نتصل بيه نقوله خش
*وطلعت جنة لقت زين حتى هو غير دبشه ولبس سروال سماوي هادي جينز وعليه قميص ابيض وجاكيت ازرق كحلي وحذاء ازرق كحلي وطبعا مارية وليلى تعمدو يخلو زين وجنة بروحاهم تجنبا لردة فعل زين اللي مش محسوبة كيف بتكون وفعلا لان زين اول ماشافها خذاها لحضنه طول وباسها على فمها بوسة خفيفة وفي اللحظة هذي كان ميلاد بيخش للجنان
ميلاد
توقعت كل شئ لكن ان جنة يكون شعرها هكي كان زي الصدمة لي لاني عمري ماشفته تستغربو سنتين خاطبها لكن عمرها ماطلعت ليا من غير حجاب حتى يوم التلبيسة اصرت انها تكون محجبة او بلاش منها التلبيسة وكان كلامها منطقي وقتها مايقدرش حد يقوللها لا على خاطر خطوبة بس مازالت مش محرم ليها وتقول اصرارها هذاك الوقت كأن قلبها حاسسها ان نحن مش لبعض وحسيت بشعور غريب لما شفت زين حاضنها وكيف باسها وهو حاضنها بكل حب وهي كيف فرحانة بيه وواضح انها حتى هي حباته وعرفت روحي اني خلاص لازم ننساها لكن حسيت بالقهر عشان ضيعت مني جوهرة هكي وانسحبت بدون ماينتبهو ليا وانا نفكر في كلام جنة في اخر مرة شفتها فيها نعطي ليا وليلى فرصة
زين وهو يبرم في جنة ..ياروحي  قديش طالعة تهبلي نحبك نحبك نحبك
جنة بضحك ..خلاص يازيني راسي داخ
زين وهو ماسك ايدين جنة ..هي انروحو ياقلبي والله ماعاد قادر نصبر
جنة ..نطلع شوي بس وبعدها انروحو
زين وهو يتلمس في شعرها ..شعرك ياجنة ليش طلقتيه
جنة بنبرة حزن  ..ليلى هي اللي دارته ليا هكي لانهم عمرهم ماشافو شعري
زين باستغراب ..غريبة عليش
جنة ..عشان ديمة نسمع فيهم يقولو بما اني سمراء اكيد شعري مكركد فمكر فيهم كل المناسبات نقعد محجبة فليلى قالتلي اطلقيه واطلعي بيه ووريهن شنو اللي عندك
زين بحب..سمرائي لو تطلعي عليهن هكي لدنهن مايتات بغيظ من انهن ماكانوش يشوفو فيك زي ما انا شايفك تو بس ياعمري اخر مرة تطلقيه مرة ثانية ديريه تسريحات ملمومة
جنة ..حاااااضر
مارية ..خلاص نجو
زين ..ههه على اساس ماكنتوش تراقبو
مارية ..هههه ديما زارق عليا
زين..عارفك يابنتي انتي اختي الصغيرة
*وجت المصورة صورتهم صور يهبلن وبعدها طلع زين وخشت عليهم في الخيمة وهما مش مصدقين ان جنة شعرها هكي كانت امراءة بمعنى الكلمة لان فعلا شوي اهتمام ونفسية رايقة حتى الشينة تبقى سمحة وسمعت جنة الهمسات اللي بينت قديش مصدومين فيها وقعدت شوي في جو درابيك وغنى وسعادة في قلب جنة اللي حست ان ربي نصفها احسن انصاف وجزاها على صبرها بانه حنن قلب خواتها عليها وهي تشوف فيهن كيف مهتمات بيها ويبخرن فيها واللي ترقي فيها و اللي تشرب فيها امية مرقية  وحب عمرها زوجها اللي يحبها ممكن اكثر من ماهي تحبه
جنة ..ليلى كنك شكلك مش مرتاح
ليلى ..مالك تاعب ومازال مالقينا ليه متبرع
جنة ..بس هو مش مازال سنة ثانية بيش يقدر ايدير العملية
ليلى ..ايه لكن الدكتور قال لازم نلقو متبرع قبل السنة ماتجي لان الوقت مش في صالحنا لو جت السنة الجديدة
جنة ..خلاص ياليلى لان مالك فصيلته نادرة زي فصيلتي بالك نطلع انا المتطابقة معاه غير عطيني الاسبوع هذا بس وبعدها تو نكلمك ونمشي اندير التحاليل
ليلى ..لا يا جنة انا منستاهلش منك هكي
جنة ..لا يا وخيتي اللي فات مات وربي عوضني بزين ومكنتش نتمنى اكثر من هكي ومالك طفل حتى لو حاقدة عليك مستحيل اندخل طفل في خصامتنا مع اني والله مسامحاتك من قلبي
ليلى ..ربي يحفظك ويعطيك على قد نيتك لكن زعمك زين مايتكلمش
جنة ..ما اعتقدتش لكن اكيد حنحكي معاه
ليلى ..يستر الله
*وروحت جنة وزين وهما في قمة السعادة وختمت ليلتهم بليلة جديدة من لياليهم الروعة اللي يعبر فيها زين عن حبه وفرحته بجنة وهو يعلم فيها اساليب العشق والغرام في علاقة جمعتهم بالحلال وناضو زي العادة على الفجر دوشو وصلو صلاتهم مع بعض وقرو ايات من القرآن اللي كانت جنة مواظبة عليها وتما زين زيها وبعدها رجعو رقدو وهما في حضن بعض
ومع الساعة 10:30 رن فون زين واستغرب رقم زياد يرن عليه 
زين بنوم ..السلام عليكم
المتصل ..وعليكم السلام
استغرب زين ان اللي يتكلم مش زياد وصبا من حذا جنة وعدى للصالة  جنة اللي فطنت بالفون يرن
زين ..تفضل هذا فون زياد والصوت مش صوته
المتصل ..صاحب الهاتف هذا دار حادث
زين بصدمة ..زياد دار حادث حالته شنو في اي مستشفى هو
المتصل ..في مستشفى ****
زين ..اهو جاي
وما انتبهش زين انه وهو يحكي جنة وراه ولما التفت بيخش للدار لقا جنة واقفة قدامه مصدومة
زين وهو يهز فيها ..جنة ردي عليا جنة تكلمي كنك واقفة انطقي
وجنة مابتش تتكلم وطاحت من بين ايدين زين
زين بلهفة وخوف يخبط على خدودها بالشوي ..جنة حبيبتي نوضي بالله عليك
*وعدى للدار جاب عطر وحطه بحذا خشمها قعدت تفوق بالشوي
جنة ..قلب جنة نبي نشوفه
زين بلهفة ..به غير نوضي غيري دبشك وانا نرفعك ليه هي ياقلبي ماتشغليني عليك 
وساعد زين جنة للدار وطلع ليها لبسة وطلع لروحه لبسة وخلاها تلبس ودموعها ماوقفوش بكل ونزل لباته وخبره
زين ........
#حياة