سمرائي عذرا

الفصل الخامس

#سمرائي_عذرا
الفصل 5
زين بصدمة ..شنو قلتي
جنة ..لا مانبيش نتزوجك
زين ..انتي متأكدة
جنة ..وبكامل قواي العقلية وتقدر تتفضل تو
زين ..نبي نفهم ليش
جنة ..من غير ليش انت سئلت وانا رديت
زين بعصبية ..انتي من عشان ترفضيني نا المفروض اللي زيك بمجرد ماتسمع طلبي تسجد لربها سجدة شكر
جنة زمطت الاهانة لانها فهمت شنو يقصد.. تقدر تتفضل استاذ زين معاش عندي كلام ثاني
*طلع زين وهو يغلي من عند جنة ومشى طبعا لاحمد وبعد ماحكى زين لاحمد شنو صار معاه 
زين بعصبية ..والله ماتبطل ضحك لمشن من قدامك
احمد بضحك ..مش قادر اصلا وانا نتخيل في شكلك وهيا تقولك لا اكيد اخر مسخرة
زين بعصبية ..ااااااحمد
احمد وهو يحاول يشد ضحكته ..خلاص خلاص  وتو شنو بدير
زين ..انا وراها والزمن طويل خلاص حطيتها في راسي وحنجيبها لعندي ولما نتزوجها حنوريها كيف تتجرأ وترفضني
هيا سلام
احمد ..تي وين ماشي وانت بالحالة هذي
زين ..بنكلم زيزي نغير معاها جو وتنسيني نكد الشينة
احمد..ربي يهديك يارب
زين ..هيا سلام
..................
مارية ..كنك ياجنة مضايقة وحزينة عن غير عادة
جنة ..مافي شئ حبيبة
مارية ..على وخيتك شنو تكيتي على حوشكم قبل ماتجي هنا
جنة .. اكيد لا كيف بنمشي وانا عارفة ان ليلى غادي
مارية ..امنا شنو في طمنيني ماتشغلينيش عليك
جنة ..موقف هكي صارلي في المحاضرة
مارية ..تهزو عليك من جديد
جنة .......
مارية ..ماهو انتي اللي ساكتة ليهم ومعاها لما يطلبو مساعدة تساعدي وتشرحي بضمير
جنة ..مانقدرش يا مارو مانقدرش نعطي من غير ضمير رسولنا عليه الف صلاة وسلام قال (إن الله يحب إذا عمل أحدكم عملاً أن يتقنه ) كيف تبيني نخالف ضميري وحديث نبينا عليه الف صلاة وسلام
مارية .. عليه الف صلاة وسلام
بس هما يتهزو عليك
جنة ..مش جديد بينهم وبين ربي في الاخير هما اغراب عليا عليش بنعدل عليهم وانا اهلي مني وفيا يتهزو عليا ومانعدلش عليهم
مارية ..ربي يهديهم
جنة ..نجهز الغذاء زياد قريب يروح
مارية ..ماتعبيش روحك زياد بيجيب غذاء من برا
جنة ..عليش يعني شنو بتعبني هالوجبة اللي نطيب فيها
مارية ..لا ياحبيبة غير ولد والله بنت خوك جاية نيتها في سمك مشوي 
جنة بضحك ..طالما الحكاية فيها وحم معناها عادي سماح هالمرة
مارية ..خشي غير دبشك مابين جهزت لينا فنجان قهوة عربية بالحبهان على كيف كيفك
جنة ..تمام التمام
*ومشن ايام وجن ايام وجنة  زي المعتاد تمشي للجامعة مرة في الاسبوع وباقي الايام تمشي للروضة ويوم تمشي ويوم لا لحوش بوها عشان تشوف بوها وتطمن عليه لان الفترة هذي على خاطر مارية قاعدة معاها اقامة وفي يوم طلعت مارية وزياد للعيادة للمراجعة الدورية بتاعت مارية وجنة كانت مكسدة في الجنان
دق الباب وفتحت وتفاجأت بزين
جنة وهي تتأكد ان حجابها مساوي
جنة ..تفضل استاذ زين مارية وزياد مش هنا
زين ..السلام عليكم
جنة باحراج..وعليكم السلام
زين ..نستناهم مش مشكلة مع اني جاي بنطمن على مراجعة مارو لكن برضو جاي ليك انتي
جنة باستغراب ..ليا انا
زين ..اه جاي نبي نفهم سبب الرفض وانا جدي مش غرضي نلعب معاك
جنة .. ممكن انا نسئلك سؤال ولو جاوبتني عليه نجاوبك على سؤالك
زين ..تفضلي
جنة ..ليش نا
زين ..كيف ليش انتي
جنة ..زين بدون استعباط ليش انا دونن على البنات اللي تجري وراك تبي تتزوجها
*زين وانتبه انها قالت اسمه من غير استاذ وفرح وحس بأمل جواه لكن صدمه سؤالها ومعاش عرف شنو يدير او شنو يكذب عليها فطول وهو ساكت على تدريست سيارة زياد
جنة..لما تلقى اجابة لسؤالي حنجاوبك على سؤالك
*وخشت جنة وسيباته يسلم على مارية وزياد
زين ..شنو مراجعتك ان شاءالله خير
زياد ..الحمدلله قالت مافيش خوف عليها ونهتمو بتغذيتها كويس بيش مانوصلوش ان نركبو ليها تغذية 
زين وهو حاضن مارية ..به عطتها فيتامينات ومقويات
زياد ..اه عطتها وهات جاي حبيبتي سادك
زين بضحكة .. اختي وليا حق فيها
زياد .. هذا الهم انها اختك ربي يصبرني بس
مارية .. هيا نخشو نشربو قهوة
*وخشو للداخل وجهزت ليهم جنة القهوة وشربوها بس بدون جنة زي العادة تخش لدارها لما يكون زين موجود مستحيل تطلع مارية وهي تهمس للزين
مارية..شنو كنت تقول لجنة
زين ..مش تو نعرف قبل وبعدها نقولك
مارية ..لاخر مرة نقولك جنة مش نفس عينة البنات اللي تعرفهن
زين ..عارف يا مارو عارف
زياد..شاركوني معاكم وانتم اتهامسو
زين ..ممكن نسئلك سؤال زياد
زياد..زين يستئدن غريبة من غرائب الدنيا
زين ..هههه اما انتم ماينفع معاكم حاجة تعاملنا معاكم بادب تستغربو تعاملنا معاكم بقلة ادب مش متربي ارسو على بر
زياد..حقك علينا ياسيدي هي شنو تبي تسئل
زين بارتباك .. هو صح موضوع شخصي بس فضولي قاتلني
مارية ..هي اخلص يازين تقول بتفجر قنبلة
زين ..ليش اختك انفسخت خطوبتها قبل الفرح بشوي وسامحني على التدخل لكن مارية سئلتها مرة مابتش تقولي فقلت اكيد احترام ليك ولخصوصيتك لكن الحق فضولي قاتلني
زياد بحزن.. مافيش حاجة خاصة غير مارو ماتحبش تحكي على حد طالما الشئ مايخصهاش وبعدين حكاية جنة مش سر كانت مخطوبة سنتين وكان باين لينا كلنا انه يحبها ولكن بدون اي تفسير فسخ خطبته بيها وهي انصدمت واجد وتعبت واجد واللي زاد في تعبها وصدمتها انه في نفس موعد الفرح اللي يكون فرحها تزوج اختي الاصغر من جنة
وبس هذي الحكاية كلها
زين ..لا اله الا الله
مارية ..جنة والله قلبها طيب لكن ماعندهاش حظ مع الناس
زياد..حبيبة وخيها ان شاءالله حضها مع ربي كبير يارب
زين ومارية ..يارب
زين ..هيا سلام بنعدي اكيد احمد يستنى فيا
مارية ..كيف حاله هو وخطيبته ليا واجد على اميرة حتى في العزاء جت اول يوم ومعاش شفتها
زين ..كويسين بخير حاضر تو نقوله لكن تقريبا على حسب علمي شارقة في تحضير الماجستير
مارية ..اه ربي يوفقها
زين ..سلام
...........
احمد..عليش بتمشي للجامعة بكرة
اميرة..عشان في نقطة مش فاهمتها وصديقة مارية حتساعدني في شرحها ليا لانها معيدة في الجامعة
احمد..معيدة معناها طلعت من الجامعة بمعدل عالي عينوها معيدة وانتي تحضري في ماجستير بتمشي ليها عشان تشرح ليك
اميرة ..اولا هي معاها ماجستير وتحضر في الدكتوراة غير بسبب حمل مارية اجلت كل شئ وثانيا هذي فلتوسة في محاسبة المصارف واصلا اكثر من مصرف يطلب في مساعدتها في حل المشاكل اللي تواجه فيهن لانها تشتغل مسشارة لاكثر من مصرف لعلمك
احمد..ماشاءالله كل هذا وتشتغل مدرسة في الجامعة
اميرة ..لانها تحب مهنة التدريس لدرجة انها تشتغل في حضانة عشان تعلم الاطفال
احمد
معيدة في الجامعة ومعاها تشتغل في حضانة وصديقة مارية زعمك هذي اللي يبي زين يتزوجها بس هذي عندها محاضرة وحدة بس في الاسبوع وكانت امس اكيد مش هي
اميرة ..احمد وين رحت
احمد..قاعد الساعة كم بتمشي ليها بيش نجي نرفعك
اميرة ..الساعة 9 الصبح
احمد..وعليش بدري هكي
اميرة ..لانها اصلا ماعندهاش غير يوم واحد في الاسبوع واللي هو كان امس وبكرة جاية على خاطري عشان تشرحلي في مكتبها بيش تقدر تمشي للحضانة الساعة 11 الظهر
احمد..اه تمام تو نجيك الصبح
معناها هذي طلعت نفسها اللي يبيها زين على الاقل بكرة نشوفها ونشوف شكلها
اميرة ..تمام ياحبي
احمد..هي سلام ياقلبي  زين جاء
اميرة ..استغفر الله العظيم
احمد..عيب يا اميرة
اميرة ..بس لو ماكنتش واثقة فيك كنت عرفت كيف نتصرف مع زين
احمد..ماتخافيش هو بروحه ربي بيهديه قريب
اميرة ..شنو قصدك
احمد..تو تفهمي في الوقت المناسب هي سلام ياقلب احمد
اميرة ..سلام ياضي قلب اميرة
زين ..خلاص كملت غراميات
احمد..اه عندك مانع
زين ورافع ايديه ..ابدا
احمد..على فكرة بكرة بنشمي ل شينتك وبنشوفها 
زين ..شينتي شينتي منو
احمد..جنة
زين بلهفة ..وين وكيف وعليش وليش انت بتشوفها وشنو عرفك بيها
احمد ..هي هي حيلك حيلك شنو شيشمة الاسئلة اللي انفتحتت وحدة وحدة
زين ..هي تكلم وفكني من اسلوبك المستفز معاي وانطق بسرعة لاني اللي سمعته اليوم ماخلانيش طايق روحي وندور فيش انتفشش فمتكونش انت تفشيشتي ايوه
احمد..وعليش ياسيدي انقولك خير 
وين بكرة في الجامعة
كيف بنمشي مع اميرة
عليش عشان تشرح ليها حاجة مش فاهمتها في رسالة الماجستير بتاعتها
ليش بنشوفها لان بنمشي مع اميرة
وشنو عرفني بيها اميرة طلعت صاحبة ليها هيا بحكم انها صاحبة اختك
زين ..بس غريبة ان اميرة عمرها ماتكلمت عليها قدامك
احمد..بالعكس كانت ديمة تحكي عليها  لكن عمرها مانطقت اسمها ديمة تقول صاحبة مارو وماكنتش نعرف ان مارو ماعندهاش صاحبات الا جنة بس
زين ..فعلا مارو وحيدة وجنة بالنسبة ليها اخت مش صاحبة بس وبعدين لما انت قريت فاتحتك على اميرة تعرفت على مارو وتمن صاحبات بسبب انك انت صديقي ووخوي
احمد..به شن اللي سمعته اليوم مخليك مش طايق روحك
زين ..اليوم شفت جنة مشيت قبل مايروح زياد ومارو من العيادة بشوي بيش نحكي معاها عشان نسئلها ليش رفضتني لكن قالتلي نسئلك سؤال لو جاوبت عليه نجاوبك على سؤالك فقلت ليها اسئلي وياريتني ماقلت
احمد..شنو سؤالها استنى خليني نخمن اظني ليش اخترتها هي دون البنات اللي تعرفهن
زين ..صح كيف قدرت تخمن
احمد..البنت اللي ترفض زين الدين يوسف اكيد عقلها كبير واللي عقلها كبير سؤال زي هذا متوقع منها
زين ..ياسلام على اساس اللي يتبعن فيا ماعندهنش عقل
احمد ..اكيد ترا قولي كم وحدة تعرف انك تحب القراءة
زين بتفكير ..ولا وحدة
احمد..كم وحدة تعرف ان عندك دكتوراء في الاقتصاد
زين بعد صمت ..ولا وحدة
احمد ..كم وحدة تعرف ان صوتك حلو وتعزف جيثار
زين ..ولا وحدة
احمد..كم وحدة تعرف انك تعشق حاجة اسمها زراعة وان جنينة فيلتكم انت اللي مصممها وزارع كل حاجة فيها وتقضي معظم وقتك فيها
زين بتأفف ..ولا وحدة لشنو تبي توصل يا احمد
احمد..تو نقولك لشنو بنوصل رد عليا بس
زين ..حاضر كمل ياسيدي
احمد..كم وحدة تعرف انك  اي اكلة فيها دجاج تعشقها
زين ..تقريبا كلهن
احمد..قديش وحدة تعرف انك عاشق لاي نوع سيارة BMW
زين ..كلهن
احمد..قديش وحدة تعرف إنك تحب افلام الرعب
زين ..كلهن لان اصلا مذكور في حسابي على الفيس والانستا
احمد..تمام شفت الفرق بين اجاباتك انهن يعرفن او لا
اللي يعرفنهن حاجات تافهة لاتقدم ولاتوخر معاك واللي مايعرفنهنش اهم حاجات عندك ومهمات في شخصيتك لما تكون ماتقدرش تحط راسك على المخدة الا وانت تقراء سوى من كتاب او من الفون ومافيش وحدة تعرف هكي معناها كلهن تافهات لانهن اكيد ماركة عطرك يعرفنها وماركة دبشك يعرفنها وماركة ساعتك وحذائك كلهن يعرفنهن وهذين كلهن امور تافهة
زين ..صح والله وهذا ليش مافيهنش وحدة قدرت توصل لقلبي او حتى عقلي
احمد..لانهن يحبن الامور المادية وممكن لو كنت انت من غير فلوس ومش متخرج من برا ليبيا وانك وسيم الشكل  ماكانتش وحدة دوراتك
زين ..والله كلامك صح
احمد..تعرف ان جنة مستشارة لمجموعة من المصارف 
زين ..لا منين عرفت
احمد..من اميرة
وان معاها ماجستير وكانت بتحضر الدكتوراء لولا حمل مارو 
زين ..والله اول مرة نسمعها
خطرها اميرة اكيد كانت تحكيلك واجد على صاحبة مارو قولي اي معلومة تعرفها عليها ممكن تفيدني
احمد..انا يا زين معاش بنمشي معاك في خطتك هذي لان اللي نعرفه عليها حرام اللي انت ناوي بديره فيها
زين باستغراب ..عليش
احمد..عشان هي مش شوية اللي شافاته في عمرها 25 سنة تعذبت واجد ومش ناقصها انت تزيد عذابها بوجع اكبر وبالذات موضوع خطبتها وفسخها كان من اكبر الوجائع اللي مرت بيهن وانت بتكمل عليها بخايناتك واجد عليها
زين بحيرة ..احمد تكلم وانطق احكيلي كل حاجة تعرفها البنت هذي من يوم حطيتها في راسي وانا كل شوي هيا تكبر في دماغي لدرجة اني معاش نفكر في حاجة الا هيا وبس كأنه لغز صعب  حله حتى لما كنت مع هناء امس اكثر من مرة انادي فيها باسمها
احمد..لهدرجة هذي بالك تكون قلبت معاك جد 
زين .. جد كيف يا احمد
احمد..تكون حبيتها
زين ..........
#حياة