#سمرائي_عذرا
الفصل 20
زين ..عليا ياسمرائي
جنة ..طالما عارف عليش تسئل
زين ..بيش نوريك اني فاهمك
جنة ..ربي يحفظك لي يارب
زين ..ويحفظك لي يا احلى جنة
جنة بتردد..زين
زين ..نعم
جنة ..عادي لو تكينا على يزيد جبناه معانا خصوصا اني معودته ديمة يطلع يتغذى معاي وانا ليا شهر ونص ماطلعتاش وماشفتاش
زين ..اشتقتي ليه
جنة بلهفة ..اه
زين ..خلاص اتصلي بعمتك عزيزة تجهزه وتحط غيار ليه
جنة بفرحة ..حبيبي انت
*اتصلت جنة بعزيزة وقالت ليها تجهز يزيد عشان تاخذه وطبعا يزيد فرح واجد لانه اشتاق لجنة واجد
جنة ..زين
زين ..نعم
جنة ..بنحكي معاك موضوع مهم وحادث زياد خلاني ننساه
زين ..ان شاءالله خير
جنة ..انت عارف ان مالك ولد ليلى عنده ابيضاض في الدم اللي هو اللوكيميا الله ما حفظنا وعافنا يدورو ليه في متبرع والعيلة كلها ماطلعتش متطابقة معاه والوقت يمشي ومن السنة هذي معاش مازال واجد ولازم مع بداية السنة الجديدة يدير عملية كنهدا حياته تبدا في خطر
زين ..ربي يشفيه
جنة .. ومالك فصيلة دمه نادرة زي فصيلتي والحق نبي نتبرع ليه
زين بصدمة ..شنو شنو ياجنتي بتعرضي روحك للخطر على خاطر ليلى وميلاد
جنة ..لا يا زيني على خاطر مالك طفل عمره سنتين وحرام متبهدل بالادوية
زين ..وشنو ضمني انك لما تتبرعي ماتنضريش
جنة ..عملية التبرع بالنخاع تعتبر من انجح العمليات وماهيش صعبة هي عبارة عن ابرة يدخلوها في تجويف العظم ويسحبو منها بس وبواسطة بنج موضعي اخرى وغير ذلك لو طلعت متطابقة ليه بيدروها برا العملية ياتونس يامصر يا الاردن
زين ..بس خايف عليك ياجنتي
جنة ..قل مايصيبنا الا ما كتب الله لنا
زين ..ونعم بالله
جنة.. حبيبي انا بندير عمل خير وبننقذ حياة طفل ما اعتقدش ان ربي حيجزيني شر وحتى لو كانت ساعتي فالحمدلله على كل حال
زين ..امتى بديري التحاليل
جنة ..مازال نشوف ليلى وبعدين هو تحليل دم بس
زين.. يستر الله
*ووصلو لحوش عزيزة وخذو يزيد اللي حضن جنة واجد ومايبيش يفارق حضنها وعدو للمزرعة اللي كانت جنة اول مرة تشوفها وعجبتها واجد ولقو الغذاء جاهز وتغذو وبعدها خذاهم زين لاسطبل الخيل ولعب يزيد واجد بيه وركب جنة على الخيل وفي العشية جاء زياد ومارية ويوسف واحلوت القعدة والهدرزة وقضو جو روعة وتعشو وبعدها كل واحد روح وجنة وزين روحو بيزيد ومن التعب غيرو دبشهم ورقدو طول في حضن بعض
.................
هناء..امتى جاية قلتي
زيزي..بكرة طيارتي العشية توصل
هناء ..انلاقيك والله بيجي حد من اهلك
زيزي ..لا ماهوش جاي حد لكن انا سيارتي مسيبتها تحت امن المطار بنركبها وبنروح بيها
هناء ..خلاص امنا تلقيني قدامك في شقتك عشان تفهميني شنو تبي
زيزي ..تمام متفقين
*وجاء يوم جديد وفطر زين وجنة ويوسف مع بعض وقرور جنة وزين اليوم انهم يمشو يديرو التحاليل لجنة على خاطر التطابق وبعدها بيحط زين جنة عند مارية وبيمشي هو لشغله اللي مسيبه فوق راس احمد من لما تزوج وطبعا مارية تمت في اول السابع وبعد مادارو التحاليل حط زين جنة في حوش خوها
مارية ..من جدك ياجنة
جنة ..ايه من جدي والحمدلله زين ما اعترضش رغم خوفه عليا
مارية ..به لو حملتي ياجنة
جنة..هو العميلة مش حيديرها للسنة الجديدة عشان يكون عمره ثلاث سنوات يعني لو صار حمل ان شاءالله حنجيب قبل العملية
مارية ..هو مافيش حاجة
جنة ..مرضتي مازال موعدها بعد اسبوع واشبح شنو يصير
مارية ..تتمني تحملي
جنة ..اه حد يكره ان يكون عنده قطعة متكونة منه ومن حبيبه
مارية ..ربي يفرح قلبكم بلي تتمنوه اه
جنة بفجعة..كنك يامارو
مارية ..نحس بوجع تقول سكاكين في بطني
جنة بخوف ..تنفسي يامارو
مارية ..اضني بنجيب
جنة ..كيف بتجيبي وانتي في بداية السابع
مارية ..الحقيني ياجنة خلاص بنموت
جنة بخوف ..وين مفاتيح سيارتك
مارية بوجع والم ..شوفيهن للداخل وفي ساكو لونه احمر هاتيه معاك وبشتي تلقيه معلق
جنة .. به به
*وطلعت جنة جابت الساكو والمفتاح وبالشوي لبست مارية وركبتها السيارة وهي تبكي من الخوف على مارية يصرلها حاجة واتصلت بزين
زين بحب ..اهلين ياحبي
جنة بدموع ..الحقني يا زين
زين بخوف..شنو في ياجنتي فيك حاجة انتي وين
جنة زاد بكاها..انا ماشية شور المصحة**** على خاطر مارو تتوجع واجد انا خايفة عليها
زين ..اهدي حبيبي انتي تسوقي وبطلي ابكاء ان شاءالله مافيها حاجة تخوف هي اني جاي وتو نتصل بزياد يلحقكن
جنة ..به به
*وسكرت الفون وقعدت تدعي لربي انه يسلم مارية وبنتها و وصلت بيها المصحة وطول دخلوها ولادة مبكرة وجنة قعدت تبكي وشوي جاها زين وقعد حاضنها يهدي فيها وهو قلبه مشغول على اخته وبعدها بشوي لحقهم زياد واشوي اجتمعت العيلة وكلهم خايفين على مارية وزياد واخذ الممر ماشي جاي من خوفه على حبه وبنته اللي مازالت ماشافت الدنيا وشوي وطلعت الممرضة
زياد بلهفة ..ها طمنيني كيف حال مرتي
الممرضة ..الحمدلله حالها كويس وجابت بنت زي القمر
زياد..الحمدلله الحمدلله يارب
وفرحو كلهم انها بخير هي وبنوتتها
زياد..به نقدر انشوفهن
الممرضة ..شوي والمدام نحولها لجناحها لكن البنوتة في بنحطوها في الحضانة على خاطر جت ناقصة شوي وبعد مايشوفها الدكتور تقدرو تشوفها
زياد بلهفة ..متأكدة ان بنتي كويسة
الممرضة ..متأكدة وكلها ساعة وحتشوفها ان شاءالله
*وبعد المباركات والتهاني خش زياد على مارية اللي حبو يخلوه يخش قبل لمرته
زياد وهو يبوس على راس مارية ..الف حمدلله على سلامتك ياروحي مبارك عليك جنة
مارية بصوت تاعب..الله يبارك فيك ياحبيبي
زياد..كنت حنموت عليك تعرفي خلاص جنة سادة انا لو شفتك مرة اخرى هكي نموت فيها
مارية بحب ..بعيد الشر عليك غير تقول هكي انا اللي جربت الم الولادة وبمجرد ماسمعت صوت عياطها وهان التعب كله وعادي نعاودها ثاني
زياد..نحبك يا احلى هدية عطاها ليا ربي بعد جنة وخيتي
*وخشت العيلة كلها وباركو لمارية وقعدت تعلق مارية على جنة وهيا خايفة
جنة ..هذي جزاتي يامعفنة انا قريب درت اكثر من حادث بسبب عياطك وخوفي ان تصيرلك حاجة وهي تعلق عليا
زين ..حمدلله على السلامة ياقلبي كنهدا انا اللي رحت فيها لو صارت ليكن حاجة
يوسف ..هيا نمشو نشوفو جنة من القزاز طالما مش ناويين يجيبوها لنا
*وعدو شافو جنة الصغيرة وفرحو بيها رغم صغر حجمها وانهم يشوفو فيها من بعيد وبعدها كل واحد روح وخلو زياد اللي اصر انه هو اللي بيقعد مع مارية
وبعد ماخشو زين وجنة لحوشهم وغيرو دبشهم
زين بتوتر ..سمرائي
جنة ..نعم ياروحي
ولاحظت جنة توتر زين بس دارت روحها عادية
زين ..بنقولك حاجة
جنة ..ان شاءالله خير
زين ..زيزي
جنة بعصبية شوي ..كنها
زين بهدوء..بعتت ليا رسالة
جنة ..نعم وشنو تبي منك وعلى اي اساس تبعتلك رسالة
زين..مافتحتهاش قاعد قلت نفتحها معاك
جنة من الغيرة بدت تفقد اعصابها..ترا افتحها
زين .. ( نبي نشوفك ضروري ) هذا اللي باعتته
جنة بعصبية..وزعمك شنو تبي فيك
زين وجاء حضنها ..والله ياقلبي مانندري عليها وقدامك حتى الرسالة مافتحتها نين تكوني معاي رغم انها وصلتني منها الصبح
جنة ..خايفة يازيني
زين ..سمرائي عمرك ماتخافي طالما انا معاك وهي مش حتقدر ادير حاجة
جنة ..يارب يارب يازين
*زين كان يطمن فيها وهو بروحه خايف عليها من مكر زيزي اسمع انها سافرت من لما تزوج فرح انها سلمت لكن بعتت الرسالة هذي خلت عقله ينشغل وخايف واجد على جنة منها لدرجة ثاني يوم جنة كانت بتزور يزيد ماخلاهاش ورفعها بروحه لحوش زياد عشان رجعت مارية من المصحة لكن بدون بنوتتها لانها مازالت تبي اسبوع في الحضانة وفرحتهم كانت ناقصة لكن حاولو يغيرو جو لمارية بيش ماتتضايقش ومر الاسبوع كله يرفع زين في جنة لحوش خوها وفي الليل يروح بيها وقررو انهم يديرو العقيقة يوم طلعت البنوتة وجهزو كل شئ وزين من كثر ما خايف على جنة ماخلاهاش تطلع بكل الا معاه بس ودارو اسبوع حلو لجنة الصغيرة وجنة الكبيرة طلعت تهبل وطيرت عقل زين وثاني يوم في الشركة تفاجأ بي زيزي وهيا تخش عليه المكتب
زين .. انتي شنو اديري هنا
زيزي..كيف مافيش كيف حالك
زين ..تقريبا اللي بينا انتهى فمش داعي ليها الزيارات والاتصالات
زيزي ..لا في يا زين في شئ بينا هاك شوف الورق هذا وبعدين تعرف في شئ او لا
زين
شفت الاوراق وكان عقلي وقف وقلبي ضاع نبضه قريتهن مرة واثنين وثلاث وانا مازال عقلي مش مستوعب
زين ..انتي كذابة
زيزي بحزن كاذب..اني مش كذابة ومستعدة نمشي معاك لاي طريقة تتاكد بيها
زين ..........
#حياة
أنت تقرأ
سمرائي عذرا
Fanfictionعندما يكون اختلاف بشرتنا سبب لنظرة مؤلمة او كلام جارح نسمعه ولكن الله لاينسى احد رواية باللهجة الليبية لصديقتي حياة احمد (مكتملة)
