Cat meet Wolves

CHAPTER 14

CHAPTER 14

Jacey's POV

Ang sarap manapak ngayon. Bakit ang sweet nilang dalawa? Hindi naman sila ganyan dati. Bihira nga lang sila mag-usap tapos ano? Sila na agad? Ayos din itong si Sid palihim kung kumilos hindi ko man lang napansin. Akala ko sila Kei at Alas yung pumoporma kay Leigh, yun pala siya.

"Baby, pansinin mo naman ako. Kanina pa ako dito kwento ng kwento hindi ka naman nakikinig. Bakit ka ba tingin ng tingin kila Sid?" pangungulit sa akin ni Loisa. Isa pa ito eh. Dikit ng dikit sa akin. Iba talaga kapag gwapo.

"Ano tingin mo sa kanila? Mukha bang sila?" tanong ko sa kanya dahil hindi pa rin ako makapaniwala na sila talaga.

"Oo. Magkaholding hands sila. Tapos magkatabi. Ang sweet nga nila oh. Hinalikan pa siya sa pisngi ni Si--"

"Saan?"

Napatingin ako bigla kila Leigh. Kay Loisa kasi ako nakatingin kanina kaya hindi ko nakita yung sinasabi niyang kiss. Hinalikan ba talaga niya?

"May gusto ka ba kay Leigh?" seryosong tanong ni Loisa.

"Wala bakit?"

"Wala? Bakit parang nagseselos ka? Hindi naman ako magagalit kung aamin ka sa akin. Wag ka mag-aalala hindi ko sasabihin kahit kanino. Gusto ko lang malaman kung may iba kang gusto para hindi ako umaasa sayo."

Muli kong nilingon si Leigh at Sid. Nagkaakbay na ngayon si Sid sa kanya.

"Para saan pa ang pag-amin? Kung wala na din ako pag-asa," malungkot na sabi ko.

"May gusto ka nga sa kanya?" tanong niya. Tinanguan ko na lang siya bilang tugon. Bumuntong siya bigla.

"Okay. Suko na ako. Kung ako tatanungin mas bagay kayo ni Leigh. Saka tingin ko may gusto din siya sayo."

"Talaga? Tingin mo?"

"Torpe ka na nga, manhid ka pa. Hindi mo napansin na nagseselos siya sa akin? Halata naman may gusto yun sayo. Kaya hindi ko maintindihan kung paanong naging sila ni Sid."

"Ang tanong sila nga ba?" singit bigla ni Hailey.

"Kanina ka pa ba diyan?" tanong ko.