Cat meet Wolves

CHAPTER 27

CHAPTER 27

Sid's POV

"Sid, may problema tayo!" sigaw ni Blue pagkapasok niya tambayan namin.

"May nangyari kay Leigh?" tanong ko. Kahit wala pa siya sinasabi may ideya na ako kung ano sasabihin niya.

"Oo. Paano mo nalaman?"

Tumayo na ako at nilingon si Tyron. Tinanguan niya ako sabay ayos ng salamin niya.

"Maghanda na kayo. Uumpisahan na natin ang pagpapatumba sa kanila."

Nagsitayuan natin sila pagkatapos ko sabihin ang mga salitang matagal na nila hinihintay.

"Yo! Saan ang punta niyo?" salubong sa amin ni Alas pagkalabas namin.

"Ano ginagawa niyo dito?" tanong ko. Tinignan ko ng masama ang kapatid ko na nagtatago sa likod ni Alas.

"May information kami tungkol sa grupo ni Lion," sagot ni Alas. Napakunot ako ng noo. Hindi ko alam kung hanggang saan ang nalalaman ni Alas.

"Paano mo nalaman ang tungkol kay Lion?"

"Hindi na importante yun. Kailangan na natin magmadali. Papunta na si Jacey sa hideout nila para iligtas si Leigh."

"Sa sasakyan na tayo mag-usap," tugon ko. Nilingon ko sila Tyron. "Sumunod na lang kayo sa amin."

Dalawang sasakyan ang dala namin. Sasakyan ni Kei yung isa kung saan nakisabay si Tyron. Motor naman ang gamit nung tatlo.

"Saan tayo pupunta?" tanong ko kay Alas habang nagmamaneho. Kung wala siya baka inisa-isa na namin lahat ng alam naming tambayan ng kalaban.

"Sa may lumang factory ng Trixon Company," sagot niya. Tinanguan ko na lang siya saka binilisan ang pagpapatakbo. Mabuti na lang alam ko kung saan yung sinasabi niya.

"Hailey, umuwi ka na sa bahay. Idadaan muna kita doon," sabi ko sa kapatid ko.

"Sasama ako."

"Delikado."

"Isusumbong kita kay Sam kapag hindi mo ko sinama."

"Hailey."

Napasimangot siya bigla. Mahahalata kasi sa tono ng boses ko na hindi ko gusto ang binabalak niya.

"Isama mo na siya. Sigurado ako susunod pa rin siya kahit na pagbawalan mo. Mas safe kung nasa tabi natin siya," nilingon ko si Alas. Sa pagkakasabi niya parang kilang-kilala niya si Hailey.