البارت الثالث
محمود- ابو ذيبه اهلك خومامحتاجين شي
لا يابه الحمد لله ممنون ابو شكريه تعبتك انه هالسنه بس والله ماعدي غيرك اامن بي على عرضي
هاي شتكول انت ابوذيبه احنا ولد ولايه. يابا انه ماانسى وكفه ابوك الله يرحمه ووكفتك وياي لك انه 4سنين ابات عدك حتى اجار الداخلي مادفع كول يا الله
يا الله يا الله
ابو ذيبه تتذمر من جننا نلعب بالطرف وتطلعلنا حبوبه بيت حميد تكتلنا بالعوجيه
الله والله ايام توصل ليمي وتكف تكلي انت ابو ذيبه مااكدرلك انه
هههه الله يرحمها
تصدك بالله انه جنت اكولن بس استقر ببغداد بعد ماارجع لولايتي بس هسه حنيت ابو شكريه مو بيدي بس اريدن الوضع يصفى واروح الزم حلال ابوي وافتحلي هناك عياده. هم صدك يجي هيج يوم بعد الخراب الصابها
الله كريم خويه خلينا بدراستنا والمستقبل يرسمه الله النا مدام احنا نسعى
اي بالله. احنا جاي نسعى والباقي على الله تدري البارحه جاني اتصال من عمي كاصد
اي صدك عايش
اي والله حمادي زوج رفل كالي عايش وراح للديوانيه. ومشتري هناك بستان جبير
يا الله
بس بعد جاي يبني بي بيت وياخذ عمتي وخالتي وامي ماترضى تروح تريد تضل هنا يمي هي وخواتي تعلمو ياخوك مايردون واخد يصرف عليهم تدري صعبه ذولي اهل عز
اي والله صعبه الله المعين كوم خويه كوم الحجي هواي بكلوبنا الماتت وي ديرتنا كوم نقره باجر تبلش الجامعات واحنا مامراجعين موادنا لازم نتفوق ابو ذيبه
عد عيناك كوم ياب
كضينا الليل دراسه وبات يمي محمود. والصبح قبل دوام البنات طلعنا ورجعت ب12 للمدرسه من طبيت جان درس شاغر والبنات بالساحه. فتت سلمت عالحارس هاي اول مره يشوفوني البنات لمحوني من الساحه وبقو صافنين واللي لبست حجابها نصيت راسي وفتت للغرفه الناطينياها وره المدرسه اسمعهن ورايه
هذا منو الولد
شون حلو فدوه
لا بس كصير بس شون عيون عبالك متكحل
شلت راسي صافن عزه بعينجن مشيت سريع وفتت والله خجلت من روحي شنو هالبنات شون متربايات ذنه زاد خوفي على بنات اختي انه بنصمنو حاطهن يا الله اليوم لازم احاجيهن اشوف ويامن يمشن ويامن يحجن الصاحب ساحب طبيت للغرفه ذبيت هدومي لبست تراكي وطلعت للحديقه بقيت الملم الورق واجمع الحطب وارتب واعدل وازكي وهم سمعت جدحه جداحه عرفتها راسن ذبيت الصونده من ايدي ورحت ركض ملكيتها بنفس المكان بس انه سمعت صوت جدحه مديت راسي كلت اكيد بالحمامات طبيت ادور افتح البيبان اذا كلها متروكه ياهو اليجي هنا والله والمح رجلين بحذاء بوتين ماركه انه الاعرف بالماركات لمحته وره الباب دفعتها مامقفوله صاحت
منوو منو دقيقه
اطلعي نترت
ااا اوكف دفعت الباب قوي حصرتها وره الباب كالت اخ خرب غلطت ضغطت اكثر دفعت الباب قوي وطلعت لزمت الجكاره جانت مبيها جمره مردتها بالكع ولزمتها من ايدها من ساعدها بقوتي
ولج انتي ماتجوزين
انت شعليك مني وخر آي
من اباوع الجمره بطرف شفتها مجويه بيها صايره نكره وتهفي روحها لايبه وتغلط كامت تكمز تريد مي تبردها بيها وماي ماكو
تعاي ورايه لاتضلين تكمزين اكولج تعاي وراي هنا مي
جتي لحكتني وتهفي بله صوت روحها تلوب وصلت للحديقه شلت الصونده راسن ترست ايدها مي وتذب على مكان الجويه وتدردم
بس انلصمي
انت معليك مني
اكولج اسكتي لا بالله اكول للمديره
ومتموللها عبالك خايفه منه ماالك حق باع شسويت بوجهي ياخقير
رفعت راسي باوعت لطرف شفتها مفركس باوعت بعينها مدمعه انتبهت عيونها صغار وزرك بلوك المي مااعرف عدسات مادري رباني نترت كدلتها ورجعتها ليوره
شوفي اكلج اذا لمحتج بعد تدخنين صدقي بالله اكول للمديره تشوف جاره
ومنو يصدكك روح واكذبك اكولهم راد يعتدي عليه ومنطيته مجال
هااه زين واذا كتلج انه مصورج يابه واليوم انزله بكروب الكدرسه بعد
بقت صافنه عليه كالت انت شرايد مني فلوس انطيك وتسكت نزعت كلاده بحركه سريعه جسمها انخض انتبهت حتى حماله ماللابسه
اعوذ بالله. من غضب الله هاي هم تنحسب عالنسوان بقيت صافن عليها
انتي خنثه لو بنيه
انت معليك هاك هاي كلاده ذهب بيها تجيبلك بال750
انتي ماتستحين
انت المتسحتي شتريد لعد
انه مارايد شي بس لا تدخنين هنا نترت واباوع على عيونها تحجي وتتلفت
انت معليك مني ايويه اخويه
احترمي حالج لو عدي هيج بنيه ادفنها قسما بالله
اي لعد لتتدخل
انت خبله باع اكولج اذا شفتج تدخنين هنا والله ثم والله ابلغ المديره وانشر الفديو بقت صافنه عليه كالت
ماشي مادخن بعد هنا بس شنو اليضمن انك ماتبلغ
انه كلمتي ضمان امشي ولي انعل ساسج عاب هالتربيه
متربايه احسن منك لتغلط
لج انتي شنو ماتموليلي تقربت اريد امد ايدي عليها غمضت ودرت وجهي امشي منا لا اسوي شي مايعجبج
لا والله خوفتني كالتها ونترت شعرها وراحت اباوع قالب جسمها انثوي ضهرها نعومته وخصرها مشيتها مال ولد او تتصنع هالشي بس قالب جسمها انثوي للاخير من غير خيط ممشيه على وجهه رغم بيضه حيل بس وجهه مليان شعر وحاحبها ورمشها كثيف وعيون زرك بلومجن المي بس صغار رسمتها عبالك عين طير وملامح ناعمه وجه ضعيف. وشفاف صغار مو مليانه وخشمها رفيع وعدها شامه نهايه حاجبها. حيرتني ملامحها وشعرها الولادي بس بعد ما تمعنت بملامحها وجسمها وامتلاء اماكن الانثويه عرفتها بنيه مو خنثى بس عالاكثر هي متصنعه او مقتبسه مثل الولد تريد تصير
----
سلاما على الانفس الضعيفه التي ملات الارض بضعفها سلاما على من سيطر على ضعفه بقوته الكامنه سلام على جروح الحياه سلاما على مفاتن الدنيا سلاما على قلب استشعر حبا لم يكن بالحسبان
اني اليسار من اهالي شارع فلسطين صف سادس علمي وحيده اهلي لان والدي بعد ماصرت تمرض مرض اصاب الجهاز التناسلي بالنسبه لعائلتي والدتي مطلقه ومتزوجه غير والدي ومسافره وصار اكثر من سنه مشايفتها ووالدي. بعدها متزوج وبقيت اني عدنا داده بالبيت
والدي فاحش الثراء طبعا باموال جدي
جزجدي عده 12عماره باسمه ومن غير البيونجت الساكنين بيها عمامي عدي 18عم. من نسوان جدي من غير 12 عمه. لتنصدمون بس هو العددجبير كلنا سكنه شارع فلسطين بيتنا قصر وبيت جدي قلعه وبيوت عمامي كلها كبار ابوي عايش ويشتغل بملك جدي اصلا ماعده شي يملكه كله باسم جدو حتى السيارات بس ينطي يعني علاوه واجور رهيبه على كل شغله يلزمها اله اني مستواي الدراسي موزين بس والدي راد يثبت لامي انه هو كفومن تركته وهو مريض انه احسن تربيتي دخلني مدرسه اهليه للسادس ونقلني لهاي المدرسه كال الحكومي معترف بيها اكثر بالحامعات وعلى السادس والبكلوريا اشتريلج الاسئله ولا يهمج بس انتي المهم هالتكدرين عليه تقري اني شاتمنى موجود سفر سنويا اسافر لاي بلد ااشر عليه فلوس بالهبل عدي سياره وسايق وين ماريد يوديني اروح بس للاسف داخلي فاررغ لدرجه مااعرف اصادق بنيه او ولد حتى من اني صغيره والدي عاملني كولد طباته وطلعاته سفراته كلها وياه مجنت احس روحي بنيه ولحد هاللحضه كمت مااضوج من ولد عمي يكولولي انتي ابن عمنا مو بت عمنا كمت افتخر بهالشي مشكلتي محد يكدر يكولي لا وكلشي عدي عادي عدنا بالبيت داده ام غايب مرت السايق هالمره حبابه حيل دائما تحاول تعدلني حنينه عليه اكثر من حنان امي التركتني من ابدل الصبح تدكملي دكم القميص ردني تمولي عيب تفتحيها هيج مرتبه اكثر جنت احب اسمع كلامها لان بهدوء وابتسامه بس اطلع من الباب اسوي الاريده من كصيت شعري ولادي قبل اربع سنين ضلت تبجي ومن ارفض البس الحماله التجيبها تنقهر كل الالبسه ملابس شبابيه متعجبني ملابس والوان البنات تعلمت التدخين من جنت ثاني متوسط والدي جان ينجمعون جماعته يمه بالحديقه ويضربون نركيله ومن يطلعون استلمها اني لخد ماصار عدي ادمان كمت احب التدخين وبعدها عالجكاير محد يدري بيه ادخن بس الداده وتتوسل بيه اترك واني مستحيل اتركها والدي مو من النوع اليراقب ومرتاح كوني متقمصه شخصيه ولد في سبيل محد يقربلي ويسوي علاقه جان دائما يردد
انتي بالف رجال
وهالشي يزيدني فخر ----بالمدرسه المدرسات يضحكون من يشوفوني بس اني مجنت اهتم ابد اشوف البنات يحجن بالشباب ويحبها ويموت عليها تكش روحي من صدك كان كلامي جدا قليل بس راسي يفكر ويفسر اي حركه واي كلمه اشتاق لامي ولحياتي القديمه ومن جانت تختارلي الملابس اللي اغلبها قصيره ومنفوش وساعه تعدل بيه وارجع اكرهراليوم اللي بي لمت هدومها وراحت جنت بوكتها صف خامس ابتدائي تطلكت وسافرت بعد مده وماعدات تسال عني الا نادرا صار عدها بنات 2وولد. نستني معقول يجوز حبها لبناتها ومداراتها الهم نفس مجانت تداريني. يمكن اكثر دائما ادخل على فيسها اشوفها تنشر صور بناتها التوام وابنها اتمنى ولو يوم ارجع مثل قبل اتمنى اعيش الجنت عايشته ام غايب جانت تشعر بيه بالذات بايام المشاكل النسائيه متنام يم زوجها تنام يمي لان بليل جدا اتوجع ومااتحمل الالم الا تنطيني مسكنات جنت اكييف من تنام يمي وانتضر يوم يوم موعدها حتى ام غايب تجي يمي بالرغم انه مافد يوم طلبت منها هالشي ابد
طبيعتي اخجل اطالب بالمشاعر والاهتمام بس من اريد شغله وتكون منفذه حرفيا مامو اي واحد وكف بوجهي كلها تخاف وتحسب حساب ابويه وجدو لحد مافد يوم
انصدمت واني ادخن وره المدرسه بوحود شاب ضربني على حلكي اني انضرب خرب عمي اليوم اشكه نصين بقيت اباوع تراكه ماركه لاكوست وبوتينه بوما ومبين عليه الرقي فكيت حلكي هذا شجابه هنا وضل يصيح عليه ويرزل ابتعدت اول مره اخاف من احد ضربني على حلكي دفعته بقه يباوع نضرته بحياتي مراح انساها اول مره اضوج من واحد يسالني انتي بنيه لو ولد يرزل واني صافنه شو هذا يرزل كمت ارادد اخر شي هدد واني مالي خلك وجع راس لان هالندرسه مو اهليه ترمته ومشيت بس عمري منسيت نضرته مرت 3ايام وكل مااصفن اتذمر التضره المشمازه النضرها الي اموت قهر وره اسبوع رجعت ادخن لان مااكدر تعودت لازم ادخن توقعته راح رجعت بس مو كدام العين هالنره داخل الحمامات النتروكه وهم اجاني بس هالمره الحقير خلاني انجوي بجمرهزالجكاره من دفع الباب عليه جنت اجر النفس بسرعه حتى اطلع طلعت وروحي فرفحت اخذني غسلت ونار احس تطلع من حافه شفتي بقه يباوعلي يتامل. وجهي وملامحي هالمره باستغراب واني اتهرب من عيونه الحقيره حتى على جسمي باوع يمكن كان ضنه انه اني فعلا خنثه تاملت ملامحه كانت مرتبه لحيه خفيغه مزينه وشامه بوسط خده وجه بيضوي خشن وعيون جارحه ومكحله. مو كلش طويله بس معضل وايده جبيره كلش انتبهت على جف ايده من ضربني على وجهي غطه كل وجهي بيده هددني بفديو واني بين المصدكه وبين اللا. بس خفت لان ماريد لغره مالي خلك على ها انتي تدخنين وره المدرسه طيته كلادتي مقبل ياخذها ضل يرزل واني ارادد وعيوننه تتعارك كتله مادخن بعد هنا شسويله يعني وترمته اشوف عيونه تخترق جسمي مشيت سريع وتركته احس كلبي دكته تغيرت اول مره يدك هالدكه وايدي ترجف خوف وي دكه كلبي واحس نار تطلع من شفتي زمن صديقتي كلش كالت
اللو شبيج
مابيه
لا بيج وجهج اصفر وايدج بارده
كتلج مابيه زمن هديني هاي شوكت تخلص خرط
يابه غيو دتشرح انتبهي هذا مهم
امم هسه يجي---------
