تذكرت خاله فضه من جانت تردد
افوض امري الى الله ان الله بصير بالعباد ارددها ودموعي تجري حسيت على روحي الصبح ميته برد كمت راسن فتت للحمام غسلت مي حار هدات اعصابي قرت واني بيني وبين نفسي انه بس خلص دموع راح اكمل وانتضره وعسى مااعوف الكل واهاجر اله بس ايويه كسرني خجلني وفشلني وياه شنو يعني هو اجه للبيت وي محمود لو همه طلبو مداافهم سديت موضوعه وي روحي وكلت الصبر بس هالمره راح اصخخر كلبي وارجع واكول اني شنو ذنبي اذا اهلي ذللوك مو كلنا سوه مو كتلي للتابوت وينك لعد بس حقك راح اصبر وياك وراح ابقى عالعهد وعد كملت غسل وطلعت بدلت ونزلت تريكت تذكرت الفلوس العدي طيتها لبيبي
بيبي هاي خليها عدج اني اريد ابقى هنا.
لا بيبي عدي انتي نفر واحد وشنو اكلج
ميخالف بيبي حتى اخذ راحتي
شنو متعاركه وي ابوج
باوعتلها جريت نفس اي ببيبي متعاركه وياه وماريد ارجع
براحتج بيبي
طلعت خابرني ابوذيبه كال
عمي اني اجي عليج
لا عمو ماريد
هيج عمو تزعليني منج
سكتت اوك عمو تعاللي
انتضرته واجه اخذني استعدادي جان مو طبيعي الكسره الصارت بنفسي البارحه تبدلت بقوه هيج ربي رحيم هيج خلاني اتقوى بي وصلت الحامعه نزلت وببالي حتى لو شفته مااسلم اذا موكف يسلم الولد البي كافي خلي ينسى هواي ذبيت روحي عليه طبيت للقسم اربع امتحانات مبقه شي للنصف الثاني كلها سبوعين ودكت اللو
ها حبيبي
داومتي
اي داومت
عبالك صوتج احسن
اي الحمد لله اكولج بس سوال
جواب
هو الاجه لو عمامي وابويه دزو علي
لا هو اجه وي محمود وكعدو وي بابا وتوسط عده تالي بابا كاللهم مو مشكله نكعد وي ابويه واخوتي ونشوف شيكولون شو ذوله كبو عليه
جريت نفس الله يساعده هاهي
باعي اصبري وخليها على الله
ماعدي غير حل
عفيه عليج دروحي اجه دكتورنا
باي
سديته وكعدت عالمصاطب حتى زوز مداومت اليوم كالت مالي خلك بقيت اكلب وادرس رفعت راسي بنات قسمنا منجمعين وديدرسون مشكلتي ماحب الاختلاط مو بيدي كمت اشرب مي طبيت الكوفي لكيته ديشتري جاي بقيت اباوعلها هو ضهره عليه حبيبي ميحجي بس ساكت صافن ووجهه كله غضب ومغثه كعدت بعيد عنه واباوعله منتبه عليه باوعت عالساعه محاضره عدي عملي كمت طلعت وصلت لباب الكوفي التفتت شفته باوعلي ودار وكهه رافع تك حاجب كملت طريقي
وهاي جانت اخر نضره بعد وراها مشفته يوميه ارجع من جامعتي واروح لعمي متجرات اساله وينه لان اكيد خلص دورته ورجع لجامعه الديوانيه عالاستضافه كمت كل يوم اطب وي عمي عمليات ويوميه اعرف شي اكثر يوم وره يوم وشغفي يكبر مرت بالضبط سبوعين واني يوميه اخابر ساره ومحمود اسال عنهم
كعدتهم صارت وعالاساس وره امتحانات النهائيه المهر اشتاقيت للجهال مع العلم يوميه اخابر خاله تفتح فديو احاجيهم جو كم مره خابرني عتبت عليه كال
هاهي بعد صارت. ولو يحبج يضل متمسك بيج شفته مابي مجال تركته وسامحته بابا يوميه يسال خاله عني ويكولها مترجع تكوله متقبل وفعلا مااقبل رغم اشتياقي اله بس كلبي انلجع ناحيته كلت اكمل امتحانات وارجع. يوميه اني وزمن نضل نفتر واني وساره ومحىد وزيد نسولف نوبات بابا يدز بيد زيد فلوس
الشي الحلو الصار
انه ماما تقربت مني. كم مره سمعتني ابجي من روحي تخذلني واشهك بجي مشتاقتله تفتح الضوه وتاخذني لحضنها يوم وره يوم لكيت روحي حجيتلها كلشي ولكيتها تنصحني وتاكد عليه مااوكع بغلطها لكيت روحي اخذ رايها بكلشي حتى اللبس واسلوب المعامله محمود جان شباكي المطل على ابو ذيبه على طول اسال عنه يكول منهمك بالدراسه وفعلا تفوق على اقرانه الاول على جامعه بغداد والديوانيه خاض عمليتين اختباريه وهو الفاز بيها جنت اسمع اخباره وافتخر وارجع لكتابي واكول الا اتميز مثله وارفع راسه عمي يوم بعد يوم يسندني ويتباها بيه العمليات الصغرى كمت افوتلها بسهوله وبعدني كلما افوت قلب مفتوح تجيني ذيج الرجفه ومنوعمليه صعبه ونسبه نجاحها ظؤيل يمنعني عمو افوت واني التزم بكلامه وره شهر وعشر ايام
دك تلفوني بابا بقيت صافنه ابتسمتلي ماما كالت
ردي ماما عيب ابوج لتغلطين اغلاطي
رديت كال
الو بابا
الو
شونج باباتي
سكتت تذكرت كلشي بس واعدت روحي ماابجي بعد كال
احجي بابا شتاقيتلج حبيبتي
اني هم
تعالي لعد اخوتج يردوج مو تكولين اخوتي اخوتي
اممم بلعت ريكي
لعد تعالي بابا وصفحه وانطوت
اوك بابا من اكمل امتحانات
عفيه بنيتي
ماشي
يله محتاجه شي
لا
روحي ادرسي ع كال الاولى عالجامعه
اي بابا
عفيه بابا يله روحي الله وياج ارتاحي بابا
اوك سده وجريت نفس شكد خضنا سوه مصاعب واجتازيناها شكد تعبتنا الدنيا حقه يخاف عليه بس ماله حقد يذل انسان مالي حل غير اسامح وارجع لبيتي شتاقيت لحياتي ولاخوتي لساره وجدو وعمامي وعماتي لفرعنا كله ولزيد والبلي والله كبرت وصرت حتى بلي صار سنه ملازمته مبقه شي وتخلص السنه وابو ذيبه ماشفته بعد بقت عدي صورته بالعكال وي ابو واخو كلما احن افتحها محمود قل حجينا وياه لان كلش مشغول بدوراته ودراسته خطيه مجرد دقيقه بليل يخابر شونج شون كيفج ويروح وبلشنا امتحانات اني وزيزو نروح ونجي واليوم اخر يوم امتحانات جنت واثقه من احابتي بنسبه 98بالميه الطلاب كامو يجوني يسالون خطيه ومجنت اتردد بالحواب واالمساعده كم طالب حاول مصارحتي منطيت مجال احس روحي نوبات رجال بس وي ابو ذيبه مره والتقيت بزمن بنهايه الامتحان
ولج همام دتخابري
اممم يوميه هه
شونه
زين يخبل
عابت
لج والله احبه
حقج عيني اذا مخبل مال حضن ونوم
من طاح حضج ههه لج اني وين وانتي وين
كل الطرق تودي الى روما
هههه صح يمكن حرجع لان طولتها وعرضتها
كيفج
اللو محتاجني يوميه يخابر يتوسل
حقه
حتى البارحه زعل كال ماحاجيج بعد
خطيه والله شكد حقدت عليه بس اخذتي حقج منه
اي
باوعت وهي دتحجي شفت همام مبتسم متوجه ناحيتنا وهي ضهرها عليه ابتسمت
يعني انتي تحبي
اي اموت عليه
زين مترجعين لعد
اي راح ارجع فد اسبوع ارجع بعد
خو رجعي اليوم باوعت صار ورانا وجهه يضحك صاير دم ديسمع كالت
اوووف لو بيدي بطياره وانزل بصطحهم
هههههاي دباعي وراج بس ديري بالج عالسكر
شنو
التفتت خلت ايدها على حلكها كاللها
اني اجيج اذا متجين
تقدم بجراه حضنها بنص الكليه قوي العالم كامت تباوع اندار
عمي مرتي شبيكم ويضحك زوزو فشلت حيل وراحت اشرتلي باي ووجهه كام يضوي تباوعله لزمها قوي من ايدها وراحو الله يهنيج يااارب مشيت وطلعت من الكليه وصعدت وي ابو غايب. رجعت لبيت ماما اخذت هدومي جانت تباوع عليه من زاويه الغرفه وعيونها مليانه دموع تقربت منها حضنتها
حبيبتي وصديقتي كل خميس اجي ابات يمج والله اني هم صعبه عليه تره
ماما تعلقت بيج بس هاي ثمن اغلاطي
ماما حبيبتي مداصدك رجعتيلي حضنتها قوي كالت
اللو اريد قوه
اي ماما
ماريد ضعف عالاتفاق
لالا ابد
عفيه يله روحي ابوج منتضرج هسه
اوك طلعت وبيدي الحنطه بوست بيبي وطلعت وي ابو غايب بداخلي فرحه غريبه يمكن حنيت حيل لبابا وجدو وبيتنا والجهال وصلت للباب ونزلت فتحتها بابا والجهال مخليلهم مسبح بالطرمه وديسبحون رفع راسه شافني راسن برطم دار وجهه تقربت منه بثكل بقه داير وجهه ابتسمت
شونك بابا
فتح ايده طبيت بحضنه حضنني قوي وصوته اختنك
بابا متت ببعدج هيج تاذيني مو كضيناها سوه يوم بيومه
بقيت ساكته محجيت تذكرت حجي ماما
كلشي بوكته حلو كملي ومحد يكولج لا سلاحج بيدج حاربي بي شهادتج سلاحج
طبيت لخاله جنت ناطيتها خبر انه راح اجي خطيه ممخليه شي احبه ممسويته بوستها بصدق احسها تحبني من صدك ولا يوم مر ممتصله بيه او تكولي اخوتج يردوج خبلوني تحسيني انه اني مهمه اني اختهم الحبيره تعلقت بالحهال يجبيومها نمت يمهم اني وساره وللصبح نسواف سوينا كيكه وفتحنا فديو وي حوده ولليل طب زيدو جايب بليد لعبه رعب اههههه هنا تسكن العبرات وجيبه ماجيبه لل7الصبح منايمين ونمنا بعدما كمنا منركز وجدو يروح ويجي يرزلنا بابا نامو موزين كعدت ب1 الضهر على ريحه الدولمه ببيت جدو ساره دتسويها غسلت وجهي ورحت يمها
عيني عفاف شوكت كعدتي
هه حوده كعدني ب10
ليش شعده مغبش
كال الخميس نعقد باوعتلي ودمعت عينها
شبيج حتبجين عابت
تمنيت نفرح سوه اللو
لا افرحي وحدج من اتخرج مثلج افرح فرحتين شون انتي هسه
فدوه للعاقله.
لليل وبلشت الهوسه عماتي وعمامي ونسوانهم علمود مهر ساره ثاني يوم الصبح نزلنا السوك وتسوكنا بدلات لان عمو راد يسوي بالقاعه العرس كال بهذله بالبيت قاعه نسويه وراها الولد يطلع ويبقون البنات فرحت كلش اشترينا وجهزنا بهوستنا جانت ساره شايله هم
شبيج مبوزه
خاف نفشلهم واحنا اخر موده وهمه بسيطين خاف عيب
ها لا يابه شنو السالفه
مادري خايفه
دخليها على الله شكد تفكرين بكلشي
صح دكلها محمود
الو
ها عمري
ههه هاي اني
اي طبعا لعد اليسار
هياتني ياخبيث
ادري بيج يمها دااسمعج
هممم
ديله
اكولج ساره
ها عيني
اكولج يابا هاي اختي جهزت من كربلا جهازج وانه كتلهم اخاف مايعجبها
لااا محمود معليك اني اريد على ذوقهم
لا ماريد يضل شي بنفسج بويه
هههههه
ليش تضحكين
محمود انت عدي ويضل شي بتفسي صدك انت متعرف قدر روحك
الله لا يحرمني منج ساره انه قدري انبنه من صرتي الي
احبك
اموتن بيج يابويه روحي نعل شيب الشيطان
يااا شيب الشيطان
ساره روحي
جا خوش ههه
خرب النوب تحجي نفسنا جا شون بيج انه
اموتن بيك
روحي يابا العالم. اجت يمي بالعياده اريد اخيط الجرح مادام بنج
اوك بباي
هلو كلبي
سديته منج وجريت نفس مرتاح لو ماانتي اني مااصير بهالسعاده اللو انتي العرفتيني عليه
الله يهنيج يارب
ويهنيج انتي هم
مرت كم يوم واجه موعد المهر جوي الصبح ام فاطم وام محمود وبنات عماتهم وخالات ابو فاطم تفاجانا بكشختهم اللي ساره ارتاحت. وبلش المهر ومراسيمه واني يمكن فرحانه اكثر منها من كالت نعم انت وكيلي بجت باوعتلي وضمت وجهها هلهلو واخته حضنتها وامه هم واباوع خاله ام زيد بالزاويه وعيونه ورمت ادري شتسوون بالعرس لعد
كملنا ولبست البدله حبيبتي اباوع محمود من البرده منصي مبتسم كاعد يم عمو سلمان هناك وانخطف كلبي ابو ذيبه يمه لابس قاط يخبل وكشخته ومحدد السكسوكه جان ارقى واحد بيهم وجعني كلبي منصي راسه يحاجي نسيب محمود ابو فاطم وعباس كاعد بصف بابا ديسولفون بقيت صافنه كعدته وهيبته ترست صاله جدو تحول عمو عبدالرحمن كعد بصفه وبقو يسولفون بعدها وزعو الاكل والكيك وراحو وتحركت السيارت للقاعه اني مبنجه بالشقته ساره مخبوصه عني وزمن ماكو ومحمود مثبور وماما مو يمي المن احجي
يارب برد كلبي وفرحني بي وفرحه رغم كل الصار اجه بهيبه وطب وسند صاحبه صارت الحفله مال مهر بالقاعه وتونسنا حيل ساره ركصت بفرح بدلتها جانت تخبل زمردي والصدر دلع وخاله علبه الشال ومن جوه نفش المكياج زيتوني والحمره وردي ورفعه الشعر جانت اميره طالعه دخل محمود يلبسها الذهب احس. من شافها راد يطلع بس امه دفعته وصل يمها كال
وداير وجهه عنها امه صاحت بوسها من راسها يمه
تقرب باسها من راسها وغمض مثل اعراس الاتراك دمعت عينه اباوع دمعته نزلت رفعت راسها هي شافته باست راسه وايده تفاحانا بيها راسن دكو سلو ركصت وياه وهو منصي
حبيبي باوعني عادي عادي سويها،
والله اخجل بويه خليني اطلع مخازي من كرايبنا وكرايبج
لا فدوه جنت انتضر هاليوم بفارغ الصبر لخاطري،
لخاطرج بس جرها من خصرها بحركه سريعه وركصها برهاوه ايده وطوله اباوع عليهم متخبله عليهم شون حلوين وكلسا ضامها لصدره مهتم بعد فصل من الكل وكفو ولبيسها وطلع جان الذهب ثكيل نوعا ما . ومرتب وام فاطم لبستها ملاوي ثنين راح محمود واحنا ذبينا الحجاب وبقينا نركص لنهايه الحفله بس امي اتفرج مااعرف اركص كم حركه تعلمتها من بنات عمتي رغم مالي علاقه بيهم بس بالحفلات كلمن طلع خبرته خلصت الحفله وكلمن رجع لبيته واني لازمه فون زيد ميت مره عدت التصوير وهو نايم واوكف على ابو ذيبه بنفس موجوع قررو العرس وره شهر ومن فتحنا الحهاز جان شي ممتوقع احلى ملابس بقيت لليل يمها لحدماخابر اني انسحبت تركتهم وحدهم خطيه وبقيت اكلب بتلفون زيدو لحد مانعست ونمت ثاني يوم عمي كال
متجين ويايه عمو
والله عمو ياريت ضجت
نتايجج شوكت
عكبه
ديله حتى بعد يوميه تجين ويايه
خوش
واستلمت النتيجه ونجحت الاولى على قسمي بالتشريح والعملي بس بالفساجه لا اكو غيري احسن مني وبدت العطله وبديت دوام وي عمو من الصبح لليل هو يروح لعيادتهرالخاصه اني اضل بالمستشفى بس تطوعي اعتبرو لان بعدني ممتخرجه وبدعم من عمي كمت وياه وياه اشارك بس متعديت الخياط والقسطره والاعور يوم وره يوم حب الطب دخل نفسي اكثر وتمعنت تفاصيله بروحي كمت احب اساعد واحب اشتغل بامل رغم كم حاله وفاه بس قويت عن اول مره رغم احتاحيته بثاني مره هواي بس ملكيته ولا لكيت دمعي والحمد لله تجاوزت محنتي نوبات احس مالي مكان بالعاطفه بحياتي بعد اني وهبت حياتي لمهنتي بس من اتذكر الجنه الحنت بيها كلشي بيه يرجف حقه من ينشغل عني وميتصل بيه لان مهنتنا صعبه تاخذ كل الوكت بالذات بوكت الدراسه
جان بلسم يومي منار وكرار اللي كامو يطلردون والعب وياهم ومن يشوفوني ادرس يردون يكتبون مثلي وانطيهم ورقه وقلم وهناك تعلك بينهم اووو منخلص وخلص الشهر ومحمود تارك ساره فد نوب مشغول دراسه وشغل عياده ومستشفى جانت اغلب الوكت صافنه ومن اسالها تكول
دااشتاقله كلش اصبرها واكسر عليها اخته جابت والتهه اكثر بدت تزعل ومتخابر فجاه اتصل
الو
ها محمود
حبيبي ادري مقصر والله بس محضر مفاجاه الج وردتها تكمل يله امولج
بقيت سامته
كال
مكتيلي شنو
شنو
فتحت عيادتينالي والج
هاه كعدت عدل شنو كلت
اي حبيبي هذا الاخذني منج نسيبي داينني واشترين كاع وبنيتها شوي شوي سويتها عيادتين حتى اني وياج
مو انت هالسنه عدك امتياز عمري
اي يابا هو اداوم بالكفيل وي الواوي بس يرجع من الحرب انشاء الله وبعدها من ارجع منوالمشفى بالعياده وياج اربعه وفوك العصر نروح
تدري شكد احبك
مو بكدي بس سلره
ها حبيبي
بالبدايه حنتعب لان ممعروفين ولان ورانا دين نفكه مراح يخش فليجس بجيبي فقط من المستشفى نعيش لحد ماوفي دين ابو فاطم ذاك الىكت اكدر احر نفس
تدلل وياك وياك ونفكه
اموتن بيج
زين شغله لاخ
شنو
حبيبي عرسنا مو بقاعه تره
لالا عليش القاعه
بويه منج ومن حبج الجاي يزيد
ههه لا بس زفه
جا زين لعد عالموعد على2-2
يعني بعد يبوعين
اي
اييي محمود عبالي تاحل من شفتك ابتعدت
بويه انه انتضر جييتج يوم يوم تكوليلي اجل بويه غير شغل وبننه والله اديه راحت
سوده عليه انت مكتلي
تمنيت اخذج واسوف الفرحه بعينج بس ماكدرت اتحمل بعد
كلش انصدمت
يعني باحر لازم ابدي اجهز
ام بله استعجلي بويه
ماشي
ديله رايح انام تعبان موت
اوك
ماتنامين يمي
ها ههه شون
بس نفسج يكفي
اوووف حوده توقعت كمت متحبني
بويه انه حتى خطوبتي عماله لاحصلت حضن لاشمه لا استغفر الله والنوب سامته تريدني احجي بعد روحي بويه واستري علي
ههه اوك سديته منه ورحت ركض حجيت للبابا كيف وكال سبع يله وهاي فتحولج عياده وعمي الاجهزه مال تحليل بانواعها عليه هديه تخرجج
حبيبي فدوه لكلبك
اليسار- صدى صوت كلماتك يوجع يبعد روحي
مو عيون شط الفرات
يمه يوجعني حبها مثل النار
تلمسي بكان والي بالمثل
بكل كلمه وكل موقف بي كومه مشاعر توجع من اتذمرها بس بوكتها جانترمطيرتني ممشتاقلي محنيت لايدي لريحتي لو مكتفي بالشال وهل خلصدالعطر البي معقوله الحرب اخذتك مني ليوين يابو ذيبه ليوين مثل روج البحر نصعد وننزل بحبنا. فعلا دائره مغلقه
احساس الذكوره والصلابه باحساسي بعده موجود بس يمه اكون انثى كامله ذكرياتي وياك توجع اولها حجاب واخرها حجاب لزمت حجابه بيدي وشميته قوي ونمت ----
